| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
6. баад̇имогкасам̣варасуд̇д̇аван̣н̣анаа
6. Pātimokkhasaṃvarasuttavaṇṇanā
412. ж̇здтагасийланд̇и бад̇хаанагасийлам̣. сийлаг̇г̇ахан̣ан̃хи баал̣ияам̣ баад̇имогкасам̣варавасзнзва ааг̇ад̇ам̣. д̇знааха ‘‘д̇ибидагажуул̣анааг̇ад̇т̇зро банаа’’д̇иаад̣̇и. д̇ад̇т̇а баад̇имогкасам̣варова сийланд̇и авад̇хааран̣ам̣ ид̇арзсам̣ д̇ин̣н̣ам̣ згад̣̇зсзна баад̇имогканд̇ог̇ад̇хабхаавам̣ д̣̇ийбзд̇и. д̇ат̇аа хи анологияологанз ааж̇ийвахзд̇у жа часигкаабад̣̇авийд̇иггаманз г̇илаанабажжаяасса аббажжавзгкид̇абарибхог̇з жа аабад̇д̇и вихид̇аад̇и. д̇ийн̣ийд̇и инд̣̇рияасам̣вараад̣̇ийни. сийланд̇и вуд̇д̇адтаанам̣ наама над̇т̇ийд̇и сийлабарияааязна д̇зсам̣ гад̇т̇ажи суд̇д̇з г̇ахид̇адтаанам̣ наама над̇т̇ийд̇и ниббарияааяасийлад̇ам̣ д̇зсам̣ бадигкибад̇и. чад̣̇ваарарагкан̣амад̇д̇амзваад̇и д̇асса саллахугад̇амааха жид̇д̇аад̇хидтаанамад̇д̇зна бадибаагад̇игабхааваббад̇д̇ид̇о. ид̇арад̣̇ваязби зсзва наяо. бажжаяуббад̇д̇имад̇д̇аганд̇и палзна хзд̇ум̣ д̣̇ассзд̇и. уббаад̣̇анахзд̇угаа хи бажжаяаанам̣ уббад̇д̇и. ид̣̇амад̇т̇анд̇и ид̣̇ам̣ баяож̇анам̣ имасса бажжаяасса барибхун̃ж̇анзд̇и ад̇хиббааяо. ниббарияааязнаад̇и иминаа инд̣̇рияасам̣вараад̣̇ийни д̇ийн̣и бад̇хаанасийласса барибааланабарисод̇ханавасзна бавад̇д̇ияаа барияааяасийлаани наамаад̇и д̣̇ассзд̇и. ид̣̇аани баад̇имогкасийлассзва бад̇хаанабхаавам̣ б̣яад̇ирзгад̇о анваяад̇о жа убамааяа вибхаавзд̇ум̣ ‘‘яассаа’’д̇иаад̣̇имааха. д̇ад̇т̇а сод̇и баад̇имогкасам̣варо. сзсаани инд̣̇рияасам̣вараад̣̇ийни. баад̇имогкасад̣̇д̣̇асса ад̇т̇о бана висуд̣̇д̇химаг̇г̇асам̣ван̣н̣анаад̣̇ийсу вид̇т̇аарид̇о, д̇асмаа д̇ад̇т̇а вуд̇д̇анаязнзва взд̣̇ид̇аб̣б̣о.
412.Jeṭṭhakasīlanti padhānakasīlaṃ. Sīlaggahaṇañhi pāḷiyaṃ pātimokkhasaṃvaravaseneva āgataṃ. Tenāha ‘‘tipiṭakacūḷanāgatthero panā’’tiādi. Tattha pātimokkhasaṃvarova sīlanti avadhāraṇaṃ itaresaṃ tiṇṇaṃ ekadesena pātimokkhantogadhabhāvaṃ dīpeti. Tathā hi anolokiyolokane ājīvahetu ca chasikkhāpadavītikkamane gilānapaccayassa appaccavekkhitaparibhoge ca āpatti vihitāti. Tīṇīti indriyasaṃvarādīni. Sīlanti vuttaṭṭhānaṃ nāma natthīti sīlapariyāyena tesaṃ katthaci sutte gahitaṭṭhānaṃ nāma natthīti nippariyāyasīlataṃ tesaṃ paṭikkhipati. Chadvārarakkhaṇamattamevāti tassa sallahukatamāha cittādhiṭṭhānamattena paṭipākatikabhāvappattito. Itaradvayepi eseva nayo. Paccayuppattimattakanti phalena hetuṃ dasseti. Uppādanahetukā hi paccayānaṃ uppatti. Idamatthanti idaṃ payojanaṃ imassa paccayassa paribhuñjaneti adhippāyo. Nippariyāyenāti iminā indriyasaṃvarādīni tīṇi padhānasīlassa paripālanaparisodhanavasena pavattiyā pariyāyasīlāni nāmāti dasseti. Idāni pātimokkhasīlasseva padhānabhāvaṃ byatirekato anvayato ca upamāya vibhāvetuṃ ‘‘yassā’’tiādimāha. Tattha soti pātimokkhasaṃvaro. Sesāni indriyasaṃvarādīni. Pātimokkhasaddassa attho pana visuddhimaggasaṃvaṇṇanādīsu vitthārito, tasmā tattha vuttanayeneva veditabbo.
