| Library / Tipiṭaka / ತಿಪಿಟಕ • Tipiṭaka / ಭಿಕ್ಖುನೀವಿಭಙ್ಗ-ಅಟ್ಠಕಥಾ • Bhikkhunīvibhaṅga-aṭṭhakathā |
೫. ಪಾಟಿದೇಸನೀಯಕಣ್ಡಂ (ಭಿಕ್ಖುನೀವಿಭಙ್ಗವಣ್ಣನಾ)
5. Pāṭidesanīyakaṇḍaṃ (bhikkhunīvibhaṅgavaṇṇanā)
ಪಾಟಿದೇಸನೀಯಸಿಕ್ಖಾಪದವಣ್ಣನಾ
Pāṭidesanīyasikkhāpadavaṇṇanā
ಪಾಟಿದೇಸನೀಯಾ ನಾಮ, ಖುದ್ದಕಾನಂ ಅನನ್ತರಾ।
Pāṭidesanīyā nāma, khuddakānaṃ anantarā;
ಯೇ ಧಮ್ಮಾ ಅಟ್ಠ ಆರುಳ್ಹಾ, ಸಙ್ಖೇಪೇನೇವ ಸಙ್ಗಹಂ।
Ye dhammā aṭṭha āruḷhā, saṅkhepeneva saṅgahaṃ;
ತೇಸಂ ಪವತ್ತತೇ ಏಸಾ, ಸಙ್ಖೇಪೇನೇವ ವಣ್ಣನಾ॥
Tesaṃ pavattate esā, saṅkhepeneva vaṇṇanā.
೧೨೨೮. ಯಾನಿ ಹಿ ಏತ್ಥ ಪಾಳಿಯಂ ಸಪ್ಪಿತೇಲಾದೀನಿ ನಿದ್ದಿಟ್ಠಾನಿ, ತಾನಿಯೇವ ವಿಞ್ಞಾಪೇತ್ವಾ ಭುಞ್ಜನ್ತಿಯಾ ಪಾಟಿದೇಸನೀಯಾ। ಪಾಳಿವಿನಿಮುತ್ತಕೇಸು ಪನ ಸಬ್ಬೇಸು ದುಕ್ಕಟಂ। ಸೇಸಮೇತ್ಥ ಉತ್ತಾನಮೇವ। ಅಟ್ಠವಿಧಮ್ಪಿ ಪನೇತಂ ಪಾಟಿದೇಸನೀಯಂ ಚತುಸಮುಟ್ಠಾನಂ – ಕಾಯತೋ ಕಾಯವಾಚತೋ ಕಾಯಚಿತ್ತತೋ ಕಾಯವಾಚಾಚಿತ್ತತೋ ಚ ಸಮುಟ್ಠಾತಿ, ಕಿರಿಯಂ ನೋಸಞ್ಞಾವಿಮೋಕ್ಖಂ, ಅಚಿತ್ತಕಂ, ಪಣ್ಣತ್ತಿವಜ್ಜಂ, ಕಾಯಕಮ್ಮಂ, ವಚೀಕಮ್ಮಂ, ತಿಚಿತ್ತಂ, ತಿವೇದನನ್ತಿ।
1228. Yāni hi ettha pāḷiyaṃ sappitelādīni niddiṭṭhāni, tāniyeva viññāpetvā bhuñjantiyā pāṭidesanīyā. Pāḷivinimuttakesu pana sabbesu dukkaṭaṃ. Sesamettha uttānameva. Aṭṭhavidhampi panetaṃ pāṭidesanīyaṃ catusamuṭṭhānaṃ – kāyato kāyavācato kāyacittato kāyavācācittato ca samuṭṭhāti, kiriyaṃ nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
ಪಾಟಿದೇಸನೀಯವಣ್ಣನಾ ನಿಟ್ಠಿತಾ।
Pāṭidesanīyavaṇṇanā niṭṭhitā.
