| Library / Tipiṭaka / තිපිටක • Tipiṭaka / සාරත්‌ථදීපනී-ටීකා • Sāratthadīpanī-ṭīkā |
පාතිමොක්‌ඛුද්‌දෙසකඅජ්‌ඣෙසනාදිකථාවණ්‌ණනා
Pātimokkhuddesakaajjhesanādikathāvaṇṇanā
155. චොදනාවත්‌ථු නාම එකං නගරං. සඞ්‌ඝඋපොසථාදිභෙදෙන නවවිධන්‌ති සඞ්‌ඝෙ උපොසථො ගණෙ උපොසථො පුග්‌ගලෙ උපොසථොති එවං කාරකවසෙන තයො, සුත්‌තුද්‌දෙසො පාරිසුද්‌ධිඋපොසථො අධිට්‌ඨානුපොසථොති එවං කත්‌තබ්‌බාකාරවසෙන තයො, චාතුද්‌දසිකො පන්‌නරසිකො සාමග්‌ගීඋපොසථොති එවං දිවසවසෙන තයොති නවවිධං. චතුබ්‌බිධං උපොසථකම්‌මන්‌ති අධම්‌මෙන වග්‌ගං උපොසථකම්‌මං, අධම්‌මෙන සමග්‌ගං උපොසථකම්‌මං, ධම්‌මෙන වග්‌ගං උපොසථකම්‌මං, ධම්‌මෙන සමග්‌ගං උපොසථකම්‌මන්‌ති එවං චතුබ්‌බිධම්‌පි උපොසථකම්‌මං. දුවිධං පාතිමොක්‌ඛන්‌ති භික්‌ඛුපාතිමොක්‌ඛං භික්‌ඛුනීපාතිමොක්‌ඛන්‌ති දුවිධං පාතිමොක්‌ඛං. නවවිධං පාතිමොක්‌ඛුද්‌දෙසන්‌ති භික්‌ඛූනං පඤ්‌ච උද්‌දෙසා, භික්‌ඛුනීනං ඨපෙත්‌වා අනියතුද්‌දෙසං අවසෙසා චත්‌තාරොති නවවිධං පාතිමොක්‌ඛුද්‌දෙසං.
155.Codanāvatthu nāma ekaṃ nagaraṃ. Saṅghauposathādibhedena navavidhanti saṅghe uposatho gaṇe uposatho puggale uposathoti evaṃ kārakavasena tayo, suttuddeso pārisuddhiuposatho adhiṭṭhānuposathoti evaṃ kattabbākāravasena tayo, cātuddasiko pannarasiko sāmaggīuposathoti evaṃ divasavasena tayoti navavidhaṃ. Catubbidhaṃ uposathakammanti adhammena vaggaṃ uposathakammaṃ, adhammena samaggaṃ uposathakammaṃ, dhammena vaggaṃ uposathakammaṃ, dhammena samaggaṃ uposathakammanti evaṃ catubbidhampi uposathakammaṃ. Duvidhaṃ pātimokkhanti bhikkhupātimokkhaṃ bhikkhunīpātimokkhanti duvidhaṃ pātimokkhaṃ. Navavidhaṃ pātimokkhuddesanti bhikkhūnaṃ pañca uddesā, bhikkhunīnaṃ ṭhapetvā aniyatuddesaṃ avasesā cattāroti navavidhaṃ pātimokkhuddesaṃ.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi / 83. පාතිමොක්‌ඛුද්‌දෙසකඅජ්‌ඣෙසනාදි • 83. Pātimokkhuddesakaajjhesanādi
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / අධම්‌මකම්‌මපටික්‌කොසනාදිකථා • Adhammakammapaṭikkosanādikathā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / පාතිමොක්‌ඛුද්‌දෙසකඅජ්‌ඣෙසනාදිකථාවණ්‌ණනා • Pātimokkhuddesakaajjhesanādikathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / අධම්‌මකම්‌මපටික්‌කොසනාදිකථාවණ්‌ණනා • Adhammakammapaṭikkosanādikathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 83. පාතිමොක්‌ඛුද්‌දෙසකඅජ්‌ඣෙසනාදිකථා • 83. Pātimokkhuddesakaajjhesanādikathā
