| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
69. баад̇имогкуд̣̇д̣̇зсаануж̇аананаа
69. Pātimokkhuddesānujānanā
133. ат̇а ко бхаг̇авад̇о рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘‘яам̣нуунаахам̣ яаани маяаа бхигкуунам̣ бан̃н̃ад̇д̇аани сигкаабад̣̇аани, д̇аани нзсам̣ баад̇имогкуд̣̇д̣̇зсам̣ ануж̇аанзяяам̣. со нзсам̣ бхависсад̇и убосат̇агамма’’нд̇и. ат̇а ко бхаг̇аваа сааяанхасамаяам̣ бадисаллаанаа вудтид̇о зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ид̇ха маяхам̣, бхигкавз, рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и ‘яам̣нуунаахам̣ яаани маяаа бхигкуунам̣ бан̃н̃ад̇д̇аани сигкаабад̣̇аани, д̇аани нзсам̣ баад̇имогкуд̣̇д̣̇зсам̣ ануж̇аанзяяам̣. со нзсам̣ бхависсад̇и убосат̇агамма’нд̇и. ануж̇аанаами, бхигкавз, баад̇имогкам̣ уд̣̇д̣̇исид̇ум̣. зван̃жа бана, бхигкавз, уд̣̇д̣̇исид̇аб̣б̣ам̣. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
133. Atha kho bhagavato rahogatassa paṭisallīnassa evaṃ cetaso parivitakko udapādi – ‘‘yaṃnūnāhaṃ yāni mayā bhikkhūnaṃ paññattāni sikkhāpadāni, tāni nesaṃ pātimokkhuddesaṃ anujāneyyaṃ. So nesaṃ bhavissati uposathakamma’’nti. Atha kho bhagavā sāyanhasamayaṃ paṭisallānā vuṭṭhito etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – idha mayhaṃ, bhikkhave, rahogatassa paṭisallīnassa evaṃ cetaso parivitakko udapādi ‘yaṃnūnāhaṃ yāni mayā bhikkhūnaṃ paññattāni sikkhāpadāni, tāni nesaṃ pātimokkhuddesaṃ anujāneyyaṃ. So nesaṃ bhavissati uposathakamma’nti. Anujānāmi, bhikkhave, pātimokkhaṃ uddisituṃ. Evañca pana, bhikkhave, uddisitabbaṃ. Byattena bhikkhunā paṭibalena saṅgho ñāpetabbo –
134. ‘‘сун̣аад̇у мз, бханд̇з, сан̇гхо. яад̣̇и сан̇гхасса бад̇д̇агаллам̣, сан̇гхо убосат̇ам̣ гарзяяа, баад̇имогкам̣ уд̣̇д̣̇исзяяа. гим̣ сан̇гхасса буб̣б̣агижжам̣? баарисуд̣̇д̇хим̣ ааяасманд̇о аарожзт̇а . баад̇имогкам̣ уд̣̇д̣̇исиссаами. д̇ам̣ саб̣б̣зва санд̇аа саад̇хугам̣ сун̣ома манаси гарома. яасса сияаа аабад̇д̇и , со аавигарзяяа. асанд̇ияаа аабад̇д̇ияаа д̇ун̣хий бхавид̇аб̣б̣ам̣. д̇ун̣хийбхаавзна ко банааяасманд̇з барисуд̣̇д̇хаад̇и взд̣̇иссаами. яат̇аа ко бана бажжзгабудтасса взяяаагаран̣ам̣ ход̇и, звамзвам̣ 1 зваруубааяа барисааяа яаавад̇ад̇ияам̣ ануссаавид̇ам̣ ход̇и. яо бана бхигку яаавад̇ад̇ияам̣ ануссаавияамаанз сарамаано санд̇им̣ аабад̇д̇им̣ наавигарзяяа, самбаж̇аанамусааваад̣̇асса ход̇и. самбаж̇аанамусааваад̣̇о ко банааяасманд̇о анд̇арааяиго д̇хаммо вуд̇д̇о бхаг̇авад̇аа. д̇асмаа, сарамаанзна бхигкунаа аабаннзна висуд̣̇д̇хаабзгкзна санд̇ий аабад̇д̇и аавигаад̇аб̣б̣аа; аавигад̇аа хисса паасу ход̇ий’’д̇и.
