| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੭੮. ਪਾਤਿਮੋਕ੍ਖੁਦ੍ਦੇਸਕਥਾ
78. Pātimokkhuddesakathā
੧੫੦. ਇਮਂ ਨਿਦਾਨਨ੍ਤਿ ਪਾਤਿਮੋਕ੍ਖਸ੍ਸ ਇਮਂ ਨਿਦਾਨਂ। ਸੁਤਾ ਖੋ ਪਨਾਤਿ ਏਤ੍ਥ ਸੁਯ੍ਯਿਤ੍ਥਾਤਿ ਸੁਤਾ, ਸੁਯ੍ਯਸ੍ਸਨ੍ਤੀਤਿ વਾ ਸੁਤਾ, ਪਾਰਾਜਿਕੁਦ੍ਦੇਸਾਦਯੋ। ਸੁਤਾ ਚ ਸੁਤਾ ਚ ਸੁਤਾਤਿ ਸਰੂਪੇਕਸੇਸੋ ਕਾਤਬ੍ਬੋ। ਅવਸੇਸਨ੍ਤਿ ਨਿਦਾਨੁਦ੍ਦੇਸਾਦਿਤੋ ਅવਸੇਸਂ ਪਾਰਾਜਿਕੁਦ੍ਦੇਸਾਦਿ। ਸੁਤੇਨਾਤਿ ਸੁਤਸਦ੍ਦੇਨ। ‘‘ਅਤ੍ਥੇ ਅਸਮ੍ਭવਤੋ ਸਦ੍ਦੇ વੁਤ੍ਤવਿਧਾਨਂ ਹੋਤੀ’’ਤਿ ਹਿ ਪਰਿਭਾਸਤੋ ‘‘ਸੁਤੇਨਾ’’ਤਿ ਏਤ੍ਥ ਸਦ੍ਦੋવ ਗਹੇਤਬ੍ਬੋ। ਤੇਨ ਨਯੇਨਾਤਿ ਤੇਨ ਨਿਦਾਨੁਦ੍ਦੇਸਨਯੇਨ।
150.Imaṃnidānanti pātimokkhassa imaṃ nidānaṃ. Sutā kho panāti ettha suyyitthāti sutā, suyyassantīti vā sutā, pārājikuddesādayo. Sutā ca sutā ca sutāti sarūpekaseso kātabbo. Avasesanti nidānuddesādito avasesaṃ pārājikuddesādi. Sutenāti sutasaddena. ‘‘Atthe asambhavato sadde vuttavidhānaṃ hotī’’ti hi paribhāsato ‘‘sutenā’’ti ettha saddova gahetabbo. Tena nayenāti tena nidānuddesanayena.
ਅਟવਿਮਨੁਸ੍ਸਭਯਨ੍ਤਿ ਅਟવਿਯਂ ਨਿવਸਨ੍ਤਸ੍ਸ ਮਨੁਸ੍ਸਸ੍ਸ ਭਯਂ, વਨਚਰਕਭਯਨ੍ਤਿ ਅਤ੍ਥੋ। ਰਾਜਨ੍ਤਰਾਯੋਤਿਆਦੀਸੁ ਏવਂ વਿਸੇਸੋ વੇਦਿਤਬ੍ਬੋਤਿ ਯੋਜਨਾ। ਦવਦਾਹੋਤਿ ਦਾਯਂ ਦਹਤੀਤਿ ਦવਦਾਹੋ ਆਕਾਰਸ੍ਸ ਰਸ੍ਸਂ, ਯਕਾਰਸ੍ਸ ਚ વਕਾਰਂ ਕਤ੍વਾ। ਨਨ੍ਤਿ ਭਿਕ੍ਖੁਂ। ਏਕਂ વਾ ਭਿਕ੍ਖੁਨ੍ਤਿ ਯੋਜਨਾ। ਪਠਮੋ વਾ ਉਦ੍ਦੇਸੋਤਿ ਨਿਦਾਨੁਦ੍ਦੇਸੋ। ਏਤ੍ਥਾਤਿ ਪਞ੍ਚਸੁ ਉਦ੍ਦੇਸੇਸੁ। ਯਸ੍ਮਿਨ੍ਤਿ ਉਦ੍ਦੇਸੇ। ਸੋਪੀਤਿ ਉਦ੍ਦੇਸੋਪਿ। ਸੁਤੇਨੇવ ਸਾવੇਤਬ੍ਬੋਤਿ ਸੁਤਪਦੇਨੇવ ਸਙ੍ਘਸ੍ਸ ਸਾવੇਤਬ੍ਬੋਤਿ ਏવਸਦ੍ਦੋ ‘‘ਨ વਿਤ੍ਥਾਰੇਨਾ’’ਤਿ ਦਸ੍ਸੇਤਿ।
