| Library / Tipiṭaka / ติปิฎก • Tipiṭaka / สารตฺถทีปนี-ฎีกา • Sāratthadīpanī-ṭīkā |
๖. ปาฎิเทสนียกณฺฑํ
6. Pāṭidesanīyakaṇḍaṃ
ปาฎิเทสนียสิกฺขาปทวณฺณนา
Pāṭidesanīyasikkhāpadavaṇṇanā
๕๕๒. ปาฎิเทสนีเยสุ ปฐเม ‘‘คารยฺหํ อาวุโสติอาทิ ปฎิเทเสตพฺพาการทสฺสน’’นฺติ วจนโต ปาฬิยํ อาคตนเยเนว อาปตฺติ เทเสตพฺพาฯ อสปฺปายนฺติ สคฺคโมกฺขานํ อหิตํ อนนุกูลํฯ เสสเมตฺถ อุตฺตานเมวฯ ปริปุณฺณูปสมฺปนฺนตา, อญฺญาติกตา, อนฺตรฆเร ฐิตาย หตฺถโต สหตฺถา ปฎิคฺคหณํ, ยาวกาลิกตา, อโชฺฌหรณนฺติ อิมานิ ปเนตฺถ ปญฺจ องฺคานิฯ
552. Pāṭidesanīyesu paṭhame ‘‘gārayhaṃ āvusotiādi paṭidesetabbākāradassana’’nti vacanato pāḷiyaṃ āgatanayeneva āpatti desetabbā. Asappāyanti saggamokkhānaṃ ahitaṃ ananukūlaṃ. Sesamettha uttānameva. Paripuṇṇūpasampannatā, aññātikatā, antaraghare ṭhitāya hatthato sahatthā paṭiggahaṇaṃ, yāvakālikatā, ajjhoharaṇanti imāni panettha pañca aṅgāni.
๕๕๗-๕๖๒. ทุติยตติยจตุเตฺถสุ นตฺถิ วตฺตพฺพํ, อเงฺคสุ ปน ทุติเย ปริปุณฺณูปสมฺปนฺนตา, ปญฺจโภชนตา, อนฺตรฆเร ฐิตาย อนุญฺญาตปฺปการโต อญฺญถา โวสาสนา, อนิวารณา, อโชฺฌหาโรติ อิมานิ ปญฺจ องฺคานิฯ
557-562. Dutiyatatiyacatutthesu natthi vattabbaṃ, aṅgesu pana dutiye paripuṇṇūpasampannatā, pañcabhojanatā, antaraghare ṭhitāya anuññātappakārato aññathā vosāsanā, anivāraṇā, ajjhohāroti imāni pañca aṅgāni.
ตติเย เสกฺขสมฺมตตา, ปุเพฺพ อนิมนฺติตตา, อคิลานตา, ฆรูปจาโรกฺกมนํ, ฐเปตฺวา นิจฺจภตฺตาทีนิ อญฺญํ อามิสํ คเหตฺวา ภุญฺชนนฺติ อิมานิ ปญฺจ องฺคานิฯ
Tatiye sekkhasammatatā, pubbe animantitatā, agilānatā, gharūpacārokkamanaṃ, ṭhapetvā niccabhattādīni aññaṃ āmisaṃ gahetvā bhuñjananti imāni pañca aṅgāni.
จตุเตฺถ ยถาวุตฺตอารญฺญกเสนาสนตา, ยาวกาลิกสฺส อตตฺถชาตกตา, อคิลานตา, อคิลานาวเสสกตา, อปฺปฎิสํวิทิตตา, อชฺฌาราเม ปฎิคฺคหณํ, อโชฺฌหรณนฺติ อิมานิ สตฺต องฺคานิฯ
Catutthe yathāvuttaāraññakasenāsanatā, yāvakālikassa atatthajātakatā, agilānatā, agilānāvasesakatā, appaṭisaṃviditatā, ajjhārāme paṭiggahaṇaṃ, ajjhoharaṇanti imāni satta aṅgāni.
ปาฎิเทสนียสิกฺขาปทวณฺณนา นิฎฺฐิตาฯ
Pāṭidesanīyasikkhāpadavaṇṇanā niṭṭhitā.
ปาฎิเทสนียกณฺฑํ นิฎฺฐิตํฯ
Pāṭidesanīyakaṇḍaṃ niṭṭhitaṃ.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวิภงฺค • Mahāvibhaṅga
๑. ปฐมปาฎิเทสนียสิกฺขาปทํ • 1. Paṭhamapāṭidesanīyasikkhāpadaṃ
๒. ทุติยปาฎิเทสนียสิกฺขาปทํ • 2. Dutiyapāṭidesanīyasikkhāpadaṃ
๓. ตติยปาฎิเทสนียสิกฺขาปทํ • 3. Tatiyapāṭidesanīyasikkhāpadaṃ
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวิภงฺค-อฎฺฐกถา • Mahāvibhaṅga-aṭṭhakathā
๑. ปฐมปาฎิเทสนียสิกฺขาปทวณฺณนา • 1. Paṭhamapāṭidesanīyasikkhāpadavaṇṇanā
๒. ทุติยปาฎิเทสนียสิกฺขาปทวณฺณนา • 2. Dutiyapāṭidesanīyasikkhāpadavaṇṇanā
๓. ตติยปาฎิเทสนียสิกฺขาปทวณฺณนา • 3. Tatiyapāṭidesanīyasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ๒. ทุติยปาฎิเทสนียสิกฺขาปทวณฺณนา • 2. Dutiyapāṭidesanīyasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ๑. ปฐมปาฎิเทสนียสิกฺขาปทวณฺณนา • 1. Paṭhamapāṭidesanīyasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi
๑. ปฐมปาฎิเทสนียสิกฺขาปท-อตฺถโยชนา • 1. Paṭhamapāṭidesanīyasikkhāpada-atthayojanā
๒. ทุติยปาฎิเทสนียสิกฺขาปทํ • 2. Dutiyapāṭidesanīyasikkhāpadaṃ
๓. ตติยปาฎิเทสนียสิกฺขาปทํ • 3. Tatiyapāṭidesanīyasikkhāpadaṃ
