| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
8. бад̇илийнасуд̇д̇аван̣н̣анаа
8. Patilīnasuttavaṇṇanā
38. адтамз анд̇аваа логод̇и згабассзна вад̣дхид̇ам̣ гасин̣анимид̇д̇ам̣ ‘‘лого’’д̇и г̇аахзна ваа д̇аггзна ваа уббаннад̣̇идти. лаабхий хи жхаанажагкунаа бассид̇ваа г̇ан̣хаад̇и, ид̇аро д̇аггамад̇д̇зна. ананд̇аваад̇и саманд̇ад̇о вад̣дхид̇ам̣ аббамаан̣ам̣ гасин̣анимид̇д̇ам̣ ‘‘лого’’д̇и г̇аахзна ваа д̇аггзна ваа уббаннад̣̇идти. д̇ам̣ ж̇ийвам̣ д̇ам̣ сарийранд̇и ж̇ийво сарийран̃жа згамзва вад̇т̇ууд̇и уббаннад̣̇идти. виссадтаанийд̇и сагабарижжаж̇анавасзна ниссадтаани. ванд̇аанийд̇и ид̣̇ам̣ буна анаад̣̇ияанабхаавад̣̇ассанавасзна вуд̇д̇ам̣. жад̇д̇амби хи гзжи г̇ан̣ханд̇и, наяид̣̇амзванд̇и д̣̇ассанад̇т̇ам̣ ‘‘ванд̇ааний’’д̇и вуд̇д̇ам̣. на хи яам̣ язна ванд̇ам̣, на со д̇ам̣ буна аад̣̇ийяад̇и. ванд̇амби гин̃жи сасанд̇ад̇илаг̇г̇ам̣ сияаа, наяид̣̇амзванд̇и д̣̇ассанад̇т̇ам̣ ‘‘муд̇д̇ааний’’д̇и вуд̇д̇ам̣. д̇знзвааха ‘‘чиннаб̣анд̇ханаани гад̇ааний’’д̇и, санд̇ад̇ид̇о виниможанавасзна чиннаб̣анд̇ханаани гад̇аанийд̇и ад̇т̇о. муд̇д̇амби гин̃жи муд̇д̇аб̣анд̇ханам̣ вияа палам̣ гухин̃жи д̇идтад̇и, на звамид̣̇анд̇и д̣̇ассанад̇т̇ам̣ ‘‘бахийнааний’’д̇и вуд̇д̇ам̣. яат̇аа гин̃жи д̣̇унниссадтам̣ буна аад̣̇ааяа саммад̣̇зва ниссадтам̣ ‘‘бадиниссадта’’нд̇и вужжад̇и, звам̣ вибассанааяа ниссадтаани аад̣̇иннасад̣̇исаани маг̇г̇зна бахийнаани бадиниссадтаани наама хонд̇ийд̇и д̣̇ассанад̇т̇ам̣ ‘‘бадиниссадтааний’’д̇и вуд̇д̇ам̣. д̇знзвааха ‘‘яат̇аа на буна жид̇д̇ам̣ аароханд̇и, звам̣ бадиниссаж̇ж̇ид̇ааний’’д̇и.
