| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੮. ਪਤਿਲੀਨਸੁਤ੍ਤવਣ੍ਣਨਾ
8. Patilīnasuttavaṇṇanā
੩੮. ਅਟ੍ਠਮੇ ਪਨੁਣ੍ਣਪਚ੍ਚੇਕਸਚ੍ਚੋਤਿ ‘‘ਇਦਮੇવ ਦਸ੍ਸਨਂ ਸਚ੍ਚਂ, ਇਦਮੇવ ਸਚ੍ਚ’’ਨ੍ਤਿ ਏવਂ ਪਾਟਿਏਕ੍ਕਂ ਗਹਿਤਤ੍ਤਾ ਪਚ੍ਚੇਕਸਙ੍ਖਾਤਾਨਿ ਦਿਟ੍ਠਿਸਚ੍ਚਾਨਿ ਪਨੁਣ੍ਣਾਨਿ ਨੀਹਟਾਨਿ ਪਹੀਨਾਨਿ ਅਸ੍ਸਾਤਿ ਪਨੁਣ੍ਣਪਚ੍ਚੇਕਸਚ੍ਚੋ। ਸਮવਯਸਟ੍ਠੇਸਨੋਤਿ ਏਤ੍ਥ ਅવਯਾਤਿ ਅਨੂਨਾ, ਸਟ੍ਠਾਤਿ વਿਸ੍ਸਟ੍ਠਾ, ਸਮ੍ਮਾ ਅવਯਾ ਸਟ੍ਠਾ ਏਸਨਾ ਅਸ੍ਸਾਤਿ ਸਮવਯਸਟ੍ਠੇਸਨੋ, ਸਮ੍ਮਾ વਿਸ੍ਸਟ੍ਠਸਬ੍ਬਏਸਨੋਤਿ ਅਤ੍ਥੋ। ਪਤਿਲੀਨੋਤਿ ਨਿਲੀਨੋ ਏਕੀਭਾવਂ ਉਪਗਤੋ। ਪੁਥੁਸਮਣਬ੍ਰਾਹ੍ਮਣਾਨਨ੍ਤਿ ਬਹੂਨਂ ਸਮਣਬ੍ਰਾਹ੍ਮਣਾਨਂ। ਏਤ੍ਥ ਚ ਸਮਣਾਤਿ ਪਬ੍ਬਜ੍ਜੂਪਗਤਾ, ਬ੍ਰਾਹ੍ਮਣਾਤਿ ਭੋવਾਦਿਨੋ। ਪੁਥੁਪਚ੍ਚੇਕਸਚ੍ਚਾਨੀਤਿ ਬਹੂਨਿ ਪਾਟੇਕ੍ਕਸਚ੍ਚਾਨਿ। ਨੁਣ੍ਣਾਨੀਤਿ ਨੀਹਟਾਨਿ। ਪਨੁਣ੍ਣਾਨੀਤਿ ਸੁਟ੍ਠੁ ਨੀਹਟਾਨਿ। ਚਤ੍ਤਾਨੀਤਿ વਿਸ੍ਸਟ੍ਠਾਨਿ। વਨ੍ਤਾਨੀਤਿ વਮਿਤਾਨਿ। ਮੁਤ੍ਤਾਨੀਤਿ ਛਿਨ੍ਨਬਨ੍ਧਨਾਨਿ ਕਤਾਨਿ। ਪਹੀਨਾਨੀਤਿ ਪਜਹਿਤਾਨਿ। ਪਟਿਨਿਸ੍ਸਟ੍ਠਾਨੀਤਿ ਯਥਾ ਨ ਪੁਨ ਚਿਤ੍ਤਂ ਆਰੋਹਨ੍ਤਿ, ਏવਂ ਪਟਿਨਿਸ੍ਸਜ੍ਜਿਤਾਨਿ। ਸਬ੍ਬਾਨੇવੇਤਾਨਿ ਗਹਿਤਗਹਣਸ੍ਸ વਿਸ੍ਸਟ੍ਠਭਾવવੇવਚਨਾਨਿ।
38. Aṭṭhame panuṇṇapaccekasaccoti ‘‘idameva dassanaṃ saccaṃ, idameva sacca’’nti evaṃ pāṭiekkaṃ gahitattā paccekasaṅkhātāni diṭṭhisaccāni panuṇṇāni nīhaṭāni pahīnāni assāti panuṇṇapaccekasacco. Samavayasaṭṭhesanoti ettha avayāti anūnā, saṭṭhāti vissaṭṭhā, sammā avayā saṭṭhā esanā assāti samavayasaṭṭhesano, sammā vissaṭṭhasabbaesanoti attho. Patilīnoti nilīno ekībhāvaṃ upagato. Puthusamaṇabrāhmaṇānanti bahūnaṃ samaṇabrāhmaṇānaṃ. Ettha ca samaṇāti pabbajjūpagatā, brāhmaṇāti bhovādino. Puthupaccekasaccānīti bahūni pāṭekkasaccāni. Nuṇṇānīti nīhaṭāni. Panuṇṇānīti suṭṭhu nīhaṭāni. Cattānīti vissaṭṭhāni. Vantānīti vamitāni. Muttānīti chinnabandhanāni katāni. Pahīnānīti pajahitāni. Paṭinissaṭṭhānīti yathā na puna cittaṃ ārohanti, evaṃ paṭinissajjitāni. Sabbānevetāni gahitagahaṇassa vissaṭṭhabhāvavevacanāni.
