| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
4. баад̇имогкасаванаарахо
4. Pātimokkhasavanāraho
386. ат̇а ко бхаг̇аваа бхигкуу ааманд̇зси – ‘‘над̣̇аанаахам̣, бхигкавз, ид̇о барам̣ убосат̇ам̣ гариссаами, баад̇имогкам̣ уд̣̇д̣̇исиссаами. д̇умхзвад̣̇аани, бхигкавз, ид̇о барам̣ убосат̇ам̣ гарзяяаат̇а, баад̇имогкам̣ уд̣̇д̣̇исзяяаат̇а. адтаанамзд̇ам̣, бхигкавз, анавагаасо яам̣ д̇ат̇ааг̇ад̇о абарисуд̣̇д̇хааяа барисааяа убосат̇ам̣ гарзяяа, баад̇имогкам̣ уд̣̇д̣̇исзяяа. на жа, бхигкавз 1, саабад̇д̇игзна баад̇имогкам̣ сод̇аб̣б̣ам̣. яо сун̣зяяа, аабад̇д̇и д̣̇уггадасса. ануж̇аанаами, бхигкавз, яо саабад̇д̇иго баад̇имогкам̣ сун̣аад̇и, д̇асса баад̇имогкам̣ табзд̇ум̣. зван̃жа бана, бхигкавз, табзд̇аб̣б̣ам̣. д̇ад̣̇ахубосат̇з жаад̇уд̣̇д̣̇асз ваа баннарасз ваа д̇асмим̣ буг̇г̇алз саммукийбхууд̇з сан̇гхамаж̇жхз уд̣̇аахарид̇аб̣б̣ам̣ –
386. Atha kho bhagavā bhikkhū āmantesi – ‘‘nadānāhaṃ, bhikkhave, ito paraṃ uposathaṃ karissāmi, pātimokkhaṃ uddisissāmi. Tumhevadāni, bhikkhave, ito paraṃ uposathaṃ kareyyātha, pātimokkhaṃ uddiseyyātha. Aṭṭhānametaṃ, bhikkhave, anavakāso yaṃ tathāgato aparisuddhāya parisāya uposathaṃ kareyya, pātimokkhaṃ uddiseyya. Na ca, bhikkhave 2, sāpattikena pātimokkhaṃ sotabbaṃ. Yo suṇeyya, āpatti dukkaṭassa. Anujānāmi, bhikkhave, yo sāpattiko pātimokkhaṃ suṇāti, tassa pātimokkhaṃ ṭhapetuṃ. Evañca pana, bhikkhave, ṭhapetabbaṃ. Tadahuposathe cātuddase vā pannarase vā tasmiṃ puggale sammukhībhūte saṅghamajjhe udāharitabbaṃ –
‘сун̣аад̇у мз бханд̇з, сан̇гхо. ид̇т̇аннаамо буг̇г̇ало саабад̇д̇иго, д̇асса баад̇имогкам̣ табзми, на д̇асмим̣ саммукийбхууд̇з баад̇имогкам̣ уд̣̇д̣̇исид̇аб̣б̣а’нд̇и табид̇ам̣ ход̇и баад̇имогка’’нд̇и.
‘Suṇātu me bhante, saṅgho. Itthannāmo puggalo sāpattiko, tassa pātimokkhaṃ ṭhapemi, na tasmiṃ sammukhībhūte pātimokkhaṃ uddisitabba’nti ṭhapitaṃ hoti pātimokkha’’nti.
д̇зна ко бана самаязна чаб̣б̣аг̇г̇ияаа бхигкуу ‘наамхз гожи ж̇аанаад̇ий’д̇и саабад̇д̇игаава баад̇имогкам̣ сун̣анд̇и. т̇зраа бхигкуу баражид̇д̇авид̣̇уно бхигкуунам̣ аарожзнд̇и – ‘‘ид̇т̇аннаамо жа ид̇т̇аннаамо жа, аавусо, чаб̣б̣аг̇г̇ияаа бхигкуу ‘наамхз гожи ж̇аанаад̇ий’д̇и саабад̇д̇игаава баад̇имогкам̣ сун̣анд̇ий’’д̇и. ассосум̣ ко чаб̣б̣аг̇г̇ияаа бхигкуу – ‘‘т̇зраа гира бхигкуу баражид̇д̇авид̣̇уно амхз бхигкуунам̣ аарожзнд̇и – ид̇т̇аннаамо жа ид̇т̇аннаамо жа, аавусо, чаб̣б̣аг̇г̇ияаа бхигкуу ‘наамхз гожи ж̇аанаад̇ий’д̇и саабад̇д̇игаава баад̇имогкам̣ сун̣анд̇ий’’д̇и.