38. Aṭṭhame antavā lokoti ekapassena vaḍḍhitaṃ kasiṇanimittaṃ ‘‘loko’’ti gāhena vā takkena vā uppannadiṭṭhi. Lābhī hi jhānacakkhunā passitvā gaṇhāti, itaro takkamattena. Anantavāti samantato vaḍḍhitaṃ appamāṇaṃ kasiṇanimittaṃ ‘‘loko’’ti gāhena vā takkena vā uppannadiṭṭhi. Taṃ jīvaṃ taṃ sarīranti jīvo sarīrañca ekameva vatthūti uppannadiṭṭhi. Vissaṭṭhānīti sakapariccajanavasena nissaṭṭhāni. Vantānīti idaṃ puna anādiyanabhāvadassanavasena vuttaṃ. Cattampi hi keci gaṇhanti, nayidamevanti dassanatthaṃ ‘‘vantānī’’ti vuttaṃ. Na hi yaṃ yena vantaṃ, na so taṃ puna ādīyati. Vantampi kiñci sasantatilaggaṃ siyā, nayidamevanti dassanatthaṃ ‘‘muttānī’’ti vuttaṃ. Tenevāha ‘‘chinnabandhanāni katānī’’ti, santatito vinimocanavasena chinnabandhanāni katānīti attho. Muttampi kiñci muttabandhanaṃ viya phalaṃ kuhiñci tiṭṭhati, na evamidanti dassanatthaṃ ‘‘pahīnānī’’ti vuttaṃ. Yathā kiñci dunnissaṭṭhaṃ puna ādāya sammadeva nissaṭṭhaṃ ‘‘paṭinissaṭṭha’’nti vuccati, evaṃ vipassanāya nissaṭṭhāni ādinnasadisāni maggena pahīnāni paṭinissaṭṭhāni nāma hontīti dassanatthaṃ ‘‘paṭinissaṭṭhānī’’ti vuttaṃ. Tenevāha ‘‘yathā na puna cittaṃ ārohanti, evaṃ paṭinissajjitānī’’ti.
гаамзсанаад̇и гаамаанам̣ зсанаа, гаамасан̇каад̇аа ваа зсанаа гаамзсанаа. вуд̇д̇ан̃хзд̇ам̣ ‘‘д̇ад̇т̇а гад̇амаа гаамзсанаа? яо гаамзсу гаамажчанд̣̇о гаамарааг̇о гаамананд̣̇ий гаамабибаасаа гаамамужчаа гаамаж̇жхосаанам̣, аяам̣ вужжад̇и гаамзсанаа’’д̇и, д̇асмаа гаамарааг̇о ‘‘гаамзсанаа’’д̇и взд̣̇ид̇аб̣б̣о. д̇знзвааха ‘‘гаамзсанаа…бз… анааг̇аамимаг̇г̇зна бахийнаа’’д̇и. бхаваанам̣ зсанаа бхавзсанаа. вуд̇д̇амби жзд̇ам̣ ‘‘д̇ад̇т̇а гад̇амаа бхавзсанаа? яо бхавзсу бхаважчанд̣̇о…бз… бхаваж̇жхосаанам̣, аяам̣ вужжад̇и бхавзсанаа’’д̇и, д̇асмаа бхавзсанарааг̇о руубааруубабхавабад̇т̇анаад̇и взд̣̇ид̇аб̣б̣о. д̇знзвааха ‘‘бхавзсанаа бана арахад̇д̇амаг̇г̇зна бахийяад̇ий’’д̇и.
Kāmesanāti kāmānaṃ esanā, kāmasaṅkhātā vā esanā kāmesanā. Vuttañhetaṃ ‘‘tattha katamā kāmesanā? Yo kāmesu kāmacchando kāmarāgo kāmanandī kāmapipāsā kāmamucchā kāmajjhosānaṃ, ayaṃ vuccati kāmesanā’’ti, tasmā kāmarāgo ‘‘kāmesanā’’ti veditabbo. Tenevāha ‘‘kāmesanā…pe… anāgāmimaggena pahīnā’’ti. Bhavānaṃ esanā bhavesanā. Vuttampi cetaṃ ‘‘tattha katamā bhavesanā? Yo bhavesu bhavacchando…pe… bhavajjhosānaṃ, ayaṃ vuccati bhavesanā’’ti, tasmā bhavesanarāgo rūpārūpabhavapatthanāti veditabbo. Tenevāha ‘‘bhavesanā pana arahattamaggena pahīyatī’’ti.
