| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
6. баадихаарияагат̇аа
6. Pāṭihāriyakathā
30. ‘‘д̇ийн̣имаани , бхигкавз 1, баадихаарияаани. гад̇амаани д̇ийн̣и? ид̣̇д̇хибаадихаарияам̣, аад̣̇зсанаабаадихаарияам̣, анусаасанийбаадихаарияам̣.
30. ‘‘Tīṇimāni , bhikkhave 2, pāṭihāriyāni. Katamāni tīṇi? Iddhipāṭihāriyaṃ, ādesanāpāṭihāriyaṃ, anusāsanīpāṭihāriyaṃ.
‘‘гад̇аман̃жа, бхигкавз, ид̣̇д̇хибаадихаарияам̣? ид̇ха, бхигкавз, згажжо анзгавихид̇ам̣ ид̣̇д̇хивид̇хам̣ бажжанубход̇и – згоби худ̇ваа б̣ахуд̇хаа ход̇и , б̣ахуд̇хааби худ̇ваа зго ход̇и; аавибхаавам̣ д̇иробхаавам̣…бз… яаава б̣рахмалогааби гааязна васам̣ вад̇д̇зд̇и. ид̣̇ам̣ вужжад̇и, бхигкавз, ид̣̇д̇хибаадихаарияам̣.
‘‘Katamañca, bhikkhave, iddhipāṭihāriyaṃ? Idha, bhikkhave, ekacco anekavihitaṃ iddhividhaṃ paccanubhoti – ekopi hutvā bahudhā hoti , bahudhāpi hutvā eko hoti; āvibhāvaṃ tirobhāvaṃ…pe… yāva brahmalokāpi kāyena vasaṃ vatteti. Idaṃ vuccati, bhikkhave, iddhipāṭihāriyaṃ.
‘‘гад̇аман̃жа , бхигкавз, аад̣̇зсанаабаадихаарияам̣? ид̇ха, бхигкавз, згажжо нимид̇д̇зна аад̣̇исад̇и – ‘звамби д̇з мано, ид̇т̇амби д̇з мано, ид̇иби д̇з жид̇д̇а’нд̇и. со б̣ахум̣ жзби аад̣̇исад̇и, д̇ат̇зва д̇ам̣ ход̇и, но ан̃н̃ат̇аа. ид̇ха бана, бхигкавз, згажжо на хзва ко нимид̇д̇зна аад̣̇исад̇и, аби жа ко мануссаанам̣ ваа амануссаанам̣ ваа д̣̇звад̇аанам̣ ваа сад̣̇д̣̇ам̣ суд̇ваа аад̣̇исад̇и – ‘звамби д̇з мано, ид̇т̇амби д̇з мано, ид̇иби д̇з жид̇д̇а’нд̇и. со б̣ахум̣ жзби аад̣̇исад̇и, д̇ат̇зва д̇ам̣ ход̇и, но ан̃н̃ат̇аа. ид̇ха бана, бхигкавз, згажжо на хзва ко нимид̇д̇зна аад̣̇исад̇и, наби мануссаанам̣ ваа амануссаанам̣ ваа д̣̇звад̇аанам̣ ваа сад̣̇д̣̇ам̣ суд̇ваа аад̣̇исад̇и, аби жа ко вид̇аггаяад̇о вижаараяад̇о вид̇аггавибпаарасад̣̇д̣̇ам̣ суд̇ваа аад̣̇исад̇и – ‘звамби д̇з мано, ид̇т̇амби д̇з мано, ид̇иби д̇з жид̇д̇а’нд̇и. со б̣ахум̣ жзби аад̣̇исад̇и, д̇ат̇зва д̇ам̣ ход̇и, но ан̃н̃ат̇аа. ид̇ха бана, бхигкавз, згажжо на хзва ко нимид̇д̇зна аад̣̇исад̇и, наби мануссаанам̣ ваа амануссаанам̣ ваа д̣̇звад̇аанам̣ ваа сад̣̇д̣̇ам̣ суд̇ваа аад̣̇исад̇и, наби вид̇аггаяад̇о вижаараяад̇о вид̇аггавибпаарасад̣̇д̣̇ам̣ суд̇ваа аад̣̇исад̇и, аби жа ко авид̇аггам̣ авижаарам̣ самаад̇хим̣ самаабаннасса жзд̇асаа жзд̇о барижжа баж̇аанаад̇и – ‘яат̇аа имасса бход̇о маносан̇каараа бан̣ихид̇аа имасса 3 жид̇д̇асса ананд̇араа амугам̣ наама вид̇аггам̣ вид̇аггаяиссад̇ий’д̇и 4. со б̣ахум̣ жзби аад̣̇исад̇и, д̇ат̇зва д̇ам̣ ход̇и, но ан̃н̃ат̇аа. ид̣̇ам̣ вужжад̇и, бхигкавз, аад̣̇зсанаабаадихаарияам̣.
