| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
баад̇имогкуд̣̇д̣̇зсагат̇ааван̣н̣анаа
Pātimokkhuddesakathāvaṇṇanā
150. звамзд̇ам̣ д̇хаараяаамийд̇и ‘‘суд̇аа ко банааяасманд̇зхий’’д̇и зд̇т̇а ‘‘звамзд̇ам̣ д̇хаараяаамий’’д̇и вад̇ваа ‘‘уд̣̇д̣̇идтам̣ ко ааяасманд̇о нид̣̇аанам̣, суд̇аа ко банааяасманд̇зхи жад̇д̇ааро баарааж̇игаа д̇хаммаа’’д̇и вад̇д̇аб̣б̣ам̣. д̇знзва маад̇игаадтагат̇ааяам̣ (ган̇каа. адта. нид̣̇аанаван̣н̣анаа) ‘‘д̇ад̇т̇ааяасманд̇з бужчаами гажжид̇т̇а барисуд̣̇д̇хаа, д̣̇уд̇ияамби бужчаами…бз… д̇асмаа д̇ун̣хий, звамзд̇ам̣ д̇хаараяаамийд̇и вад̇ваа ‘уд̣̇д̣̇идтам̣ ко ааяасманд̇о нид̣̇аана’нд̇иаад̣̇инаа наязна авасзсз суд̇зна саавид̇з уд̣̇д̣̇идто ход̇ий’’д̇и вуд̇д̇ам̣. суд̇знаад̇и суд̇абад̣̇зна. саварабхаяанд̇и ванажарагабхаяам̣. д̇знааха ‘‘адавимануссабхаяа’’нд̇и. ‘‘авасзсам̣ суд̇зна саавзд̇аб̣б̣а’’нд̇и важанад̇о нид̣̇аануд̣̇д̣̇зсз анидтид̇з суд̇зна саавзд̇аб̣б̣ам̣ наама над̇т̇ийд̇и ааха ‘‘д̣̇уд̇ияаад̣̇ийсу уд̣̇д̣̇зсзсуу’’д̇и. уд̣̇д̣̇идтауд̣̇д̣̇зсаабзгкан̃хи авасзсаг̇г̇ахан̣ам̣, д̇асмаа нид̣̇аанз уд̣̇д̣̇идтз баарааж̇игуд̣̇д̣̇зсаад̣̇ийсу яасмим̣ виббагад̇з анд̇арааяо уббаж̇ж̇ад̇и, д̇зна сад̣̇д̇хим̣ авасзсам̣ суд̇зна саавзд̇аб̣б̣ам̣.
150.Evametaṃ dhārayāmīti ‘‘sutā kho panāyasmantehī’’ti ettha ‘‘evametaṃ dhārayāmī’’ti vatvā ‘‘uddiṭṭhaṃ kho āyasmanto nidānaṃ, sutā kho panāyasmantehi cattāro pārājikā dhammā’’ti vattabbaṃ. Teneva mātikāṭṭhakathāyaṃ (kaṅkhā. aṭṭha. nidānavaṇṇanā) ‘‘tatthāyasmante pucchāmi kaccittha parisuddhā, dutiyampi pucchāmi…pe… tasmā tuṇhī, evametaṃ dhārayāmīti vatvā ‘uddiṭṭhaṃ kho āyasmanto nidāna’ntiādinā nayena avasese sutena sāvite uddiṭṭho hotī’’ti vuttaṃ. Sutenāti sutapadena. Savarabhayanti vanacarakabhayaṃ. Tenāha ‘‘aṭavimanussabhaya’’nti. ‘‘Avasesaṃ sutena sāvetabba’’nti vacanato nidānuddese aniṭṭhite sutena sāvetabbaṃ nāma natthīti āha ‘‘dutiyādīsu uddesesū’’ti. Uddiṭṭhauddesāpekkhañhi avasesaggahaṇaṃ, tasmā nidāne uddiṭṭhe pārājikuddesādīsu yasmiṃ vippakate antarāyo uppajjati, tena saddhiṃ avasesaṃ sutena sāvetabbaṃ.
