| Library / Tipiṭaka / ತಿಪಿಟಕ • Tipiṭaka / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā |
೬. ಪಾಟಿದೇಸನೀಯಕಣ್ಡಂ
6. Pāṭidesanīyakaṇḍaṃ
ಪಾಟಿದೇಸನೀಯಸಿಕ್ಖಾಪದವಣ್ಣನಾ
Pāṭidesanīyasikkhāpadavaṇṇanā
೫೫೨. ಪಾಟಿದೇಸನೀಯೇಸು ಪಠಮೇ ‘‘ಗಾರಯ್ಹಂ ಆವುಸೋತಿಆದಿ ಪಟಿದೇಸೇತಬ್ಬಾಕಾರದಸ್ಸನ’’ನ್ತಿ ವಚನತೋ ಪಾಳಿಯಂ ಆಗತನಯೇನೇವ ಆಪತ್ತಿ ದೇಸೇತಬ್ಬಾ। ಅಸಪ್ಪಾಯನ್ತಿ ಸಗ್ಗಮೋಕ್ಖಾನಂ ಅಹಿತಂ ಅನನುಕೂಲಂ। ಸೇಸಮೇತ್ಥ ಉತ್ತಾನಮೇವ। ಪರಿಪುಣ್ಣೂಪಸಮ್ಪನ್ನತಾ, ಅಞ್ಞಾತಿಕತಾ, ಅನ್ತರಘರೇ ಠಿತಾಯ ಹತ್ಥತೋ ಸಹತ್ಥಾ ಪಟಿಗ್ಗಹಣಂ, ಯಾವಕಾಲಿಕತಾ, ಅಜ್ಝೋಹರಣನ್ತಿ ಇಮಾನಿ ಪನೇತ್ಥ ಪಞ್ಚ ಅಙ್ಗಾನಿ।
552. Pāṭidesanīyesu paṭhame ‘‘gārayhaṃ āvusotiādi paṭidesetabbākāradassana’’nti vacanato pāḷiyaṃ āgatanayeneva āpatti desetabbā. Asappāyanti saggamokkhānaṃ ahitaṃ ananukūlaṃ. Sesamettha uttānameva. Paripuṇṇūpasampannatā, aññātikatā, antaraghare ṭhitāya hatthato sahatthā paṭiggahaṇaṃ, yāvakālikatā, ajjhoharaṇanti imāni panettha pañca aṅgāni.
೫೫೭-೫೬೨. ದುತಿಯತತಿಯಚತುತ್ಥೇಸು ನತ್ಥಿ ವತ್ತಬ್ಬಂ, ಅಙ್ಗೇಸು ಪನ ದುತಿಯೇ ಪರಿಪುಣ್ಣೂಪಸಮ್ಪನ್ನತಾ, ಪಞ್ಚಭೋಜನತಾ, ಅನ್ತರಘರೇ ಠಿತಾಯ ಅನುಞ್ಞಾತಪ್ಪಕಾರತೋ ಅಞ್ಞಥಾ ವೋಸಾಸನಾ, ಅನಿವಾರಣಾ, ಅಜ್ಝೋಹಾರೋತಿ ಇಮಾನಿ ಪಞ್ಚ ಅಙ್ಗಾನಿ।
557-562. Dutiyatatiyacatutthesu natthi vattabbaṃ, aṅgesu pana dutiye paripuṇṇūpasampannatā, pañcabhojanatā, antaraghare ṭhitāya anuññātappakārato aññathā vosāsanā, anivāraṇā, ajjhohāroti imāni pañca aṅgāni.
ತತಿಯೇ ಸೇಕ್ಖಸಮ್ಮತತಾ, ಪುಬ್ಬೇ ಅನಿಮನ್ತಿತತಾ, ಅಗಿಲಾನತಾ, ಘರೂಪಚಾರೋಕ್ಕಮನಂ, ಠಪೇತ್ವಾ ನಿಚ್ಚಭತ್ತಾದೀನಿ ಅಞ್ಞಂ ಆಮಿಸಂ ಗಹೇತ್ವಾ ಭುಞ್ಜನನ್ತಿ ಇಮಾನಿ ಪಞ್ಚ ಅಙ್ಗಾನಿ।
Tatiye sekkhasammatatā, pubbe animantitatā, agilānatā, gharūpacārokkamanaṃ, ṭhapetvā niccabhattādīni aññaṃ āmisaṃ gahetvā bhuñjananti imāni pañca aṅgāni.
