| Library / Tipiṭaka / ติปิฎก • Tipiṭaka / จูฬวคฺค-อฎฺฐกถา • Cūḷavagga-aṭṭhakathā |
๙. ปาติโมกฺขฎฺฐปนกฺขนฺธกํ
9. Pātimokkhaṭṭhapanakkhandhakaṃ
ปาติโมกฺขุเทฺทสยาจนกถา
Pātimokkhuddesayācanakathā
๓๘๓. ปาติโมกฺขฎฺฐปนกฺขนฺธเก – (นนฺทิมุขิยา รตฺติยาติ อรุณุฎฺฐิตกาเลปิ หิ นนฺทิมุขา วิย รตฺติ ขายติฯ เตนาห ‘‘นนฺทิมุขิยา รตฺติยา’’ติฯ อโนฺตปูตินฺติ อตฺตจิตฺตสนฺตาเน กิเลสปูติภาเวน อโนฺตปูติํฯ อวสฺสุตนฺติ กิเลสวสฺสนวเสน อวสฺสุตํฯ กสมฺพุกชาตนฺติ อากิณฺณโทสตาย สํกิลิฎฺฐชาตํฯ) ยาว พาหาคหณาปิ นามาติ ‘‘อปริสุทฺธา อานนฺท ปริสา’’ติ วจนํ สุตฺวาเยว หิ เตน ปกฺกมิตพฺพํ สิยา, เอวํ อปกฺกมิตฺวา ยาว พาหาคหณาปิ นาม โส โมฆปุริโส อาคเมสฺสติ, อจฺฉริยมิทนฺติ ทเสฺสติฯ
383. Pātimokkhaṭṭhapanakkhandhake – (nandimukhiyā rattiyāti aruṇuṭṭhitakālepi hi nandimukhā viya ratti khāyati. Tenāha ‘‘nandimukhiyā rattiyā’’ti. Antopūtinti attacittasantāne kilesapūtibhāvena antopūtiṃ. Avassutanti kilesavassanavasena avassutaṃ. Kasambukajātanti ākiṇṇadosatāya saṃkiliṭṭhajātaṃ.) Yāva bāhāgahaṇāpi nāmāti ‘‘aparisuddhā ānanda parisā’’ti vacanaṃ sutvāyeva hi tena pakkamitabbaṃ siyā, evaṃ apakkamitvā yāva bāhāgahaṇāpi nāma so moghapuriso āgamessati, acchariyamidanti dasseti.
๓๘๔. น อายตเกเนว ปปาโตติ น ปฐมเมว คมฺภีโร; อนุปุเพฺพน คมฺภีโรติ อโตฺถฯ ฐิตธโมฺม เวลํ นาติวตฺตตีติ วีจีนํ โอสกฺกนกนฺทรํ มริยาทเวลํ นาติกฺกมติฯ ตีรํ วาเหตีติ ตีรโต อเปฺปติ; อุสฺสาเรตีติ อโตฺถฯ อญฺญาปฎิเวโธติ อรหตฺตปฺปตฺติฯ
384.Na āyatakeneva papātoti na paṭhamameva gambhīro; anupubbena gambhīroti attho. Ṭhitadhammo velaṃ nātivattatīti vīcīnaṃ osakkanakandaraṃ mariyādavelaṃ nātikkamati. Tīraṃ vāhetīti tīrato appeti; ussāretīti attho. Aññāpaṭivedhoti arahattappatti.
๓๘๕. ฉนฺนมติวสฺสตีติ อาปตฺติํ อาปชฺชิตฺวา ปฎิจฺฉาเทโนฺต อญฺญํ นวํ อาปตฺติํ อาปชฺชติ อิทเมตํ สนฺธาย วุตฺตํฯ วิวฎํ นาติวสฺสตีติ อาปตฺติํ อาปชฺชิตฺวา วิวรโนฺต อญฺญํ นาปชฺชติ อิทเมตํ สนฺธาย วุตฺตํฯ
385.Channamativassatīti āpattiṃ āpajjitvā paṭicchādento aññaṃ navaṃ āpattiṃ āpajjati idametaṃ sandhāya vuttaṃ. Vivaṭaṃ nātivassatīti āpattiṃ āpajjitvā vivaranto aññaṃ nāpajjati idametaṃ sandhāya vuttaṃ.
ปาติโมกฺขุเทฺทสยาจนกถา นิฎฺฐิตาฯ
Pātimokkhuddesayācanakathā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / จูฬวคฺคปาฬิ • Cūḷavaggapāḷi
๑. ปาติโมกฺขุเทฺทสยาจนา • 1. Pātimokkhuddesayācanā
๒. มหาสมุเทฺทอฎฺฐจฺฉริยํ • 2. Mahāsamuddeaṭṭhacchariyaṃ
๓. อิมสฺมิํธมฺมวินเยอฎฺฐจฺฉริยํ • 3. Imasmiṃdhammavinayeaṭṭhacchariyaṃ
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā
ปาติโมกฺขุเทฺทสยาจนกถาวณฺณนา • Pātimokkhuddesayācanakathāvaṇṇanā
มหาสมุเทฺท อฎฺฐจฺฉริยกถาวณฺณนา • Mahāsamudde aṭṭhacchariyakathāvaṇṇanā
อิมสฺมิํ ธมฺมวินเย อฎฺฐจฺฉริยกถาวณฺณนา • Imasmiṃ dhammavinaye aṭṭhacchariyakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ปาติโมกฺขุเทฺทสยาจนกถาวณฺณนา • Pātimokkhuddesayācanakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ปาติโมกฺขุเทฺทสยาจนกถาวณฺณนา • Pātimokkhuddesayācanakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๑. ปาติโมกฺขุเทฺทสยาจนกถา • 1. Pātimokkhuddesayācanakathā
