| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
6. баад̇имогкасам̣варасуд̇д̇аван̣н̣анаа
6. Pātimokkhasaṃvarasuttavaṇṇanā
412. чадтз баад̇имогкасам̣варасам̣вуд̇од̇и жад̇уннам̣ сийлаанам̣ ж̇здтагасийлам̣ д̣̇ассзнд̇о звамааха. д̇ибидагажуул̣анааг̇ад̇т̇зро банааха – ‘‘баад̇имогкасам̣варова сийлам̣, ид̇араани д̇ийн̣и сийланд̇и вуд̇д̇адтаанам̣ наама над̇т̇ий’’д̇и. вад̇ваа д̇ам̣ ануж̇аананд̇о ааха – ‘‘инд̣̇рияасам̣варо наама чад̣̇ваарарагкан̣амад̇д̇амзва, ааж̇ийвабаарисуд̣̇д̇хи д̇хаммзнзва самзна бажжаяуббад̇д̇имад̇д̇агам̣, бажжаяасанниссид̇ам̣ бадилад̣̇д̇хабажжаяз ид̣̇амад̇т̇анд̇и бажжавзгкид̇ваа барибхун̃ж̇анамад̇д̇агам̣. ниббарияааязна баад̇имогкасам̣варова сийлам̣. яасса со бхинно, аяам̣ чиннасийсо вияа бурисо хад̇т̇абаад̣̇з, сзсаани рагкиссад̇ийд̇и на вад̇д̇аб̣б̣о. яасса бана со арог̇о, аяам̣ ажчиннасийсо вияа бурисо ж̇ийвид̇ам̣, сзсаани буна баагад̇игаани гад̇ваа рагкид̇умби саггод̇ий’’д̇и. д̇асмаа баад̇имогкасам̣варова сийлам̣, д̇зна баад̇имогкасам̣варзна сам̣вуд̇од̇и баад̇имогкасам̣варасам̣вуд̇о, убзд̇о саманнааг̇ад̇од̇и ад̇т̇о.
412. Chaṭṭhe pātimokkhasaṃvarasaṃvutoti catunnaṃ sīlānaṃ jeṭṭhakasīlaṃ dassento evamāha. Tipiṭakacūḷanāgatthero panāha – ‘‘pātimokkhasaṃvarova sīlaṃ, itarāni tīṇi sīlanti vuttaṭṭhānaṃ nāma natthī’’ti. Vatvā taṃ anujānanto āha – ‘‘indriyasaṃvaro nāma chadvārarakkhaṇamattameva, ājīvapārisuddhi dhammeneva samena paccayuppattimattakaṃ, paccayasannissitaṃ paṭiladdhapaccaye idamatthanti paccavekkhitvā paribhuñjanamattakaṃ. Nippariyāyena pātimokkhasaṃvarova sīlaṃ. Yassa so bhinno, ayaṃ chinnasīso viya puriso hatthapāde, sesāni rakkhissatīti na vattabbo. Yassa pana so arogo, ayaṃ acchinnasīso viya puriso jīvitaṃ, sesāni puna pākatikāni katvā rakkhitumpi sakkotī’’ti. Tasmā pātimokkhasaṃvarova sīlaṃ, tena pātimokkhasaṃvarena saṃvutoti pātimokkhasaṃvarasaṃvuto, upeto samannāgatoti attho.
аажаараг̇ожарасамбаннод̇и аажаарзна жа г̇ожарзна жа самбанно. ан̣умад̇д̇зсууд̇и аббамад̇д̇агзсу. важ̇ж̇зсууд̇и агусалад̇хаммзсу. бхаяад̣̇ассаавийд̇и бхаяад̣̇ассий. самаад̣̇ааяаад̇и саммаа аад̣̇ияид̇ваа. сигкассу сигкаабад̣̇зсууд̇и сигкаабад̣̇зсу д̇ам̣ д̇ам̣ сигкаабад̣̇ам̣ самаад̣̇ияид̇ваа сигка, яам̣ яам̣ бана гин̃жи сигкаабад̣̇зсу сигкаагодтаасзсу сигкид̇аб̣б̣ам̣ гааяигам̣ ваа ваажасигам̣ ваа, д̇ам̣ д̇ам̣ саб̣б̣ам̣ саммаа аад̣̇ааяа сигкассууд̇и аяамзд̇т̇а сан̇кзбад̇т̇о. вид̇т̇ааро бана висуд̣̇д̇химаг̇г̇з (висуд̣̇д̇хи. 1.14) вуд̇д̇о. ид̇и имасмим̣ суд̇д̇з баад̇имогкасам̣варасийламзва гат̇ид̇ам̣.
Ācāragocarasampannoti ācārena ca gocarena ca sampanno. Aṇumattesūti appamattakesu. Vajjesūti akusaladhammesu. Bhayadassāvīti bhayadassī. Samādāyāti sammā ādiyitvā. Sikkhassu sikkhāpadesūti sikkhāpadesu taṃ taṃ sikkhāpadaṃ samādiyitvā sikkha, yaṃ yaṃ pana kiñci sikkhāpadesu sikkhākoṭṭhāsesu sikkhitabbaṃ kāyikaṃ vā vācasikaṃ vā, taṃ taṃ sabbaṃ sammā ādāya sikkhassūti ayamettha saṅkhepattho. Vitthāro pana visuddhimagge (visuddhi. 1.14) vutto. Iti imasmiṃ sutte pātimokkhasaṃvarasīlameva kathitaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. баад̇имогкасам̣варасуд̇д̇ам̣ • 6. Pātimokkhasaṃvarasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. баад̇имогкасам̣варасуд̇д̇аван̣н̣анаа • 6. Pātimokkhasaṃvarasuttavaṇṇanā
