| Library / Tipiṭaka / ติปิฎก • Tipiṭaka / ภิกฺขุนีวิภงฺค-อฎฺฐกถา • Bhikkhunīvibhaṅga-aṭṭhakathā |
๕. ปาฎิเทสนียกณฺฑํ (ภิกฺขุนีวิภงฺควณฺณนา)
5. Pāṭidesanīyakaṇḍaṃ (bhikkhunīvibhaṅgavaṇṇanā)
ปาฎิเทสนียสิกฺขาปทวณฺณนา
Pāṭidesanīyasikkhāpadavaṇṇanā
ปาฎิเทสนียา นาม, ขุทฺทกานํ อนนฺตรา;
Pāṭidesanīyā nāma, khuddakānaṃ anantarā;
เย ธมฺมา อฎฺฐ อารุฬฺหา, สเงฺขเปเนว สงฺคหํ;
Ye dhammā aṭṭha āruḷhā, saṅkhepeneva saṅgahaṃ;
เตสํ ปวตฺตเต เอสา, สเงฺขเปเนว วณฺณนาฯ
Tesaṃ pavattate esā, saṅkhepeneva vaṇṇanā.
๑๒๒๘. ยานิ หิ เอตฺถ ปาฬิยํ สปฺปิเตลาทีนิ นิทฺทิฎฺฐานิ, ตานิเยว วิญฺญาเปตฺวา ภุญฺชนฺติยา ปาฎิเทสนียาฯ ปาฬิวินิมุตฺตเกสุ ปน สเพฺพสุ ทุกฺกฎํฯ เสสเมตฺถ อุตฺตานเมวฯ อฎฺฐวิธมฺปิ ปเนตํ ปาฎิเทสนียํ จตุสมุฎฺฐานํ – กายโต กายวาจโต กายจิตฺตโต กายวาจาจิตฺตโต จ สมุฎฺฐาติ, กิริยํ โนสญฺญาวิโมกฺขํ, อจิตฺตกํ, ปณฺณตฺติวชฺชํ, กายกมฺมํ, วจีกมฺมํ, ติจิตฺตํ, ติเวทนนฺติฯ
1228. Yāni hi ettha pāḷiyaṃ sappitelādīni niddiṭṭhāni, tāniyeva viññāpetvā bhuñjantiyā pāṭidesanīyā. Pāḷivinimuttakesu pana sabbesu dukkaṭaṃ. Sesamettha uttānameva. Aṭṭhavidhampi panetaṃ pāṭidesanīyaṃ catusamuṭṭhānaṃ – kāyato kāyavācato kāyacittato kāyavācācittato ca samuṭṭhāti, kiriyaṃ nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
ปาฎิเทสนียวณฺณนา นิฎฺฐิตาฯ
Pāṭidesanīyavaṇṇanā niṭṭhitā.
ปาฎิเทสนียกณฺฑํ นิฎฺฐิตํฯ
Pāṭidesanīyakaṇḍaṃ niṭṭhitaṃ.
เสขิยา ปน อุทฺทิฎฺฐา, เย ธมฺมา ปญฺจสตฺตติ;
Sekhiyā pana uddiṭṭhā, ye dhammā pañcasattati;
เตสํ อนนฺตราเยว, สตฺตาธิกรณวฺหยาฯ
Tesaṃ anantarāyeva, sattādhikaraṇavhayā.
มหาวิภเงฺค โย วุโตฺต, เตสํ อตฺถวินิจฺฉโย;
Mahāvibhaṅge yo vutto, tesaṃ atthavinicchayo;
ภิกฺขุนีนํ วิภเงฺคปิ, ตาทิสํเยว ตํ วิทูฯ
Bhikkhunīnaṃ vibhaṅgepi, tādisaṃyeva taṃ vidū.
ยสฺมา ตสฺมา วิสุํ เตสํ, ธมฺมานํ อตฺถวณฺณนา;
Yasmā tasmā visuṃ tesaṃ, dhammānaṃ atthavaṇṇanā;
น วุตฺตา ตตฺถ ยา วุตฺตา, วุตฺตาเยว หิ สา อิธาติฯ
Na vuttā tattha yā vuttā, vuttāyeva hi sā idhāti.
สมนฺตปาสาทิกาย วินยสํวณฺณนาย
Samantapāsādikāya vinayasaṃvaṇṇanāya
ภิกฺขุนีวิภงฺควณฺณนา นิฎฺฐิตาฯ
Bhikkhunīvibhaṅgavaṇṇanā niṭṭhitā.
สพฺพาสวปหํ เอสา, นิฎฺฐิตา วณฺณนา ยถา;
Sabbāsavapahaṃ esā, niṭṭhitā vaṇṇanā yathā;
สพฺพาสวปหํ มคฺคํ, ปตฺวา ปสฺสนฺตุ นิพฺพุตินฺติฯ
Sabbāsavapahaṃ maggaṃ, patvā passantu nibbutinti.
อุภโตวิภงฺคฎฺฐกถา นิฎฺฐิตาฯ
Ubhatovibhaṅgaṭṭhakathā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ภิกฺขุนีวิภงฺค • Bhikkhunīvibhaṅga / ๑. ปฐมปาฎิเทสนียสิกฺขาปทํ • 1. Paṭhamapāṭidesanīyasikkhāpadaṃ
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ปาฎิเทสนียสิกฺขาปทวณฺณนา • Pāṭidesanīyasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ปาฎิเทสนียสิกฺขาปทวณฺณนา • Pāṭidesanīyasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๕. ปาฎิเทสนียสิกฺขาปท-อตฺถโยชนา • 5. Pāṭidesanīyasikkhāpada-atthayojanā
