| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
83. баад̇имогкуд̣̇д̣̇зсагааж̇жхзсанаад̣̇и
83. Pātimokkhuddesakaajjhesanādi
155. ат̇а ко бхаг̇аваа рааж̇аг̇ахз яат̇аабхиранд̇ам̣ вихарид̇ваа язна жод̣̇анаавад̇т̇у д̇зна жааригам̣ баггаами. анубуб̣б̣зна жааригам̣ жарамаано язна жод̣̇анаавад̇т̇у д̇ад̣̇авасари. д̇зна ко бана самаязна ан̃н̃ад̇арасмим̣ ааваасз самб̣ахулаа бхигкуу вихаранд̇и . д̇ад̇т̇а т̇зро бхигку б̣аало ход̇и аб̣яад̇д̇о. со на ж̇аанаад̇и убосат̇ам̣ ваа убосат̇агаммам̣ ваа, баад̇имогкам̣ ваа баад̇имогкуд̣̇д̣̇зсам̣ ваа. ат̇а ко д̇зсам̣ бхигкуунам̣ зд̇ад̣̇ахоси – ‘‘бхаг̇авад̇аа бан̃н̃ад̇д̇ам̣ ‘т̇зраад̇хигам̣ баад̇имогка’нд̇и, аяан̃жа амхаагам̣ т̇зро б̣аало аб̣яад̇д̇о, на ж̇аанаад̇и убосат̇ам̣ ваа убосат̇агаммам̣ ваа, баад̇имогкам̣ ваа баад̇имогкуд̣̇д̣̇зсам̣ ваа. гат̇ам̣ ну ко амхзхи бадибаж̇ж̇ид̇аб̣б̣а’’нд̇и? бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, яо д̇ад̇т̇а бхигку б̣яад̇д̇о бадиб̣ало д̇ассаад̇хзяяам̣ баад̇имогканд̇и.
155. Atha kho bhagavā rājagahe yathābhirantaṃ viharitvā yena codanāvatthu tena cārikaṃ pakkāmi. Anupubbena cārikaṃ caramāno yena codanāvatthu tadavasari. Tena kho pana samayena aññatarasmiṃ āvāse sambahulā bhikkhū viharanti . Tattha thero bhikkhu bālo hoti abyatto. So na jānāti uposathaṃ vā uposathakammaṃ vā, pātimokkhaṃ vā pātimokkhuddesaṃ vā. Atha kho tesaṃ bhikkhūnaṃ etadahosi – ‘‘bhagavatā paññattaṃ ‘therādhikaṃ pātimokkha’nti, ayañca amhākaṃ thero bālo abyatto, na jānāti uposathaṃ vā uposathakammaṃ vā, pātimokkhaṃ vā pātimokkhuddesaṃ vā. Kathaṃ nu kho amhehi paṭipajjitabba’’nti? Bhagavato etamatthaṃ ārocesuṃ. Anujānāmi, bhikkhave, yo tattha bhikkhu byatto paṭibalo tassādheyyaṃ pātimokkhanti.
