| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
6. баадихаарияагат̇аа
6. Pāṭihāriyakathā
баадихаарияагат̇ааван̣н̣анаа
Pāṭihāriyakathāvaṇṇanā
30. ид̣̇аани логад̇т̇ажарияаабарияосаанааяа жарияаагат̇ааяа ананд̇арам̣ логад̇т̇аанусаасанабарияосаанам̣ баадихаарияам̣ д̣̇ассзнд̇зна гат̇ид̇ааяа суд̇д̇анд̇абуб̣б̣ан̇г̇амааяа баадихаарияагат̇ааяа абуб̣б̣ад̇т̇аануван̣н̣анаа. д̇ад̇т̇а суд̇д̇анд̇з д̇аава баадихаарияаанийд̇и бажжанийгабадихаран̣авасзна баадихаарияаани. ид̣̇д̇хибаадихаарияанд̇и иж̇жханавасзна ид̣̇д̇хи, бадихаран̣авасзна баадихаарияам̣, ид̣̇д̇хиязва баадихаарияам̣ ид̣̇д̇хибаадихаарияам̣. ид̇арзсу бана аад̣̇иссанавасзна аад̣̇зсанам̣, анусаасанавасзна анусаасаний. сзсам̣ вуд̇д̇анаяамзва.
30. Idāni lokatthacariyāpariyosānāya cariyākathāya anantaraṃ lokatthānusāsanapariyosānaṃ pāṭihāriyaṃ dassentena kathitāya suttantapubbaṅgamāya pāṭihāriyakathāya apubbatthānuvaṇṇanā. Tattha suttante tāva pāṭihāriyānīti paccanīkapaṭiharaṇavasena pāṭihāriyāni. Iddhipāṭihāriyanti ijjhanavasena iddhi, paṭiharaṇavasena pāṭihāriyaṃ, iddhiyeva pāṭihāriyaṃ iddhipāṭihāriyaṃ. Itaresu pana ādissanavasena ādesanaṃ, anusāsanavasena anusāsanī. Sesaṃ vuttanayameva.
ид̇хаад̇и имасмим̣ логз. згажжод̇и зго босо. ид̣̇д̇хибаадихаарияанид̣̇д̣̇зсо хздтаа вуд̇д̇ад̇т̇оязва. нимид̇д̇зна аад̣̇исад̇ийд̇и ааг̇ад̇анимид̇д̇зна ваа г̇ад̇анимид̇д̇зна ваа тид̇анимид̇д̇зна ваа гат̇зд̇и. звамби д̇з манод̇и звамби д̇ава мано соманассид̇о ваа д̣̇оманассид̇о ваа гаамавид̇аггаад̣̇исамбаяуд̇д̇о ваа. аби-сад̣̇д̣̇о самбин̣д̣анад̇т̇о. ид̇т̇амби д̇з манод̇и соманассид̇аад̣̇ид̇о згзгавид̇хзби жид̇д̇з наанаббагаарабарид̣̇ийбанам̣. ид̇иби д̇з жид̇д̇анд̇и ид̇иби д̇ава жид̇д̇ам̣, иман̃жа иман̃жа ад̇т̇ам̣ жинд̇аяамаанам̣ бавад̇д̇ад̇ийд̇и ад̇т̇о. б̣ахум̣ жзби аад̣̇исад̇ийд̇и жид̇д̇ад̇о ан̃н̃ам̣ ваа ид̣̇ан̃жа ид̣̇ан̃жа наама ахоси бхавад̇и бхависсад̇ийд̇и б̣ахугамби гат̇зд̇и. д̇ат̇зва д̇ам̣ ход̇и, но ан̃н̃ат̇аад̇и д̇ам̣ саб̣б̣амби яат̇аа яат̇аа гат̇ид̇ам̣, д̇ат̇зва ход̇и, ан̃н̃ат̇аа на ход̇и.
