| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
166. бадиг̇г̇ахид̇аад̣̇иануж̇аананаа
166. Paṭiggahitādianujānanā
277. 1 д̇зна ко бана самаязна ааяасмад̇о убананд̣̇асса сагяабуд̇д̇асса убадтаагагулам̣ сан̇гхассад̇т̇ааяа каад̣̇анийяам̣ баахзси – аяяасса убананд̣̇асса д̣̇ассзд̇ваа сан̇гхасса д̣̇аад̇аб̣б̣анд̇и. д̇зна ко бана самаязна ааяасмаа убананд̣̇о сагяабуд̇д̇о г̇аамам̣ бин̣д̣ааяа бавидто ход̇и . ат̇а ко д̇з мануссаа аараамам̣ г̇анд̇ваа бхигкуу бужчим̣су – ‘‘гахам̣, бханд̇з, аяяо убананд̣̇о’’д̇и? ‘‘зсаавусо, ааяасмаа убананд̣̇о сагяабуд̇д̇о г̇аамам̣ бин̣д̣ааяа бавидто’’д̇и. ‘‘ид̣̇ам̣, бханд̇з, каад̣̇анийяам̣ аяяасса убананд̣̇асса д̣̇ассзд̇ваа сан̇гхасса д̣̇аад̇аб̣б̣а’’нд̇и. бхаг̇авад̇о зд̇амад̇т̇ам̣ аарожзсум̣. д̇зна хи, бхигкавз, бадиг̇г̇ахзд̇ваа нигкибат̇а яаава убананд̣̇о ааг̇ажчад̇ийд̇и. ат̇а ко ааяасмаа убананд̣̇о сагяабуд̇д̇о бурзбхад̇д̇ам̣ гулаани баяирубаасид̇ваа д̣̇иваа ааг̇ажчад̇и. д̇зна ко бана самаязна бхигкуу д̣̇уб̣бхигкз аббамад̇д̇агзби баваарзнд̇и, бадисан̇кааби бадигкибанд̇и, саб̣б̣о жа сан̇гхо баваарид̇о ход̇и, бхигкуу гуггужжааяанд̇аа на бадиг̇г̇ан̣ханд̇и. бадиг̇г̇ан̣хат̇а, бхигкавз, барибхун̃ж̇ат̇а. ануж̇аанаами, бхигкавз, бурзбхад̇д̇ам̣ бадиг̇г̇ахид̇ам̣ бхуд̇д̇аавинаа баваарид̇зна анад̇ирид̇д̇ам̣ барибхун̃ж̇ид̇унд̇и.
277.2 Tena kho pana samayena āyasmato upanandassa sakyaputtassa upaṭṭhākakulaṃ saṅghassatthāya khādanīyaṃ pāhesi – ayyassa upanandassa dassetvā saṅghassa dātabbanti. Tena kho pana samayena āyasmā upanando sakyaputto gāmaṃ piṇḍāya paviṭṭho hoti . Atha kho te manussā ārāmaṃ gantvā bhikkhū pucchiṃsu – ‘‘kahaṃ, bhante, ayyo upanando’’ti? ‘‘Esāvuso, āyasmā upanando sakyaputto gāmaṃ piṇḍāya paviṭṭho’’ti. ‘‘Idaṃ, bhante, khādanīyaṃ ayyassa upanandassa dassetvā saṅghassa dātabba’’nti. Bhagavato etamatthaṃ ārocesuṃ. Tena hi, bhikkhave, paṭiggahetvā nikkhipatha yāva upanando āgacchatīti. Atha kho āyasmā upanando sakyaputto purebhattaṃ kulāni payirupāsitvā divā āgacchati. Tena kho pana samayena bhikkhū dubbhikkhe appamattakepi pavārenti, paṭisaṅkhāpi paṭikkhipanti, sabbo ca saṅgho pavārito hoti, bhikkhū kukkuccāyantā na paṭiggaṇhanti. Paṭiggaṇhatha, bhikkhave, paribhuñjatha. Anujānāmi, bhikkhave, purebhattaṃ paṭiggahitaṃ bhuttāvinā pavāritena anatirittaṃ paribhuñjitunti.