д̇зна ко бана самаязна ан̃н̃ад̇арасмим̣ ааваасз д̇ад̣̇ахубосат̇з самб̣ахулаа бхигкуу вихаранд̇и б̣аалаа аб̣яад̇д̇аа. д̇з на ж̇аананд̇и убосат̇ам̣ ваа убосат̇агаммам̣ ваа, баад̇имогкам̣ ваа баад̇имогкуд̣̇д̣̇зсам̣ ваа. д̇з т̇зрам̣ аж̇жхзсим̣су – ‘‘уд̣̇д̣̇исад̇у, бханд̇з, т̇зро баад̇имогка’’нд̇и. со звамааха – ‘‘на мз, аавусо, вад̇д̇ад̇ий’’д̇и. д̣̇уд̇ияам̣ т̇зрам̣ аж̇жхзсим̣су – ‘‘уд̣̇д̣̇исад̇у, бханд̇з, т̇зро баад̇имогка’’нд̇и. соби звамааха – ‘‘на мз, аавусо, вад̇д̇ад̇ий’’д̇и. д̇ад̇ияам̣ т̇зрам̣ аж̇жхзсим̣су – ‘‘уд̣̇д̣̇исад̇у , бханд̇з, т̇зро баад̇имогка’’нд̇и. соби звамааха – ‘‘на мз, аавусо, вад̇д̇ад̇ий’’д̇и. зд̇знзва убааязна яаава сан̇гханавагам̣ аж̇жхзсим̣су – ‘‘уд̣̇д̣̇исад̇у ааяасмаа баад̇имогка’’нд̇и. соби звамааха – ‘‘на мз, бханд̇з, вад̇д̇ад̇ий’’д̇и. бхаг̇авад̇о зд̇амад̇т̇ам̣ аарожзсум̣.
Tena kho pana samayena aññatarasmiṃ āvāse tadahuposathe sambahulā bhikkhū viharanti bālā abyattā. Te na jānanti uposathaṃ vā uposathakammaṃ vā, pātimokkhaṃ vā pātimokkhuddesaṃ vā. Te theraṃ ajjhesiṃsu – ‘‘uddisatu, bhante, thero pātimokkha’’nti. So evamāha – ‘‘na me, āvuso, vattatī’’ti. Dutiyaṃ theraṃ ajjhesiṃsu – ‘‘uddisatu, bhante, thero pātimokkha’’nti. Sopi evamāha – ‘‘na me, āvuso, vattatī’’ti. Tatiyaṃ theraṃ ajjhesiṃsu – ‘‘uddisatu , bhante, thero pātimokkha’’nti. Sopi evamāha – ‘‘na me, āvuso, vattatī’’ti. Eteneva upāyena yāva saṅghanavakaṃ ajjhesiṃsu – ‘‘uddisatu āyasmā pātimokkha’’nti. Sopi evamāha – ‘‘na me, bhante, vattatī’’ti. Bhagavato etamatthaṃ ārocesuṃ.
ид̇ха бана, бхигкавз, ан̃н̃ад̇арасмим̣ ааваасз д̇ад̣̇ахубосат̇з самб̣ахулаа бхигкуу вихаранд̇и б̣аалаа аб̣яад̇д̇аа. д̇з на ж̇аананд̇и убосат̇ам̣ ваа убосат̇агаммам̣ ваа, баад̇имогкам̣ ваа баад̇имогкуд̣̇д̣̇зсам̣ ваа. д̇з т̇зрам̣ аж̇жхзсанд̇и – ‘‘уд̣̇д̣̇исад̇у, бханд̇з, т̇зро баад̇имогка’’нд̇и. со звам̣ вад̣̇зд̇и – ‘‘на мз, аавусо, вад̇д̇ад̇ий’’д̇и. д̣̇уд̇ияам̣ т̇зрам̣ аж̇жхзсанд̇и – ‘‘уд̣̇д̣̇исад̇у, бханд̇з, т̇зро баад̇имогка’’нд̇и. соби звам̣ вад̣̇зд̇и – ‘‘на мз, аавусо, вад̇д̇ад̇ий’’д̇и. д̇ад̇ияам̣ т̇зрам̣ аж̇жхзсанд̇и – ‘‘уд̣̇д̣̇исад̇у, бханд̇з, т̇зро баад̇имогка’’нд̇и. соби звам̣ вад̣̇зд̇и – ‘‘на мз, аавусо, вад̇д̇ад̇ий’’д̇и. зд̇знзва убааязна яаава сан̇гханавагам̣ аж̇жхзсанд̇и – ‘‘уд̣̇д̣̇исад̇у ааяасмаа баад̇имогка’’нд̇и. соби звам̣ вад̣̇зд̇и – ‘‘на мз, бханд̇з, вад̇д̇ад̇ий’’д̇и. д̇зхи, бхигкавз, бхигкуухи зго бхигку сааманд̇аа ааваасаа саж̇ж̇угам̣ баахзд̇аб̣б̣о – г̇ажчаавусо, сам̣кид̇д̇зна ваа вид̇т̇аарзна ваа баад̇имогкам̣ барияаабун̣ид̇ваана ааг̇ажчаахийд̇и.