д̇ийхиби вид̇хийхийд̇и осааран̣агат̇анасарабхан̃н̃зхи. зд̇т̇а жа ад̇т̇ам̣ бхан̣ид̇угаамад̇ааяа суд̇д̇асса осааран̣аа осааран̣ам̣ наама. д̇ассзва ад̇т̇аббагаасанаа гат̇анам̣ наама. суд̇д̇асса д̇ад̣̇ад̇т̇асса ваа сарзна бхан̣анам̣ сарабхан̃н̃ам̣ наама. саж̇жхааяам̣ ад̇хидтахид̇ваад̇и ‘‘саж̇жхааяам̣ гаромий’’д̇и жид̇д̇ам̣ уббаад̣̇зд̇ваа. осаарзд̇ваа бана гат̇знд̇знаад̇и батамам̣ уссаарзд̇ваа бажчаа ад̇т̇ам̣ гат̇знд̇зна. мануссаанам̣ бана ‘‘бхан̣аахий’’д̇и вад̇д̇ум̣ ваддад̇ийд̇и зд̇т̇а ужжад̇арз нисиннзнаби мануссаанам̣ бхан̣аахийд̇и висзсзд̇вааязва вад̇д̇ум̣ ваддад̇и, ависзсзд̇ваа бана на ваддад̇и. саж̇жхааяам̣ гаронд̇знаад̇и яад̇т̇а гад̇т̇ажи нисийд̣̇ид̇ваа саж̇жхааяам̣ гаронд̇зна. т̇зрод̇и яо гожи ад̇д̇анаа вуд̣дхад̇аро. згам̣ аабужчид̇ваад̇и згам̣ вуд̣дхад̇арам̣ аабужчид̇ваа. абаро ааг̇ажчад̇ийд̇и абаро д̇ад̇оби вуд̣дхад̇аро ааг̇ажчад̇и.
Tīhipividhīhīti osāraṇakathanasarabhaññehi. Ettha ca atthaṃ bhaṇitukāmatāya suttassa osāraṇā osāraṇaṃ nāma. Tasseva atthappakāsanā kathanaṃ nāma. Suttassa tadatthassa vā sarena bhaṇanaṃ sarabhaññaṃ nāma. Sajjhāyaṃ adhiṭṭhahitvāti ‘‘sajjhāyaṃ karomī’’ti cittaṃ uppādetvā. Osāretvā pana kathentenāti paṭhamaṃ ussāretvā pacchā atthaṃ kathentena. Manussānaṃ pana ‘‘bhaṇāhī’’ti vattuṃ vaṭṭatīti ettha uccatare nisinnenapi manussānaṃ bhaṇāhīti visesetvāyeva vattuṃ vaṭṭati, avisesetvā pana na vaṭṭati. Sajjhāyaṃ karontenāti yattha katthaci nisīditvā sajjhāyaṃ karontena. Theroti yo koci attanā vuḍḍhataro. Ekaṃ āpucchitvāti ekaṃ vuḍḍhataraṃ āpucchitvā. Aparo āgacchatīti aparo tatopi vuḍḍhataro āgacchati.
баад̇имогкуд̣̇д̣̇зсагат̇ааван̣н̣анаа нидтид̇аа.
Pātimokkhuddesakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 78. сам̣кид̇д̇зна баад̇имогкуд̣̇д̣̇зсаад̣̇и • 78. Saṃkhittena pātimokkhuddesādi
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / баад̇имогкуд̣̇д̣̇зсагат̇аа • Pātimokkhuddesakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / баад̇имогкуд̣̇д̣̇зсагат̇ааван̣н̣анаа • Pātimokkhuddesakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / баад̇имогкуд̣̇д̣̇зсагат̇ааван̣н̣анаа • Pātimokkhuddesakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 78. баад̇имогкуд̣̇д̣̇зсагат̇аа • 78. Pātimokkhuddesakathā
