| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi |
੬. ਪਾਟਿਹਾਰਿਯਕਥਾ
6. Pāṭihāriyakathā
੩੦. ‘‘ਤੀਣਿਮਾਨਿ , ਭਿਕ੍ਖવੇ 1, ਪਾਟਿਹਾਰਿਯਾਨਿ। ਕਤਮਾਨਿ ਤੀਣਿ? ਇਦ੍ਧਿਪਾਟਿਹਾਰਿਯਂ, ਆਦੇਸਨਾਪਾਟਿਹਾਰਿਯਂ, ਅਨੁਸਾਸਨੀਪਾਟਿਹਾਰਿਯਂ।
30. ‘‘Tīṇimāni , bhikkhave 2, pāṭihāriyāni. Katamāni tīṇi? Iddhipāṭihāriyaṃ, ādesanāpāṭihāriyaṃ, anusāsanīpāṭihāriyaṃ.
‘‘ਕਤਮਞ੍ਚ, ਭਿਕ੍ਖવੇ, ਇਦ੍ਧਿਪਾਟਿਹਾਰਿਯਂ? ਇਧ, ਭਿਕ੍ਖવੇ, ਏਕਚ੍ਚੋ ਅਨੇਕવਿਹਿਤਂ ਇਦ੍ਧਿવਿਧਂ ਪਚ੍ਚਨੁਭੋਤਿ – ਏਕੋਪਿ ਹੁਤ੍વਾ ਬਹੁਧਾ ਹੋਤਿ , ਬਹੁਧਾਪਿ ਹੁਤ੍વਾ ਏਕੋ ਹੋਤਿ; ਆવਿਭਾવਂ ਤਿਰੋਭਾવਂ…ਪੇ॰… ਯਾવ ਬ੍ਰਹ੍ਮਲੋਕਾਪਿ ਕਾਯੇਨ વਸਂ વਤ੍ਤੇਤਿ। ਇਦਂ વੁਚ੍ਚਤਿ, ਭਿਕ੍ਖવੇ, ਇਦ੍ਧਿਪਾਟਿਹਾਰਿਯਂ।
‘‘Katamañca, bhikkhave, iddhipāṭihāriyaṃ? Idha, bhikkhave, ekacco anekavihitaṃ iddhividhaṃ paccanubhoti – ekopi hutvā bahudhā hoti , bahudhāpi hutvā eko hoti; āvibhāvaṃ tirobhāvaṃ…pe… yāva brahmalokāpi kāyena vasaṃ vatteti. Idaṃ vuccati, bhikkhave, iddhipāṭihāriyaṃ.
‘‘ਕਤਮਞ੍ਚ , ਭਿਕ੍ਖવੇ, ਆਦੇਸਨਾਪਾਟਿਹਾਰਿਯਂ? ਇਧ, ਭਿਕ੍ਖવੇ, ਏਕਚ੍ਚੋ ਨਿਮਿਤ੍ਤੇਨ ਆਦਿਸਤਿ – ‘ਏવਮ੍ਪਿ ਤੇ ਮਨੋ, ਇਤ੍ਥਮ੍ਪਿ ਤੇ ਮਨੋ, ਇਤਿਪਿ ਤੇ ਚਿਤ੍ਤ’ਨ੍ਤਿ। ਸੋ ਬਹੁਂ ਚੇਪਿ ਆਦਿਸਤਿ, ਤਥੇવ ਤਂ ਹੋਤਿ, ਨੋ ਅਞ੍ਞਥਾ। ਇਧ ਪਨ, ਭਿਕ੍ਖવੇ, ਏਕਚ੍ਚੋ ਨ ਹੇવ ਖੋ ਨਿਮਿਤ੍ਤੇਨ ਆਦਿਸਤਿ, ਅਪਿ ਚ ਖੋ ਮਨੁਸ੍ਸਾਨਂ વਾ ਅਮਨੁਸ੍ਸਾਨਂ વਾ ਦੇવਤਾਨਂ વਾ ਸਦ੍ਦਂ ਸੁਤ੍વਾ ਆਦਿਸਤਿ – ‘ਏવਮ੍ਪਿ ਤੇ ਮਨੋ, ਇਤ੍ਥਮ੍ਪਿ ਤੇ ਮਨੋ, ਇਤਿਪਿ ਤੇ ਚਿਤ੍ਤ’ਨ੍ਤਿ। ਸੋ ਬਹੁਂ ਚੇਪਿ ਆਦਿਸਤਿ, ਤਥੇવ ਤਂ ਹੋਤਿ, ਨੋ ਅਞ੍ਞਥਾ। ਇਧ ਪਨ, ਭਿਕ੍ਖવੇ, ਏਕਚ੍ਚੋ ਨ ਹੇવ ਖੋ ਨਿਮਿਤ੍ਤੇਨ ਆਦਿਸਤਿ, ਨਪਿ ਮਨੁਸ੍ਸਾਨਂ વਾ ਅਮਨੁਸ੍ਸਾਨਂ વਾ ਦੇવਤਾਨਂ વਾ ਸਦ੍ਦਂ ਸੁਤ੍વਾ ਆਦਿਸਤਿ, ਅਪਿ ਚ ਖੋ વਿਤਕ੍ਕਯਤੋ વਿਚਾਰਯਤੋ વਿਤਕ੍ਕવਿਪ੍ਫਾਰਸਦ੍ਦਂ ਸੁਤ੍વਾ ਆਦਿਸਤਿ – ‘ਏવਮ੍ਪਿ ਤੇ ਮਨੋ, ਇਤ੍ਥਮ੍ਪਿ ਤੇ ਮਨੋ, ਇਤਿਪਿ ਤੇ ਚਿਤ੍ਤ’ਨ੍ਤਿ। ਸੋ ਬਹੁਂ ਚੇਪਿ ਆਦਿਸਤਿ, ਤਥੇવ ਤਂ ਹੋਤਿ, ਨੋ ਅਞ੍ਞਥਾ। ਇਧ ਪਨ, ਭਿਕ੍ਖવੇ, ਏਕਚ੍ਚੋ ਨ ਹੇવ ਖੋ ਨਿਮਿਤ੍ਤੇਨ ਆਦਿਸਤਿ, ਨਪਿ ਮਨੁਸ੍ਸਾਨਂ વਾ ਅਮਨੁਸ੍ਸਾਨਂ વਾ ਦੇવਤਾਨਂ વਾ ਸਦ੍ਦਂ ਸੁਤ੍વਾ ਆਦਿਸਤਿ, ਨਪਿ વਿਤਕ੍ਕਯਤੋ વਿਚਾਰਯਤੋ વਿਤਕ੍ਕવਿਪ੍ਫਾਰਸਦ੍ਦਂ ਸੁਤ੍વਾ ਆਦਿਸਤਿ, ਅਪਿ ਚ ਖੋ ਅવਿਤਕ੍ਕਂ ਅવਿਚਾਰਂ ਸਮਾਧਿਂ ਸਮਾਪਨ੍ਨਸ੍ਸ ਚੇਤਸਾ ਚੇਤੋ ਪਰਿਚ੍ਚ ਪਜਾਨਾਤਿ – ‘ਯਥਾ ਇਮਸ੍ਸ ਭੋਤੋ ਮਨੋਸਙ੍ਖਾਰਾ ਪਣਿਹਿਤਾ ਇਮਸ੍ਸ 3 ਚਿਤ੍ਤਸ੍ਸ ਅਨਨ੍ਤਰਾ ਅਮੁਕਂ ਨਾਮ વਿਤਕ੍ਕਂ વਿਤਕ੍ਕਯਿਸ੍ਸਤੀ’ਤਿ 4। ਸੋ ਬਹੁਂ ਚੇਪਿ ਆਦਿਸਤਿ, ਤਥੇવ ਤਂ ਹੋਤਿ, ਨੋ ਅਞ੍ਞਥਾ। ਇਦਂ વੁਚ੍ਚਤਿ, ਭਿਕ੍ਖવੇ, ਆਦੇਸਨਾਪਾਟਿਹਾਰਿਯਂ।
‘‘Katamañca, bhikkhave, ādesanāpāṭihāriyaṃ? Idha, bhikkhave, ekacco nimittena ādisati – ‘evampi te mano, itthampi te mano, itipi te citta’nti. So bahuṃ cepi ādisati, tatheva taṃ hoti, no aññathā. Idha pana, bhikkhave, ekacco na heva kho nimittena ādisati, api ca kho manussānaṃ vā amanussānaṃ vā devatānaṃ vā saddaṃ sutvā ādisati – ‘evampi te mano, itthampi te mano, itipi te citta’nti. So bahuṃ cepi ādisati, tatheva taṃ hoti, no aññathā. Idha pana, bhikkhave, ekacco na heva kho nimittena ādisati, napi manussānaṃ vā amanussānaṃ vā devatānaṃ vā saddaṃ sutvā ādisati, api ca kho vitakkayato vicārayato vitakkavipphārasaddaṃ sutvā ādisati – ‘evampi te mano, itthampi te mano, itipi te citta’nti. So bahuṃ cepi ādisati, tatheva taṃ hoti, no aññathā. Idha pana, bhikkhave, ekacco na heva kho nimittena ādisati, napi manussānaṃ vā amanussānaṃ vā devatānaṃ vā saddaṃ sutvā ādisati, napi vitakkayato vicārayato vitakkavipphārasaddaṃ sutvā ādisati, api ca kho avitakkaṃ avicāraṃ samādhiṃ samāpannassa cetasā ceto paricca pajānāti – ‘yathā imassa bhoto manosaṅkhārā paṇihitā imassa 5 cittassa anantarā amukaṃ nāma vitakkaṃ vitakkayissatī’ti 6. So bahuṃ cepi ādisati, tatheva taṃ hoti, no aññathā. Idaṃ vuccati, bhikkhave, ādesanāpāṭihāriyaṃ.
‘‘ਕਤਮਞ੍ਚ, ਭਿਕ੍ਖવੇ, ਅਨੁਸਾਸਨੀਪਾਟਿਹਾਰਿਯਂ? ਇਧ, ਭਿਕ੍ਖવੇ, ਏਕਚ੍ਚੋ ਏવਮਨੁਸਾਸਤਿ – ‘ਏવਂ વਿਤਕ੍ਕੇਥ, ਮਾ ਏવਂ વਿਤਕ੍ਕਯਿਤ੍ਥ। ਏવਂ ਮਨਸਿ ਕਰੋਥ, ਮਾ ਏવਂ ਮਨਸਿ ਕਰਿਤ੍ਥ। ਇਦਂ ਪਜਹਥ, ਇਦਂ ਉਪਸਮ੍ਪਜ੍ਜ વਿਹਰਥਾ’ਤਿ। ਇਦਂ વੁਚ੍ਚਤਿ, ਭਿਕ੍ਖવੇ, ਅਨੁਸਾਸਨੀਪਾਟਿਹਾਰਿਯਂ। ਇਮਾਨਿ ਖੋ, ਭਿਕ੍ਖવੇ, ਤੀਣਿ ਪਾਟਿਹਾਰਿਯਾਨਿ’’।
‘‘Katamañca, bhikkhave, anusāsanīpāṭihāriyaṃ? Idha, bhikkhave, ekacco evamanusāsati – ‘evaṃ vitakketha, mā evaṃ vitakkayittha. Evaṃ manasi karotha, mā evaṃ manasi karittha. Idaṃ pajahatha, idaṃ upasampajja viharathā’ti. Idaṃ vuccati, bhikkhave, anusāsanīpāṭihāriyaṃ. Imāni kho, bhikkhave, tīṇi pāṭihāriyāni’’.