134. ‘‘Suṇātu me, bhante, saṅgho. Yadi saṅghassa pattakallaṃ, saṅgho uposathaṃ kareyya, pātimokkhaṃ uddiseyya. Kiṃ saṅghassa pubbakiccaṃ? Pārisuddhiṃ āyasmanto ārocetha . Pātimokkhaṃ uddisissāmi. Taṃ sabbeva santā sādhukaṃ suṇoma manasi karoma. Yassa siyā āpatti , so āvikareyya. Asantiyā āpattiyā tuṇhī bhavitabbaṃ. Tuṇhībhāvena kho panāyasmante parisuddhāti vedissāmi. Yathā kho pana paccekapuṭṭhassa veyyākaraṇaṃ hoti, evamevaṃ 2 evarūpāya parisāya yāvatatiyaṃ anussāvitaṃ hoti. Yo pana bhikkhu yāvatatiyaṃ anussāviyamāne saramāno santiṃ āpattiṃ nāvikareyya, sampajānamusāvādassa hoti. Sampajānamusāvādo kho panāyasmanto antarāyiko dhammo vutto bhagavatā. Tasmā, saramānena bhikkhunā āpannena visuddhāpekkhena santī āpatti āvikātabbā; āvikatā hissa phāsu hotī’’ti.
135. баад̇имогканд̇и аад̣̇имзд̇ам̣ мукамзд̇ам̣ бамукамзд̇ам̣ гусалаанам̣ д̇хаммаанам̣. д̇зна вужжад̇и баад̇имогканд̇и. ааяасманд̇од̇и бияаважанамзд̇ам̣ г̇аруважанамзд̇ам̣ саг̇ааравасаббад̇иссаад̇хиважанамзд̇ам̣ ааяасманд̇од̇и. уд̣̇д̣̇исиссаамийд̇и аажигкиссаами д̣̇зсзссаами бан̃н̃абзссаами бадтабзссаами вивариссаами вибхаж̇иссаами уд̇д̇ааним̣ гариссаами 3 багаасзссаами. д̇анд̇и баад̇имогкам̣ вужжад̇и. саб̣б̣зва санд̇аад̇и яаавад̇игаа д̇ассаа барисааяа т̇зраа жа наваа жа маж̇жхимаа жа, зд̇з вужжанд̇и саб̣б̣зва санд̇аад̇и. саад̇хугам̣ сун̣омаад̇и адтим̣ гад̇ваа манаси гад̇ваа саб̣б̣ажзд̇асаа 4 саманнаахараама. манаси гаромаад̇и згаг̇г̇ажид̇д̇аа авигкид̇д̇ажид̇д̇аа ависаахадажид̇д̇аа нисаамзма. яасса сияаа аабад̇д̇ийд̇и т̇зрасса ваа навасса ваа маж̇жхимасса ваа, бан̃жаннам̣ ваа аабад̇д̇игканд̇хаанам̣ ан̃н̃ад̇араа аабад̇д̇и, сад̇д̇аннам̣ ваа аабад̇д̇игканд̇хаанам̣ ан̃н̃ад̇араа аабад̇д̇и. со аавигарзяяаад̇и со д̣̇зсзяяа, со виварзяяа, со уд̇д̇ааним̣ гарзяяа, со багаасзяяа сан̇гхамаж̇жхз ваа г̇ан̣амаж̇жхз ваа згабуг̇г̇алз ваа. асанд̇ий наама аабад̇д̇и анаж̇жхаабаннаа ваа ход̇и, аабаж̇ж̇ид̇ваа ваа вудтид̇аа. д̇ун̣хий бхавид̇аб̣б̣анд̇и ад̇хиваасзд̇аб̣б̣ам̣ на б̣яаахарид̇аб̣б̣ам̣. барисуд̣̇д̇хаад̇и взд̣̇иссаамийд̇и ж̇ааниссаами д̇хаарзссаами. яат̇аа ко бана бажжзгабудтасса взяяаагаран̣ам̣ ход̇ийд̇и яат̇аа згзна зго будто б̣яаагарзяяа, звамзва д̇ассаа барисааяа ж̇аанид̇аб̣б̣ам̣ мам̣ бужчад̇ийд̇и. зваруубаа наама барисаа бхигкубарисаа вужжад̇и. яаавад̇ад̇ияам̣ ануссаавид̇ам̣ ход̇ийд̇и сагимби ануссаавид̇ам̣ ход̇и, д̣̇уд̇ияамби ануссаавид̇ам̣ ход̇и, д̇ад̇ияамби ануссаавид̇ам̣ ход̇и. сарамаанод̇и ж̇аанамаано сан̃ж̇аанамаано. санд̇ий наама аабад̇д̇и аж̇жхаабаннаа ваа ход̇и, аабаж̇ж̇ид̇ваа ваа авудтид̇аа. наавигарзяяаад̇и на д̣̇зсзяяа, на виварзяяа, на уд̇д̇ааним̣ гарзяяа, на багаасзяяа сан̇гхамаж̇жхз ваа г̇ан̣амаж̇жхз ваа згабуг̇г̇алз ваа. самбаж̇аанамусааваад̣̇асса ход̇ийд̇и. самбаж̇аанамусааваад̣̇з гим̣ ход̇и? д̣̇уггадам̣ ход̇и. анд̇арааяиго д̇хаммо вуд̇д̇о бхаг̇авад̇аад̇и. гисса анд̇арааяиго? батамасса жхаанасса ад̇хиг̇амааяа анд̇арааяиго, д̣̇уд̇ияасса жхаанасса ад̇хиг̇амааяа анд̇арааяиго, д̇ад̇ияасса жхаанасса ад̇хиг̇амааяа анд̇арааяиго, жад̇уд̇т̇асса жхаанасса ад̇хиг̇амааяа анд̇арааяиго, жхаанаанам̣ вимогкаанам̣ самаад̇хийнам̣ самаабад̇д̇ийнам̣ нзгкаммаанам̣ ниссаран̣аанам̣ бавивзгаанам̣ гусалаанам̣ д̇хаммаанам̣ ад̇хиг̇амааяа анд̇арааяиго. д̇асмаад̇и д̇ан̇гааран̣аа. сарамаанзнаад̇и ж̇аанамаанзна сан̃ж̇аанамаанзна. висуд̣̇д̇хаабзгкзнаад̇и вудтаад̇угаамзна висуж̇жхид̇угаамзна. санд̇ий наама аабад̇д̇и аж̇жхаабаннаа ваа ход̇и, аабаж̇ж̇ид̇ваа ваа авудтид̇аа. аавигаад̇аб̣б̣аад̇и аавигаад̇аб̣б̣аа сан̇гхамаж̇жхз ваа г̇ан̣амаж̇жхз ваа згабуг̇г̇алз ваа. аавигад̇аа хисса паасу ход̇ийд̇и. гисса паасу ход̇и? батамасса жхаанасса ад̇хиг̇амааяа паасу ход̇и, д̣̇уд̇ияасса жхаанасса ад̇хиг̇амааяа паасу ход̇и, д̇ад̇ияасса жхаанасса ад̇хиг̇амааяа паасу ход̇и, жад̇уд̇т̇асса жхаанасса ад̇хиг̇амааяа паасу ход̇и, жхаанаанам̣ вимогкаанам̣ самаад̇хийнам̣ самаабад̇д̇ийнам̣ нзгкаммаанам̣ ниссаран̣аанам̣ бавивзгаанам̣ гусалаанам̣ д̇хаммаанам̣ ад̇хиг̇амааяа паасу ход̇ийд̇и.