‘‘Katamañca, bhikkhave, ādesanāpāṭihāriyaṃ? Idha, bhikkhave, ekacco nimittena ādisati – ‘evampi te mano, itthampi te mano, itipi te citta’nti. So bahuṃ cepi ādisati, tatheva taṃ hoti, no aññathā. Idha pana, bhikkhave, ekacco na heva kho nimittena ādisati, api ca kho manussānaṃ vā amanussānaṃ vā devatānaṃ vā saddaṃ sutvā ādisati – ‘evampi te mano, itthampi te mano, itipi te citta’nti. So bahuṃ cepi ādisati, tatheva taṃ hoti, no aññathā. Idha pana, bhikkhave, ekacco na heva kho nimittena ādisati, napi manussānaṃ vā amanussānaṃ vā devatānaṃ vā saddaṃ sutvā ādisati, api ca kho vitakkayato vicārayato vitakkavipphārasaddaṃ sutvā ādisati – ‘evampi te mano, itthampi te mano, itipi te citta’nti. So bahuṃ cepi ādisati, tatheva taṃ hoti, no aññathā. Idha pana, bhikkhave, ekacco na heva kho nimittena ādisati, napi manussānaṃ vā amanussānaṃ vā devatānaṃ vā saddaṃ sutvā ādisati, napi vitakkayato vicārayato vitakkavipphārasaddaṃ sutvā ādisati, api ca kho avitakkaṃ avicāraṃ samādhiṃ samāpannassa cetasā ceto paricca pajānāti – ‘yathā imassa bhoto manosaṅkhārā paṇihitā imassa 5 cittassa anantarā amukaṃ nāma vitakkaṃ vitakkayissatī’ti 6. So bahuṃ cepi ādisati, tatheva taṃ hoti, no aññathā. Idaṃ vuccati, bhikkhave, ādesanāpāṭihāriyaṃ.
‘‘гад̇аман̃жа, бхигкавз, анусаасанийбаадихаарияам̣? ид̇ха, бхигкавз, згажжо зваманусаасад̇и – ‘звам̣ вид̇аггзт̇а, маа звам̣ вид̇аггаяид̇т̇а. звам̣ манаси гарот̇а, маа звам̣ манаси гарид̇т̇а. ид̣̇ам̣ баж̇ахат̇а, ид̣̇ам̣ убасамбаж̇ж̇а вихарат̇аа’д̇и. ид̣̇ам̣ вужжад̇и, бхигкавз, анусаасанийбаадихаарияам̣. имаани ко, бхигкавз, д̇ийн̣и баадихаарияаани’’.
‘‘Katamañca, bhikkhave, anusāsanīpāṭihāriyaṃ? Idha, bhikkhave, ekacco evamanusāsati – ‘evaṃ vitakketha, mā evaṃ vitakkayittha. Evaṃ manasi karotha, mā evaṃ manasi karittha. Idaṃ pajahatha, idaṃ upasampajja viharathā’ti. Idaṃ vuccati, bhikkhave, anusāsanīpāṭihāriyaṃ. Imāni kho, bhikkhave, tīṇi pāṭihāriyāni’’.