Idhāti imasmiṃ loke. Ekaccoti eko poso. Iddhipāṭihāriyaniddeso heṭṭhā vuttatthoyeva. Nimittena ādisatīti āgatanimittena vā gatanimittena vā ṭhitanimittena vā katheti. Evampi te manoti evampi tava mano somanassito vā domanassito vā kāmavitakkādisampayutto vā. Api-saddo sampiṇḍanattho. Itthampi te manoti somanassitādito ekekavidhepi citte nānappakāraparidīpanaṃ. Itipi te cittanti itipi tava cittaṃ, imañca imañca atthaṃ cintayamānaṃ pavattatīti attho. Bahuṃ cepi ādisatīti cittato aññaṃ vā idañca idañca nāma ahosi bhavati bhavissatīti bahukampi katheti. Tatheva taṃ hoti, no aññathāti taṃ sabbampi yathā yathā kathitaṃ, tatheva hoti, aññathā na hoti.
на хзва ко нимид̇д̇зна аад̣̇исад̇ийд̇и нимид̇д̇ам̣ ж̇аананд̇оби гзвалам̣ нимид̇д̇знзва на гат̇зд̇и. абижаад̇и абарабарияааяад̣̇ассанам̣. мануссаананд̇и жид̇д̇ам̣ ж̇аананагамануссаанам̣. амануссаананд̇и саавид̇аанам̣ ваа ассаавид̇аанам̣ ваа яагкабисаажаад̣̇ийнам̣. д̣̇звад̇аананд̇и жаад̇умахаарааж̇игаад̣̇ийнам̣ . сад̣̇д̣̇ам̣ суд̇ваад̇и ан̃н̃асса жид̇д̇ам̣ н̃ад̇ваа гат̇знд̇аанам̣ сад̣̇д̣̇ам̣ сун̣ид̇ваа. банаад̇и нибаад̇о буна аарамбхз. вид̇аггаяад̇од̇и яам̣ ваа д̇ам̣ ваа вид̇аггзна вид̇аггзнд̇асса. вижаараяад̇од̇и вид̇аггасамбаяуд̇д̇знзва вижаарзна вижаарзнд̇асса. вид̇аггавибпаарасад̣̇д̣̇ам̣ суд̇ваад̇и вид̇аггавзг̇авасзна уббаннам̣ виббалабанд̇аанам̣ суд̇д̇аббамад̇д̇аад̣̇ийнам̣ гууж̇анасад̣̇д̣̇ам̣ суд̇ваа. яам̣ вид̇аггаяад̇о со сад̣̇д̣̇о уббанно, д̇асса васзна ‘‘звамби д̇з мано’’д̇иаад̣̇ийни аад̣̇исад̇и.
Na heva kho nimittena ādisatīti nimittaṃ jānantopi kevalaṃ nimitteneva na katheti. Apicāti aparapariyāyadassanaṃ. Manussānanti cittaṃ jānanakamanussānaṃ. Amanussānanti sāvitānaṃ vā assāvitānaṃ vā yakkhapisācādīnaṃ. Devatānanti cātumahārājikādīnaṃ . Saddaṃ sutvāti aññassa cittaṃ ñatvā kathentānaṃ saddaṃ suṇitvā. Panāti nipāto puna ārambhe. Vitakkayatoti yaṃ vā taṃ vā vitakkena vitakkentassa. Vicārayatoti vitakkasampayutteneva vicārena vicārentassa. Vitakkavipphārasaddaṃ sutvāti vitakkavegavasena uppannaṃ vippalapantānaṃ suttappamattādīnaṃ kūjanasaddaṃ sutvā. Yaṃ vitakkayato so saddo uppanno, tassa vasena ‘‘evampi te mano’’tiādīni ādisati.