Tena kho pana samayena chabbaggiyā bhikkhū ‘nāmhe koci jānātī’ti sāpattikāva pātimokkhaṃ suṇanti. Therā bhikkhū paracittaviduno bhikkhūnaṃ ārocenti – ‘‘itthannāmo ca itthannāmo ca, āvuso, chabbaggiyā bhikkhū ‘nāmhe koci jānātī’ti sāpattikāva pātimokkhaṃ suṇantī’’ti. Assosuṃ kho chabbaggiyā bhikkhū – ‘‘therā kira bhikkhū paracittaviduno amhe bhikkhūnaṃ ārocenti – itthannāmo ca itthannāmo ca, āvuso, chabbaggiyā bhikkhū ‘nāmhe koci jānātī’ti sāpattikāva pātimokkhaṃ suṇantī’’ti.
д̇з – бурамхаагам̣ бзсалаа бхигкуу баад̇имогкам̣ табзнд̇ийд̇и – бадигажжзва суд̣̇д̇хаанам̣ бхигкуунам̣ анаабад̇д̇игаанам̣ авад̇т̇усмим̣ агааран̣з баад̇имогкам̣ табзнд̇и. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкуу суд̣̇д̇хаанам̣ бхигкуунам̣ анаабад̇д̇игаанам̣ авад̇т̇усмим̣ агааран̣з баад̇имогкам̣ табзссанд̇ий’’д̇и! ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира, бхигкавз, чаб̣б̣аг̇г̇ияаа бхигкуу суд̣̇д̇хаанам̣ бхигкуунам̣ анаабад̇д̇игаанам̣ авад̇т̇усмим̣ агааран̣з баад̇имогкам̣ табзнд̇ий’’д̇и? ‘‘сажжам̣ бхаг̇аваа’’д̇и…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси – ‘‘на, бхигкавз, суд̣̇д̇хаанам̣ бхигкуунам̣ анаабад̇д̇игаанам̣ авад̇т̇усмим̣ агааран̣з баад̇имогкам̣ табзд̇аб̣б̣ам̣. яо табзяяа, аабад̇д̇и д̣̇уггадасса’’.
Te – puramhākaṃ pesalā bhikkhū pātimokkhaṃ ṭhapentīti – paṭikacceva suddhānaṃ bhikkhūnaṃ anāpattikānaṃ avatthusmiṃ akāraṇe pātimokkhaṃ ṭhapenti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū suddhānaṃ bhikkhūnaṃ anāpattikānaṃ avatthusmiṃ akāraṇe pātimokkhaṃ ṭhapessantī’’ti! Atha kho te bhikkhū bhagavato etamatthaṃ ārocesuṃ…pe… ‘‘saccaṃ kira, bhikkhave, chabbaggiyā bhikkhū suddhānaṃ bhikkhūnaṃ anāpattikānaṃ avatthusmiṃ akāraṇe pātimokkhaṃ ṭhapentī’’ti? ‘‘Saccaṃ bhagavā’’ti…pe… vigarahitvā…pe… dhammiṃ kathaṃ katvā bhikkhū āmantesi – ‘‘na, bhikkhave, suddhānaṃ bhikkhūnaṃ anāpattikānaṃ avatthusmiṃ akāraṇe pātimokkhaṃ ṭhapetabbaṃ. Yo ṭhapeyya, āpatti dukkaṭassa’’.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / баад̇имогкасаванаарахагат̇аа • Pātimokkhasavanārahakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / баад̇имогкасаванаарахагат̇ааван̣н̣анаа • Pātimokkhasavanārahakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / баад̇имогкасаванаарахагат̇аад̣̇иван̣н̣анаа • Pātimokkhasavanārahakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 4. баад̇имогкасаванаарахагат̇аа • 4. Pātimokkhasavanārahakathā