31. нзгкаммам̣ иж̇жхад̇ийд̇и – ид̣̇д̇хи. гаамажчанд̣̇ам̣ бадихарад̇ийд̇и – баадихаарияам̣. яз д̇зна нзгкаммзна саманнааг̇ад̇аа, саб̣б̣з д̇з висуд̣̇д̇хажид̇д̇аа анаавиласан̇габбаад̇и – аад̣̇зсанаабаадихаарияам̣. ‘‘д̇ам̣ ко бана нзгкаммам̣ звам̣ аасзвид̇аб̣б̣ам̣, звам̣ бхаавзд̇аб̣б̣ам̣ , звам̣ б̣ахулийгаад̇аб̣б̣ам̣, звам̣ д̇ад̣̇ануд̇хаммад̇аа сад̇и убадтаабзд̇аб̣б̣аа’’д̇и – анусаасанийбаадихаарияам̣.
31. Nekkhammaṃ ijjhatīti – iddhi. Kāmacchandaṃ paṭiharatīti – pāṭihāriyaṃ. Ye tena nekkhammena samannāgatā, sabbe te visuddhacittā anāvilasaṅkappāti – ādesanāpāṭihāriyaṃ. ‘‘Taṃ kho pana nekkhammaṃ evaṃ āsevitabbaṃ, evaṃ bhāvetabbaṃ , evaṃ bahulīkātabbaṃ, evaṃ tadanudhammatā sati upaṭṭhāpetabbā’’ti – anusāsanīpāṭihāriyaṃ.
аб̣яаабаад̣̇о иж̇жхад̇ийд̇и – ид̣̇д̇хи. б̣яаабаад̣̇ам̣ бадихарад̇ийд̇и – баадихаарияам̣. яз д̇зна аб̣яаабаад̣̇зна саманнааг̇ад̇аа, саб̣б̣з д̇з висуд̣̇д̇хажид̇д̇аа анаавиласан̇габбаад̇и – аад̣̇зсанаабаадихаарияам̣. ‘‘со ко бана аб̣яаабаад̣̇о звам̣ аасзвид̇аб̣б̣о, звам̣ бхаавзд̇аб̣б̣о, звам̣ б̣ахулийгаад̇аб̣б̣о, звам̣ д̇ад̣̇ануд̇хаммад̇аа сад̇и убадтаабзд̇аб̣б̣аа’’д̇и – анусаасанийбаадихаарияам̣.
Abyāpādo ijjhatīti – iddhi. Byāpādaṃ paṭiharatīti – pāṭihāriyaṃ. Ye tena abyāpādena samannāgatā, sabbe te visuddhacittā anāvilasaṅkappāti – ādesanāpāṭihāriyaṃ. ‘‘So kho pana abyāpādo evaṃ āsevitabbo, evaṃ bhāvetabbo, evaṃ bahulīkātabbo, evaṃ tadanudhammatā sati upaṭṭhāpetabbā’’ti – anusāsanīpāṭihāriyaṃ.
аалогасан̃н̃аа иж̇жхад̇ийд̇и – ид̣̇д̇хи. т̇инамид̣̇д̇хам̣ бадихарад̇ийд̇и – баадихаарияам̣. яз д̇ааяа аалогасан̃н̃ааяа саманнааг̇ад̇аа, саб̣б̣з д̇з висуд̣̇д̇хажид̇д̇аа анаавиласан̇габбаад̇и – аад̣̇зсанаабаадихаарияам̣. ‘‘саа ко бана аалогасан̃н̃аа звам̣ аасзвид̇аб̣б̣аа, звам̣ бхаавзд̇аб̣б̣аа, звам̣ б̣ахулийгаад̇аб̣б̣аа, звам̣ д̇ад̣̇ануд̇хаммад̇аа сад̇и убадтаабзд̇аб̣б̣аа’’д̇и – анусаасанийбаадихаарияам̣.
