| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
8. бад̇илийнасуд̇д̇аван̣н̣анаа
8. Patilīnasuttavaṇṇanā
38. адтамз банун̣н̣абажжзгасажжод̇и ‘‘ид̣̇амзва д̣̇ассанам̣ сажжам̣, ид̣̇амзва сажжа’’нд̇и звам̣ баадизггам̣ г̇ахид̇ад̇д̇аа бажжзгасан̇каад̇аани д̣̇идтисажжаани банун̣н̣аани нийхадаани бахийнаани ассаад̇и банун̣н̣абажжзгасажжо. самаваяасадтзсанод̇и зд̇т̇а аваяаад̇и ануунаа, садтаад̇и виссадтаа, саммаа аваяаа садтаа зсанаа ассаад̇и самаваяасадтзсано, саммаа виссадтасаб̣б̣азсанод̇и ад̇т̇о. бад̇илийнод̇и нилийно згийбхаавам̣ убаг̇ад̇о. бут̇усаман̣аб̣раахман̣аананд̇и б̣ахуунам̣ саман̣аб̣раахман̣аанам̣. зд̇т̇а жа саман̣аад̇и баб̣б̣аж̇ж̇уубаг̇ад̇аа, б̣раахман̣аад̇и бховаад̣̇ино. бут̇убажжзгасажжаанийд̇и б̣ахууни баадзггасажжаани. нун̣н̣аанийд̇и нийхадаани. банун̣н̣аанийд̇и судту нийхадаани. жад̇д̇аанийд̇и виссадтаани. ванд̇аанийд̇и вамид̇аани. муд̇д̇аанийд̇и чиннаб̣анд̇ханаани гад̇аани. бахийнаанийд̇и баж̇ахид̇аани. бадиниссадтаанийд̇и яат̇аа на буна жид̇д̇ам̣ аароханд̇и, звам̣ бадиниссаж̇ж̇ид̇аани. саб̣б̣аанзвзд̇аани г̇ахид̇аг̇ахан̣асса виссадтабхаававзважанаани.
38. Aṭṭhame panuṇṇapaccekasaccoti ‘‘idameva dassanaṃ saccaṃ, idameva sacca’’nti evaṃ pāṭiekkaṃ gahitattā paccekasaṅkhātāni diṭṭhisaccāni panuṇṇāni nīhaṭāni pahīnāni assāti panuṇṇapaccekasacco. Samavayasaṭṭhesanoti ettha avayāti anūnā, saṭṭhāti vissaṭṭhā, sammā avayā saṭṭhā esanā assāti samavayasaṭṭhesano, sammā vissaṭṭhasabbaesanoti attho. Patilīnoti nilīno ekībhāvaṃ upagato. Puthusamaṇabrāhmaṇānanti bahūnaṃ samaṇabrāhmaṇānaṃ. Ettha ca samaṇāti pabbajjūpagatā, brāhmaṇāti bhovādino. Puthupaccekasaccānīti bahūni pāṭekkasaccāni. Nuṇṇānīti nīhaṭāni. Panuṇṇānīti suṭṭhu nīhaṭāni. Cattānīti vissaṭṭhāni. Vantānīti vamitāni. Muttānīti chinnabandhanāni katāni. Pahīnānīti pajahitāni. Paṭinissaṭṭhānīti yathā na puna cittaṃ ārohanti, evaṃ paṭinissajjitāni. Sabbānevetāni gahitagahaṇassa vissaṭṭhabhāvavevacanāni.
гаамзсанаа бахийнаа ход̇ийд̇и анааг̇аамимаг̇г̇зна бахийнаа. бхавзсанаа бана арахад̇д̇амаг̇г̇зна бахийяад̇и. ‘‘б̣рахмажарияам̣ зсиссаами г̇авзсиссаамий’’д̇и звам̣ бавад̇д̇аж̇жхаасаяасан̇каад̇аа б̣рахмажариязсанааби арахад̇д̇амаг̇г̇знзва бадиббассад̣̇д̇хим̣ вуубасамам̣ г̇ажчад̇и. д̣̇идтиб̣рахмажариязсанаа бана сод̇аабад̇д̇имаг̇г̇знзва бадиббасамбхад̇ийд̇и взд̣̇ид̇аб̣б̣аа. звам̣ ко, бхигкавзд̇и звам̣ жад̇уд̇т̇аж̇жхаанзна бассад̣̇д̇хагааяасан̇кааро вуубасанд̇аассаасабассаасо наама ход̇и. асмимаанод̇и асмийд̇и уббаж̇ж̇анаго нававид̇хамаано.