੩੧. ਨੇਕ੍ਖਮ੍ਮਂ ਇਜ੍ਝਤੀਤਿ – ਇਦ੍ਧਿ। ਕਾਮਚ੍ਛਨ੍ਦਂ ਪਟਿਹਰਤੀਤਿ – ਪਾਟਿਹਾਰਿਯਂ। ਯੇ ਤੇਨ ਨੇਕ੍ਖਮ੍ਮੇਨ ਸਮਨ੍ਨਾਗਤਾ, ਸਬ੍ਬੇ ਤੇ વਿਸੁਦ੍ਧਚਿਤ੍ਤਾ ਅਨਾવਿਲਸਙ੍ਕਪ੍ਪਾਤਿ – ਆਦੇਸਨਾਪਾਟਿਹਾਰਿਯਂ। ‘‘ਤਂ ਖੋ ਪਨ ਨੇਕ੍ਖਮ੍ਮਂ ਏવਂ ਆਸੇવਿਤਬ੍ਬਂ, ਏવਂ ਭਾવੇਤਬ੍ਬਂ , ਏવਂ ਬਹੁਲੀਕਾਤਬ੍ਬਂ, ਏવਂ ਤਦਨੁਧਮ੍ਮਤਾ ਸਤਿ ਉਪਟ੍ਠਾਪੇਤਬ੍ਬਾ’’ਤਿ – ਅਨੁਸਾਸਨੀਪਾਟਿਹਾਰਿਯਂ।
31. Nekkhammaṃ ijjhatīti – iddhi. Kāmacchandaṃ paṭiharatīti – pāṭihāriyaṃ. Ye tena nekkhammena samannāgatā, sabbe te visuddhacittā anāvilasaṅkappāti – ādesanāpāṭihāriyaṃ. ‘‘Taṃ kho pana nekkhammaṃ evaṃ āsevitabbaṃ, evaṃ bhāvetabbaṃ , evaṃ bahulīkātabbaṃ, evaṃ tadanudhammatā sati upaṭṭhāpetabbā’’ti – anusāsanīpāṭihāriyaṃ.
ਅਬ੍ਯਾਪਾਦੋ ਇਜ੍ਝਤੀਤਿ – ਇਦ੍ਧਿ। ਬ੍ਯਾਪਾਦਂ ਪਟਿਹਰਤੀਤਿ – ਪਾਟਿਹਾਰਿਯਂ। ਯੇ ਤੇਨ ਅਬ੍ਯਾਪਾਦੇਨ ਸਮਨ੍ਨਾਗਤਾ, ਸਬ੍ਬੇ ਤੇ વਿਸੁਦ੍ਧਚਿਤ੍ਤਾ ਅਨਾવਿਲਸਙ੍ਕਪ੍ਪਾਤਿ – ਆਦੇਸਨਾਪਾਟਿਹਾਰਿਯਂ। ‘‘ਸੋ ਖੋ ਪਨ ਅਬ੍ਯਾਪਾਦੋ ਏવਂ ਆਸੇવਿਤਬ੍ਬੋ, ਏવਂ ਭਾવੇਤਬ੍ਬੋ, ਏવਂ ਬਹੁਲੀਕਾਤਬ੍ਬੋ, ਏવਂ ਤਦਨੁਧਮ੍ਮਤਾ ਸਤਿ ਉਪਟ੍ਠਾਪੇਤਬ੍ਬਾ’’ਤਿ – ਅਨੁਸਾਸਨੀਪਾਟਿਹਾਰਿਯਂ।
Abyāpādo ijjhatīti – iddhi. Byāpādaṃ paṭiharatīti – pāṭihāriyaṃ. Ye tena abyāpādena samannāgatā, sabbe te visuddhacittā anāvilasaṅkappāti – ādesanāpāṭihāriyaṃ. ‘‘So kho pana abyāpādo evaṃ āsevitabbo, evaṃ bhāvetabbo, evaṃ bahulīkātabbo, evaṃ tadanudhammatā sati upaṭṭhāpetabbā’’ti – anusāsanīpāṭihāriyaṃ.
