| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๓. ปาฎิหีรสญฺญกเตฺถรอปทานํ
3. Pāṭihīrasaññakattheraapadānaṃ
๒๖.
26.
‘‘ปทุมุตฺตโร นาม ชิโน, อาหุตีนํ ปฎิคฺคโห;
‘‘Padumuttaro nāma jino, āhutīnaṃ paṭiggaho;
วสีสตสหเสฺสหิ, นครํ ปาวิสี ตทาฯ
Vasīsatasahassehi, nagaraṃ pāvisī tadā.
๒๗.
27.
‘‘นครํ ปวิสนฺตสฺส, อุปสนฺตสฺส ตาทิโน;
‘‘Nagaraṃ pavisantassa, upasantassa tādino;
๒๘.
28.
‘‘พุทฺธสฺส อานุภาเวน, เภรี วชฺชุมฆฎฺฎิตา;
‘‘Buddhassa ānubhāvena, bherī vajjumaghaṭṭitā;
สยํ วีณา ปวชฺชนฺติ, พุทฺธสฺส ปวิสโต ปุรํฯ
Sayaṃ vīṇā pavajjanti, buddhassa pavisato puraṃ.
๒๙.
29.
ปาฎิหีรญฺจ ปสฺสิตฺวา, ตตฺถ จิตฺตํ ปสาทยิํฯ
Pāṭihīrañca passitvā, tattha cittaṃ pasādayiṃ.
๓๐.
30.
‘‘อโห พุโทฺธ อโห ธโมฺม, อโห โน สตฺถุสมฺปทา;
‘‘Aho buddho aho dhammo, aho no satthusampadā;
อเจตนาปิ ตุริยา, สยเมว ปวชฺชเรฯ
Acetanāpi turiyā, sayameva pavajjare.
๓๑.
31.
‘‘สตสหสฺสิโต กเปฺป, ยํ สญฺญมลภิํ ตทา;
‘‘Satasahassito kappe, yaṃ saññamalabhiṃ tadā;
ทุคฺคติํ นาภิชานามิ, พุทฺธสญฺญายิทํ ผลํฯ
Duggatiṃ nābhijānāmi, buddhasaññāyidaṃ phalaṃ.
๓๒.
32.
‘‘กิเลสา ฌาปิตา มยฺหํ…เป.… วิหรามิ อนาสโวฯ
‘‘Kilesā jhāpitā mayhaṃ…pe… viharāmi anāsavo.
๓๓.
33.
‘‘สฺวาคตํ วต เม อาสิ…เป.… กตํ พุทฺธสฺส สาสนํฯ
‘‘Svāgataṃ vata me āsi…pe… kataṃ buddhassa sāsanaṃ.
๓๔.
34.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ปาฎิหีรสญฺญโก เถโร อิมา คาถาโย
Itthaṃ sudaṃ āyasmā pāṭihīrasaññako thero imā gāthāyo
อภาสิตฺถาติฯ
Abhāsitthāti.
ปาฎิหีรสญฺญกเตฺถรสฺสาปทานํ ตติยํฯ
Pāṭihīrasaññakattherassāpadānaṃ tatiyaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๑-๖๐. สกิํสมฺมชฺชกเตฺถรอปทานาทิวณฺณนา • 1-60. Sakiṃsammajjakattheraapadānādivaṇṇanā
