| Library / Tipiṭaka / তিপিটক • Tipiṭaka / চূল়ৰগ্গ-অট্ঠকথা • Cūḷavagga-aṭṭhakathā |
৯. পাতিমোক্খট্ঠপনক্খন্ধকং
9. Pātimokkhaṭṭhapanakkhandhakaṃ
পাতিমোক্খুদ্দেসযাচনকথা
Pātimokkhuddesayācanakathā
৩৮৩. পাতিমোক্খট্ঠপনক্খন্ধকে – (নন্দিমুখিযা রত্তিযাতি অরুণুট্ঠিতকালেপি হি নন্দিমুখা ৰিয রত্তি খাযতি। তেনাহ ‘‘নন্দিমুখিযা রত্তিযা’’তি। অন্তোপূতিন্তি অত্তচিত্তসন্তানে কিলেসপূতিভাৰেন অন্তোপূতিং। অৰস্সুতন্তি কিলেসৰস্সনৰসেন অৰস্সুতং। কসম্বুকজাতন্তি আকিণ্ণদোসতায সংকিলিট্ঠজাতং।) যাৰ বাহাগহণাপি নামাতি ‘‘অপরিসুদ্ধা আনন্দ পরিসা’’তি ৰচনং সুত্ৰাযেৰ হি তেন পক্কমিতব্বং সিযা, এৰং অপক্কমিত্ৰা যাৰ বাহাগহণাপি নাম সো মোঘপুরিসো আগমেস্সতি, অচ্ছরিযমিদন্তি দস্সেতি।
383. Pātimokkhaṭṭhapanakkhandhake – (nandimukhiyā rattiyāti aruṇuṭṭhitakālepi hi nandimukhā viya ratti khāyati. Tenāha ‘‘nandimukhiyā rattiyā’’ti. Antopūtinti attacittasantāne kilesapūtibhāvena antopūtiṃ. Avassutanti kilesavassanavasena avassutaṃ. Kasambukajātanti ākiṇṇadosatāya saṃkiliṭṭhajātaṃ.) Yāva bāhāgahaṇāpi nāmāti ‘‘aparisuddhā ānanda parisā’’ti vacanaṃ sutvāyeva hi tena pakkamitabbaṃ siyā, evaṃ apakkamitvā yāva bāhāgahaṇāpi nāma so moghapuriso āgamessati, acchariyamidanti dasseti.
৩৮৪. ন আযতকেনেৰ পপাতোতি ন পঠমমেৰ গম্ভীরো; অনুপুব্বেন গম্ভীরোতি অত্থো। ঠিতধম্মো ৰেলং নাতিৰত্ততীতি ৰীচীনং ওসক্কনকন্দরং মরিযাদৰেলং নাতিক্কমতি। তীরং ৰাহেতীতি তীরতো অপ্পেতি; উস্সারেতীতি অত্থো। অঞ্ঞাপটিৰেধোতি অরহত্তপ্পত্তি।
384.Na āyatakeneva papātoti na paṭhamameva gambhīro; anupubbena gambhīroti attho. Ṭhitadhammo velaṃ nātivattatīti vīcīnaṃ osakkanakandaraṃ mariyādavelaṃ nātikkamati. Tīraṃ vāhetīti tīrato appeti; ussāretīti attho. Aññāpaṭivedhoti arahattappatti.
৩৮৫. ছন্নমতিৰস্সতীতি আপত্তিং আপজ্জিত্ৰা পটিচ্ছাদেন্তো অঞ্ঞং নৰং আপত্তিং আপজ্জতি ইদমেতং সন্ধায ৰুত্তং। ৰিৰটং নাতিৰস্সতীতি আপত্তিং আপজ্জিত্ৰা ৰিৰরন্তো অঞ্ঞং নাপজ্জতি ইদমেতং সন্ধায ৰুত্তং।
385.Channamativassatīti āpattiṃ āpajjitvā paṭicchādento aññaṃ navaṃ āpattiṃ āpajjati idametaṃ sandhāya vuttaṃ. Vivaṭaṃ nātivassatīti āpattiṃ āpajjitvā vivaranto aññaṃ nāpajjati idametaṃ sandhāya vuttaṃ.
পাতিমোক্খুদ্দেসযাচনকথা নিট্ঠিতা।
Pātimokkhuddesayācanakathā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / চূল়ৰগ্গপাল়ি • Cūḷavaggapāḷi
১. পাতিমোক্খুদ্দেসযাচনা • 1. Pātimokkhuddesayācanā
২. মহাসমুদ্দেঅট্ঠচ্ছরিযং • 2. Mahāsamuddeaṭṭhacchariyaṃ
৩. ইমস্মিংধম্মৰিনযেঅট্ঠচ্ছরিযং • 3. Imasmiṃdhammavinayeaṭṭhacchariyaṃ
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā
পাতিমোক্খুদ্দেসযাচনকথাৰণ্ণনা • Pātimokkhuddesayācanakathāvaṇṇanā
মহাসমুদ্দে অট্ঠচ্ছরিযকথাৰণ্ণনা • Mahāsamudde aṭṭhacchariyakathāvaṇṇanā
ইমস্মিং ধম্মৰিনযে অট্ঠচ্ছরিযকথাৰণ্ণনা • Imasmiṃ dhammavinaye aṭṭhacchariyakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / পাতিমোক্খুদ্দেসযাচনকথাৰণ্ণনা • Pātimokkhuddesayācanakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / পাতিমোক্খুদ্দেসযাচনকথাৰণ্ণনা • Pātimokkhuddesayācanakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ১. পাতিমোক্খুদ্দেসযাচনকথা • 1. Pātimokkhuddesayācanakathā