авид̇аггам̣ авижаарам̣ самаад̇хинд̇и вид̇аггавижаарагкобхавирахид̇асанд̇ажид̇д̇ассааби ж̇аананасамад̇т̇ад̇ам̣ д̣̇ассзнд̇зна вуд̇д̇ам̣, сзсажид̇д̇аж̇аананз бана вад̇д̇аб̣б̣амзва над̇т̇и. жзд̇асаа жзд̇о барижжа баж̇аанаад̇ийд̇и жзд̇обарияан̃аан̣алаабхий. бход̇од̇и бхаванд̇асса. маносан̇каараа бан̣ихид̇аад̇и жид̇д̇асан̇каараа табид̇аа. амугам̣ наама вид̇аггам̣ вид̇аггаяиссад̇ийд̇и гусалаад̣̇ивид̇аггам̣ вид̇аггаяиссад̇и бавад̇д̇аяиссад̇ийд̇и баж̇аанаад̇и. баж̇аананд̇о жа ааг̇аманзна ж̇аанаад̇и, буб̣б̣абхааг̇зна ж̇аанаад̇и, анд̇осамаабад̇д̇ияам̣ жид̇д̇ам̣ ологзд̇ваа ж̇аанаад̇и. ааг̇аманзна ж̇аанаад̇и наама гасин̣абаригаммагаалзязва ‘‘язнаагаарзнзса гасин̣абхааванам̣ аарад̣̇д̇хо батамаж̇жхаанам̣ ваа д̣̇уд̇ияаад̣̇иж̇жхаанам̣ ваа адта самаабад̇д̇ияо ваа уббаад̣̇зссад̇ий’’д̇и ж̇аанаад̇и. буб̣б̣абхааг̇зна ж̇аанаад̇и наама батамавибассанааяа аарад̣̇д̇хааяа звам̣ ж̇аанаад̇и, ‘‘язнаагаарзнзса вибассанам̣ аарад̣̇д̇хо сод̇аабад̇д̇имаг̇г̇ам̣ ваа уббаад̣̇зссад̇и…бз… арахад̇д̇амаг̇г̇ам̣ ваа уббаад̣̇зссад̇ий’’д̇и ж̇аанаад̇и. анд̇осамаабад̇д̇ияам̣ жид̇д̇ам̣ ологзд̇ваа ж̇аанаад̇и наама ‘‘язнаагаарзна имасса маносан̇каараа табид̇аа, имасса наама жид̇д̇асса ананд̇араа имам̣ наама вид̇аггам̣ вид̇аггзссад̇и, ид̇о вудтид̇асса зд̇асса хаанабхааг̇ияо ваа самаад̇хи бхависсад̇и, тид̇ибхааг̇ияо ваа висзсабхааг̇ияо ваа ниб̣б̣зд̇хабхааг̇ияо ваа, абхин̃н̃ааяо ваа уббаад̣̇зссад̇ий’’д̇и ж̇аанаад̇и. б̣ахум̣ жзби аад̣̇исад̇ийд̇и жзд̇обарияан̃аан̣асса жид̇д̇ажзд̇асигаанам̣язва аарамман̣агаран̣ад̇о сарааг̇аад̣̇исол̣асабабхзд̣̇авасзнзва б̣ахум̣ жзби гат̇зд̇и, на ан̃н̃авасзнаад̇и взд̣̇ид̇аб̣б̣ам̣. д̇ат̇зва д̇ам̣ ход̇ийд̇и ид̣̇ам̣ згам̣сзна д̇ат̇зва ход̇и. жзд̇обарияан̃аан̣авасзна н̃аад̇ан̃хи ан̃н̃ат̇аабхаавий наама над̇т̇и.
