| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
78. பாதிமொக்கு²த்³தே³ஸகதா²
78. Pātimokkhuddesakathā
150. இமங் நிதா³னந்தி பாதிமொக்க²ஸ்ஸ இமங் நிதா³னங். ஸுதா கோ² பனாதி எத்த² ஸுய்யித்தா²தி ஸுதா, ஸுய்யஸ்ஸந்தீதி வா ஸுதா, பாராஜிகுத்³தே³ஸாத³யோ. ஸுதா ச ஸுதா ச ஸுதாதி ஸரூபேகஸேஸோ காதப்³போ³. அவஸேஸந்தி நிதா³னுத்³தே³ஸாதி³தோ அவஸேஸங் பாராஜிகுத்³தே³ஸாதி³. ஸுதேனாதி ஸுதஸத்³தே³ன. ‘‘அத்தே² அஸம்ப⁴வதோ ஸத்³தே³ வுத்தவிதா⁴னங் ஹோதீ’’தி ஹி பரிபா⁴ஸதோ ‘‘ஸுதேனா’’தி எத்த² ஸத்³தோ³வ க³ஹேதப்³போ³. தேன நயேனாதி தேன நிதா³னுத்³தே³ஸனயேன.
150.Imaṃnidānanti pātimokkhassa imaṃ nidānaṃ. Sutā kho panāti ettha suyyitthāti sutā, suyyassantīti vā sutā, pārājikuddesādayo. Sutā ca sutā ca sutāti sarūpekaseso kātabbo. Avasesanti nidānuddesādito avasesaṃ pārājikuddesādi. Sutenāti sutasaddena. ‘‘Atthe asambhavato sadde vuttavidhānaṃ hotī’’ti hi paribhāsato ‘‘sutenā’’ti ettha saddova gahetabbo. Tena nayenāti tena nidānuddesanayena.
அடவிமனுஸ்ஸப⁴யந்தி அடவியங் நிவஸந்தஸ்ஸ மனுஸ்ஸஸ்ஸ ப⁴யங், வனசரகப⁴யந்தி அத்தோ². ராஜந்தராயோதிஆதீ³ஸு ஏவங் விஸேஸோ வேதி³தப்³போ³தி யோஜனா. த³வதா³ஹோதி தா³யங் த³ஹதீதி த³வதா³ஹோ ஆகாரஸ்ஸ ரஸ்ஸங், யகாரஸ்ஸ ச வகாரங் கத்வா. நந்தி பி⁴க்கு²ங். ஏகங் வா பி⁴க்கு²ந்தி யோஜனா. பட²மோ வா உத்³தே³ஸோதி நிதா³னுத்³தே³ஸோ. எத்தா²தி பஞ்சஸு உத்³தே³ஸேஸு. யஸ்மிந்தி உத்³தே³ஸே. ஸோபீதி உத்³தே³ஸோபி. ஸுதேனேவ ஸாவேதப்³போ³தி ஸுதபதே³னேவ ஸங்க⁴ஸ்ஸ ஸாவேதப்³போ³தி ஏவஸத்³தோ³ ‘‘ந வித்தா²ரேனா’’தி த³ஸ்ஸேதி.
Aṭavimanussabhayanti aṭaviyaṃ nivasantassa manussassa bhayaṃ, vanacarakabhayanti attho. Rājantarāyotiādīsu evaṃ viseso veditabboti yojanā. Davadāhoti dāyaṃ dahatīti davadāho ākārassa rassaṃ, yakārassa ca vakāraṃ katvā. Nanti bhikkhuṃ. Ekaṃ vā bhikkhunti yojanā. Paṭhamo vā uddesoti nidānuddeso. Etthāti pañcasu uddesesu. Yasminti uddese. Sopīti uddesopi. Suteneva sāvetabboti sutapadeneva saṅghassa sāvetabboti evasaddo ‘‘na vitthārenā’’ti dasseti.