Ālokasaññā ijjhatīti – iddhi. Thinamiddhaṃ paṭiharatīti – pāṭihāriyaṃ. Ye tāya ālokasaññāya samannāgatā, sabbe te visuddhacittā anāvilasaṅkappāti – ādesanāpāṭihāriyaṃ. ‘‘Sā kho pana ālokasaññā evaṃ āsevitabbā, evaṃ bhāvetabbā, evaṃ bahulīkātabbā, evaṃ tadanudhammatā sati upaṭṭhāpetabbā’’ti – anusāsanīpāṭihāriyaṃ.
авигкзбо иж̇жхад̇ийд̇и – ид̣̇д̇хи. уд̣̇д̇хажжам̣ бадихарад̇ийд̇и – баадихаарияам̣. яз д̇зна авигкзбзна саманнааг̇ад̇аа, саб̣б̣з д̇з висуд̣̇д̇хажид̇д̇аа анаавиласан̇габбаад̇и – аад̣̇зсанаабаадихаарияам̣. ‘‘со ко бана авигкзбо звам̣ аасзвид̇аб̣б̣о, звам̣ бхаавзд̇аб̣б̣о, звам̣ б̣ахулийгаад̇аб̣б̣о, звам̣ д̇ад̣̇ануд̇хаммад̇аа сад̇и убадтаабзд̇аб̣б̣аа’’д̇и – анусаасанийбаадихаарияам̣.
Avikkhepo ijjhatīti – iddhi. Uddhaccaṃ paṭiharatīti – pāṭihāriyaṃ. Ye tena avikkhepena samannāgatā, sabbe te visuddhacittā anāvilasaṅkappāti – ādesanāpāṭihāriyaṃ. ‘‘So kho pana avikkhepo evaṃ āsevitabbo, evaṃ bhāvetabbo, evaṃ bahulīkātabbo, evaṃ tadanudhammatā sati upaṭṭhāpetabbā’’ti – anusāsanīpāṭihāriyaṃ.
д̇хаммававад̇т̇аанам̣ иж̇жхад̇ийд̇и – ид̣̇д̇хи. вижигижчам̣ бадихарад̇ийд̇и – баадихаарияам̣. яз д̇зна д̇хаммававад̇т̇аанзна саманнааг̇ад̇аа, саб̣б̣з д̇з висуд̣̇д̇хажид̇д̇аа анаавиласан̇габбаад̇и – аад̣̇зсанаабаадихаарияам̣. ‘‘д̇ам̣ ко бана д̇хаммававад̇т̇аанам̣ звам̣ аасзвид̇аб̣б̣ам̣, звам̣ бхаавзд̇аб̣б̣ам̣, звам̣ б̣ахулийгаад̇аб̣б̣ам̣, звам̣ д̇ад̣̇ануд̇хаммад̇аа, сад̇и убадтаабзд̇аб̣б̣аа’’д̇и – анусаасанийбаадихаарияам̣.
Dhammavavatthānaṃ ijjhatīti – iddhi. Vicikicchaṃ paṭiharatīti – pāṭihāriyaṃ. Ye tena dhammavavatthānena samannāgatā, sabbe te visuddhacittā anāvilasaṅkappāti – ādesanāpāṭihāriyaṃ. ‘‘Taṃ kho pana dhammavavatthānaṃ evaṃ āsevitabbaṃ, evaṃ bhāvetabbaṃ, evaṃ bahulīkātabbaṃ, evaṃ tadanudhammatā, sati upaṭṭhāpetabbā’’ti – anusāsanīpāṭihāriyaṃ.
н̃аан̣ам̣ иж̇жхад̇ийд̇и – ид̣̇д̇хи. авиж̇ж̇ам̣ бадихарад̇ийд̇и – баадихаарияам̣. яз д̇зна н̃аан̣зна саманнааг̇ад̇аа, саб̣б̣з д̇з висуд̣̇д̇хажид̇д̇аа анаавиласан̇габбаад̇и – аад̣̇зсанаабаадихаарияам̣. ‘‘д̇ам̣ ко бана н̃аан̣ам̣ звам̣ аасзвид̇аб̣б̣ам̣, звам̣ бхаавзд̇аб̣б̣ам̣, звам̣ б̣ахулийгаад̇аб̣б̣ам̣, звам̣ д̇ад̣̇ануд̇хаммад̇аа сад̇и убадтаабзд̇аб̣б̣аа’’д̇и – анусаасанийбаадихаарияам̣.