Aṭavimanussabhayanti aṭaviyaṃ nivasantassa manussassa bhayaṃ, vanacarakabhayanti attho. Rājantarāyotiādīsu evaṃ viseso veditabboti yojanā. Davadāhoti dāyaṃ dahatīti davadāho ākārassa rassaṃ, yakārassa ca vakāraṃ katvā. Nanti bhikkhuṃ. Ekaṃ vā bhikkhunti yojanā. Paṭhamo vā uddesoti nidānuddeso. Etthāti pañcasu uddesesu. Yasminti uddese. Sopīti uddesopi. Suteneva sāvetabboti sutapadeneva saṅghassa sāvetabboti evasaddo ‘‘na vitthārenā’’ti dasseti.
ਅਨਜ੍ਝਿਟ੍ਠਾਤਿ ਏਤ੍ਥ ਉਪਸਗ੍ਗવਸੇਨ ਇਸੁਧਾਤੁਸ੍ਸ ਇਚ੍ਛਾਕਨ੍ਤਿਤੋ ਅਞ੍ਞਮਤ੍ਥਂ ਦਸ੍ਸੇਨ੍ਤੋ ਆਹ ‘‘ਅਨਾਣਤ੍ਤਾ, ਅਯਾਚਿਤਾ વਾ’’ਤਿ। ਏਤ੍ਥ ‘‘ਅਨਾਣਤ੍ਤਾ’’ਤਿ ਇਦਂ ਥੇਰੇਨ ਅਨਾਣਤ੍ਤਭਾવਂ ਸਨ੍ਧਾਯ વੁਤ੍ਤਂ । ‘‘ਅਯਾਚਿਤਾ’’ਤਿ ਇਦਂ ਸਮ੍ਮੁਤਿਲਦ੍ਧੇਨ ਨવਕੇਨ ਅਯਾਚਿਤਭਾવਂ ਸਨ੍ਧਾਯ વੁਤ੍ਤਨ੍ਤਿ ਦਟ੍ਠਬ੍ਬਂ। ਏਤ੍ਥਾਤਿ ‘‘ਅਨਜ੍ਝਿਟ੍ਠਾ ਧਮ੍ਮਂ ਭਾਸਨ੍ਤੀ’’ਤਿ વਚਨੇ। ਧਮ੍ਮਜ੍ਝੇਸਕੇਤਿ ਧਮ੍ਮਕਥਨਤ੍ਥਾਯ ਅਜ੍ਝੇਸਤੀਤਿ ਧਮ੍ਮਜ੍ਝੇਸਕੋ, ਤਸ੍ਮਿਂ। ਆਪੁਚ੍ਛਿਤ੍વਾ વਾ ਤੇਨ ਸਙ੍ਘਤ੍ਥੇਰੇਨ ਯਾਚਿਤੋ ਹੁਤ੍વਾ વਾਤਿ ਯੋਜਨਾ। વਾਰਪਟਿਪਾਟਿਯਾਤਿ વਾਰਾਨੁਕ੍ਕਮੇਨ। ਦੇਹੀਤਿ વਾਤਿ ਏਤ੍ਥ ਇਤਿ-વਾ-ਸਦ੍ਦੋ ‘‘ਭਣ’’ ਇਤਿਪਦੇਨ ਚ ‘‘ਕਥੇਹਿ’’ ਇਤਿਪਦੇਨ ਚ ਯੋਜੇਤਬ੍ਬੋ। ‘‘ਭਣ’’ ਇਤਿ વਾ ‘‘ਕਥੇਹਿ’’ਇਤਿ વਾ ‘‘ਦੇਹਿ’’ਇਤਿ વਾ વਤ੍ਤਬ੍ਬਾਤਿ ਯੋਜਨਾ । ਤੀਹਿਪਿ વਿਧੀਹੀਤਿ ਓਸਾਰਣਕਥਨਸਰਭਞ੍ਞਸਙ੍ਖਾਤੇਹਿ ਤੀਹਿ ਸਜ੍ਜਨੇਹਿ। ਏਤ੍ਥ ਚ ਸੁਤ੍ਤਸ੍ਸ ਓਸਾਰਿਯਤੇ ਉਚ੍ਚਾਰਿਯਤੇ ਓਸਾਰਣਂ, ਅਤ੍ਥਸ੍ਸ ਕਥਿਯਤੇ ਕਥਨਂ, ਸੁਤ੍ਤਸ੍ਸ ਚ ਤਦਤ੍ਥਸ੍ਸ ਚ ਸਰੇਨ ਭਣਿਯਤੇ ਸਰਭਞ੍ਞਂ। ਓਸਾਰੇਹੀਤਿ ਸੁਤ੍ਤਂ ਉਚ੍ਚਾਰੇਹਿ। ਕਥੇਹੀਤਿ ਅਤ੍ਥਂ ਕਥੇਹਿ। ਸਰਭਞ੍ਞਨ੍ਤਿ ਸੁਤ੍ਤਸ੍ਸ ਚ ਤਦਤ੍ਥਸ੍ਸ ਚ ਸਰੇਨ ਭਣਨਂ। ਨਨ੍ਤਿ ਸਦ੍ਧਿવਿਹਾਰਿਕਂ। ਸਜ੍ਝਾਯਂ ਅਧਿਟ੍ਠਹਿਤ੍વਾਤਿ ‘‘ਸਜ੍ਝਾਯਂ ਕਰੋਮੀ’’ਤਿ ਅਧਿਟ੍ਠਹਿਤ੍વਾ। ਏਤ੍ਥਾਤਿ ਅਜ੍ਝੇਸਨਟ੍ਠਾਨੇ।
