| Library / Tipiṭaka / တိပိဋက • Tipiṭaka / သာရတ္ထဒီပနီ-ဋီကာ • Sāratthadīpanī-ṭīkā |
၅. ပာဋိဒေသနီယကဏ္ဍံ (ဘိက္ခုနီဝိဘင္ဂဝဏ္ဏနာ)
5. Pāṭidesanīyakaṇḍaṃ (bhikkhunīvibhaṅgavaṇṇanā)
ပာဋိဒေသနီယသိက္ခာပဒဝဏ္ဏနာ
Pāṭidesanīyasikkhāpadavaṇṇanā
၁၂၂၈. ပာဋိဒေသနီယာ နာမ ယေ အဋ္ဌ ဓမ္မာ သင္ခေပေနေဝ သင္ဂဟံ အာရုဠ္ဟာတိ သမ္ဗန္ဓော။ ပာဠိဝိနိမုတ္တကေသူတိ ပာဠိယံ အနာဂတေသု သပ္ပိအာဒီသု။
1228. Pāṭidesanīyā nāma ye aṭṭha dhammā saṅkhepeneva saṅgahaṃ āruḷhāti sambandho. Pāḷivinimuttakesūti pāḷiyaṃ anāgatesu sappiādīsu.
ပာဋိဒေသနီယသိက္ခာပဒဝဏ္ဏနာ နိဋ္ဌိတာ။
Pāṭidesanīyasikkhāpadavaṇṇanā niṭṭhitā.
ပာဋိဒေသနီယကဏ္ဍံ နိဋ္ဌိတံ။
Pāṭidesanīyakaṇḍaṃ niṭṭhitaṃ.
ယေ ပန ပဉ္စသတ္တတိ သေခိယာ ဓမ္မာ ဥဒ္ဒိဋ္ဌာ, ယေ စ တေသံ အနန္တရာ သတ္တာဓိကရဏဝ္ဟယာ ဓမ္မာ ဥဒ္ဒိဋ္ဌာတိ သမ္ဗန္ဓော။ တတ္ထ တေသန္တိ တေသံ သေခိယာနံ။ သတ္တာဓိကရဏဝ္ဟယာတိ သတ္တာဓိကရဏသမထသင္ခာတာ။ တံ အတ္ထဝိနိစ္ဆယံ တာဒိသံယေဝ ယသ္မာ ဝိဒူ ဝဒန္တီတိ အတ္ထော။
Ye pana pañcasattati sekhiyā dhammā uddiṭṭhā, ye ca tesaṃ anantarā sattādhikaraṇavhayā dhammā uddiṭṭhāti sambandho. Tattha tesanti tesaṃ sekhiyānaṃ. Sattādhikaraṇavhayāti sattādhikaraṇasamathasaṅkhātā. Taṃ atthavinicchayaṃ tādisaṃyeva yasmā vidū vadantīti attho.
ယထာ နိဋ္ဌိတာတိ သမ္ဗန္ဓော။ သဗ္ဗာသဝပဟံ မဂ္ဂန္တိ သဗ္ဗာသဝဝိဃာတကံ အရဟတ္တမဂ္ဂံ ပတ္ဝာ သသန္တာနေ ဥပ္ပာဒေတ္ဝာ။ ပသ္သန္တု နိဗ္ဗုတိန္တိ မဂ္ဂဉာဏလောစနေန နိဗ္ဗာနံ သစ္ဆိကရောန္တု, ပပ္ပောန္တူတိ ဝာ ပာဌော။ တတ္ထ နိဗ္ဗုတိန္တိ ခန္ဓပရိနိဗ္ဗာနံ ဂဟေတဗ္ဗံ။
Yathā niṭṭhitāti sambandho. Sabbāsavapahaṃ magganti sabbāsavavighātakaṃ arahattamaggaṃ patvā sasantāne uppādetvā. Passantu nibbutinti maggañāṇalocanena nibbānaṃ sacchikarontu, pappontūti vā pāṭho. Tattha nibbutinti khandhaparinibbānaṃ gahetabbaṃ.
ဣတိ သမန္တပာသာဒိကာယ ဝိနယဋ္ဌကထာယ သာရတ္ထဒီပနိယံ။
Iti samantapāsādikāya vinayaṭṭhakathāya sāratthadīpaniyaṃ.
ဘိက္ခုနီဝိဘင္ဂဝဏ္ဏနာ နိဋ္ဌိတာ။
Bhikkhunīvibhaṅgavaṇṇanā niṭṭhitā.
ဥဘတောဝိဘင္ဂဋ္ဌကထာဝဏ္ဏနာ နိဋ္ဌိတာ။
Ubhatovibhaṅgaṭṭhakathāvaṇṇanā niṭṭhitā.
ပာစိတ္တိယဝဏ္ဏနာ နိဋ္ဌိတာ။
Pācittiyavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ဘိက္ခုနီဝိဘင္ဂ • Bhikkhunīvibhaṅga / ၁. ပဌမပာဋိဒေသနီယသိက္ခာပဒံ • 1. Paṭhamapāṭidesanīyasikkhāpadaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ဘိက္ခုနီဝိဘင္ဂ-အဋ္ဌကထာ • Bhikkhunīvibhaṅga-aṭṭhakathā / ပာဋိဒေသနီယသိက္ခာပဒဝဏ္ဏနာ • Pāṭidesanīyasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ပာဋိဒေသနီယသိက္ခာပဒဝဏ္ဏနာ • Pāṭidesanīyasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၅. ပာဋိဒေသနီယသိက္ခာပဒ-အတ္ထယောဇနာ • 5. Pāṭidesanīyasikkhāpada-atthayojanā