135.Pātimokkhanti ādimetaṃ mukhametaṃ pamukhametaṃ kusalānaṃ dhammānaṃ. Tena vuccati pātimokkhanti. Āyasmantoti piyavacanametaṃ garuvacanametaṃ sagāravasappatissādhivacanametaṃ āyasmantoti. Uddisissāmīti ācikkhissāmi desessāmi paññapessāmi paṭṭhapessāmi vivarissāmi vibhajissāmi uttāniṃ karissāmi 5 pakāsessāmi. Tanti pātimokkhaṃ vuccati. Sabbeva santāti yāvatikā tassā parisāya therā ca navā ca majjhimā ca, ete vuccanti sabbeva santāti. Sādhukaṃ suṇomāti aṭṭhiṃ katvā manasi katvā sabbacetasā 6 samannāharāma. Manasi karomāti ekaggacittā avikkhittacittā avisāhaṭacittā nisāmema. Yassa siyā āpattīti therassa vā navassa vā majjhimassa vā, pañcannaṃ vā āpattikkhandhānaṃ aññatarā āpatti, sattannaṃ vā āpattikkhandhānaṃ aññatarā āpatti. So āvikareyyāti so deseyya, so vivareyya, so uttāniṃ kareyya, so pakāseyya saṅghamajjhe vā gaṇamajjhe vā ekapuggale vā. Asantī nāma āpatti anajjhāpannā vā hoti, āpajjitvā vā vuṭṭhitā. Tuṇhī bhavitabbanti adhivāsetabbaṃ na byāharitabbaṃ. Parisuddhāti vedissāmīti jānissāmi dhāressāmi. Yathā kho pana paccekapuṭṭhassa veyyākaraṇaṃ hotīti yathā ekena eko puṭṭho byākareyya, evameva tassā parisāya jānitabbaṃ maṃ pucchatīti. Evarūpā nāma parisā bhikkhuparisā vuccati. Yāvatatiyaṃ anussāvitaṃ hotīti sakimpi anussāvitaṃ hoti, dutiyampi anussāvitaṃ hoti, tatiyampi anussāvitaṃ hoti. Saramānoti jānamāno sañjānamāno. Santī nāma āpatti ajjhāpannā vā hoti, āpajjitvā vā avuṭṭhitā. Nāvikareyyāti na deseyya, na vivareyya, na uttāniṃ kareyya, na pakāseyya saṅghamajjhe vā gaṇamajjhe vā ekapuggale vā. Sampajānamusāvādassa hotīti. Sampajānamusāvāde kiṃ hoti? Dukkaṭaṃ hoti. Antarāyiko dhammo vutto bhagavatāti. Kissa antarāyiko? Paṭhamassa jhānassa adhigamāya antarāyiko, dutiyassa jhānassa adhigamāya antarāyiko, tatiyassa jhānassa adhigamāya antarāyiko, catutthassa jhānassa adhigamāya antarāyiko, jhānānaṃ vimokkhānaṃ samādhīnaṃ samāpattīnaṃ nekkhammānaṃ nissaraṇānaṃ pavivekānaṃ kusalānaṃ dhammānaṃ adhigamāya antarāyiko. Tasmāti taṅkāraṇā. Saramānenāti jānamānena sañjānamānena. Visuddhāpekkhenāti vuṭṭhātukāmena visujjhitukāmena. Santī nāma āpatti ajjhāpannā vā hoti, āpajjitvā vā avuṭṭhitā. Āvikātabbāti āvikātabbā saṅghamajjhe vā gaṇamajjhe vā ekapuggale vā. Āvikatā hissa phāsu hotīti. Kissa phāsu hoti? Paṭhamassa jhānassa adhigamāya phāsu hoti, dutiyassa jhānassa adhigamāya phāsu hoti, tatiyassa jhānassa adhigamāya phāsu hoti, catutthassa jhānassa adhigamāya phāsu hoti, jhānānaṃ vimokkhānaṃ samādhīnaṃ samāpattīnaṃ nekkhammānaṃ nissaraṇānaṃ pavivekānaṃ kusalānaṃ dhammānaṃ adhigamāya phāsu hotīti.
136. д̇зна ко бана самаязна бхигкуу – бхаг̇авад̇аа баад̇имогкуд̣̇д̣̇зсо анун̃н̃аад̇од̇и – д̣̇звасигам̣ баад̇имогкам̣ уд̣̇д̣̇исанд̇и. бхаг̇авад̇о зд̇амад̇т̇ам̣ аарожзсум̣. на, бхигкавз, д̣̇звасигам̣ баад̇имогкам̣ уд̣̇д̣̇исид̇аб̣б̣ам̣. яо уд̣̇д̣̇исзяяа, аабад̇д̇и д̣̇уггадасса. ануж̇аанаами, бхигкавз, убосат̇з баад̇имогкам̣ уд̣̇д̣̇исид̇унд̇и.
136. Tena kho pana samayena bhikkhū – bhagavatā pātimokkhuddeso anuññātoti – devasikaṃ pātimokkhaṃ uddisanti. Bhagavato etamatthaṃ ārocesuṃ. Na, bhikkhave, devasikaṃ pātimokkhaṃ uddisitabbaṃ. Yo uddiseyya, āpatti dukkaṭassa. Anujānāmi, bhikkhave, uposathe pātimokkhaṃ uddisitunti.
