| Library / Tipiṭaka / တိပိဋက • Tipiṭaka / သာရတ္ထဒီပနီ-ဋီကာ • Sāratthadīpanī-ṭīkā |
၆. ပာဋိဒေသနီယကဏ္ဍံ
6. Pāṭidesanīyakaṇḍaṃ
ပာဋိဒေသနီယသိက္ခာပဒဝဏ္ဏနာ
Pāṭidesanīyasikkhāpadavaṇṇanā
၅၅၂. ပာဋိဒေသနီယေသု ပဌမေ ‘‘ဂာရယ္ဟံ အာဝုသောတိအာဒိ ပဋိဒေသေတဗ္ဗာကာရဒသ္သန’’န္တိ ဝစနတော ပာဠိယံ အာဂတနယေနေဝ အာပတ္တိ ဒေသေတဗ္ဗာ။ အသပ္ပာယန္တိ သဂ္ဂမောက္ခာနံ အဟိတံ အနနုကူလံ။ သေသမေတ္ထ ဥတ္တာနမေဝ။ ပရိပုဏ္ဏူပသမ္ပန္နတာ, အညာတိကတာ, အန္တရဃရေ ဌိတာယ ဟတ္ထတော သဟတ္ထာ ပဋိဂ္ဂဟဏံ, ယာဝကာလိကတာ, အဇ္ဈောဟရဏန္တိ ဣမာနိ ပနေတ္ထ ပဉ္စ အင္ဂာနိ။
552. Pāṭidesanīyesu paṭhame ‘‘gārayhaṃ āvusotiādi paṭidesetabbākāradassana’’nti vacanato pāḷiyaṃ āgatanayeneva āpatti desetabbā. Asappāyanti saggamokkhānaṃ ahitaṃ ananukūlaṃ. Sesamettha uttānameva. Paripuṇṇūpasampannatā, aññātikatā, antaraghare ṭhitāya hatthato sahatthā paṭiggahaṇaṃ, yāvakālikatā, ajjhoharaṇanti imāni panettha pañca aṅgāni.
၅၅၇-၅၆၂. ဒုတိယတတိယစတုတ္ထေသု နတ္ထိ ဝတ္တဗ္ဗံ, အင္ဂေသု ပန ဒုတိယေ ပရိပုဏ္ဏူပသမ္ပန္နတာ, ပဉ္စဘောဇနတာ, အန္တရဃရေ ဌိတာယ အနုညာတပ္ပကာရတော အညထာ ဝောသာသနာ, အနိဝာရဏာ, အဇ္ဈောဟာရောတိ ဣမာနိ ပဉ္စ အင္ဂာနိ။
557-562. Dutiyatatiyacatutthesu natthi vattabbaṃ, aṅgesu pana dutiye paripuṇṇūpasampannatā, pañcabhojanatā, antaraghare ṭhitāya anuññātappakārato aññathā vosāsanā, anivāraṇā, ajjhohāroti imāni pañca aṅgāni.
တတိယေ သေက္ခသမ္မတတာ, ပုဗ္ဗေ အနိမန္တိတတာ, အဂိလာနတာ, ဃရူပစာရောက္ကမနံ, ဌပေတ္ဝာ နိစ္စဘတ္တာဒီနိ အညံ အာမိသံ ဂဟေတ္ဝာ ဘုဉ္ဇနန္တိ ဣမာနိ ပဉ္စ အင္ဂာနိ။
Tatiye sekkhasammatatā, pubbe animantitatā, agilānatā, gharūpacārokkamanaṃ, ṭhapetvā niccabhattādīni aññaṃ āmisaṃ gahetvā bhuñjananti imāni pañca aṅgāni.
စတုတ္ထေ ယထာဝုတ္တအာရညကသေနာသနတာ, ယာဝကာလိကသ္သ အတတ္ထဇာတကတာ, အဂိလာနတာ, အဂိလာနာဝသေသကတာ, အပ္ပဋိသံဝိဒိတတာ, အဇ္ဈာရာမေ ပဋိဂ္ဂဟဏံ, အဇ္ဈောဟရဏန္တိ ဣမာနိ သတ္တ အင္ဂာနိ။
Catutthe yathāvuttaāraññakasenāsanatā, yāvakālikassa atatthajātakatā, agilānatā, agilānāvasesakatā, appaṭisaṃviditatā, ajjhārāme paṭiggahaṇaṃ, ajjhoharaṇanti imāni satta aṅgāni.
ပာဋိဒေသနီယသိက္ခာပဒဝဏ္ဏနာ နိဋ္ဌိတာ။
Pāṭidesanīyasikkhāpadavaṇṇanā niṭṭhitā.
ပာဋိဒေသနီယကဏ္ဍံ နိဋ္ဌိတံ။
Pāṭidesanīyakaṇḍaṃ niṭṭhitaṃ.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga
၁. ပဌမပာဋိဒေသနီယသိက္ခာပဒံ • 1. Paṭhamapāṭidesanīyasikkhāpadaṃ
၂. ဒုတိယပာဋိဒေသနီယသိက္ခာပဒံ • 2. Dutiyapāṭidesanīyasikkhāpadaṃ
၃. တတိယပာဋိဒေသနီယသိက္ခာပဒံ • 3. Tatiyapāṭidesanīyasikkhāpadaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā
၁. ပဌမပာဋိဒေသနီယသိက္ခာပဒဝဏ္ဏနာ • 1. Paṭhamapāṭidesanīyasikkhāpadavaṇṇanā
၂. ဒုတိယပာဋိဒေသနီယသိက္ခာပဒဝဏ္ဏနာ • 2. Dutiyapāṭidesanīyasikkhāpadavaṇṇanā
၃. တတိယပာဋိဒေသနီယသိက္ခာပဒဝဏ္ဏနာ • 3. Tatiyapāṭidesanīyasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၂. ဒုတိယပာဋိဒေသနီယသိက္ခာပဒဝဏ္ဏနာ • 2. Dutiyapāṭidesanīyasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၁. ပဌမပာဋိဒေသနီယသိက္ခာပဒဝဏ္ဏနာ • 1. Paṭhamapāṭidesanīyasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi
၁. ပဌမပာဋိဒေသနီယသိက္ခာပဒ-အတ္ထယောဇနာ • 1. Paṭhamapāṭidesanīyasikkhāpada-atthayojanā
၂. ဒုတိယပာဋိဒေသနီယသိက္ခာပဒံ • 2. Dutiyapāṭidesanīyasikkhāpadaṃ
၃. တတိယပာဋိဒေသနီယသိက္ခာပဒံ • 3. Tatiyapāṭidesanīyasikkhāpadaṃ