278. ат̇а ко бхаг̇аваа рааж̇аг̇ахз яат̇аабхиранд̇ам̣ вихарид̇ваа язна саавад̇т̇и д̇зна жааригам̣ баггаами. анубуб̣б̣зна жааригам̣ жарамаано язна саавад̇т̇и д̇ад̣̇авасари. д̇ад̇ра суд̣̇ам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ааяасмад̇о саарибуд̇д̇асса гааяад̣аахааб̣аад̇хо ход̇и. ат̇а ко ааяасмаа махаамог̇г̇аллаано язнааяасмаа саарибуд̇д̇о д̇знубасан̇гами, убасан̇гамид̇ваа ааяасманд̇ам̣ саарибуд̇д̇ам̣ зд̇ад̣̇авожа – ‘‘буб̣б̣з д̇з, аавусо саарибуд̇д̇а, гааяад̣аахааб̣аад̇хо гзна паасу ход̇ий’’д̇и? ‘‘бхисзхи жа мз, аавусо , мул̣аалигаахи жаа’’д̇и. ат̇а ко ааяасмаа махаамог̇г̇аллаано сзяяат̇ааби наама б̣алаваа бурисо саммин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа, звамзва ж̇зд̇аванз анд̇арахид̇о манд̣̇аагинияаа богкаран̣ияаа д̇ийрз баад̇урахоси. ад̣̇д̣̇асаа ко ан̃н̃ад̇аро нааг̇о ааяасманд̇ам̣ махаамог̇г̇аллаанам̣ д̣̇уурад̇ова ааг̇ажчанд̇ам̣, д̣̇исваана ааяасманд̇ам̣ махаамог̇г̇аллаанам̣ зд̇ад̣̇авожа – ‘‘зд̇у ко, бханд̇з, аяяо махаамог̇г̇аллаано. свааг̇ад̇ам̣, бханд̇з, аяяасса махаамог̇г̇аллаанасса. гзна, бханд̇з, аяяасса ад̇т̇о; гим̣ д̣̇аммий’’д̇и? ‘‘бхисзхи жа мз, аавусо, ад̇т̇о, мул̣аалигаахи жаа’’д̇и. ат̇а ко со нааг̇о ан̃н̃ад̇арам̣ нааг̇ам̣ аан̣аабзси – ‘‘д̇зна хи, бхан̣з, аяяасса бхисз жа мул̣аалигааяо жа яаавад̣̇ад̇т̇ам̣ д̣̇зхий’’д̇и. ат̇а ко со нааг̇о манд̣̇аагиним̣ богкаран̣им̣ ог̇аахзд̇ваа, сон̣д̣ааяа бхисан̃жа мул̣аалиган̃жа аб̣б̣аахид̇ваа, сувигкаалид̇ам̣ вигкаалзд̇ваа, бхан̣д̣игам̣ б̣анд̇хид̇ваа язнааяасмаа махаамог̇г̇аллаано д̇знубасан̇гами. ат̇а ко ааяасмаа махаамог̇г̇аллаано – сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа, звамзва – манд̣̇аагинияаа богкаран̣ияаа д̇ийрз анд̇арахид̇о ж̇зд̇аванз баад̇урахоси. соби ко нааг̇о манд̣̇аагинияаа богкаран̣ияаа д̇ийрз анд̇арахид̇о ж̇зд̇аванз баад̇урахоси. ат̇а ко со нааг̇о ааяасмад̇о махаамог̇г̇аллаанасса бхисз жа мул̣аалигааяо жа бадиг̇г̇ахаабзд̇ваа ж̇зд̇аванз анд̇арахид̇о манд̣̇аагинияаа богкаран̣ияаа д̇ийрз баад̇урахоси. ат̇а ко ааяасмаа махаамог̇г̇аллаано ааяасмад̇о саарибуд̇д̇асса бхисз жа мул̣аалигааяо жа убанаамзси. ат̇а ко ааяасмад̇о саарибуд̇д̇асса бхисз жа мул̣аалигааяо жа бхуд̇д̇асса гааяад̣аахааб̣аад̇хо бадиббассамбхи. б̣ахуу бхисаа жа мул̣аалигааяо жа авасидтаа хонд̇и. д̇зна ко бана самаязна бхигкуу д̣̇уб̣бхигкз аббамад̇д̇агзби баваарзнд̇и, бадисан̇кааби бадигкибанд̇и, саб̣б̣о жа сан̇гхо баваарид̇о ход̇и. бхигкуу гуггужжааяанд̇аа на бадиг̇г̇ан̣ханд̇и. бадиг̇г̇ан̣хат̇а, бхигкавз, барибхун̃ж̇ат̇а. ануж̇аанаами, бхигкавз, ванадтам̣ богкарадтам̣ бхуд̇д̇аавинаа баваарид̇зна анад̇ирид̇д̇ам̣ барибхун̃ж̇ид̇унд̇и.