ಪಾಟಿದೇಸನೀಯಕಣ್ಡಂ ನಿಟ್ಠಿತಂ।
Pāṭidesanīyakaṇḍaṃ niṭṭhitaṃ.
ಸೇಖಿಯಾ ಪನ ಉದ್ದಿಟ್ಠಾ, ಯೇ ಧಮ್ಮಾ ಪಞ್ಚಸತ್ತತಿ।
Sekhiyā pana uddiṭṭhā, ye dhammā pañcasattati;
ತೇಸಂ ಅನನ್ತರಾಯೇವ, ಸತ್ತಾಧಿಕರಣವ್ಹಯಾ॥
Tesaṃ anantarāyeva, sattādhikaraṇavhayā.
ಮಹಾವಿಭಙ್ಗೇ ಯೋ ವುತ್ತೋ, ತೇಸಂ ಅತ್ಥವಿನಿಚ್ಛಯೋ।
Mahāvibhaṅge yo vutto, tesaṃ atthavinicchayo;
ಭಿಕ್ಖುನೀನಂ ವಿಭಙ್ಗೇಪಿ, ತಾದಿಸಂಯೇವ ತಂ ವಿದೂ॥
Bhikkhunīnaṃ vibhaṅgepi, tādisaṃyeva taṃ vidū.
ಯಸ್ಮಾ ತಸ್ಮಾ ವಿಸುಂ ತೇಸಂ, ಧಮ್ಮಾನಂ ಅತ್ಥವಣ್ಣನಾ।
Yasmā tasmā visuṃ tesaṃ, dhammānaṃ atthavaṇṇanā;
ನ ವುತ್ತಾ ತತ್ಥ ಯಾ ವುತ್ತಾ, ವುತ್ತಾಯೇವ ಹಿ ಸಾ ಇಧಾತಿ॥
Na vuttā tattha yā vuttā, vuttāyeva hi sā idhāti.
ಸಮನ್ತಪಾಸಾದಿಕಾಯ ವಿನಯಸಂವಣ್ಣನಾಯ
Samantapāsādikāya vinayasaṃvaṇṇanāya
ಭಿಕ್ಖುನೀವಿಭಙ್ಗವಣ್ಣನಾ ನಿಟ್ಠಿತಾ।
Bhikkhunīvibhaṅgavaṇṇanā niṭṭhitā.
ಸಬ್ಬಾಸವಪಹಂ ಏಸಾ, ನಿಟ್ಠಿತಾ ವಣ್ಣನಾ ಯಥಾ।
Sabbāsavapahaṃ esā, niṭṭhitā vaṇṇanā yathā;
ಸಬ್ಬಾಸವಪಹಂ ಮಗ್ಗಂ, ಪತ್ವಾ ಪಸ್ಸನ್ತು ನಿಬ್ಬುತಿನ್ತಿ॥
Sabbāsavapahaṃ maggaṃ, patvā passantu nibbutinti.
ಉಭತೋವಿಭಙ್ಗಟ್ಠಕಥಾ ನಿಟ್ಠಿತಾ।
Ubhatovibhaṅgaṭṭhakathā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಭಿಕ್ಖುನೀವಿಭಙ್ಗ • Bhikkhunīvibhaṅga / ೧. ಪಠಮಪಾಟಿದೇಸನೀಯಸಿಕ್ಖಾಪದಂ • 1. Paṭhamapāṭidesanīyasikkhāpadaṃ
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಪಾಟಿದೇಸನೀಯಸಿಕ್ಖಾಪದವಣ್ಣನಾ • Pāṭidesanīyasikkhāpadavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ಪಾಟಿದೇಸನೀಯಸಿಕ್ಖಾಪದವಣ್ಣನಾ • Pāṭidesanīyasikkhāpadavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ೫. ಪಾಟಿದೇಸನೀಯಸಿಕ್ಖಾಪದ-ಅತ್ಥಯೋಜನಾ • 5. Pāṭidesanīyasikkhāpada-atthayojanā