ਆਲੋਕਸਞ੍ਞਾ ਇਜ੍ਝਤੀਤਿ – ਇਦ੍ਧਿ। ਥਿਨਮਿਦ੍ਧਂ ਪਟਿਹਰਤੀਤਿ – ਪਾਟਿਹਾਰਿਯਂ। ਯੇ ਤਾਯ ਆਲੋਕਸਞ੍ਞਾਯ ਸਮਨ੍ਨਾਗਤਾ, ਸਬ੍ਬੇ ਤੇ વਿਸੁਦ੍ਧਚਿਤ੍ਤਾ ਅਨਾવਿਲਸਙ੍ਕਪ੍ਪਾਤਿ – ਆਦੇਸਨਾਪਾਟਿਹਾਰਿਯਂ। ‘‘ਸਾ ਖੋ ਪਨ ਆਲੋਕਸਞ੍ਞਾ ਏવਂ ਆਸੇવਿਤਬ੍ਬਾ, ਏવਂ ਭਾવੇਤਬ੍ਬਾ, ਏવਂ ਬਹੁਲੀਕਾਤਬ੍ਬਾ, ਏવਂ ਤਦਨੁਧਮ੍ਮਤਾ ਸਤਿ ਉਪਟ੍ਠਾਪੇਤਬ੍ਬਾ’’ਤਿ – ਅਨੁਸਾਸਨੀਪਾਟਿਹਾਰਿਯਂ।
Ālokasaññā ijjhatīti – iddhi. Thinamiddhaṃ paṭiharatīti – pāṭihāriyaṃ. Ye tāya ālokasaññāya samannāgatā, sabbe te visuddhacittā anāvilasaṅkappāti – ādesanāpāṭihāriyaṃ. ‘‘Sā kho pana ālokasaññā evaṃ āsevitabbā, evaṃ bhāvetabbā, evaṃ bahulīkātabbā, evaṃ tadanudhammatā sati upaṭṭhāpetabbā’’ti – anusāsanīpāṭihāriyaṃ.
ਅવਿਕ੍ਖੇਪੋ ਇਜ੍ਝਤੀਤਿ – ਇਦ੍ਧਿ। ਉਦ੍ਧਚ੍ਚਂ ਪਟਿਹਰਤੀਤਿ – ਪਾਟਿਹਾਰਿਯਂ। ਯੇ ਤੇਨ ਅવਿਕ੍ਖੇਪੇਨ ਸਮਨ੍ਨਾਗਤਾ, ਸਬ੍ਬੇ ਤੇ વਿਸੁਦ੍ਧਚਿਤ੍ਤਾ ਅਨਾવਿਲਸਙ੍ਕਪ੍ਪਾਤਿ – ਆਦੇਸਨਾਪਾਟਿਹਾਰਿਯਂ। ‘‘ਸੋ ਖੋ ਪਨ ਅવਿਕ੍ਖੇਪੋ ਏવਂ ਆਸੇવਿਤਬ੍ਬੋ, ਏવਂ ਭਾવੇਤਬ੍ਬੋ, ਏવਂ ਬਹੁਲੀਕਾਤਬ੍ਬੋ, ਏવਂ ਤਦਨੁਧਮ੍ਮਤਾ ਸਤਿ ਉਪਟ੍ਠਾਪੇਤਬ੍ਬਾ’’ਤਿ – ਅਨੁਸਾਸਨੀਪਾਟਿਹਾਰਿਯਂ।
Avikkhepo ijjhatīti – iddhi. Uddhaccaṃ paṭiharatīti – pāṭihāriyaṃ. Ye tena avikkhepena samannāgatā, sabbe te visuddhacittā anāvilasaṅkappāti – ādesanāpāṭihāriyaṃ. ‘‘So kho pana avikkhepo evaṃ āsevitabbo, evaṃ bhāvetabbo, evaṃ bahulīkātabbo, evaṃ tadanudhammatā sati upaṭṭhāpetabbā’’ti – anusāsanīpāṭihāriyaṃ.
ਧਮ੍ਮવવਤ੍ਥਾਨਂ ਇਜ੍ਝਤੀਤਿ – ਇਦ੍ਧਿ। વਿਚਿਕਿਚ੍ਛਂ ਪਟਿਹਰਤੀਤਿ – ਪਾਟਿਹਾਰਿਯਂ। ਯੇ ਤੇਨ ਧਮ੍ਮવવਤ੍ਥਾਨੇਨ ਸਮਨ੍ਨਾਗਤਾ, ਸਬ੍ਬੇ ਤੇ વਿਸੁਦ੍ਧਚਿਤ੍ਤਾ ਅਨਾવਿਲਸਙ੍ਕਪ੍ਪਾਤਿ – ਆਦੇਸਨਾਪਾਟਿਹਾਰਿਯਂ। ‘‘ਤਂ ਖੋ ਪਨ ਧਮ੍ਮવવਤ੍ਥਾਨਂ ਏવਂ ਆਸੇવਿਤਬ੍ਬਂ, ਏવਂ ਭਾવੇਤਬ੍ਬਂ, ਏવਂ ਬਹੁਲੀਕਾਤਬ੍ਬਂ, ਏવਂ ਤਦਨੁਧਮ੍ਮਤਾ, ਸਤਿ ਉਪਟ੍ਠਾਪੇਤਬ੍ਬਾ’’ਤਿ – ਅਨੁਸਾਸਨੀਪਾਟਿਹਾਰਿਯਂ।
Dhammavavatthānaṃ ijjhatīti – iddhi. Vicikicchaṃ paṭiharatīti – pāṭihāriyaṃ. Ye tena dhammavavatthānena samannāgatā, sabbe te visuddhacittā anāvilasaṅkappāti – ādesanāpāṭihāriyaṃ. ‘‘Taṃ kho pana dhammavavatthānaṃ evaṃ āsevitabbaṃ, evaṃ bhāvetabbaṃ, evaṃ bahulīkātabbaṃ, evaṃ tadanudhammatā, sati upaṭṭhāpetabbā’’ti – anusāsanīpāṭihāriyaṃ.