ಚತುತ್ಥೇ ಯಥಾವುತ್ತಆರಞ್ಞಕಸೇನಾಸನತಾ, ಯಾವಕಾಲಿಕಸ್ಸ ಅತತ್ಥಜಾತಕತಾ, ಅಗಿಲಾನತಾ, ಅಗಿಲಾನಾವಸೇಸಕತಾ, ಅಪ್ಪಟಿಸಂವಿದಿತತಾ, ಅಜ್ಝಾರಾಮೇ ಪಟಿಗ್ಗಹಣಂ, ಅಜ್ಝೋಹರಣನ್ತಿ ಇಮಾನಿ ಸತ್ತ ಅಙ್ಗಾನಿ।
Catutthe yathāvuttaāraññakasenāsanatā, yāvakālikassa atatthajātakatā, agilānatā, agilānāvasesakatā, appaṭisaṃviditatā, ajjhārāme paṭiggahaṇaṃ, ajjhoharaṇanti imāni satta aṅgāni.
ಪಾಟಿದೇಸನೀಯಸಿಕ್ಖಾಪದವಣ್ಣನಾ ನಿಟ್ಠಿತಾ।
Pāṭidesanīyasikkhāpadavaṇṇanā niṭṭhitā.
ಪಾಟಿದೇಸನೀಯಕಣ್ಡಂ ನಿಟ್ಠಿತಂ।
Pāṭidesanīyakaṇḍaṃ niṭṭhitaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಿಭಙ್ಗ • Mahāvibhaṅga
೧. ಪಠಮಪಾಟಿದೇಸನೀಯಸಿಕ್ಖಾಪದಂ • 1. Paṭhamapāṭidesanīyasikkhāpadaṃ
೨. ದುತಿಯಪಾಟಿದೇಸನೀಯಸಿಕ್ಖಾಪದಂ • 2. Dutiyapāṭidesanīyasikkhāpadaṃ
೩. ತತಿಯಪಾಟಿದೇಸನೀಯಸಿಕ್ಖಾಪದಂ • 3. Tatiyapāṭidesanīyasikkhāpadaṃ
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಮಹಾವಿಭಙ್ಗ-ಅಟ್ಠಕಥಾ • Mahāvibhaṅga-aṭṭhakathā
೧. ಪಠಮಪಾಟಿದೇಸನೀಯಸಿಕ್ಖಾಪದವಣ್ಣನಾ • 1. Paṭhamapāṭidesanīyasikkhāpadavaṇṇanā
೨. ದುತಿಯಪಾಟಿದೇಸನೀಯಸಿಕ್ಖಾಪದವಣ್ಣನಾ • 2. Dutiyapāṭidesanīyasikkhāpadavaṇṇanā
೩. ತತಿಯಪಾಟಿದೇಸನೀಯಸಿಕ್ಖಾಪದವಣ್ಣನಾ • 3. Tatiyapāṭidesanīyasikkhāpadavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ೨. ದುತಿಯಪಾಟಿದೇಸನೀಯಸಿಕ್ಖಾಪದವಣ್ಣನಾ • 2. Dutiyapāṭidesanīyasikkhāpadavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ೧. ಪಠಮಪಾಟಿದೇಸನೀಯಸಿಕ್ಖಾಪದವಣ್ಣನಾ • 1. Paṭhamapāṭidesanīyasikkhāpadavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi
೧. ಪಠಮಪಾಟಿದೇಸನೀಯಸಿಕ್ಖಾಪದ-ಅತ್ಥಯೋಜನಾ • 1. Paṭhamapāṭidesanīyasikkhāpada-atthayojanā
೨. ದುತಿಯಪಾಟಿದೇಸನೀಯಸಿಕ್ಖಾಪದಂ • 2. Dutiyapāṭidesanīyasikkhāpadaṃ
೩. ತತಿಯಪಾಟಿದೇಸನೀಯಸಿಕ್ಖಾಪದಂ • 3. Tatiyapāṭidesanīyasikkhāpadaṃ
