| Library / Tipiṭaka / ติปิฎก • Tipiṭaka / สารตฺถทีปนี-ฎีกา • Sāratthadīpanī-ṭīkā |
ปาติโมกฺขุเทฺทสกอเชฺฌสนาทิกถาวณฺณนา
Pātimokkhuddesakaajjhesanādikathāvaṇṇanā
๑๕๕. โจทนาวตฺถุ นาม เอกํ นครํฯ สงฺฆอุโปสถาทิเภเทน นววิธนฺติ สเงฺฆ อุโปสโถ คเณ อุโปสโถ ปุคฺคเล อุโปสโถติ เอวํ การกวเสน ตโย, สุตฺตุเทฺทโส ปาริสุทฺธิอุโปสโถ อธิฎฺฐานุโปสโถติ เอวํ กตฺตพฺพาการวเสน ตโย, จาตุทฺทสิโก ปนฺนรสิโก สามคฺคีอุโปสโถติ เอวํ ทิวสวเสน ตโยติ นววิธํฯ จตุพฺพิธํ อุโปสถกมฺมนฺติ อธเมฺมน วคฺคํ อุโปสถกมฺมํ, อธเมฺมน สมคฺคํ อุโปสถกมฺมํ, ธเมฺมน วคฺคํ อุโปสถกมฺมํ, ธเมฺมน สมคฺคํ อุโปสถกมฺมนฺติ เอวํ จตุพฺพิธมฺปิ อุโปสถกมฺมํฯ ทุวิธํ ปาติโมกฺขนฺติ ภิกฺขุปาติโมกฺขํ ภิกฺขุนีปาติโมกฺขนฺติ ทุวิธํ ปาติโมกฺขํฯ นววิธํ ปาติโมกฺขุเทฺทสนฺติ ภิกฺขูนํ ปญฺจ อุเทฺทสา, ภิกฺขุนีนํ ฐเปตฺวา อนิยตุเทฺทสํ อวเสสา จตฺตาโรติ นววิธํ ปาติโมกฺขุเทฺทสํฯ
155.Codanāvatthu nāma ekaṃ nagaraṃ. Saṅghauposathādibhedena navavidhanti saṅghe uposatho gaṇe uposatho puggale uposathoti evaṃ kārakavasena tayo, suttuddeso pārisuddhiuposatho adhiṭṭhānuposathoti evaṃ kattabbākāravasena tayo, cātuddasiko pannarasiko sāmaggīuposathoti evaṃ divasavasena tayoti navavidhaṃ. Catubbidhaṃ uposathakammanti adhammena vaggaṃ uposathakammaṃ, adhammena samaggaṃ uposathakammaṃ, dhammena vaggaṃ uposathakammaṃ, dhammena samaggaṃ uposathakammanti evaṃ catubbidhampi uposathakammaṃ. Duvidhaṃ pātimokkhanti bhikkhupātimokkhaṃ bhikkhunīpātimokkhanti duvidhaṃ pātimokkhaṃ. Navavidhaṃ pātimokkhuddesanti bhikkhūnaṃ pañca uddesā, bhikkhunīnaṃ ṭhapetvā aniyatuddesaṃ avasesā cattāroti navavidhaṃ pātimokkhuddesaṃ.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi / ๘๓. ปาติโมกฺขุเทฺทสกอเชฺฌสนาทิ • 83. Pātimokkhuddesakaajjhesanādi
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā / อธมฺมกมฺมปฎิโกฺกสนาทิกถา • Adhammakammapaṭikkosanādikathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ปาติโมกฺขุเทฺทสกอเชฺฌสนาทิกถาวณฺณนา • Pātimokkhuddesakaajjhesanādikathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / อธมฺมกมฺมปฎิโกฺกสนาทิกถาวณฺณนา • Adhammakammapaṭikkosanādikathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๘๓. ปาติโมกฺขุเทฺทสกอเชฺฌสนาทิกถา • 83. Pātimokkhuddesakaajjhesanādikathā
