| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
பாதிமொக்கு²த்³தே³ஸகதா²வண்ணனா
Pātimokkhuddesakathāvaṇṇanā
150. ஏவமேதங் தா⁴ரயாமீதி ‘‘ஸுதா கோ² பனாயஸ்மந்தேஹீ’’தி எத்த² ‘‘ஏவமேதங் தா⁴ரயாமீ’’தி வத்வா ‘‘உத்³தி³ட்ட²ங் கோ² ஆயஸ்மந்தோ நிதா³னங், ஸுதா கோ² பனாயஸ்மந்தேஹி சத்தாரோ பாராஜிகா த⁴ம்மா’’தி வத்தப்³ப³ங். தேனேவ மாதிகாட்ட²கதா²யங் (கங்கா²॰ அட்ட²॰ நிதா³னவண்ணனா) ‘‘தத்தா²யஸ்மந்தே புச்சா²மி கச்சித்த² பரிஸுத்³தா⁴, து³தியம்பி புச்சா²மி…பே॰… தஸ்மா துண்ஹீ, ஏவமேதங் தா⁴ரயாமீதி வத்வா ‘உத்³தி³ட்ட²ங் கோ² ஆயஸ்மந்தோ நிதா³ன’ந்திஆதி³னா நயேன அவஸேஸே ஸுதேன ஸாவிதே உத்³தி³ட்டோ² ஹோதீ’’தி வுத்தங். ஸுதேனாதி ஸுதபதே³ன. ஸவரப⁴யந்தி வனசரகப⁴யங். தேனாஹ ‘‘அடவிமனுஸ்ஸப⁴ய’’ந்தி. ‘‘அவஸேஸங் ஸுதேன ஸாவேதப்³ப³’’ந்தி வசனதோ நிதா³னுத்³தே³ஸே அனிட்டி²தே ஸுதேன ஸாவேதப்³ப³ங் நாம நத்தீ²தி ஆஹ ‘‘து³தியாதீ³ஸு உத்³தே³ஸேஸூ’’தி. உத்³தி³ட்ட²உத்³தே³ஸாபெக்க²ஞ்ஹி அவஸேஸக்³க³ஹணங், தஸ்மா நிதா³னே உத்³தி³ட்டே² பாராஜிகுத்³தே³ஸாதீ³ஸு யஸ்மிங் விப்பகதே அந்தராயோ உப்பஜ்ஜதி, தேன ஸத்³தி⁴ங் அவஸேஸங் ஸுதேன ஸாவேதப்³ப³ங்.
150.Evametaṃ dhārayāmīti ‘‘sutā kho panāyasmantehī’’ti ettha ‘‘evametaṃ dhārayāmī’’ti vatvā ‘‘uddiṭṭhaṃ kho āyasmanto nidānaṃ, sutā kho panāyasmantehi cattāro pārājikā dhammā’’ti vattabbaṃ. Teneva mātikāṭṭhakathāyaṃ (kaṅkhā. aṭṭha. nidānavaṇṇanā) ‘‘tatthāyasmante pucchāmi kaccittha parisuddhā, dutiyampi pucchāmi…pe… tasmā tuṇhī, evametaṃ dhārayāmīti vatvā ‘uddiṭṭhaṃ kho āyasmanto nidāna’ntiādinā nayena avasese sutena sāvite uddiṭṭho hotī’’ti vuttaṃ. Sutenāti sutapadena. Savarabhayanti vanacarakabhayaṃ. Tenāha ‘‘aṭavimanussabhaya’’nti. ‘‘Avasesaṃ sutena sāvetabba’’nti vacanato nidānuddese aniṭṭhite sutena sāvetabbaṃ nāma natthīti āha ‘‘dutiyādīsu uddesesū’’ti. Uddiṭṭhauddesāpekkhañhi avasesaggahaṇaṃ, tasmā nidāne uddiṭṭhe pārājikuddesādīsu yasmiṃ vippakate antarāyo uppajjati, tena saddhiṃ avasesaṃ sutena sāvetabbaṃ.