Anajjhiṭṭhāti ettha upasaggavasena isudhātussa icchākantito aññamatthaṃ dassento āha ‘‘anāṇattā, ayācitā vā’’ti. Ettha ‘‘anāṇattā’’ti idaṃ therena anāṇattabhāvaṃ sandhāya vuttaṃ . ‘‘Ayācitā’’ti idaṃ sammutiladdhena navakena ayācitabhāvaṃ sandhāya vuttanti daṭṭhabbaṃ. Etthāti ‘‘anajjhiṭṭhā dhammaṃ bhāsantī’’ti vacane. Dhammajjhesaketi dhammakathanatthāya ajjhesatīti dhammajjhesako, tasmiṃ. Āpucchitvā vā tena saṅghattherena yācito hutvā vāti yojanā. Vārapaṭipāṭiyāti vārānukkamena. Dehīti vāti ettha iti-vā-saddo ‘‘bhaṇa’’ itipadena ca ‘‘kathehi’’ itipadena ca yojetabbo. ‘‘Bhaṇa’’ iti vā ‘‘kathehi’’iti vā ‘‘dehi’’iti vā vattabbāti yojanā . Tīhipi vidhīhīti osāraṇakathanasarabhaññasaṅkhātehi tīhi sajjanehi. Ettha ca suttassa osāriyate uccāriyate osāraṇaṃ, atthassa kathiyate kathanaṃ, suttassa ca tadatthassa ca sarena bhaṇiyate sarabhaññaṃ. Osārehīti suttaṃ uccārehi. Kathehīti atthaṃ kathehi. Sarabhaññanti suttassa ca tadatthassa ca sarena bhaṇanaṃ. Nanti saddhivihārikaṃ. Sajjhāyaṃ adhiṭṭhahitvāti ‘‘sajjhāyaṃ karomī’’ti adhiṭṭhahitvā. Etthāti ajjhesanaṭṭhāne.
ਨਿਸ੍ਸਿਤਕੇਤਿ ਸਦ੍ਧਿવਿਹਾਰਿਕਾਦਯੋ। ਸੋਤਿ ਸਙ੍ਘਤ੍ਥੇਰੋ, ‘‘વਤ੍ਤਬ੍ਬੋ’’ਤਿਪਦੇ ਕਮ੍ਮਂ, ‘‘વਦਤੀ’’ਤਿਆਦੀਸੁ ਪਦੇਸੁ ਕਤ੍ਤਾ। ਆਰਦ੍ਧਨ੍ਤਿ ਸਙ੍ਘੇਨ ਆਰਦ੍ਧਂ। ਠਪੇਤ੍વਾਤਿ ਧਮ੍ਮਸવਨਂ ਠਪੇਤ੍વਾ। ਓਸਾਰੇਤ੍વਾਤਿ ਪਠਮਂ ਸੁਤ੍ਤਂ ਓਸਾਰੇਤ੍વਾ। ਪੁਨ ਕਥੇਨ੍ਤੇਨਾਤਿ ਪਚ੍ਛਾ ਅਤ੍ਥਂ ਕਥੇਨ੍ਤੇਨ। ਅਟ੍ਠਪੇਤ੍વਾਯੇવ વਾਤਿ ਸੁਤ੍ਤਸ੍ਸ ਚ ਅਤ੍ਥਸ੍ਸ ਚ ਅਨ੍ਤਰਾ ਅਟ੍ਠਤ੍વਾ ਏવ વਾ। ਕਥੇਤਬ੍ਬਨ੍ਤਿ ਅਤ੍ਥਜਾਤਂ ਕਥੇਤਬ੍ਬਂ। ਕਥੇਨ੍ਤਸ੍ਸ…ਪੇ॰… ਨਯੋਤਿ ਪਠਮਂ ਅਤ੍ਥਂ ਕਥੇਤ੍વਾ ਪੁਨ ਸੁਤ੍ਤਞ੍ਚ ਅਤ੍ਥਞ੍ਚ ਸਰੇਨ ਭਣਨ੍ਤਸ੍ਸ ਪੁਨ ਆਗਤੇਪਿ ਏਸੇવ ਨਯੋਤਿ ਅਤ੍ਥੋ।
Nissitaketi saddhivihārikādayo. Soti saṅghatthero, ‘‘vattabbo’’tipade kammaṃ, ‘‘vadatī’’tiādīsu padesu kattā. Āraddhanti saṅghena āraddhaṃ. Ṭhapetvāti dhammasavanaṃ ṭhapetvā. Osāretvāti paṭhamaṃ suttaṃ osāretvā. Puna kathentenāti pacchā atthaṃ kathentena. Aṭṭhapetvāyeva vāti suttassa ca atthassa ca antarā aṭṭhatvā eva vā. Kathetabbanti atthajātaṃ kathetabbaṃ. Kathentassa…pe… nayoti paṭhamaṃ atthaṃ kathetvā puna suttañca atthañca sarena bhaṇantassa puna āgatepi eseva nayoti attho.