Avitakkaṃ avicāraṃ samādhinti vitakkavicārakkhobhavirahitasantacittassāpi jānanasamatthataṃ dassentena vuttaṃ, sesacittajānane pana vattabbameva natthi. Cetasā ceto paricca pajānātīti cetopariyañāṇalābhī. Bhototi bhavantassa. Manosaṅkhārā paṇihitāti cittasaṅkhārā ṭhapitā. Amukaṃ nāma vitakkaṃ vitakkayissatīti kusalādivitakkaṃ vitakkayissati pavattayissatīti pajānāti. Pajānanto ca āgamanena jānāti, pubbabhāgena jānāti, antosamāpattiyaṃ cittaṃ oloketvā jānāti. Āgamanena jānāti nāma kasiṇaparikammakāleyeva ‘‘yenākārenesa kasiṇabhāvanaṃ āraddho paṭhamajjhānaṃ vā dutiyādijjhānaṃ vā aṭṭha samāpattiyo vā uppādessatī’’ti jānāti. Pubbabhāgena jānāti nāma paṭhamavipassanāya āraddhāya evaṃ jānāti, ‘‘yenākārenesa vipassanaṃ āraddho sotāpattimaggaṃ vā uppādessati…pe… arahattamaggaṃ vā uppādessatī’’ti jānāti. Antosamāpattiyaṃ cittaṃ oloketvā jānāti nāma ‘‘yenākārena imassa manosaṅkhārā ṭhapitā, imassa nāma cittassa anantarā imaṃ nāma vitakkaṃ vitakkessati, ito vuṭṭhitassa etassa hānabhāgiyo vā samādhi bhavissati, ṭhitibhāgiyo vā visesabhāgiyo vā nibbedhabhāgiyo vā, abhiññāyo vā uppādessatī’’ti jānāti. Bahuṃ cepi ādisatīti cetopariyañāṇassa cittacetasikānaṃyeva ārammaṇakaraṇato sarāgādisoḷasapabhedavaseneva bahuṃ cepi katheti, na aññavasenāti veditabbaṃ. Tatheva taṃ hotīti idaṃ ekaṃsena tatheva hoti. Cetopariyañāṇavasena ñātañhi aññathābhāvī nāma natthi.
звам̣ вид̇аггзт̇аад̇и звам̣ нзгкаммавид̇аггаад̣̇аяо бавад̇д̇знд̇аа вид̇аггзт̇а. маа звам̣ вид̇аггаяид̇т̇аад̇и звам̣ гаамавид̇аггаад̣̇аяо бавад̇д̇знд̇аа маа вид̇аггаяид̇т̇а . звам̣ манаси гарот̇аад̇и звам̣ анижжасан̃н̃амзва, д̣̇угкасан̃н̃аад̣̇ийсу ваа ан̃н̃ад̇арам̣ манаси гарот̇а. маа звам̣ манасаагад̇т̇аад̇и звам̣ нижжанд̇иаад̣̇инаа наязна маа манаси агад̇т̇а. ид̣̇ам̣ баж̇ахат̇аад̇и ид̣̇ам̣ бан̃жагаамаг̇ун̣арааг̇аад̣̇им̣ баж̇ахат̇а. ид̣̇ам̣ убасамбаж̇ж̇а вихарат̇аад̇и ид̣̇ам̣ жад̇умаг̇г̇апалаббабхзд̣̇ам̣ логуд̇д̇арад̇хаммамзва баабун̣ид̇ваа нибпаад̣̇зд̇ваа вихарат̇а.
Evaṃ vitakkethāti evaṃ nekkhammavitakkādayo pavattentā vitakketha. Mā evaṃ vitakkayitthāti evaṃ kāmavitakkādayo pavattentā mā vitakkayittha . Evaṃ manasi karothāti evaṃ aniccasaññameva, dukkhasaññādīsu vā aññataraṃ manasi karotha. Mā evaṃ manasākatthāti evaṃ niccantiādinā nayena mā manasi akattha. Idaṃpajahathāti idaṃ pañcakāmaguṇarāgādiṃ pajahatha. Idaṃ upasampajja viharathāti idaṃ catumaggaphalappabhedaṃ lokuttaradhammameva pāpuṇitvā nipphādetvā viharatha.