அனஜ்ஜி²ட்டா²தி எத்த² உபஸக்³க³வஸேன இஸுதா⁴துஸ்ஸ இச்சா²கந்திதோ அஞ்ஞமத்த²ங் த³ஸ்ஸெந்தோ ஆஹ ‘‘அனாணத்தா, அயாசிதா வா’’தி. எத்த² ‘‘அனாணத்தா’’தி இத³ங் தே²ரேன அனாணத்தபா⁴வங் ஸந்தா⁴ய வுத்தங் . ‘‘அயாசிதா’’தி இத³ங் ஸம்முதிலத்³தே⁴ன நவகேன அயாசிதபா⁴வங் ஸந்தா⁴ய வுத்தந்தி த³ட்ட²ப்³ப³ங். எத்தா²தி ‘‘அனஜ்ஜி²ட்டா² த⁴ம்மங் பா⁴ஸந்தீ’’தி வசனே. த⁴ம்மஜ்ஜே²ஸகேதி த⁴ம்மகத²னத்தா²ய அஜ்ஜே²ஸதீதி த⁴ம்மஜ்ஜே²ஸகோ, தஸ்மிங். ஆபுச்சி²த்வா வா தேன ஸங்க⁴த்தே²ரேன யாசிதோ ஹுத்வா வாதி யோஜனா. வாரபடிபாடியாதி வாரானுக்கமேன. தே³ஹீதி வாதி எத்த² இதி-வா-ஸத்³தோ³ ‘‘ப⁴ண’’ இதிபதே³ன ச ‘‘கதே²ஹி’’ இதிபதே³ன ச யோஜேதப்³போ³. ‘‘ப⁴ண’’ இதி வா ‘‘கதே²ஹி’’இதி வா ‘‘தே³ஹி’’இதி வா வத்தப்³பா³தி யோஜனா . தீஹிபி விதீ⁴ஹீதி ஓஸாரணகத²னஸரப⁴ஞ்ஞஸங்கா²தேஹி தீஹி ஸஜ்ஜனேஹி. எத்த² ச ஸுத்தஸ்ஸ ஓஸாரியதே உச்சாரியதே ஓஸாரணங், அத்த²ஸ்ஸ கதி²யதே கத²னங், ஸுத்தஸ்ஸ ச தத³த்த²ஸ்ஸ ச ஸரேன ப⁴ணியதே ஸரப⁴ஞ்ஞங். ஓஸாரேஹீதி ஸுத்தங் உச்சாரேஹி. கதே²ஹீதி அத்த²ங் கதே²ஹி. ஸரப⁴ஞ்ஞந்தி ஸுத்தஸ்ஸ ச தத³த்த²ஸ்ஸ ச ஸரேன ப⁴ணனங். நந்தி ஸத்³தி⁴விஹாரிகங். ஸஜ்ஜா²யங் அதி⁴ட்ட²ஹித்வாதி ‘‘ஸஜ்ஜா²யங் கரோமீ’’தி அதி⁴ட்ட²ஹித்வா. எத்தா²தி அஜ்ஜே²ஸனட்டா²னே.
Anajjhiṭṭhāti ettha upasaggavasena isudhātussa icchākantito aññamatthaṃ dassento āha ‘‘anāṇattā, ayācitā vā’’ti. Ettha ‘‘anāṇattā’’ti idaṃ therena anāṇattabhāvaṃ sandhāya vuttaṃ . ‘‘Ayācitā’’ti idaṃ sammutiladdhena navakena ayācitabhāvaṃ sandhāya vuttanti daṭṭhabbaṃ. Etthāti ‘‘anajjhiṭṭhā dhammaṃ bhāsantī’’ti vacane. Dhammajjhesaketi dhammakathanatthāya ajjhesatīti dhammajjhesako, tasmiṃ. Āpucchitvā vā tena saṅghattherena yācito hutvā vāti yojanā. Vārapaṭipāṭiyāti vārānukkamena. Dehīti vāti ettha iti-vā-saddo ‘‘bhaṇa’’ itipadena ca ‘‘kathehi’’ itipadena ca yojetabbo. ‘‘Bhaṇa’’ iti vā ‘‘kathehi’’iti vā ‘‘dehi’’iti vā vattabbāti yojanā . Tīhipi vidhīhīti osāraṇakathanasarabhaññasaṅkhātehi tīhi sajjanehi. Ettha ca suttassa osāriyate uccāriyate osāraṇaṃ, atthassa kathiyate kathanaṃ, suttassa ca tadatthassa ca sarena bhaṇiyate sarabhaññaṃ. Osārehīti suttaṃ uccārehi. Kathehīti atthaṃ kathehi. Sarabhaññanti suttassa ca tadatthassa ca sarena bhaṇanaṃ. Nanti saddhivihārikaṃ. Sajjhāyaṃ adhiṭṭhahitvāti ‘‘sajjhāyaṃ karomī’’ti adhiṭṭhahitvā. Etthāti ajjhesanaṭṭhāne.