ਞਾਣਂ ਇਜ੍ਝਤੀਤਿ – ਇਦ੍ਧਿ। ਅવਿਜ੍ਜਂ ਪਟਿਹਰਤੀਤਿ – ਪਾਟਿਹਾਰਿਯਂ। ਯੇ ਤੇਨ ਞਾਣੇਨ ਸਮਨ੍ਨਾਗਤਾ, ਸਬ੍ਬੇ ਤੇ વਿਸੁਦ੍ਧਚਿਤ੍ਤਾ ਅਨਾવਿਲਸਙ੍ਕਪ੍ਪਾਤਿ – ਆਦੇਸਨਾਪਾਟਿਹਾਰਿਯਂ। ‘‘ਤਂ ਖੋ ਪਨ ਞਾਣਂ ਏવਂ ਆਸੇવਿਤਬ੍ਬਂ, ਏવਂ ਭਾવੇਤਬ੍ਬਂ, ਏવਂ ਬਹੁਲੀਕਾਤਬ੍ਬਂ, ਏવਂ ਤਦਨੁਧਮ੍ਮਤਾ ਸਤਿ ਉਪਟ੍ਠਾਪੇਤਬ੍ਬਾ’’ਤਿ – ਅਨੁਸਾਸਨੀਪਾਟਿਹਾਰਿਯਂ।
Ñāṇaṃ ijjhatīti – iddhi. Avijjaṃ paṭiharatīti – pāṭihāriyaṃ. Ye tena ñāṇena samannāgatā, sabbe te visuddhacittā anāvilasaṅkappāti – ādesanāpāṭihāriyaṃ. ‘‘Taṃ kho pana ñāṇaṃ evaṃ āsevitabbaṃ, evaṃ bhāvetabbaṃ, evaṃ bahulīkātabbaṃ, evaṃ tadanudhammatā sati upaṭṭhāpetabbā’’ti – anusāsanīpāṭihāriyaṃ.
ਪਾਮੋਜ੍ਜਂ ਇਜ੍ਝਤੀਤਿ – ਇਦ੍ਧਿ। ਅਰਤਿਂ ਪਟਿਹਰਤੀਤਿ – ਪਾਟਿਹਾਰਿਯਂ। ਯੇ ਤੇਨ ਪਾਮੋਜ੍ਜੇਨ ਸਮਨ੍ਨਾਗਤਾ, ਸਬ੍ਬੇ ਤੇ વਿਸੁਦ੍ਧਚਿਤ੍ਤਾ ਅਨਾવਿਲਸਙ੍ਕਪ੍ਪਾਤਿ – ਆਦੇਸਨਾਪਾਟਿਹਾਰਿਯਂ। ‘‘ਤਂ ਖੋ ਪਨ ਪਾਮੋਜ੍ਜਂ ਏવਂ ਆਸੇવਿਤਬ੍ਬਂ, ਏવਂ ਭਾવੇਤਬ੍ਬਂ , ਏવਂ ਬਹੁਲੀਕਾਤਬ੍ਬਂ, ਏવਂ ਤਦਨੁਧਮ੍ਮਤਾ ਸਤਿ ਉਪਟ੍ਠਾਪੇਤਬ੍ਬਾ’’ਤਿ – ਅਨੁਸਾਸਨੀਪਾਟਿਹਾਰਿਯਂ…ਪੇ॰…।
Pāmojjaṃ ijjhatīti – iddhi. Aratiṃ paṭiharatīti – pāṭihāriyaṃ. Ye tena pāmojjena samannāgatā, sabbe te visuddhacittā anāvilasaṅkappāti – ādesanāpāṭihāriyaṃ. ‘‘Taṃ kho pana pāmojjaṃ evaṃ āsevitabbaṃ, evaṃ bhāvetabbaṃ , evaṃ bahulīkātabbaṃ, evaṃ tadanudhammatā sati upaṭṭhāpetabbā’’ti – anusāsanīpāṭihāriyaṃ…pe….