278. Atha kho bhagavā rājagahe yathābhirantaṃ viharitvā yena sāvatthi tena cārikaṃ pakkāmi. Anupubbena cārikaṃ caramāno yena sāvatthi tadavasari. Tatra sudaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmato sāriputtassa kāyaḍāhābādho hoti. Atha kho āyasmā mahāmoggallāno yenāyasmā sāriputto tenupasaṅkami, upasaṅkamitvā āyasmantaṃ sāriputtaṃ etadavoca – ‘‘pubbe te, āvuso sāriputta, kāyaḍāhābādho kena phāsu hotī’’ti? ‘‘Bhisehi ca me, āvuso , muḷālikāhi cā’’ti. Atha kho āyasmā mahāmoggallāno seyyathāpi nāma balavā puriso sammiñjitaṃ vā bāhaṃ pasāreyya, pasāritaṃ vā bāhaṃ samiñjeyya, evameva jetavane antarahito mandākiniyā pokkharaṇiyā tīre pāturahosi. Addasā kho aññataro nāgo āyasmantaṃ mahāmoggallānaṃ dūratova āgacchantaṃ, disvāna āyasmantaṃ mahāmoggallānaṃ etadavoca – ‘‘etu kho, bhante, ayyo mahāmoggallāno. Svāgataṃ, bhante, ayyassa mahāmoggallānassa. Kena, bhante, ayyassa attho; kiṃ dammī’’ti? ‘‘Bhisehi ca me, āvuso, attho, muḷālikāhi cā’’ti. Atha kho so nāgo aññataraṃ nāgaṃ āṇāpesi – ‘‘tena hi, bhaṇe, ayyassa bhise ca muḷālikāyo ca yāvadatthaṃ dehī’’ti. Atha kho so nāgo mandākiniṃ pokkharaṇiṃ ogāhetvā, soṇḍāya bhisañca muḷālikañca abbāhitvā, suvikkhālitaṃ vikkhāletvā, bhaṇḍikaṃ bandhitvā yenāyasmā mahāmoggallāno tenupasaṅkami. Atha kho āyasmā mahāmoggallāno – seyyathāpi nāma balavā puriso samiñjitaṃ vā bāhaṃ pasāreyya, pasāritaṃ vā bāhaṃ samiñjeyya, evameva – mandākiniyā pokkharaṇiyā tīre antarahito jetavane pāturahosi. Sopi kho nāgo mandākiniyā pokkharaṇiyā tīre antarahito jetavane pāturahosi. Atha kho so nāgo āyasmato mahāmoggallānassa bhise ca muḷālikāyo ca paṭiggahāpetvā jetavane antarahito mandākiniyā pokkharaṇiyā tīre pāturahosi. Atha kho āyasmā mahāmoggallāno āyasmato sāriputtassa bhise ca muḷālikāyo ca upanāmesi. Atha kho āyasmato sāriputtassa bhise ca muḷālikāyo ca bhuttassa kāyaḍāhābādho paṭippassambhi. Bahū bhisā ca muḷālikāyo ca avasiṭṭhā honti. Tena kho pana samayena bhikkhū dubbhikkhe appamattakepi pavārenti, paṭisaṅkhāpi paṭikkhipanti, sabbo ca saṅgho pavārito hoti. Bhikkhū kukkuccāyantā na paṭiggaṇhanti. Paṭiggaṇhatha, bhikkhave, paribhuñjatha. Anujānāmi, bhikkhave, vanaṭṭhaṃ pokkharaṭṭhaṃ bhuttāvinā pavāritena anatirittaṃ paribhuñjitunti.
д̇зна ко бана самаязна саавад̇т̇ияам̣ б̣ахум̣ палакаад̣̇анийяам̣ уббаннам̣ ход̇и, габбияагаараго жа на ход̇и. бхигкуу гуггужжааяанд̇аа палам̣ на барибхун̃ж̇анд̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, аб̣ийж̇ам̣ ниб̣б̣ад̇д̇аб̣ийж̇ам̣ 3 агад̇агаббам̣ палам̣ барибхун̃ж̇ид̇унд̇и.
Tena kho pana samayena sāvatthiyaṃ bahuṃ phalakhādanīyaṃ uppannaṃ hoti, kappiyakārako ca na hoti. Bhikkhū kukkuccāyantā phalaṃ na paribhuñjanti. Bhagavato etamatthaṃ ārocesuṃ. Anujānāmi, bhikkhave, abījaṃ nibbattabījaṃ 4 akatakappaṃ phalaṃ paribhuñjitunti.
бадиг̇г̇ахид̇аад̣̇и ануж̇аананаа нидтид̇аа.
Paṭiggahitādi anujānanā niṭṭhitā.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / г̇ул̣аад̣̇иануж̇аананагат̇аа • Guḷādianujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / г̇ул̣аад̣̇иануж̇аананагат̇ааван̣н̣анаа • Guḷādianujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 163. г̇ул̣аад̣̇иануж̇аананагат̇аа • 163. Guḷādianujānanakathā