б̣рахмажарияасса зсанаа б̣рахмажариязсанаа. саа жа маг̇г̇аб̣рахмажарияасса, д̣̇идтиг̇ад̇игасаммад̇аб̣рахмажарияасса жа г̇авзсанавасзна д̣̇виббагаараад̇и ааха ‘‘б̣рахмажарияам̣ зсиссаамий’’д̇иаад̣̇и. д̣̇идтиг̇ад̇игасаммад̇асса б̣рахмажарияасса зсанааби хи б̣рахмажариязсанаад̇и вужжад̇и. вуд̇д̇амби жзд̇ам̣ –
Brahmacariyassa esanā brahmacariyesanā. Sā ca maggabrahmacariyassa, diṭṭhigatikasammatabrahmacariyassa ca gavesanavasena dvippakārāti āha ‘‘brahmacariyaṃ esissāmī’’tiādi. Diṭṭhigatikasammatassa brahmacariyassa esanāpi hi brahmacariyesanāti vuccati. Vuttampi cetaṃ –
‘‘д̇ад̇т̇а гад̇амаа б̣рахмажариязсанаа? сассад̇о логод̇и ваа, асассад̇о логод̇и ваа, анд̇аваа логод̇и ваа, ананд̇аваа логод̇и ваа, д̇ам̣ ж̇ийвам̣ д̇ам̣ сарийранд̇и ваа, ан̃н̃ам̣ ж̇ийвам̣ ан̃н̃ам̣ сарийранд̇и ваа, ход̇и д̇ат̇ааг̇ад̇о барам̣ маран̣аад̇и ваа, на ход̇и д̇ат̇ааг̇ад̇о барам̣ маран̣аад̇и ваа, ход̇и жа на жа ход̇и д̇ат̇ааг̇ад̇о барам̣ маран̣аад̇и ваа, нзва ход̇и на на ход̇и д̇ат̇ааг̇ад̇о барам̣ маран̣аад̇и ваа, яаа зваруубаа д̣̇идти д̣̇идтиг̇ад̇ам̣ д̣̇идтиг̇аханам̣ д̣̇идтиганд̇аарам̣ д̣̇идтивисуугааяигам̣ д̣̇идтивибпанд̣̇ид̇ам̣ д̣̇идтисам̣яож̇анам̣ г̇аахо бад̇идтаахо абхинивзсо бараамаасо гуммаг̇г̇о мижчаабат̇о мижчад̇д̇ам̣ д̇ид̇т̇ааяад̇анам̣ вибариязсаг̇г̇аахо, аяам̣ вужжад̇и б̣рахмажариязсанаа’’д̇и (вибха. 919).
‘‘Tattha katamā brahmacariyesanā? Sassato lokoti vā, asassato lokoti vā, antavā lokoti vā, anantavā lokoti vā, taṃ jīvaṃ taṃ sarīranti vā, aññaṃ jīvaṃ aññaṃ sarīranti vā, hoti tathāgato paraṃ maraṇāti vā, na hoti tathāgato paraṃ maraṇāti vā, hoti ca na ca hoti tathāgato paraṃ maraṇāti vā, neva hoti na na hoti tathāgato paraṃ maraṇāti vā, yā evarūpā diṭṭhi diṭṭhigataṃ diṭṭhigahanaṃ diṭṭhikantāraṃ diṭṭhivisūkāyikaṃ diṭṭhivipphanditaṃ diṭṭhisaṃyojanaṃ gāho patiṭṭhāho abhiniveso parāmāso kummaggo micchāpatho micchattaṃ titthāyatanaṃ vipariyesaggāho, ayaṃ vuccati brahmacariyesanā’’ti (vibha. 919).