Idha pana, bhikkhave, aññatarasmiṃ āvāse tadahuposathe sambahulā bhikkhū viharanti bālā abyattā. Te na jānanti uposathaṃ vā uposathakammaṃ vā, pātimokkhaṃ vā pātimokkhuddesaṃ vā. Te theraṃ ajjhesanti – ‘‘uddisatu, bhante, thero pātimokkha’’nti. So evaṃ vadeti – ‘‘na me, āvuso, vattatī’’ti. Dutiyaṃ theraṃ ajjhesanti – ‘‘uddisatu, bhante, thero pātimokkha’’nti. Sopi evaṃ vadeti – ‘‘na me, āvuso, vattatī’’ti. Tatiyaṃ theraṃ ajjhesanti – ‘‘uddisatu, bhante, thero pātimokkha’’nti. Sopi evaṃ vadeti – ‘‘na me, āvuso, vattatī’’ti. Eteneva upāyena yāva saṅghanavakaṃ ajjhesanti – ‘‘uddisatu āyasmā pātimokkha’’nti. Sopi evaṃ vadeti – ‘‘na me, bhante, vattatī’’ti. Tehi, bhikkhave, bhikkhūhi eko bhikkhu sāmantā āvāsā sajjukaṃ pāhetabbo – gacchāvuso, saṃkhittena vā vitthārena vā pātimokkhaṃ pariyāpuṇitvāna āgacchāhīti.
ат̇а ко бхигкуунам̣ зд̇ад̣̇ахоси – ‘‘гзна ну ко баахзд̇аб̣б̣о’’д̇и? бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, т̇зрзна бхигкунаа навам̣ бхигкум̣ аан̣аабзд̇унд̇и. т̇зрзна аан̣ад̇д̇аа наваа бхигкуу на г̇ажчанд̇и. бхаг̇авад̇о зд̇амад̇т̇ам̣ аарожзсум̣. на, бхигкавз, т̇зрзна аан̣ад̇д̇зна аг̇илаанзна на г̇анд̇аб̣б̣ам̣. яо на г̇ажчзяяа, аабад̇д̇и д̣̇уггадассаад̇и.
Atha kho bhikkhūnaṃ etadahosi – ‘‘kena nu kho pāhetabbo’’ti? Bhagavato etamatthaṃ ārocesuṃ. Anujānāmi, bhikkhave, therena bhikkhunā navaṃ bhikkhuṃ āṇāpetunti. Therena āṇattā navā bhikkhū na gacchanti. Bhagavato etamatthaṃ ārocesuṃ. Na, bhikkhave, therena āṇattena agilānena na gantabbaṃ. Yo na gaccheyya, āpatti dukkaṭassāti.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / ад̇хаммагаммабадиггосанаад̣̇игат̇аа • Adhammakammapaṭikkosanādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / баад̇имогкуд̣̇д̣̇зсагааж̇жхзсанаад̣̇игат̇ааван̣н̣анаа • Pātimokkhuddesakaajjhesanādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / баад̇имогкуд̣̇д̣̇зсагааж̇жхзсанаад̣̇игат̇ааван̣н̣анаа • Pātimokkhuddesakaajjhesanādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ад̇хаммагаммабадиггосанаад̣̇игат̇ааван̣н̣анаа • Adhammakammapaṭikkosanādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 83. баад̇имогкуд̣̇д̣̇зсагааж̇жхзсанаад̣̇игат̇аа • 83. Pātimokkhuddesakaajjhesanādikathā
