| Library / Tipiṭaka / তিপিটক • Tipiṭaka / সারত্থদীপনী-টীকা • Sāratthadīpanī-ṭīkā |
৫. পাটিদেসনীযকণ্ডং (ভিক্খুনীৰিভঙ্গৰণ্ণনা)
5. Pāṭidesanīyakaṇḍaṃ (bhikkhunīvibhaṅgavaṇṇanā)
পাটিদেসনীযসিক্খাপদৰণ্ণনা
Pāṭidesanīyasikkhāpadavaṇṇanā
১২২৮. পাটিদেসনীযা নাম যে অট্ঠ ধম্মা সঙ্খেপেনেৰ সঙ্গহং আরুল়্হাতি সম্বন্ধো। পাল়িৰিনিমুত্তকেসূতি পাল়িযং অনাগতেসু সপ্পিআদীসু।
1228. Pāṭidesanīyā nāma ye aṭṭha dhammā saṅkhepeneva saṅgahaṃ āruḷhāti sambandho. Pāḷivinimuttakesūti pāḷiyaṃ anāgatesu sappiādīsu.
পাটিদেসনীযসিক্খাপদৰণ্ণনা নিট্ঠিতা।
Pāṭidesanīyasikkhāpadavaṇṇanā niṭṭhitā.
পাটিদেসনীযকণ্ডং নিট্ঠিতং।
Pāṭidesanīyakaṇḍaṃ niṭṭhitaṃ.
যে পন পঞ্চসত্ততি সেখিযা ধম্মা উদ্দিট্ঠা, যে চ তেসং অনন্তরা সত্তাধিকরণৰ্হযা ধম্মা উদ্দিট্ঠাতি সম্বন্ধো। তত্থ তেসন্তি তেসং সেখিযানং। সত্তাধিকরণৰ্হযাতি সত্তাধিকরণসমথসঙ্খাতা। তং অত্থৰিনিচ্ছযং তাদিসংযেৰ যস্মা ৰিদূ ৰদন্তীতি অত্থো।
Ye pana pañcasattati sekhiyā dhammā uddiṭṭhā, ye ca tesaṃ anantarā sattādhikaraṇavhayā dhammā uddiṭṭhāti sambandho. Tattha tesanti tesaṃ sekhiyānaṃ. Sattādhikaraṇavhayāti sattādhikaraṇasamathasaṅkhātā. Taṃ atthavinicchayaṃ tādisaṃyeva yasmā vidū vadantīti attho.
যথা নিট্ঠিতাতি সম্বন্ধো। সব্বাসৰপহং মগ্গন্তি সব্বাসৰৰিঘাতকং অরহত্তমগ্গং পত্ৰা সসন্তানে উপ্পাদেত্ৰা। পস্সন্তু নিব্বুতিন্তি মগ্গঞাণলোচনেন নিব্বানং সচ্ছিকরোন্তু, পপ্পোন্তূতি ৰা পাঠো। তত্থ নিব্বুতিন্তি খন্ধপরিনিব্বানং গহেতব্বং।
Yathā niṭṭhitāti sambandho. Sabbāsavapahaṃ magganti sabbāsavavighātakaṃ arahattamaggaṃ patvā sasantāne uppādetvā. Passantu nibbutinti maggañāṇalocanena nibbānaṃ sacchikarontu, pappontūti vā pāṭho. Tattha nibbutinti khandhaparinibbānaṃ gahetabbaṃ.
ইতি সমন্তপাসাদিকায ৰিনযট্ঠকথায সারত্থদীপনিযং।
Iti samantapāsādikāya vinayaṭṭhakathāya sāratthadīpaniyaṃ.
ভিক্খুনীৰিভঙ্গৰণ্ণনা নিট্ঠিতা।
Bhikkhunīvibhaṅgavaṇṇanā niṭṭhitā.
উভতোৰিভঙ্গট্ঠকথাৰণ্ণনা নিট্ঠিতা।
Ubhatovibhaṅgaṭṭhakathāvaṇṇanā niṭṭhitā.
পাচিত্তিযৰণ্ণনা নিট্ঠিতা।
Pācittiyavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / ভিক্খুনীৰিভঙ্গ • Bhikkhunīvibhaṅga / ১. পঠমপাটিদেসনীযসিক্খাপদং • 1. Paṭhamapāṭidesanīyasikkhāpadaṃ
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / ভিক্খুনীৰিভঙ্গ-অট্ঠকথা • Bhikkhunīvibhaṅga-aṭṭhakathā / পাটিদেসনীযসিক্খাপদৰণ্ণনা • Pāṭidesanīyasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / পাটিদেসনীযসিক্খাপদৰণ্ণনা • Pāṭidesanīyasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৫. পাটিদেসনীযসিক্খাপদ-অত্থযোজনা • 5. Pāṭidesanīyasikkhāpada-atthayojanā