д̇асмаа д̣̇идтиг̇ад̇игасаммад̇асса б̣рахмажарияасса зсанаа д̣̇идтаб̣рахмажариязсанаад̇и взд̣̇ид̇аб̣б̣аа. д̇знзвааха ‘‘д̣̇идтиб̣рахмажариязсанаа бана сод̇аабад̇д̇имаг̇г̇знзва бадиббассамбхад̇ий’’д̇и. зд̇д̇аавад̇аа жа рааг̇ад̣̇идтияо зсанаад̇и д̣̇ассид̇ам̣ ход̇и. на гзвалан̃жа рааг̇ад̣̇идтияо зва зсанаа, д̇ад̣̇згадтам̣ гаммамби. вуд̇д̇амби жзд̇ам̣ –
Tasmā diṭṭhigatikasammatassa brahmacariyassa esanā diṭṭhabrahmacariyesanāti veditabbā. Tenevāha ‘‘diṭṭhibrahmacariyesanā pana sotāpattimaggeneva paṭippassambhatī’’ti. Ettāvatā ca rāgadiṭṭhiyo esanāti dassitaṃ hoti. Na kevalañca rāgadiṭṭhiyo eva esanā, tadekaṭṭhaṃ kammampi. Vuttampi cetaṃ –
‘‘д̇ад̇т̇а гад̇амаа гаамзсанаа? гаамарааг̇о д̇ад̣̇згадтам̣ агусалам̣ гааяагаммам̣ важийгаммам̣ маногаммам̣, аяам̣ вужжад̇и гаамзсанаа. д̇ад̇т̇а гад̇амаа бхавзсанаа? бхаварааг̇о д̇ад̣̇згадтам̣ агусалам̣ гааяагаммам̣ важийгаммам̣ маногаммам̣, аяам̣ вужжад̇и бхавзсанаа. д̇ад̇т̇а гад̇амаа б̣рахмажариязсанаа? анд̇аг̇г̇аахигаа д̣̇идти д̇ад̣̇згадтам̣ агусалам̣ гааяагаммам̣ важийгаммам̣ маногаммам̣, аяам̣ вужжад̇и б̣рахмажариязсанаа’’д̇и (вибха. 919).
‘‘Tattha katamā kāmesanā? Kāmarāgo tadekaṭṭhaṃ akusalaṃ kāyakammaṃ vacīkammaṃ manokammaṃ, ayaṃ vuccati kāmesanā. Tattha katamā bhavesanā? Bhavarāgo tadekaṭṭhaṃ akusalaṃ kāyakammaṃ vacīkammaṃ manokammaṃ, ayaṃ vuccati bhavesanā. Tattha katamā brahmacariyesanā? Antaggāhikā diṭṭhi tadekaṭṭhaṃ akusalaṃ kāyakammaṃ vacīkammaṃ manokammaṃ, ayaṃ vuccati brahmacariyesanā’’ti (vibha. 919).
нававид̇хамаанод̇и ‘‘сзяяасса сзяяохамасмий’’д̇иаад̣̇инаа (сам̣. ни. 4.108; д̇ха. са. 1121; вибха. 866; махаани. 21) ааг̇ад̇о нававид̇хамаано.
Navavidhamānoti ‘‘seyyassa seyyohamasmī’’tiādinā (saṃ. ni. 4.108; dha. sa. 1121; vibha. 866; mahāni. 21) āgato navavidhamāno.
‘‘гаамзсанаа’’д̇иаад̣̇иг̇аат̇ааяа бана б̣рахмажариязсанаа сахаад̇и б̣рахмажариязсанааяа сад̣̇д̇хим̣. вибхад̇д̇илобзна хи аяам̣ нид̣̇д̣̇зсо. гаран̣ад̇т̇з ваа зд̇ам̣ бажжад̇д̇аважанам̣. ид̣̇ам̣ вуд̇д̇ам̣ ход̇и ‘‘б̣рахмажариязсанааяа сад̣̇д̇хим̣ гаамзсанаа бхавзсанаад̇и д̇иссо зсанаа’’д̇и. д̇аасу б̣рахмажариязсанам̣ саруубад̇о д̣̇ассзд̇ум̣ ‘‘ид̇исажжабараамаасо, д̣̇идтидтаанаа самуссаяаа’’д̇и вуд̇д̇ам̣. д̇ассад̇т̇о – ид̇и звам̣ сажжанд̇и бараамаасо ид̇исажжабараамаасо. ид̣̇амзва сажжам̣ могхаман̃н̃анд̇и д̣̇идтияаа бавад̇д̇иаагаарам̣ д̣̇ассзд̇и. д̣̇идтияо зва саб̣б̣аанад̇т̇ахзд̇убхаавад̇о д̣̇идтидтаанаа. вуд̇д̇ан̃хзд̇ам̣ – ‘‘мижчаад̣̇идтибарамаахам̣, бхигкавз, важ̇ж̇ам̣ вад̣̇аамий’’д̇и (а. ни. 1.310). д̇аа зва жа убаруубари вуд̣̇д̇хияаа мааналобхаад̣̇игилзсасамуссаяанзна ваддад̣̇угкасамуссаяанзна жа самуссаяаа, ‘‘ид̣̇амзва сажжам̣ могхаман̃н̃а’’нд̇и мижчаабхинивисамаанаа саб̣б̣аанад̇т̇ахзд̇угаа гилзсад̣̇угкуубажаяад̇о хзд̇убхууд̇аа жа д̣̇идтияо б̣рахмажариязсанаад̇и вуд̇д̇ам̣ ход̇и. зд̇зна бавад̇д̇иаагаарад̇о ниб̣б̣ад̇д̇ид̇о жа б̣рахмажариязсанаа д̣̇ассид̇аад̇и взд̣̇ид̇аб̣б̣аа.
