| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
8. бад̇илийнасуд̇д̇ам̣
8. Patilīnasuttaṃ
38. ‘‘банун̣н̣абажжзгасажжо 1, бхигкавз, бхигку ‘самаваяасадтзсано бассад̣̇д̇хагааяасан̇кааро бад̇илийно’д̇и вужжад̇и. гат̇ан̃жа, бхигкавз, бхигку банун̣н̣абажжзгасажжо ход̇и? ид̇ха, бхигкавз, бхигкуно яаани д̇аани бут̇усаман̣аб̣раахман̣аанам̣ бут̇убажжзгасажжаани, сзяяат̇ид̣̇ам̣ – сассад̇о логод̇и ваа, асассад̇о логод̇и ваа, анд̇аваа логод̇и ваа, ананд̇аваа логод̇и ваа, д̇ам̣ ж̇ийвам̣ д̇ам̣ сарийранд̇и ваа, ан̃н̃ам̣ ж̇ийвам̣ ан̃н̃ам̣ сарийранд̇и ваа, ход̇и д̇ат̇ааг̇ад̇о барам̣ маран̣аад̇и ваа, на ход̇и д̇ат̇ааг̇ад̇о барам̣ маран̣аад̇и ваа, ход̇и жа на жа ход̇и д̇ат̇ааг̇ад̇о барам̣ маран̣аад̇и ваа, нзва ход̇и на на ход̇и д̇ат̇ааг̇ад̇о барам̣ маран̣аад̇и ваа; саб̣б̣аани д̇аани нун̣н̣аани хонд̇и банун̣н̣аани жад̇д̇аани ванд̇аани муд̇д̇аани бахийнаани бадиниссадтаани. звам̣ ко, бхигкавз, бхигку банун̣н̣абажжзгасажжо ход̇и.
38. ‘‘Panuṇṇapaccekasacco 2, bhikkhave, bhikkhu ‘samavayasaṭṭhesano passaddhakāyasaṅkhāro patilīno’ti vuccati. Kathañca, bhikkhave, bhikkhu panuṇṇapaccekasacco hoti? Idha, bhikkhave, bhikkhuno yāni tāni puthusamaṇabrāhmaṇānaṃ puthupaccekasaccāni, seyyathidaṃ – sassato lokoti vā, asassato lokoti vā, antavā lokoti vā, anantavā lokoti vā, taṃ jīvaṃ taṃ sarīranti vā, aññaṃ jīvaṃ aññaṃ sarīranti vā, hoti tathāgato paraṃ maraṇāti vā, na hoti tathāgato paraṃ maraṇāti vā, hoti ca na ca hoti tathāgato paraṃ maraṇāti vā, neva hoti na na hoti tathāgato paraṃ maraṇāti vā; sabbāni tāni nuṇṇāni honti panuṇṇāni cattāni vantāni muttāni pahīnāni paṭinissaṭṭhāni. Evaṃ kho, bhikkhave, bhikkhu panuṇṇapaccekasacco hoti.
‘‘гат̇ан̃жа , бхигкавз, бхигку самаваяасадтзсано ход̇и? ид̇ха, бхигкавз, бхигкуно гаамзсанаа бахийнаа ход̇и, бхавзсанаа бахийнаа ход̇и, б̣рахмажариязсанаа бадиббассад̣̇д̇хаа. звам̣ ко, бхигкавз, бхигку самаваяасадтзсано ход̇и.
‘‘Kathañca , bhikkhave, bhikkhu samavayasaṭṭhesano hoti? Idha, bhikkhave, bhikkhuno kāmesanā pahīnā hoti, bhavesanā pahīnā hoti, brahmacariyesanā paṭippassaddhā. Evaṃ kho, bhikkhave, bhikkhu samavayasaṭṭhesano hoti.
‘‘гат̇ан̃жа, бхигкавз, бхигку бассад̣̇д̇хагааяасан̇кааро ход̇и? ид̇ха, бхигкавз, бхигку сукасса жа бахаанаа д̣̇угкасса жа бахаанаа буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихарад̇и. звам̣ ко, бхигкавз, бхигку бассад̣̇д̇хагааяасан̇кааро ход̇и.
‘‘Kathañca, bhikkhave, bhikkhu passaddhakāyasaṅkhāro hoti? Idha, bhikkhave, bhikkhu sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati. Evaṃ kho, bhikkhave, bhikkhu passaddhakāyasaṅkhāro hoti.
‘‘гат̇ан̃жа, бхигкавз, бхигку бад̇илийно ход̇и? ид̇ха, бхигкавз, бхигкуно асмимаано бахийно ход̇и ужчиннамууло д̇аалаавад̇т̇угад̇о анабхаавам̣гад̇о ааяад̇им̣ ануббаад̣̇ад̇хаммо. звам̣ ко, бхигкавз, бхигку бад̇илийно ход̇и. банун̣н̣абажжзгасажжо, бхигкавз, бхигку ‘самаваяасадтзсано бассад̣̇д̇хагааяасан̇кааро бад̇илийно’д̇и вужжад̇ий’’д̇и.
‘‘Kathañca, bhikkhave, bhikkhu patilīno hoti? Idha, bhikkhave, bhikkhuno asmimāno pahīno hoti ucchinnamūlo tālāvatthukato anabhāvaṃkato āyatiṃ anuppādadhammo. Evaṃ kho, bhikkhave, bhikkhu patilīno hoti. Panuṇṇapaccekasacco, bhikkhave, bhikkhu ‘samavayasaṭṭhesano passaddhakāyasaṅkhāro patilīno’ti vuccatī’’ti.
ид̇и сажжабараамаасо, д̣̇идтидтаанаа самуссаяаа.
Iti saccaparāmāso, diṭṭhiṭṭhānā samussayā.
5 ‘‘саб̣б̣арааг̇авирад̇д̇асса, д̇ан̣хагкаяавимуд̇д̇ино;
6 ‘‘Sabbarāgavirattassa, taṇhakkhayavimuttino;
зсанаа бадиниссадтаа, д̣̇идтидтаанаа самуухад̇аа.
Esanā paṭinissaṭṭhā, diṭṭhiṭṭhānā samūhatā.
‘‘са вз санд̇о сад̇о бхигку, бассад̣̇д̇хо абарааж̇ид̇о;
‘‘Sa ve santo sato bhikkhu, passaddho aparājito;
маанаабхисамаяаа б̣уд̣̇д̇хо, бад̇илийнод̇и вужжад̇ий’’д̇и. адтамам̣;
Mānābhisamayā buddho, patilīnoti vuccatī’’ti. aṭṭhamaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. бад̇илийнасуд̇д̇аван̣н̣анаа • 8. Patilīnasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8. бад̇илийнасуд̇д̇аван̣н̣анаа • 8. Patilīnasuttavaṇṇanā
