| Library / Tipiṭaka / तिपिटक • Tipiṭaka / चूळवग्ग-अट्ठकथा • Cūḷavagga-aṭṭhakathā |
९. पातिमोक्खट्ठपनक्खन्धकं
9. Pātimokkhaṭṭhapanakkhandhakaṃ
पातिमोक्खुद्देसयाचनकथा
Pātimokkhuddesayācanakathā
३८३. पातिमोक्खट्ठपनक्खन्धके – (नन्दिमुखिया रत्तियाति अरुणुट्ठितकालेपि हि नन्दिमुखा विय रत्ति खायति। तेनाह ‘‘नन्दिमुखिया रत्तिया’’ति। अन्तोपूतिन्ति अत्तचित्तसन्ताने किलेसपूतिभावेन अन्तोपूतिं। अवस्सुतन्ति किलेसवस्सनवसेन अवस्सुतं। कसम्बुकजातन्ति आकिण्णदोसताय संकिलिट्ठजातं।) याव बाहागहणापि नामाति ‘‘अपरिसुद्धा आनन्द परिसा’’ति वचनं सुत्वायेव हि तेन पक्कमितब्बं सिया, एवं अपक्कमित्वा याव बाहागहणापि नाम सो मोघपुरिसो आगमेस्सति, अच्छरियमिदन्ति दस्सेति।
383. Pātimokkhaṭṭhapanakkhandhake – (nandimukhiyā rattiyāti aruṇuṭṭhitakālepi hi nandimukhā viya ratti khāyati. Tenāha ‘‘nandimukhiyā rattiyā’’ti. Antopūtinti attacittasantāne kilesapūtibhāvena antopūtiṃ. Avassutanti kilesavassanavasena avassutaṃ. Kasambukajātanti ākiṇṇadosatāya saṃkiliṭṭhajātaṃ.) Yāva bāhāgahaṇāpi nāmāti ‘‘aparisuddhā ānanda parisā’’ti vacanaṃ sutvāyeva hi tena pakkamitabbaṃ siyā, evaṃ apakkamitvā yāva bāhāgahaṇāpi nāma so moghapuriso āgamessati, acchariyamidanti dasseti.
३८४. न आयतकेनेव पपातोति न पठममेव गम्भीरो; अनुपुब्बेन गम्भीरोति अत्थो। ठितधम्मो वेलं नातिवत्ततीति वीचीनं ओसक्कनकन्दरं मरियादवेलं नातिक्कमति। तीरं वाहेतीति तीरतो अप्पेति; उस्सारेतीति अत्थो। अञ्ञापटिवेधोति अरहत्तप्पत्ति।
384.Na āyatakeneva papātoti na paṭhamameva gambhīro; anupubbena gambhīroti attho. Ṭhitadhammo velaṃ nātivattatīti vīcīnaṃ osakkanakandaraṃ mariyādavelaṃ nātikkamati. Tīraṃ vāhetīti tīrato appeti; ussāretīti attho. Aññāpaṭivedhoti arahattappatti.
३८५. छन्नमतिवस्सतीति आपत्तिं आपज्जित्वा पटिच्छादेन्तो अञ्ञं नवं आपत्तिं आपज्जति इदमेतं सन्धाय वुत्तं। विवटं नातिवस्सतीति आपत्तिं आपज्जित्वा विवरन्तो अञ्ञं नापज्जति इदमेतं सन्धाय वुत्तं।
385.Channamativassatīti āpattiṃ āpajjitvā paṭicchādento aññaṃ navaṃ āpattiṃ āpajjati idametaṃ sandhāya vuttaṃ. Vivaṭaṃ nātivassatīti āpattiṃ āpajjitvā vivaranto aññaṃ nāpajjati idametaṃ sandhāya vuttaṃ.
पातिमोक्खुद्देसयाचनकथा निट्ठिता।
Pātimokkhuddesayācanakathā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / चूळवग्गपाळि • Cūḷavaggapāḷi
१. पातिमोक्खुद्देसयाचना • 1. Pātimokkhuddesayācanā
२. महासमुद्देअट्ठच्छरियं • 2. Mahāsamuddeaṭṭhacchariyaṃ
३. इमस्मिंधम्मविनयेअट्ठच्छरियं • 3. Imasmiṃdhammavinayeaṭṭhacchariyaṃ
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā
पातिमोक्खुद्देसयाचनकथावण्णना • Pātimokkhuddesayācanakathāvaṇṇanā
महासमुद्दे अट्ठच्छरियकथावण्णना • Mahāsamudde aṭṭhacchariyakathāvaṇṇanā
इमस्मिं धम्मविनये अट्ठच्छरियकथावण्णना • Imasmiṃ dhammavinaye aṭṭhacchariyakathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / पातिमोक्खुद्देसयाचनकथावण्णना • Pātimokkhuddesayācanakathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / पातिमोक्खुद्देसयाचनकथावण्णना • Pātimokkhuddesayācanakathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / १. पातिमोक्खुद्देसयाचनकथा • 1. Pātimokkhuddesayācanakathā