31. ид̣̇аани ид̣̇д̇хибаадихаарияз абарам̣ барияааяам̣ висзсзна д̣̇ассзнд̇о нзгкаммам̣ иж̇жхад̇ийд̇и ид̣̇д̇хийд̇иаад̣̇имааха. д̇ад̇т̇а гаамажчанд̣̇ам̣ бадихарад̇ийд̇и ад̇д̇ано бадибагкабхууд̇ам̣ гаамажчанд̣̇ам̣ бадиб̣алам̣ худ̇ваа харад̇и баж̇ахад̇ийд̇и д̇ад̣̇зва нзгкаммам̣ баадихаарияам̣ наамаад̇и ад̇т̇о. яз д̇зна нзгкаммзна саманнааг̇ад̇аад̇и звам̣ гаамажчанд̣̇абадихаарагзна д̇зна нзгкаммзна яз буг̇г̇алаа бадилаабхавасзна саманнааг̇ад̇аа. висуд̣̇д̇хажид̇д̇аад̇и гаамажчанд̣̇аабхаавад̇о висуд̣̇д̇хажид̇д̇аа. анаавиласан̇габбаад̇и гаамасан̇габбзна анаалулид̇анзгкаммасан̇габбаа. ид̇и аад̣̇зсанаабаадихаарияанд̇и баражид̇д̇агусалзна ваа ан̃н̃зна ваа саммаасамб̣уд̣̇д̇хзна ваа б̣уд̣̇д̇хасаавагзхи ваа звам̣ аад̣̇зсанаа баадихаарияанд̇и ад̇т̇о. ат̇а ваа ид̇и звам̣ аад̣̇исанам̣ аад̣̇зсанаабаадихаарияанд̇и аад̣̇зсанасад̣̇д̣̇о баатасзсам̣ гад̇ваа баяуж̇ж̇ид̇аб̣б̣о. звам̣ аасзвид̇аб̣б̣анд̇и иминаа жа багаарзна иминаа жа багаарзна аад̣̇ид̇о сзвид̇аб̣б̣ам̣. сзсад̇д̇аязби зсзва наяо. д̇ад̣̇ануд̇хаммад̇аа сад̇и убадтабзд̇аб̣б̣аад̇и д̇асса нзгкаммасса анугуулабхууд̇аа сад̇и бхусам̣ табзд̇аб̣б̣аа. ид̇и анусаасанийбаадихаарияанд̇и зд̇т̇а аад̣̇зсанаабаадихаарияаяож̇анааяа вияа яож̇анаа гаад̇аб̣б̣аа. аб̣яаабаад̣̇аад̣̇ийсуби зсзва наяо. баато бана жхаанаад̣̇ийни сан̇кибид̇ваа анд̇з арахад̇д̇амаг̇г̇амзва д̣̇ассзд̇ваа ликид̇о. д̇ад̇т̇а жад̇уусуби маг̇г̇зсу ‘‘звам̣ аасзвид̇аб̣б̣о’’д̇иаад̣̇и згажид̇д̇агкан̣игад̇д̇аа маг̇г̇асса буб̣б̣абхааг̇авасзна вуд̇д̇анд̇и взд̣̇ид̇аб̣б̣ам̣. маг̇г̇асса хи буб̣б̣абхааг̇абхууд̇ааяа логияамаг̇г̇асан̇каад̇ааяа вудтаанаг̇ааминияаа вибассанааяа маг̇г̇уббаад̣̇анад̇т̇ам̣ аасзванаад̣̇ийсу гад̇зсу д̇ааяа уббанно маг̇г̇оби аасзвид̇о бхаавид̇о б̣ахулийгад̇о наама ход̇ийд̇и взд̣̇ид̇аб̣б̣ам̣. саб̣б̣ад̇т̇игаваад̣̇аажарияаа бана ‘‘згзгамаг̇г̇о сол̣асагкан̣иго’’д̇и вад̣̇анд̇и. д̇ад̣̇ануд̇хаммад̇аасад̇иубадтаабанам̣ бана буб̣б̣абхааг̇з яуж̇ж̇ад̇иязваад̇и.
