| Library / Tipiṭaka / తిపిటక • Tipiṭaka / సారత్థదీపనీ-టీకా • Sāratthadīpanī-ṭīkā |
౫. పాటిదేసనీయకణ్డం (భిక్ఖునీవిభఙ్గవణ్ణనా)
5. Pāṭidesanīyakaṇḍaṃ (bhikkhunīvibhaṅgavaṇṇanā)
పాటిదేసనీయసిక్ఖాపదవణ్ణనా
Pāṭidesanīyasikkhāpadavaṇṇanā
౧౨౨౮. పాటిదేసనీయా నామ యే అట్ఠ ధమ్మా సఙ్ఖేపేనేవ సఙ్గహం ఆరుళ్హాతి సమ్బన్ధో. పాళివినిముత్తకేసూతి పాళియం అనాగతేసు సప్పిఆదీసు.
1228. Pāṭidesanīyā nāma ye aṭṭha dhammā saṅkhepeneva saṅgahaṃ āruḷhāti sambandho. Pāḷivinimuttakesūti pāḷiyaṃ anāgatesu sappiādīsu.
పాటిదేసనీయసిక్ఖాపదవణ్ణనా నిట్ఠితా.
Pāṭidesanīyasikkhāpadavaṇṇanā niṭṭhitā.
పాటిదేసనీయకణ్డం నిట్ఠితం.
Pāṭidesanīyakaṇḍaṃ niṭṭhitaṃ.
యే పన పఞ్చసత్తతి సేఖియా ధమ్మా ఉద్దిట్ఠా, యే చ తేసం అనన్తరా సత్తాధికరణవ్హయా ధమ్మా ఉద్దిట్ఠాతి సమ్బన్ధో. తత్థ తేసన్తి తేసం సేఖియానం. సత్తాధికరణవ్హయాతి సత్తాధికరణసమథసఙ్ఖాతా. తం అత్థవినిచ్ఛయం తాదిసంయేవ యస్మా విదూ వదన్తీతి అత్థో.
Ye pana pañcasattati sekhiyā dhammā uddiṭṭhā, ye ca tesaṃ anantarā sattādhikaraṇavhayā dhammā uddiṭṭhāti sambandho. Tattha tesanti tesaṃ sekhiyānaṃ. Sattādhikaraṇavhayāti sattādhikaraṇasamathasaṅkhātā. Taṃ atthavinicchayaṃ tādisaṃyeva yasmā vidū vadantīti attho.
యథా నిట్ఠితాతి సమ్బన్ధో. సబ్బాసవపహం మగ్గన్తి సబ్బాసవవిఘాతకం అరహత్తమగ్గం పత్వా ససన్తానే ఉప్పాదేత్వా. పస్సన్తు నిబ్బుతిన్తి మగ్గఞాణలోచనేన నిబ్బానం సచ్ఛికరోన్తు, పప్పోన్తూతి వా పాఠో. తత్థ నిబ్బుతిన్తి ఖన్ధపరినిబ్బానం గహేతబ్బం.
Yathā niṭṭhitāti sambandho. Sabbāsavapahaṃ magganti sabbāsavavighātakaṃ arahattamaggaṃ patvā sasantāne uppādetvā. Passantu nibbutinti maggañāṇalocanena nibbānaṃ sacchikarontu, pappontūti vā pāṭho. Tattha nibbutinti khandhaparinibbānaṃ gahetabbaṃ.
ఇతి సమన్తపాసాదికాయ వినయట్ఠకథాయ సారత్థదీపనియం.
Iti samantapāsādikāya vinayaṭṭhakathāya sāratthadīpaniyaṃ.
భిక్ఖునీవిభఙ్గవణ్ణనా నిట్ఠితా.
Bhikkhunīvibhaṅgavaṇṇanā niṭṭhitā.
ఉభతోవిభఙ్గట్ఠకథావణ్ణనా నిట్ఠితా.
Ubhatovibhaṅgaṭṭhakathāvaṇṇanā niṭṭhitā.
పాచిత్తియవణ్ణనా నిట్ఠితా.
Pācittiyavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / భిక్ఖునీవిభఙ్గ • Bhikkhunīvibhaṅga / ౧. పఠమపాటిదేసనీయసిక్ఖాపదం • 1. Paṭhamapāṭidesanīyasikkhāpadaṃ
అట్ఠకథా • Aṭṭhakathā / వినయపిటక (అట్ఠకథా) • Vinayapiṭaka (aṭṭhakathā) / భిక్ఖునీవిభఙ్గ-అట్ఠకథా • Bhikkhunīvibhaṅga-aṭṭhakathā / పాటిదేసనీయసిక్ఖాపదవణ్ణనా • Pāṭidesanīyasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / పాటిదేసనీయసిక్ఖాపదవణ్ణనా • Pāṭidesanīyasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ౫. పాటిదేసనీయసిక్ఖాపద-అత్థయోజనా • 5. Pāṭidesanīyasikkhāpada-atthayojanā