ਪਠਮਂ ਝਾਨਂ ਇਜ੍ਝਤੀਤਿ – ਇਦ੍ਧਿ। ਨੀવਰਣੇ ਪਟਿਹਰਤੀਤਿ – ਪਾਟਿਹਾਰਿਯਂ। ਯੇ ਤੇਨ ਪਠਮੇਨ ਝਾਨੇਨ ਸਮਨ੍ਨਾਗਤਾ, ਸਬ੍ਬੇ ਤੇ વਿਸੁਦ੍ਧਚਿਤ੍ਤਾ ਅਨਾવਿਲਸਙ੍ਕਪ੍ਪਾਤਿ – ਆਦੇਸਨਾਪਾਟਿਹਾਰਿਯਂ। ‘‘ਤਂ ਖੋ ਪਨ ਪਠਮਂ ਝਾਨਂ ਏવਂ ਆਸੇવਿਤਬ੍ਬਂ, ਏવਂ ਭਾવੇਤਬ੍ਬਂ, ਏવਂ ਬਹੁਲੀਕਾਤਬ੍ਬਂ, ਏવਂ ਤਦਨੁਧਮ੍ਮਤਾ ਸਤਿ ਉਪਟ੍ਠਾਪੇਤਬ੍ਬਾ’’ਤਿ – ਅਨੁਸਾਸਨੀਪਾਟਿਹਾਰਿਯਂ…ਪੇ॰…।
Paṭhamaṃ jhānaṃ ijjhatīti – iddhi. Nīvaraṇe paṭiharatīti – pāṭihāriyaṃ. Ye tena paṭhamena jhānena samannāgatā, sabbe te visuddhacittā anāvilasaṅkappāti – ādesanāpāṭihāriyaṃ. ‘‘Taṃ kho pana paṭhamaṃ jhānaṃ evaṃ āsevitabbaṃ, evaṃ bhāvetabbaṃ, evaṃ bahulīkātabbaṃ, evaṃ tadanudhammatā sati upaṭṭhāpetabbā’’ti – anusāsanīpāṭihāriyaṃ…pe….
ਅਰਹਤ੍ਤਮਗ੍ਗੋ ਇਜ੍ਝਤੀਤਿ – ਇਦ੍ਧਿ। ਸਬ੍ਬਕਿਲੇਸੇ ਪਟਿਹਰਤੀਤਿ – ਪਾਟਿਹਾਰਿਯਂ। ਯੇ ਤੇਨ ਅਰਹਤ੍ਤਮਗ੍ਗੇਨ ਸਮਨ੍ਨਾਗਤਾ, ਸਬ੍ਬੇ ਤੇ વਿਸੁਦ੍ਧਚਿਤ੍ਤਾ ਅਨਾવਿਲਸਙ੍ਕਪ੍ਪਾਤਿ – ਆਦੇਸਨਾਪਾਟਿਹਾਰਿਯਂ। ‘‘ਸੋ ਖੋ ਪਨ ਅਰਹਤ੍ਤਮਗ੍ਗੋ ਏવਂ ਆਸੇવਿਤਬ੍ਬੋ, ਏવਂ ਭਾવੇਤਬ੍ਬੋ, ਏવਂ ਬਹੁਲੀਕਾਤਬ੍ਬੋ, ਏવਂ ਤਦਨੁਧਮ੍ਮਤਾ ਸਤਿ ਉਪਟ੍ਠਾਪੇਤਬ੍ਬਾ’’ਤਿ – ਅਨੁਸਾਸਨੀਪਾਟਿਹਾਰਿਯਂ।
Arahattamaggo ijjhatīti – iddhi. Sabbakilese paṭiharatīti – pāṭihāriyaṃ. Ye tena arahattamaggena samannāgatā, sabbe te visuddhacittā anāvilasaṅkappāti – ādesanāpāṭihāriyaṃ. ‘‘So kho pana arahattamaggo evaṃ āsevitabbo, evaṃ bhāvetabbo, evaṃ bahulīkātabbo, evaṃ tadanudhammatā sati upaṭṭhāpetabbā’’ti – anusāsanīpāṭihāriyaṃ.