31. Idāni iddhipāṭihāriye aparaṃ pariyāyaṃ visesena dassento nekkhammaṃ ijjhatīti iddhītiādimāha. Tattha kāmacchandaṃ paṭiharatīti attano paṭipakkhabhūtaṃ kāmacchandaṃ paṭibalaṃ hutvā harati pajahatīti tadeva nekkhammaṃ pāṭihāriyaṃ nāmāti attho. Ye tena nekkhammena samannāgatāti evaṃ kāmacchandapaṭihārakena tena nekkhammena ye puggalā paṭilābhavasena samannāgatā. Visuddhacittāti kāmacchandābhāvato visuddhacittā. Anāvilasaṅkappāti kāmasaṅkappena anālulitanekkhammasaṅkappā. Iti ādesanāpāṭihāriyanti paracittakusalena vā aññena vā sammāsambuddhena vā buddhasāvakehi vā evaṃ ādesanā pāṭihāriyanti attho. Atha vā iti evaṃ ādisanaṃ ādesanāpāṭihāriyanti ādesanasaddo pāṭhasesaṃ katvā payujjitabbo. Evaṃ āsevitabbanti iminā ca pakārena iminā ca pakārena ādito sevitabbaṃ. Sesattayepi eseva nayo. Tadanudhammatā sati upaṭṭhapetabbāti tassa nekkhammassa anukūlabhūtā sati bhusaṃ ṭhapetabbā. Iti anusāsanīpāṭihāriyanti ettha ādesanāpāṭihāriyayojanāya viya yojanā kātabbā. Abyāpādādīsupi eseva nayo. Pāṭho pana jhānādīni saṅkhipitvā ante arahattamaggameva dassetvā likhito. Tattha catūsupi maggesu ‘‘evaṃ āsevitabbo’’tiādi ekacittakkhaṇikattā maggassa pubbabhāgavasena vuttanti veditabbaṃ. Maggassa hi pubbabhāgabhūtāya lokiyamaggasaṅkhātāya vuṭṭhānagāminiyā vipassanāya magguppādanatthaṃ āsevanādīsu katesu tāya uppanno maggopi āsevito bhāvito bahulīkato nāma hotīti veditabbaṃ. Sabbatthikavādācariyā pana ‘‘ekekamaggo soḷasakkhaṇiko’’ti vadanti. Tadanudhammatāsatiupaṭṭhāpanaṃ pana pubbabhāge yujjatiyevāti.
32. буна нзгкаммам̣ иж̇жхад̇ийд̇и ид̣̇д̇хийд̇иаад̣̇ийни ‘‘ид̣̇д̇хибаадихаарияа’’нд̇ибад̣̇асса гаммад̇хаараяасамаасад̇д̇ад̣̇ийбанад̇т̇ам̣ вуд̇д̇аани. суд̇д̇анд̇з вуд̇д̇зсу д̇ийсу ид̣̇д̇хибаадихаарияассзва самаасад̇д̇з вуд̇д̇з сзсаанам̣ д̣̇виннамби вуд̇д̇ова ход̇ийд̇и имасмим̣ барияааяз муулабхууд̇асса ид̣̇д̇хибаадихаарияассзва самаасад̇т̇о вуд̇д̇од̇и взд̣̇ид̇аб̣б̣анд̇и.
32. Puna nekkhammaṃ ijjhatīti iddhītiādīni ‘‘iddhipāṭihāriya’’ntipadassa kammadhārayasamāsattadīpanatthaṃ vuttāni. Suttante vuttesu tīsu iddhipāṭihāriyasseva samāsatte vutte sesānaṃ dvinnampi vuttova hotīti imasmiṃ pariyāye mūlabhūtassa iddhipāṭihāriyasseva samāsattho vuttoti veditabbanti.
баадихаарияагат̇ааван̣н̣анаа нидтид̇аа.
Pāṭihāriyakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 6. баадихаарияагат̇аа • 6. Pāṭihāriyakathā