நிஸ்ஸிதகேதி ஸத்³தி⁴விஹாரிகாத³யோ. ஸோதி ஸங்க⁴த்தே²ரோ, ‘‘வத்தப்³போ³’’திபதே³ கம்மங், ‘‘வத³தீ’’திஆதீ³ஸு பதே³ஸு கத்தா. ஆரத்³த⁴ந்தி ஸங்கே⁴ன ஆரத்³த⁴ங். ட²பெத்வாதி த⁴ம்மஸவனங் ட²பெத்வா. ஓஸாரெத்வாதி பட²மங் ஸுத்தங் ஓஸாரெத்வா. புன கதெ²ந்தேனாதி பச்சா² அத்த²ங் கதெ²ந்தேன. அட்ட²பெத்வாயேவ வாதி ஸுத்தஸ்ஸ ச அத்த²ஸ்ஸ ச அந்தரா அட்ட²த்வா ஏவ வா. கதே²தப்³ப³ந்தி அத்த²ஜாதங் கதே²தப்³ப³ங். கதெ²ந்தஸ்ஸ…பே॰… நயோதி பட²மங் அத்த²ங் கதெ²த்வா புன ஸுத்தஞ்ச அத்த²ஞ்ச ஸரேன ப⁴ணந்தஸ்ஸ புன ஆக³தேபி ஏஸேவ நயோதி அத்தோ².
Nissitaketi saddhivihārikādayo. Soti saṅghatthero, ‘‘vattabbo’’tipade kammaṃ, ‘‘vadatī’’tiādīsu padesu kattā. Āraddhanti saṅghena āraddhaṃ. Ṭhapetvāti dhammasavanaṃ ṭhapetvā. Osāretvāti paṭhamaṃ suttaṃ osāretvā. Puna kathentenāti pacchā atthaṃ kathentena. Aṭṭhapetvāyeva vāti suttassa ca atthassa ca antarā aṭṭhatvā eva vā. Kathetabbanti atthajātaṃ kathetabbaṃ. Kathentassa…pe… nayoti paṭhamaṃ atthaṃ kathetvā puna suttañca atthañca sarena bhaṇantassa puna āgatepi eseva nayoti attho.
உபனிஸின்னகதா²யபீதி ஸமீபே நிஸின்னேன கதா²யபி. தேனாதி ஸங்க⁴த்தே²ரேன. வத்துங் வட்டதீதி விஸேஸெத்வா வத்துங் வட்டதி. தேனாதி மனுஸ்ஸேஹி ஜானநபி⁴க்கு²னா. ஸங்க⁴த்தே²ரோ ப⁴ணதி, துண்ஹீ வா ஹோதீதி ஸம்ப³ந்தோ⁴. ‘‘புச்ச²ந்தீ’’தி வுத்தேதி யோஜனா. அனுமோத³னாதீ³ஸுபீதிஆதி³ஸத்³தே³ன த⁴ம்மகதா²த³யோ ஸங்க³ண்ஹாதி. ஸங்க⁴த்தே²ரோ அனுஜானாதீதி ஸம்ப³ந்தோ⁴. ஸப்³ப³த்தா²தி ஸப்³பே³ஸு விஹாரஅந்தரக⁴ரேஸு.
Upanisinnakathāyapīti samīpe nisinnena kathāyapi. Tenāti saṅghattherena. Vattuṃ vaṭṭatīti visesetvā vattuṃ vaṭṭati. Tenāti manussehi jānanabhikkhunā. Saṅghatthero bhaṇati, tuṇhī vā hotīti sambandho. ‘‘Pucchantī’’ti vutteti yojanā. Anumodanādīsupītiādisaddena dhammakathādayo saṅgaṇhāti. Saṅghatthero anujānātīti sambandho. Sabbatthāti sabbesu vihāraantaragharesu.