੩੨. ਨੇਕ੍ਖਮ੍ਮਂ ਇਜ੍ਝਤੀਤਿ – ਇਦ੍ਧਿ। ਕਾਮਚ੍ਛਨ੍ਦਂ ਪਟਿਹਰਤੀਤਿ – ਪਾਟਿਹਾਰਿਯਂ। ਯਾ ਚ ਇਦ੍ਧਿ ਯਞ੍ਚ ਪਾਟਿਹਾਰਿਯਂ, ਇਦਂ વੁਚ੍ਚਤਿ ਇਦ੍ਧਿਪਾਟਿਹਾਰਿਯਂ। ਅਬ੍ਯਾਪਾਦੋ ਇਜ੍ਝਤੀਤਿ – ਇਦ੍ਧਿ। ਬ੍ਯਾਪਾਦਂ ਪਟਿਹਰਤੀਤਿ – ਪਾਟਿਹਾਰਿਯਂ। ਯਾ ਚ ਇਦ੍ਧਿ ਯਞ੍ਚ ਪਾਟਿਹਾਰਿਯਂ, ਇਦਂ વੁਚ੍ਚਤਿ ਇਦ੍ਧਿਪਾਟਿਹਾਰਿਯਂ। ਆਲੋਕਸਞ੍ਞਾ ਇਜ੍ਝਤੀਤਿ – ਇਦ੍ਧਿ। ਥਿਨਮਿਦ੍ਧਂ ਪਟਿਹਰਤੀਤਿ – ਪਾਟਿਹਾਰਿਯਂ…ਪੇ॰… ਅਰਹਤ੍ਤਮਗ੍ਗੋ ਇਜ੍ਝਤੀਤਿ – ਇਦ੍ਧਿ। ਸਬ੍ਬਕਿਲੇਸੇ ਪਟਿਹਰਤੀਤਿ – ਪਾਟਿਹਾਰਿਯਂ। ਯਾ ਚ ਇਦ੍ਧਿ ਯਞ੍ਚ ਪਾਟਿਹਾਰਿਯਂ, ਇਦਂ વੁਚ੍ਚਤਿ ਇਦ੍ਧਿਪਾਟਿਹਾਰਿਯਨ੍ਤਿ ।
32. Nekkhammaṃ ijjhatīti – iddhi. Kāmacchandaṃ paṭiharatīti – pāṭihāriyaṃ. Yā ca iddhi yañca pāṭihāriyaṃ, idaṃ vuccati iddhipāṭihāriyaṃ. Abyāpādo ijjhatīti – iddhi. Byāpādaṃ paṭiharatīti – pāṭihāriyaṃ. Yā ca iddhi yañca pāṭihāriyaṃ, idaṃ vuccati iddhipāṭihāriyaṃ. Ālokasaññā ijjhatīti – iddhi. Thinamiddhaṃ paṭiharatīti – pāṭihāriyaṃ…pe… arahattamaggo ijjhatīti – iddhi. Sabbakilese paṭiharatīti – pāṭihāriyaṃ. Yā ca iddhi yañca pāṭihāriyaṃ, idaṃ vuccati iddhipāṭihāriyanti .
ਪਾਟਿਹਾਰਿਯਕਥਾ ਨਿਟ੍ਠਿਤਾ।
Pāṭihāriyakathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā / ਪਾਟਿਹਾਰਿਯਕਥਾવਣ੍ਣਨਾ • Pāṭihāriyakathāvaṇṇanā