‘‘Kāmesanā’’tiādigāthāya pana brahmacariyesanā sahāti brahmacariyesanāya saddhiṃ. Vibhattilopena hi ayaṃ niddeso. Karaṇatthe vā etaṃ paccattavacanaṃ. Idaṃ vuttaṃ hoti ‘‘brahmacariyesanāya saddhiṃ kāmesanā bhavesanāti tisso esanā’’ti. Tāsu brahmacariyesanaṃ sarūpato dassetuṃ ‘‘itisaccaparāmāso, diṭṭhiṭṭhānā samussayā’’ti vuttaṃ. Tassattho – iti evaṃ saccanti parāmāso itisaccaparāmāso. Idameva saccaṃ moghamaññanti diṭṭhiyā pavattiākāraṃ dasseti. Diṭṭhiyo eva sabbānatthahetubhāvato diṭṭhiṭṭhānā. Vuttañhetaṃ – ‘‘micchādiṭṭhiparamāhaṃ, bhikkhave, vajjaṃ vadāmī’’ti (a. ni. 1.310). Tā eva ca uparūpari vuddhiyā mānalobhādikilesasamussayanena vaṭṭadukkhasamussayanena ca samussayā, ‘‘idameva saccaṃ moghamañña’’nti micchābhinivisamānā sabbānatthahetukā kilesadukkhūpacayato hetubhūtā ca diṭṭhiyo brahmacariyesanāti vuttaṃ hoti. Etena pavattiākārato nibbattito ca brahmacariyesanā dassitāti veditabbā.
саб̣б̣арааг̇авирад̇д̇ассаад̇и саб̣б̣зхи гаамабхаварааг̇зхи вирад̇д̇асса. д̇ад̇о зва д̇ан̣хаагкаяасан̇каад̇з ниб̣б̣аанз вимуд̇д̇ад̇д̇аа д̇ан̣хаагкаяавимуд̇д̇ино арахад̇о. зсанаа бадиниссадтаад̇и гаамзсанаа, бхавзсанаа саб̣б̣асо ниссадтаа бахийнаа. д̣̇идтидтаанаа самуухад̇аад̇и б̣рахмажариязсанаасан̇каад̇аа д̣̇идтидтаанаа жа батамамаг̇г̇знзва самуг̇гхаад̇ид̇аа. звамби имиссаа г̇аат̇ааяа ад̇т̇аван̣н̣анаа взд̣̇ид̇аб̣б̣аа. сзсам̣ сувин̃н̃зяяамзва.
Sabbarāgavirattassāti sabbehi kāmabhavarāgehi virattassa. Tato eva taṇhākkhayasaṅkhāte nibbāne vimuttattā taṇhākkhayavimuttino arahato. Esanā paṭinissaṭṭhāti kāmesanā, bhavesanā sabbaso nissaṭṭhā pahīnā. Diṭṭhiṭṭhānā samūhatāti brahmacariyesanāsaṅkhātā diṭṭhiṭṭhānā ca paṭhamamaggeneva samugghātitā. Evampi imissā gāthāya atthavaṇṇanā veditabbā. Sesaṃ suviññeyyameva.
бад̇илийнасуд̇д̇аван̣н̣анаа нидтид̇аа.
Patilīnasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 8. бад̇илийнасуд̇д̇ам̣ • 8. Patilīnasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. бад̇илийнасуд̇д̇аван̣н̣анаа • 8. Patilīnasuttavaṇṇanā
