| Library / Tipiṭaka / তিপিটক • Tipiṭaka / চূল়ৰগ্গ-অট্ঠকথা • Cūḷavagga-aṭṭhakathā |
পাতিমোক্খসৰনারহকথা
Pātimokkhasavanārahakathā
৩৮৬. ঠপিতং হোতি পাতিমোক্খন্তি এত্থ পুরে ৰা পচ্ছা ৰা ঠপিতম্পি অট্ঠপিতং হোতি, খেত্তে ঠপিতমেৰ পন ঠপিতং নাম হোতি। তস্মা ‘‘সুণাতু মে, ভন্তে সঙ্ঘো, অজ্জুপোসথো পন্নরসো, যদি সঙ্ঘস্স পত্তকল্লং, সঙ্ঘো উপোসথং করেয্যা’’তি এত্থ যাৰ রে-কারং ভণতি, তাৰ ঠপেতব্বং, ইদঞ্হি খেত্তং। য্য-কারে পন ৰুত্তে ঠপেন্তেন পচ্ছা ঠপিতং নাম হোতি। ‘‘সুণাতু মে’’তি অনারদ্ধেযেৰ ঠপেন্তেন পুরে ঠপিতং হোতি।
386.Ṭhapitaṃhoti pātimokkhanti ettha pure vā pacchā vā ṭhapitampi aṭṭhapitaṃ hoti, khette ṭhapitameva pana ṭhapitaṃ nāma hoti. Tasmā ‘‘suṇātu me, bhante saṅgho, ajjuposatho pannaraso, yadi saṅghassa pattakallaṃ, saṅgho uposathaṃ kareyyā’’ti ettha yāva re-kāraṃ bhaṇati, tāva ṭhapetabbaṃ, idañhi khettaṃ. Yya-kāre pana vutte ṭhapentena pacchā ṭhapitaṃ nāma hoti. ‘‘Suṇātu me’’ti anāraddheyeva ṭhapentena pure ṭhapitaṃ hoti.
পাতিমোক্খসৰনারহকথা নিট্ঠিতা।
Pātimokkhasavanārahakathā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / চূল়ৰগ্গপাল়ি • Cūḷavaggapāḷi / ৪. পাতিমোক্খসৰনারহো • 4. Pātimokkhasavanāraho
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / পাতিমোক্খসৰনারহকথাৰণ্ণনা • Pātimokkhasavanārahakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / পাতিমোক্খসৰনারহকথাদিৰণ্ণনা • Pātimokkhasavanārahakathādivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৪. পাতিমোক্খসৰনারহকথা • 4. Pātimokkhasavanārahakathā