தீஹிபி விதீ⁴ஹீதி ஓஸாரணகத²னஸரப⁴ஞ்ஞேஹி. எத்த² ச அத்த²ங் ப⁴ணிதுகாமதாய ஸுத்தஸ்ஸ ஓஸாரணா ஓஸாரணங் நாம. தஸ்ஸேவ அத்த²ப்பகாஸனா கத²னங் நாம. ஸுத்தஸ்ஸ தத³த்த²ஸ்ஸ வா ஸரேன ப⁴ணனங் ஸரப⁴ஞ்ஞங் நாம. ஸஜ்ஜா²யங் அதி⁴ட்ட²ஹித்வாதி ‘‘ஸஜ்ஜா²யங் கரோமீ’’தி சித்தங் உப்பாதெ³த்வா. ஓஸாரெத்வா பன கதெ²ந்தேனாதி பட²மங் உஸ்ஸாரெத்வா பச்சா² அத்த²ங் கதெ²ந்தேன. மனுஸ்ஸானங் பன ‘‘ப⁴ணாஹீ’’தி வத்துங் வட்டதீதி எத்த² உச்சதரே நிஸின்னேனபி மனுஸ்ஸானங் ப⁴ணாஹீதி விஸேஸெத்வாயேவ வத்துங் வட்டதி, அவிஸேஸெத்வா பன ந வட்டதி. ஸஜ்ஜா²யங் கரொந்தேனாதி யத்த² கத்த²சி நிஸீதி³த்வா ஸஜ்ஜா²யங் கரொந்தேன. தே²ரோதி யோ கோசி அத்தனா வுட்³ட⁴தரோ. ஏகங் ஆபுச்சி²த்வாதி ஏகங் வுட்³ட⁴தரங் ஆபுச்சி²த்வா. அபரோ ஆக³ச்ச²தீதி அபரோ ததோபி வுட்³ட⁴தரோ ஆக³ச்ச²தி.
Tīhipividhīhīti osāraṇakathanasarabhaññehi. Ettha ca atthaṃ bhaṇitukāmatāya suttassa osāraṇā osāraṇaṃ nāma. Tasseva atthappakāsanā kathanaṃ nāma. Suttassa tadatthassa vā sarena bhaṇanaṃ sarabhaññaṃ nāma. Sajjhāyaṃ adhiṭṭhahitvāti ‘‘sajjhāyaṃ karomī’’ti cittaṃ uppādetvā. Osāretvā pana kathentenāti paṭhamaṃ ussāretvā pacchā atthaṃ kathentena. Manussānaṃ pana ‘‘bhaṇāhī’’ti vattuṃ vaṭṭatīti ettha uccatare nisinnenapi manussānaṃ bhaṇāhīti visesetvāyeva vattuṃ vaṭṭati, avisesetvā pana na vaṭṭati. Sajjhāyaṃ karontenāti yattha katthaci nisīditvā sajjhāyaṃ karontena. Theroti yo koci attanā vuḍḍhataro. Ekaṃ āpucchitvāti ekaṃ vuḍḍhataraṃ āpucchitvā. Aparo āgacchatīti aparo tatopi vuḍḍhataro āgacchati.
பாதிமொக்கு²த்³தே³ஸகதா²வண்ணனா நிட்டி²தா.
Pātimokkhuddesakathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 78. ஸங்கி²த்தேன பாதிமொக்கு²த்³தே³ஸாதி³ • 78. Saṃkhittena pātimokkhuddesādi
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / பாதிமொக்கு²த்³தே³ஸகதா² • Pātimokkhuddesakathā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / பாதிமொக்கு²த்³தே³ஸகதா²வண்ணனா • Pātimokkhuddesakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / பாதிமொக்கு²த்³தே³ஸகதா²வண்ணனா • Pātimokkhuddesakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 78. பாதிமொக்கு²த்³தே³ஸகதா² • 78. Pātimokkhuddesakathā