д̇зна ко бана самаязна бхигкуу – бхаг̇авад̇аа убосат̇з баад̇имогкуд̣̇д̣̇зсо анун̃н̃аад̇од̇и – багкасса д̇игкад̇д̇ум̣ баад̇имогкам̣ уд̣̇д̣̇исанд̇и, жаад̇уд̣̇д̣̇асз баннарасз адтамияаа жа багкасса. бхаг̇авад̇о зд̇амад̇т̇ам̣ аарожзсум̣. на, бхигкавз, багкасса д̇игкад̇д̇ум̣ баад̇имогкам̣ уд̣̇д̣̇исид̇аб̣б̣ам̣. яо уд̣̇д̣̇исзяяа, аабад̇д̇и д̣̇уггадасса. ануж̇аанаами, бхигкавз, сагим̣ багкасса жаад̇уд̣̇д̣̇асз ваа баннарасз ваа баад̇имогкам̣ уд̣̇д̣̇исид̇унд̇и.
Tena kho pana samayena bhikkhū – bhagavatā uposathe pātimokkhuddeso anuññātoti – pakkhassa tikkhattuṃ pātimokkhaṃ uddisanti, cātuddase pannarase aṭṭhamiyā ca pakkhassa. Bhagavato etamatthaṃ ārocesuṃ. Na, bhikkhave, pakkhassa tikkhattuṃ pātimokkhaṃ uddisitabbaṃ. Yo uddiseyya, āpatti dukkaṭassa. Anujānāmi, bhikkhave, sakiṃ pakkhassa cātuddase vā pannarase vā pātimokkhaṃ uddisitunti.
д̇зна ко бана самаязна чаб̣б̣аг̇г̇ияаа бхигкуу яат̇аабарисааяа баад̇имогкам̣ уд̣̇д̣̇исанд̇и сагааяа сагааяа барисааяа. бхаг̇авад̇о зд̇амад̇т̇ам̣ аарожзсум̣. на, бхигкавз, яат̇аабарисааяа баад̇имогкам̣ уд̣̇д̣̇исид̇аб̣б̣ам̣ сагааяа сагааяа барисааяа. яо уд̣̇д̣̇исзяяа, аабад̇д̇и д̣̇уггадасса. ануж̇аанаами, бхигкавз, самаг̇г̇аанам̣ убосат̇агамманд̇и.
Tena kho pana samayena chabbaggiyā bhikkhū yathāparisāya pātimokkhaṃ uddisanti sakāya sakāya parisāya. Bhagavato etamatthaṃ ārocesuṃ. Na, bhikkhave, yathāparisāya pātimokkhaṃ uddisitabbaṃ sakāya sakāya parisāya. Yo uddiseyya, āpatti dukkaṭassa. Anujānāmi, bhikkhave, samaggānaṃ uposathakammanti.
ат̇а ко бхигкуунам̣ зд̇ад̣̇ахоси – ‘‘бхаг̇авад̇аа бан̃н̃ад̇д̇ам̣ ‘самаг̇г̇аанам̣ убосат̇агамма’нд̇и. гид̇д̇аавад̇аа ну ко саамаг̇г̇ий ход̇и, яаавад̇аа згааваасо, уд̣̇ааху саб̣б̣аа бат̇авий’’д̇и? бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, зд̇д̇аавад̇аа саамаг̇г̇ий яаавад̇аа згааваасод̇и.
Atha kho bhikkhūnaṃ etadahosi – ‘‘bhagavatā paññattaṃ ‘samaggānaṃ uposathakamma’nti. Kittāvatā nu kho sāmaggī hoti, yāvatā ekāvāso, udāhu sabbā pathavī’’ti? Bhagavato etamatthaṃ ārocesuṃ. Anujānāmi, bhikkhave, ettāvatā sāmaggī yāvatā ekāvāsoti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / саннибаад̇аануж̇аананаад̣̇игат̇аа • Sannipātānujānanādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / саннибаад̇аануж̇аананаад̣̇игат̇ааван̣н̣анаа • Sannipātānujānanādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / саннибаад̇аануж̇аананаад̣̇игат̇ааван̣н̣анаа • Sannipātānujānanādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / саннибаад̇аануж̇аананаад̣̇игат̇ааван̣н̣анаа • Sannipātānujānanādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 68. саннибаад̇аануж̇аананаад̣̇игат̇аа • 68. Sannipātānujānanādikathā