ਉਪਨਿਸਿਨ੍ਨਕਥਾਯਪੀਤਿ ਸਮੀਪੇ ਨਿਸਿਨ੍ਨੇਨ ਕਥਾਯਪਿ। ਤੇਨਾਤਿ ਸਙ੍ਘਤ੍ਥੇਰੇਨ। વਤ੍ਤੁਂ વਟ੍ਟਤੀਤਿ વਿਸੇਸੇਤ੍વਾ વਤ੍ਤੁਂ વਟ੍ਟਤਿ। ਤੇਨਾਤਿ ਮਨੁਸ੍ਸੇਹਿ ਜਾਨਨਭਿਕ੍ਖੁਨਾ। ਸਙ੍ਘਤ੍ਥੇਰੋ ਭਣਤਿ, ਤੁਣ੍ਹੀ વਾ ਹੋਤੀਤਿ ਸਮ੍ਬਨ੍ਧੋ। ‘‘ਪੁਚ੍ਛਨ੍ਤੀ’’ਤਿ વੁਤ੍ਤੇਤਿ ਯੋਜਨਾ। ਅਨੁਮੋਦਨਾਦੀਸੁਪੀਤਿਆਦਿਸਦ੍ਦੇਨ ਧਮ੍ਮਕਥਾਦਯੋ ਸਙ੍ਗਣ੍ਹਾਤਿ। ਸਙ੍ਘਤ੍ਥੇਰੋ ਅਨੁਜਾਨਾਤੀਤਿ ਸਮ੍ਬਨ੍ਧੋ। ਸਬ੍ਬਤ੍ਥਾਤਿ ਸਬ੍ਬੇਸੁ વਿਹਾਰਅਨ੍ਤਰਘਰੇਸੁ।
Upanisinnakathāyapīti samīpe nisinnena kathāyapi. Tenāti saṅghattherena. Vattuṃ vaṭṭatīti visesetvā vattuṃ vaṭṭati. Tenāti manussehi jānanabhikkhunā. Saṅghatthero bhaṇati, tuṇhī vā hotīti sambandho. ‘‘Pucchantī’’ti vutteti yojanā. Anumodanādīsupītiādisaddena dhammakathādayo saṅgaṇhāti. Saṅghatthero anujānātīti sambandho. Sabbatthāti sabbesu vihāraantaragharesu.
ਸਜ੍ਝਾਯਨ੍ਤਿ ਸਯਂ ਇਸ੍ਸਰੇਨ ਅਯਨਂ ਉਚ੍ਚਾਰਣਂ, ਕੇਨਚਿ ਅਨਜ੍ਝਿਟ੍ਠੋ ਸਯਂ ਅਧਿਇਸ੍ਸਰੇਨ ਅਯਨਂ ਉਚ੍ਚਾਰਣਨ੍ਤਿ ਅਤ੍ਥੋ। ਥੇਰੋਤਿ ਸਦ੍ਧਿવਿਹਾਰੋ ਥੇਰੋ। વਿਸ੍ਸਮਿਸ੍ਸਾਮੀਤਿ ਖੇਦવਿਰਹਿਤਂ ਗਮਿਸ੍ਸਾਮਿ। ਆਪੁਚ੍ਛਿਤਬ੍ਬਨ੍ਤਿ ਪਠਮਥੇਰਮ੍ਪਿ ਪੁਨ ਆਗਤਤ੍ਥੇਰਮ੍ਪਿ ਆਪੁਚ੍ਛਿਤਬ੍ਬਂ। ਏਕੇਨ ਸਙ੍ਘਤ੍ਥੇਰੇਨ ਅਨੁਞ੍ਞਾਤੇਨਾਤਿ ਸਮ੍ਬਨ੍ਧੋ। ਅਞ੍ਞਸ੍ਮੀਨ੍ਤਿ ਅਨੁਞ੍ਞਾਤਤ੍ਥੇਰਤੋ ਅਞ੍ਞਸ੍ਮਿਂ ਥੇਰੇਤਿ ਸਮ੍ਬਨ੍ਧੋ। ਤਨ੍ਤਿ ਪੁਨ ਆਗਤਂ ਥੇਰਂ। ਅਤ੍ਤਾਨਂ ਸਮ੍ਮਨਿਤਬ੍ਬਨ੍ਤਿ ਏਤ੍ਥ ਪਚ੍ਚਤ੍ਤੇ ਉਪਯੋਗવਚਨਨ੍ਤਿ ਆਹ ‘‘ਅਤ੍ਤਾ ਸਮ੍ਮਨਿਤਬ੍ਬੋ’’ਤਿ । ਕਿਂ ਸਮ੍ਮਤੇਨ ਪਰਿਸਂ ਅਨੋਲੋਕੇਤ੍વਾ ਪੁਚ੍ਛਿਤਬ੍ਬੋਤਿ ਆਹ ‘‘ਪੁਚ੍ਛਨ੍ਤੇਨ ਪਨਾ’’ਤਿਆਦਿ।
Sajjhāyanti sayaṃ issarena ayanaṃ uccāraṇaṃ, kenaci anajjhiṭṭho sayaṃ adhiissarena ayanaṃ uccāraṇanti attho. Theroti saddhivihāro thero. Vissamissāmīti khedavirahitaṃ gamissāmi. Āpucchitabbanti paṭhamatherampi puna