Kāmesanā pahīnā hotīti anāgāmimaggena pahīnā. Bhavesanā pana arahattamaggena pahīyati. ‘‘Brahmacariyaṃ esissāmi gavesissāmī’’ti evaṃ pavattajjhāsayasaṅkhātā brahmacariyesanāpi arahattamaggeneva paṭippassaddhiṃ vūpasamaṃ gacchati. Diṭṭhibrahmacariyesanā pana sotāpattimaggeneva paṭippasambhatīti veditabbā. Evaṃ kho, bhikkhaveti evaṃ catutthajjhānena passaddhakāyasaṅkhāro vūpasantaassāsapassāso nāma hoti. Asmimānoti asmīti uppajjanako navavidhamāno.
г̇аат̇аасу гаамзсанаа бхавзсанаад̇и зд̇аа д̣̇вз зсанаа, б̣рахмажариязсанаа сахаад̇и д̇аахиязва саха б̣рахмажариязсанаад̇и д̇иссоби зд̇аа. ид̇ха тад̇ваа зсанаа бадиниссадтаад̇и иминаа бад̣̇зна сад̣̇д̇хим̣ яож̇анаа гаад̇аб̣б̣аа. ид̇и сажжабараамаасо, д̣̇идтидтаанаа самуссаяаад̇и ‘‘ид̇и сажжам̣ ид̇и сажжа’’нд̇и г̇ахан̣абараамаасо жа д̣̇идтисан̇каад̇ааязва д̣̇идтидтаанаа жа яз самуссид̇ад̇д̇аа уг̇г̇анд̇ваа тид̇ад̇д̇аа самуссаяаад̇и вужжанд̇и, д̇з саб̣б̣зби. ид̇ха тад̇ваа д̣̇идтидтаанаа самуухад̇аад̇и иминаа бад̣̇зна сад̣̇д̇хим̣ яож̇анаа гаад̇аб̣б̣аа. гасса бана зд̇аа зсанаа бадиниссадтаа, зд̇з жа д̣̇идтидтаанаа самуухад̇аад̇и? саб̣б̣арааг̇авирад̇д̇асса д̇ан̣хаагкаяавимуд̇д̇ино. яо хи саб̣б̣арааг̇зхиби вирад̇д̇о, д̇ан̣хаагкаяз жа ниб̣б̣аанз бавад̇д̇ааяа арахад̇д̇апалавимуд̇д̇ияаа саманнааг̇ад̇о, зд̇асса зсанаа бадиниссадтаа, д̣̇идтидтаанаа жа самуухад̇аа . са вз санд̇од̇и со зваруубо гилзсасанд̇ад̇ааяа санд̇о. бассад̣̇д̇ход̇и д̣̇вийхи гааяажид̇д̇абассад̣̇д̇хийхи бассад̣̇д̇хо. абарааж̇ид̇од̇и саб̣б̣агилзсз ж̇инид̇ваа тид̇ад̇д̇аа гзнажи абарааж̇ид̇о. маанаабхисамаяаад̇и маанасса бахаанаабхисамаязна. б̣уд̣̇д̇ход̇и жад̇д̇аари сажжаани б̣уж̇жхид̇ваа тид̇о. ид̇и имасмим̣ суд̇д̇зби г̇аат̇аасуби кийн̣аасавова гат̇ид̇од̇и.
Gāthāsu kāmesanā bhavesanāti etā dve esanā, brahmacariyesanā sahāti tāhiyeva saha brahmacariyesanāti tissopi etā. Idha ṭhatvā esanā paṭinissaṭṭhāti iminā padena saddhiṃ yojanā kātabbā. Iti saccaparāmāso, diṭṭhiṭṭhānā samussayāti ‘‘iti saccaṃ iti sacca’’nti gahaṇaparāmāso ca diṭṭhisaṅkhātāyeva diṭṭhiṭṭhānā ca ye samussitattā uggantvā ṭhitattā samussayāti vuccanti, te sabbepi. Idha ṭhatvā diṭṭhiṭṭhānā samūhatāti iminā padena saddhiṃ yojanā kātabbā. Kassa pana etā esanā paṭinissaṭṭhā, ete ca diṭṭhiṭṭhānā samūhatāti? Sabbarāgavirattassa taṇhākkhayavimuttino. Yo hi sabbarāgehipi viratto, taṇhākkhaye ca nibbāne pavattāya arahattaphalavimuttiyā samannāgato, etassa esanā paṭinissaṭṭhā, diṭṭhiṭṭhānā ca samūhatā . Sa ve santoti so evarūpo kilesasantatāya santo. Passaddhoti dvīhi kāyacittapassaddhīhi passaddho. Aparājitoti sabbakilese jinitvā ṭhitattā kenaci aparājito. Mānābhisamayāti mānassa pahānābhisamayena. Buddhoti cattāri saccāni bujjhitvā ṭhito. Iti imasmiṃ suttepi gāthāsupi khīṇāsavova kathitoti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 8. бад̇илийнасуд̇д̇ам̣ • 8. Patilīnasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8. бад̇илийнасуд̇д̇аван̣н̣анаа • 8. Patilīnasuttavaṇṇanā
