| Library / Tipiṭaka / တိပိဋက • Tipiṭaka / သာရတ္ထဒီပနီ-ဋီကာ • Sāratthadīpanī-ṭīkā |
ပာတိမောက္ခုဒ္ဒေသကအဇ္ဈေသနာဒိကထာဝဏ္ဏနာ
Pātimokkhuddesakaajjhesanādikathāvaṇṇanā
၁၅၅. စောဒနာဝတ္ထု နာမ ဧကံ နဂရံ။ သင္ဃဥပောသထာဒိဘေဒေန နဝဝိဓန္တိ သင္ဃေ ဥပောသထော ဂဏေ ဥပောသထော ပုဂ္ဂလေ ဥပောသထောတိ ဧဝံ ကာရကဝသေန တယော, သုတ္တုဒ္ဒေသော ပာရိသုဒ္ဓိဥပောသထော အဓိဋ္ဌာနုပောသထောတိ ဧဝံ ကတ္တဗ္ဗာကာရဝသေန တယော, စာတုဒ္ဒသိကော ပန္နရသိကော သာမဂ္ဂီဥပောသထောတိ ဧဝံ ဒိဝသဝသေန တယောတိ နဝဝိဓံ။ စတုဗ္ဗိဓံ ဥပောသထကမ္မန္တိ အဓမ္မေန ဝဂ္ဂံ ဥပောသထကမ္မံ, အဓမ္မေန သမဂ္ဂံ ဥပောသထကမ္မံ, ဓမ္မေန ဝဂ္ဂံ ဥပောသထကမ္မံ, ဓမ္မေန သမဂ္ဂံ ဥပောသထကမ္မန္တိ ဧဝံ စတုဗ္ဗိဓမ္ပိ ဥပောသထကမ္မံ။ ဒုဝိဓံ ပာတိမောက္ခန္တိ ဘိက္ခုပာတိမောက္ခံ ဘိက္ခုနီပာတိမောက္ခန္တိ ဒုဝိဓံ ပာတိမောက္ခံ။ နဝဝိဓံ ပာတိမောက္ခုဒ္ဒေသန္တိ ဘိက္ခူနံ ပဉ္စ ဥဒ္ဒေသာ, ဘိက္ခုနီနံ ဌပေတ္ဝာ အနိယတုဒ္ဒေသံ အဝသေသာ စတ္တာရောတိ နဝဝိဓံ ပာတိမောက္ခုဒ္ဒေသံ။
155.Codanāvatthu nāma ekaṃ nagaraṃ. Saṅghauposathādibhedena navavidhanti saṅghe uposatho gaṇe uposatho puggale uposathoti evaṃ kārakavasena tayo, suttuddeso pārisuddhiuposatho adhiṭṭhānuposathoti evaṃ kattabbākāravasena tayo, cātuddasiko pannarasiko sāmaggīuposathoti evaṃ divasavasena tayoti navavidhaṃ. Catubbidhaṃ uposathakammanti adhammena vaggaṃ uposathakammaṃ, adhammena samaggaṃ uposathakammaṃ, dhammena vaggaṃ uposathakammaṃ, dhammena samaggaṃ uposathakammanti evaṃ catubbidhampi uposathakammaṃ. Duvidhaṃ pātimokkhanti bhikkhupātimokkhaṃ bhikkhunīpātimokkhanti duvidhaṃ pātimokkhaṃ. Navavidhaṃ pātimokkhuddesanti bhikkhūnaṃ pañca uddesā, bhikkhunīnaṃ ṭhapetvā aniyatuddesaṃ avasesā cattāroti navavidhaṃ pātimokkhuddesaṃ.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၈၃. ပာတိမောက္ခုဒ္ဒေသကအဇ္ဈေသနာဒိ • 83. Pātimokkhuddesakaajjhesanādi
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / အဓမ္မကမ္မပဋိက္ကောသနာဒိကထာ • Adhammakammapaṭikkosanādikathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ပာတိမောက္ခုဒ္ဒေသကအဇ္ဈေသနာဒိကထာဝဏ္ဏနာ • Pātimokkhuddesakaajjhesanādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / အဓမ္မကမ္မပဋိက္ကောသနာဒိကထာဝဏ္ဏနာ • Adhammakammapaṭikkosanādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၈၃. ပာတိမောက္ခုဒ္ဒေသကအဇ္ဈေသနာဒိကထာ • 83. Pātimokkhuddesakaajjhesanādikathā