āgatattherampi āpucchitabbaṃ. Ekena saṅghattherena anuññātenāti sambandho. Aññasmīnti anuññātattherato aññasmiṃ thereti sambandho. Tanti puna āgataṃ theraṃ. Attānaṃsammanitabbanti ettha paccatte upayogavacananti āha ‘‘attā sammanitabbo’’ti . Kiṃ sammatena parisaṃ anoloketvā pucchitabboti āha ‘‘pucchantena panā’’tiādi.
੧੫੩. ਮੇਤਿ ਮਯ੍ਹਂ। ਇਤੋਤਿ ਪੁਗ੍ਗਲਤੋ, ਉਪ੍ਪਨ੍ਨੋਤਿ ਸਮ੍ਬਨ੍ਧੋ। ਪੁਰਮ੍ਹਾਕਨ੍ਤਿ ਪਦਸ੍ਸ ਪੁਰੇ ਅਮ੍ਹਾਕਨ੍ਤਿ ਪਦਚ੍ਛੇਦਂ ਕਤ੍વਾ ਪੁਰੇਸਦ੍ਦੋ ਪਠਮਤ੍ਥੋਤਿ ਆਹ ‘‘ਪਠਮਂ ਅਮ੍ਹਾਕ’’ਨ੍ਤਿ। ਪਟਿਕਚ੍ਚੇવਸਦ੍ਦੋ ਪਗੇવਪਰਿਯਾਯੋ, ‘‘ਪਠਮਤਰਮੇવਾ’’ਤਿ ਇਮਿਨਾ ਤਸ੍ਸ ਅਤ੍ਥਂ ਦਸ੍ਸੇਤਿ। ਭੂਤਮੇવਾਤਿ વਿਜ੍ਜਮਾਨਮੇવ, ਤਥਮੇવ વਾ।
153.Meti mayhaṃ. Itoti puggalato, uppannoti sambandho. Puramhākanti padassa pure amhākanti padacchedaṃ katvā puresaddo paṭhamatthoti āha ‘‘paṭhamaṃ amhāka’’nti. Paṭikaccevasaddo pagevapariyāyo, ‘‘paṭhamataramevā’’ti iminā tassa atthaṃ dasseti. Bhūtamevāti vijjamānameva, tathameva vā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi
੭੮. ਸਂਖਿਤ੍ਤੇਨ ਪਾਤਿਮੋਕ੍ਖੁਦ੍ਦੇਸਾਦਿ • 78. Saṃkhittena pātimokkhuddesādi
੮੧. ਚੋਦਨਾਕਥਾ • 81. Codanākathā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਪਾਤਿਮੋਕ੍ਖੁਦ੍ਦੇਸਕਥਾ • Pātimokkhuddesakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਾਤਿਮੋਕ੍ਖੁਦ੍ਦੇਸਕਥਾવਣ੍ਣਨਾ • Pātimokkhuddesakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਪਾਤਿਮੋਕ੍ਖੁਦ੍ਦੇਸਕਥਾવਣ੍ਣਨਾ • Pātimokkhuddesakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਪਾਤਿਮੋਕ੍ਖੁਦ੍ਦੇਸਕਥਾવਣ੍ਣਨਾ • Pātimokkhuddesakathāvaṇṇanā