ਕਾਮੇਸਨਾ ਪਹੀਨਾ ਹੋਤੀਤਿ ਅਨਾਗਾਮਿਮਗ੍ਗੇਨ ਪਹੀਨਾ। ਭવੇਸਨਾ ਪਨ ਅਰਹਤ੍ਤਮਗ੍ਗੇਨ ਪਹੀਯਤਿ। ‘‘ਬ੍ਰਹ੍ਮਚਰਿਯਂ ਏਸਿਸ੍ਸਾਮਿ ਗવੇਸਿਸ੍ਸਾਮੀ’’ਤਿ ਏવਂ ਪવਤ੍ਤਜ੍ਝਾਸਯਸਙ੍ਖਾਤਾ ਬ੍ਰਹ੍ਮਚਰਿਯੇਸਨਾਪਿ ਅਰਹਤ੍ਤਮਗ੍ਗੇਨੇવ ਪਟਿਪ੍ਪਸ੍ਸਦ੍ਧਿਂ વੂਪਸਮਂ ਗਚ੍ਛਤਿ। ਦਿਟ੍ਠਿਬ੍ਰਹ੍ਮਚਰਿਯੇਸਨਾ ਪਨ ਸੋਤਾਪਤ੍ਤਿਮਗ੍ਗੇਨੇવ ਪਟਿਪ੍ਪਸਮ੍ਭਤੀਤਿ વੇਦਿਤਬ੍ਬਾ। ਏવਂ ਖੋ, ਭਿਕ੍ਖવੇਤਿ ਏવਂ ਚਤੁਤ੍ਥਜ੍ਝਾਨੇਨ ਪਸ੍ਸਦ੍ਧਕਾਯਸਙ੍ਖਾਰੋ વੂਪਸਨ੍ਤਅਸ੍ਸਾਸਪਸ੍ਸਾਸੋ ਨਾਮ ਹੋਤਿ। ਅਸ੍ਮਿਮਾਨੋਤਿ ਅਸ੍ਮੀਤਿ ਉਪ੍ਪਜ੍ਜਨਕੋ ਨવવਿਧਮਾਨੋ।
Kāmesanā pahīnā hotīti anāgāmimaggena pahīnā. Bhavesanā pana arahattamaggena pahīyati. ‘‘Brahmacariyaṃ esissāmi gavesissāmī’’ti evaṃ pavattajjhāsayasaṅkhātā brahmacariyesanāpi arahattamaggeneva paṭippassaddhiṃ vūpasamaṃ gacchati. Diṭṭhibrahmacariyesanā pana sotāpattimaggeneva paṭippasambhatīti veditabbā. Evaṃ kho, bhikkhaveti evaṃ catutthajjhānena passaddhakāyasaṅkhāro vūpasantaassāsapassāso nāma hoti. Asmimānoti asmīti uppajjanako navavidhamāno.
ਗਾਥਾਸੁ ਕਾਮੇਸਨਾ ਭવੇਸਨਾਤਿ ਏਤਾ ਦ੍વੇ ਏਸਨਾ, ਬ੍ਰਹ੍ਮਚਰਿਯੇਸਨਾ ਸਹਾਤਿ ਤਾਹਿਯੇવ ਸਹ ਬ੍ਰਹ੍ਮਚਰਿਯੇਸਨਾਤਿ ਤਿਸ੍ਸੋਪਿ ਏਤਾ। ਇਧ ਠਤ੍વਾ ਏਸਨਾ ਪਟਿਨਿਸ੍ਸਟ੍ਠਾਤਿ ਇਮਿਨਾ ਪਦੇਨ ਸਦ੍ਧਿਂ ਯੋਜਨਾ ਕਾਤਬ੍ਬਾ। ਇਤਿ ਸਚ੍ਚਪਰਾਮਾਸੋ, ਦਿਟ੍ਠਿਟ੍ਠਾਨਾ ਸਮੁਸ੍ਸਯਾਤਿ ‘‘ਇਤਿ ਸਚ੍ਚਂ ਇਤਿ ਸਚ੍ਚ’’ਨ੍ਤਿ ਗਹਣਪਰਾਮਾਸੋ ਚ ਦਿਟ੍ਠਿਸਙ੍ਖਾਤਾਯੇવ ਦਿਟ੍ਠਿਟ੍ਠਾਨਾ ਚ ਯੇ ਸਮੁਸ੍ਸਿਤਤ੍ਤਾ ਉਗ੍ਗਨ੍ਤ੍વਾ ਠਿਤਤ੍ਤਾ ਸਮੁਸ੍ਸਯਾਤਿ વੁਚ੍ਚਨ੍ਤਿ, ਤੇ ਸਬ੍ਬੇਪਿ। ਇਧ ਠਤ੍વਾ ਦਿਟ੍ਠਿਟ੍ਠਾਨਾ ਸਮੂਹਤਾਤਿ ਇਮਿਨਾ ਪਦੇਨ ਸਦ੍ਧਿਂ ਯੋਜਨਾ ਕਾਤਬ੍ਬਾ। ਕਸ੍ਸ ਪਨ ਏਤਾ ਏਸਨਾ ਪਟਿਨਿਸ੍ਸਟ੍ਠਾ, ਏਤੇ ਚ ਦਿਟ੍ਠਿਟ੍ਠਾਨਾ ਸਮੂਹਤਾਤਿ? ਸਬ੍ਬਰਾਗવਿਰਤ੍ਤਸ੍ਸ ਤਣ੍ਹਾਕ੍ਖਯવਿਮੁਤ੍ਤਿਨੋ। ਯੋ ਹਿ ਸਬ੍ਬਰਾਗੇਹਿਪਿ વਿਰਤ੍ਤੋ, ਤਣ੍ਹਾਕ੍ਖਯੇ ਚ ਨਿਬ੍ਬਾਨੇ ਪવਤ੍ਤਾਯ ਅਰਹਤ੍ਤਫਲવਿਮੁਤ੍ਤਿਯਾ ਸਮਨ੍ਨਾਗਤੋ, ਏਤਸ੍ਸ ਏਸਨਾ ਪਟਿਨਿਸ੍ਸਟ੍ਠਾ, ਦਿਟ੍ਠਿਟ੍ਠਾਨਾ ਚ ਸਮੂਹਤਾ । ਸ વੇ ਸਨ੍ਤੋਤਿ ਸੋ ਏવਰੂਪੋ ਕਿਲੇਸਸਨ੍ਤਤਾਯ ਸਨ੍ਤੋ। ਪਸ੍ਸਦ੍ਧੋਤਿ ਦ੍વੀਹਿ ਕਾਯਚਿਤ੍ਤਪਸ੍ਸਦ੍ਧੀਹਿ ਪਸ੍ਸਦ੍ਧੋ। ਅਪਰਾਜਿਤੋਤਿ ਸਬ੍ਬਕਿਲੇਸੇ ਜਿਨਿਤ੍વਾ ਠਿਤਤ੍ਤਾ ਕੇਨਚਿ ਅਪਰਾਜਿਤੋ। ਮਾਨਾਭਿਸਮਯਾਤਿ ਮਾਨਸ੍ਸ ਪਹਾਨਾਭਿਸਮਯੇਨ। ਬੁਦ੍ਧੋਤਿ ਚਤ੍ਤਾਰਿ ਸਚ੍ਚਾਨਿ ਬੁਜ੍ਝਿਤ੍વਾ ਠਿਤੋ। ਇਤਿ ਇਮਸ੍ਮਿਂ ਸੁਤ੍ਤੇਪਿ ਗਾਥਾਸੁਪਿ ਖੀਣਾਸવੋવ ਕਥਿਤੋਤਿ।
Gāthāsu kāmesanā bhavesanāti etā dve esanā, brahmacariyesanā sahāti tāhiyeva saha brahmacariyesanāti tissopi etā. Idha ṭhatvā esanā paṭinissaṭṭhāti iminā padena saddhiṃ yojanā kātabbā. Iti saccaparāmāso, diṭṭhiṭṭhānā samussayāti ‘‘iti saccaṃ iti sacca’’nti gahaṇaparāmāso ca diṭṭhisaṅkhātāyeva diṭṭhiṭṭhānā ca ye samussitattā uggantvā ṭhitattā samussayāti vuccanti, te sabbepi. Idha ṭhatvā diṭṭhiṭṭhānā samūhatāti iminā padena saddhiṃ yojanā kātabbā. Kassa pana etā esanā paṭinissaṭṭhā, ete ca diṭṭhiṭṭhānā samūhatāti? Sabbarāgavirattassa taṇhākkhayavimuttino. Yo hi sabbarāgehipi viratto, taṇhākkhaye ca nibbāne pavattāya arahattaphalavimuttiyā samannāgato, etassa esanā paṭinissaṭṭhā, diṭṭhiṭṭhānā ca samūhatā . Sa ve santoti so evarūpo kilesasantatāya santo. Passaddhoti dvīhi kāyacittapassaddhīhi passaddho. Aparājitoti sabbakilese jinitvā ṭhitattā kenaci aparājito. Mānābhisamayāti mānassa pahānābhisamayena. Buddhoti cattāri saccāni bujjhitvā ṭhito. Iti imasmiṃ suttepi gāthāsupi khīṇāsavova kathitoti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੮. ਪਤਿਲੀਨਸੁਤ੍ਤਂ • 8. Patilīnasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੮. ਪਤਿਲੀਨਸੁਤ੍ਤવਣ੍ਣਨਾ • 8. Patilīnasuttavaṇṇanā