Ñāṇaṃ ijjhatīti – iddhi. Avijjaṃ paṭiharatīti – pāṭihāriyaṃ. Ye tena ñāṇena samannāgatā, sabbe te visuddhacittā anāvilasaṅkappāti – ādesanāpāṭihāriyaṃ. ‘‘Taṃ kho pana ñāṇaṃ evaṃ āsevitabbaṃ, evaṃ bhāvetabbaṃ, evaṃ bahulīkātabbaṃ, evaṃ tadanudhammatā sati upaṭṭhāpetabbā’’ti – anusāsanīpāṭihāriyaṃ.
баамож̇ж̇ам̣ иж̇жхад̇ийд̇и – ид̣̇д̇хи. арад̇им̣ бадихарад̇ийд̇и – баадихаарияам̣. яз д̇зна баамож̇ж̇зна саманнааг̇ад̇аа, саб̣б̣з д̇з висуд̣̇д̇хажид̇д̇аа анаавиласан̇габбаад̇и – аад̣̇зсанаабаадихаарияам̣. ‘‘д̇ам̣ ко бана баамож̇ж̇ам̣ звам̣ аасзвид̇аб̣б̣ам̣, звам̣ бхаавзд̇аб̣б̣ам̣ , звам̣ б̣ахулийгаад̇аб̣б̣ам̣, звам̣ д̇ад̣̇ануд̇хаммад̇аа сад̇и убадтаабзд̇аб̣б̣аа’’д̇и – анусаасанийбаадихаарияам̣…бз….
Pāmojjaṃ ijjhatīti – iddhi. Aratiṃ paṭiharatīti – pāṭihāriyaṃ. Ye tena pāmojjena samannāgatā, sabbe te visuddhacittā anāvilasaṅkappāti – ādesanāpāṭihāriyaṃ. ‘‘Taṃ kho pana pāmojjaṃ evaṃ āsevitabbaṃ, evaṃ bhāvetabbaṃ , evaṃ bahulīkātabbaṃ, evaṃ tadanudhammatā sati upaṭṭhāpetabbā’’ti – anusāsanīpāṭihāriyaṃ…pe….
батамам̣ жхаанам̣ иж̇жхад̇ийд̇и – ид̣̇д̇хи. нийваран̣з бадихарад̇ийд̇и – баадихаарияам̣. яз д̇зна батамзна жхаанзна саманнааг̇ад̇аа, саб̣б̣з д̇з висуд̣̇д̇хажид̇д̇аа анаавиласан̇габбаад̇и – аад̣̇зсанаабаадихаарияам̣. ‘‘д̇ам̣ ко бана батамам̣ жхаанам̣ звам̣ аасзвид̇аб̣б̣ам̣, звам̣ бхаавзд̇аб̣б̣ам̣, звам̣ б̣ахулийгаад̇аб̣б̣ам̣, звам̣ д̇ад̣̇ануд̇хаммад̇аа сад̇и убадтаабзд̇аб̣б̣аа’’д̇и – анусаасанийбаадихаарияам̣…бз….
Paṭhamaṃ jhānaṃ ijjhatīti – iddhi. Nīvaraṇe paṭiharatīti – pāṭihāriyaṃ. Ye tena paṭhamena jhānena samannāgatā, sabbe te visuddhacittā anāvilasaṅkappāti – ādesanāpāṭihāriyaṃ. ‘‘Taṃ kho pana paṭhamaṃ jhānaṃ evaṃ āsevitabbaṃ, evaṃ bhāvetabbaṃ, evaṃ bahulīkātabbaṃ, evaṃ tadanudhammatā sati upaṭṭhāpetabbā’’ti – anusāsanīpāṭihāriyaṃ…pe….