аажаарзна жа г̇ожарзна жа самбаннод̇и гааяигажзд̇асигаавийд̇иггамасан̇каад̇зна аажаарзна жа навзсияаад̣̇иг̇ожарад̇аад̣̇исан̇каад̇зна г̇ожарзна жа самбанно, самбаннааажаараг̇ожарод̇и ад̇т̇о. аббамад̇д̇агзсууд̇и ад̇ибарид̇д̇агзсу анаабад̇д̇иг̇аманийязсу. ‘‘д̣̇уггадад̣̇уб̣бхаасид̇амад̇д̇зсуу’’д̇и абарз. важ̇ж̇зсууд̇и агаран̣ийязсу г̇аараяхзсу. д̇з бана зганд̇ад̇о агусалаа хонд̇ийд̇и ааха – ‘‘агусалад̇хаммзсуу’’д̇и. бхаяад̣̇ассаавийд̇и бхаяад̇о д̣̇ассанасийло, барамаан̣умад̇д̇амби важ̇ж̇ам̣ синзруббамаан̣ам̣ вияа гад̇ваа д̣̇ассанасийло. саммаа аад̣̇ияид̇ваад̇и саммад̣̇зва саггажжам̣ саб̣б̣асо жа аад̣̇ияид̇ваа. сигкаабад̣̇зсууд̇и нид̣̇д̇хааран̣з бхумманд̇и самуд̣̇ааяад̇о аваяаванид̣̇д̇хааран̣ам̣ д̣̇ассзнд̇о ‘‘сигкаабад̣̇зсу д̇ам̣ д̇ам̣ сигкаабад̣̇а’’нд̇иаад̣̇имааха. сигкаабад̣̇ам̣ самаад̣̇аад̇аб̣б̣ам̣ сигкид̇аб̣б̣ан̃жаад̇и ад̇хиббааяо. сигкаад̇и ад̇хисийласигкаа. буб̣б̣з бад̣̇а-сад̣̇д̣̇о ад̇хидтаанадто, ид̇ха бхааг̇ад̇т̇од̇и д̣̇адтаб̣б̣анд̇и ааха – ‘‘сигкаагодтаасзсуу’’д̇и. муулабан̃н̃ад̇д̇ианубан̃н̃ад̇д̇иаад̣̇ибхзд̣̇ам̣ яам̣гин̃жи сигкид̇аб̣б̣ам̣ буурзд̇аб̣б̣ам̣ сийлам̣, д̇ам̣ бана д̣̇вааравасзна д̣̇увид̇хамзваад̇и ааха – ‘‘гааяигам̣ ваа ваажасигам̣ ваа’’д̇и. имасмим̣ ад̇т̇авигаббз сигкаабад̣̇зсууд̇и аад̇хаарз бхуммам̣ сигкаабхааг̇зсу гассажи висум̣ аг̇г̇ахан̣ад̇о. д̇знааха – ‘‘д̇ам̣ д̇ам̣ саб̣б̣а’’нд̇и. ‘‘д̇ад̇о д̇вам̣ бхигку сийлам̣ ниссааяаа’’д̇и важанад̇о анабхиж̇жхаа аб̣яаабаад̣̇асаммаад̣̇идтияоби сийланд̇и вуд̇д̇аа, д̇асмаа имасмим̣ суд̇д̇з ‘‘баад̇имогкасам̣варасийламзва гат̇ид̇а’’нд̇и вуд̇д̇ам̣.
Ācārena ca gocarena ca sampannoti kāyikacetasikaavītikkamasaṅkhātena ācārena ca navesiyādigocaratādisaṅkhātena gocarena ca sampanno, sampannaācāragocaroti attho. Appamattakesūti atiparittakesu anāpattigamanīyesu. ‘‘Dukkaṭadubbhāsitamattesū’’ti apare. Vajjesūti akaraṇīyesu gārayhesu. Te pana ekantato akusalā hontīti āha – ‘‘akusaladhammesū’’ti. Bhayadassāvīti bhayato dassanasīlo, paramāṇumattampi vajjaṃ sineruppamāṇaṃ viya katvā dassanasīlo. Sammā ādiyitvāti sammadeva sakkaccaṃ sabbaso ca ādiyitvā. Sikkhāpadesūti niddhāraṇe bhummanti samudāyato avayavaniddhāraṇaṃ dassento ‘‘sikkhāpadesu taṃ taṃ sikkhāpada’’ntiādimāha. Sikkhāpadaṃ samādātabbaṃ sikkhitabbañcāti adhippāyo. Sikkhāti adhisīlasikkhā. Pubbe pada-saddo adhiṭṭhānaṭṭho, idha bhāgatthoti daṭṭhabbanti āha – ‘‘sikkhākoṭṭhāsesū’’ti. Mūlapaññattianupaññattiādibhedaṃ yaṃkiñci sikkhitabbaṃ pūretabbaṃ sīlaṃ, taṃ pana dvāravasena duvidhamevāti āha – ‘‘kāyikaṃ vā vācasikaṃ vā’’ti. Imasmiṃ atthavikappe sikkhāpadesūti ādhāre bhummaṃ sikkhābhāgesu kassaci visuṃ aggahaṇato. Tenāha – ‘‘taṃ taṃ sabba’’nti. ‘‘Tato tvaṃ bhikkhu sīlaṃ nissāyā’’ti vacanato anabhijjhā abyāpādasammādiṭṭhiyopi sīlanti vuttā, tasmā imasmiṃ sutte ‘‘pātimokkhasaṃvarasīlameva kathita’’nti vuttaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. баад̇имогкасам̣варасуд̇д̇ам̣ • 6. Pātimokkhasaṃvarasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. баад̇имогкасам̣варасуд̇д̇аван̣н̣анаа • 6. Pātimokkhasaṃvarasuttavaṇṇanā