ஸஜ்ஜா²யந்தி ஸயங் இஸ்ஸரேன அயனங் உச்சாரணங், கேனசி அனஜ்ஜி²ட்டோ² ஸயங் அதி⁴இஸ்ஸரேன அயனங் உச்சாரணந்தி அத்தோ². தே²ரோதி ஸத்³தி⁴விஹாரோ தே²ரோ. விஸ்ஸமிஸ்ஸாமீதி கே²த³விரஹிதங் க³மிஸ்ஸாமி. ஆபுச்சி²தப்³ப³ந்தி பட²மதே²ரம்பி புன ஆக³தத்தே²ரம்பி ஆபுச்சி²தப்³ப³ங். ஏகேன ஸங்க⁴த்தே²ரேன அனுஞ்ஞாதேனாதி ஸம்ப³ந்தோ⁴. அஞ்ஞஸ்மீந்தி அனுஞ்ஞாதத்தே²ரதோ அஞ்ஞஸ்மிங் தே²ரேதி ஸம்ப³ந்தோ⁴. தந்தி புன ஆக³தங் தே²ரங். அத்தானங் ஸம்மனிதப்³ப³ந்தி எத்த² பச்சத்தே உபயோக³வசனந்தி ஆஹ ‘‘அத்தா ஸம்மனிதப்³போ³’’தி . கிங் ஸம்மதேன பரிஸங் அனோலோகெத்வா புச்சி²தப்³போ³தி ஆஹ ‘‘புச்ச²ந்தேன பனா’’திஆதி³.
Sajjhāyanti sayaṃ issarena ayanaṃ uccāraṇaṃ, kenaci anajjhiṭṭho sayaṃ adhiissarena ayanaṃ uccāraṇanti attho. Theroti saddhivihāro thero. Vissamissāmīti khedavirahitaṃ gamissāmi. Āpucchitabbanti paṭhamatherampi puna āgatattherampi āpucchitabbaṃ. Ekena saṅghattherena anuññātenāti sambandho. Aññasmīnti anuññātattherato aññasmiṃ thereti sambandho. Tanti puna āgataṃ theraṃ. Attānaṃsammanitabbanti ettha paccatte upayogavacananti āha ‘‘attā sammanitabbo’’ti . Kiṃ sammatena parisaṃ anoloketvā pucchitabboti āha ‘‘pucchantena panā’’tiādi.
153. மேதி மய்ஹங். இதோதி புக்³க³லதோ, உப்பன்னோதி ஸம்ப³ந்தோ⁴. புரம்ஹாகந்தி பத³ஸ்ஸ புரே அம்ஹாகந்தி பத³ச்சே²த³ங் கத்வா புரேஸத்³தோ³ பட²மத்தோ²தி ஆஹ ‘‘பட²மங் அம்ஹாக’’ந்தி. படிகச்சேவஸத்³தோ³ பகே³வபரியாயோ, ‘‘பட²மதரமேவா’’தி இமினா தஸ்ஸ அத்த²ங் த³ஸ்ஸேதி. பூ⁴தமேவாதி விஜ்ஜமானமேவ, தத²மேவ வா.
153.Meti mayhaṃ. Itoti puggalato, uppannoti sambandho. Puramhākanti padassa pure amhākanti padacchedaṃ katvā puresaddo paṭhamatthoti āha ‘‘paṭhamaṃ amhāka’’nti. Paṭikaccevasaddo pagevapariyāyo, ‘‘paṭhamataramevā’’ti iminā tassa atthaṃ dasseti. Bhūtamevāti vijjamānameva, tathameva vā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi
78. ஸங்கி²த்தேன பாதிமொக்கு²த்³தே³ஸாதி³ • 78. Saṃkhittena pātimokkhuddesādi
81. சோத³னாகதா² • 81. Codanākathā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / பாதிமொக்கு²த்³தே³ஸகதா² • Pātimokkhuddesakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / பாதிமொக்கு²த்³தே³ஸகதா²வண்ணனா • Pātimokkhuddesakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / பாதிமொக்கு²த்³தே³ஸகதா²வண்ணனா • Pātimokkhuddesakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / பாதிமொக்கு²த்³தே³ஸகதா²வண்ணனா • Pātimokkhuddesakathāvaṇṇanā