арахад̇д̇амаг̇г̇о иж̇жхад̇ийд̇и – ид̣̇д̇хи. саб̣б̣агилзсз бадихарад̇ийд̇и – баадихаарияам̣. яз д̇зна арахад̇д̇амаг̇г̇зна саманнааг̇ад̇аа, саб̣б̣з д̇з висуд̣̇д̇хажид̇д̇аа анаавиласан̇габбаад̇и – аад̣̇зсанаабаадихаарияам̣. ‘‘со ко бана арахад̇д̇амаг̇г̇о звам̣ аасзвид̇аб̣б̣о, звам̣ бхаавзд̇аб̣б̣о, звам̣ б̣ахулийгаад̇аб̣б̣о, звам̣ д̇ад̣̇ануд̇хаммад̇аа сад̇и убадтаабзд̇аб̣б̣аа’’д̇и – анусаасанийбаадихаарияам̣.
Arahattamaggo ijjhatīti – iddhi. Sabbakilese paṭiharatīti – pāṭihāriyaṃ. Ye tena arahattamaggena samannāgatā, sabbe te visuddhacittā anāvilasaṅkappāti – ādesanāpāṭihāriyaṃ. ‘‘So kho pana arahattamaggo evaṃ āsevitabbo, evaṃ bhāvetabbo, evaṃ bahulīkātabbo, evaṃ tadanudhammatā sati upaṭṭhāpetabbā’’ti – anusāsanīpāṭihāriyaṃ.
32. нзгкаммам̣ иж̇жхад̇ийд̇и – ид̣̇д̇хи. гаамажчанд̣̇ам̣ бадихарад̇ийд̇и – баадихаарияам̣. яаа жа ид̣̇д̇хи яан̃жа баадихаарияам̣, ид̣̇ам̣ вужжад̇и ид̣̇д̇хибаадихаарияам̣. аб̣яаабаад̣̇о иж̇жхад̇ийд̇и – ид̣̇д̇хи. б̣яаабаад̣̇ам̣ бадихарад̇ийд̇и – баадихаарияам̣. яаа жа ид̣̇д̇хи яан̃жа баадихаарияам̣, ид̣̇ам̣ вужжад̇и ид̣̇д̇хибаадихаарияам̣. аалогасан̃н̃аа иж̇жхад̇ийд̇и – ид̣̇д̇хи. т̇инамид̣̇д̇хам̣ бадихарад̇ийд̇и – баадихаарияам̣…бз… арахад̇д̇амаг̇г̇о иж̇жхад̇ийд̇и – ид̣̇д̇хи. саб̣б̣агилзсз бадихарад̇ийд̇и – баадихаарияам̣. яаа жа ид̣̇д̇хи яан̃жа баадихаарияам̣, ид̣̇ам̣ вужжад̇и ид̣̇д̇хибаадихаарияанд̇и .
32. Nekkhammaṃ ijjhatīti – iddhi. Kāmacchandaṃ paṭiharatīti – pāṭihāriyaṃ. Yā ca iddhi yañca pāṭihāriyaṃ, idaṃ vuccati iddhipāṭihāriyaṃ. Abyāpādo ijjhatīti – iddhi. Byāpādaṃ paṭiharatīti – pāṭihāriyaṃ. Yā ca iddhi yañca pāṭihāriyaṃ, idaṃ vuccati iddhipāṭihāriyaṃ. Ālokasaññā ijjhatīti – iddhi. Thinamiddhaṃ paṭiharatīti – pāṭihāriyaṃ…pe… arahattamaggo ijjhatīti – iddhi. Sabbakilese paṭiharatīti – pāṭihāriyaṃ. Yā ca iddhi yañca pāṭihāriyaṃ, idaṃ vuccati iddhipāṭihāriyanti .
баадихаарияагат̇аа нидтид̇аа.
Pāṭihāriyakathā niṭṭhitā.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / баадихаарияагат̇ааван̣н̣анаа • Pāṭihāriyakathāvaṇṇanā
