| Library / Tipiṭaka / တိပိဋက • Tipiṭaka / စူဠဝဂ္ဂ-အဋ္ဌကထာ • Cūḷavagga-aṭṭhakathā |
၉. ပာတိမောက္ခဋ္ဌပနက္ခန္ဓကံ
9. Pātimokkhaṭṭhapanakkhandhakaṃ
ပာတိမောက္ခုဒ္ဒေသယာစနကထာ
Pātimokkhuddesayācanakathā
၃၈၃. ပာတိမောက္ခဋ္ဌပနက္ခန္ဓကေ – (နန္ဒိမုခိယာ ရတ္တိယာတိ အရုဏုဋ္ဌိတကာလေပိ ဟိ နန္ဒိမုခာ ဝိယ ရတ္တိ ခာယတိ။ တေနာဟ ‘‘နန္ဒိမုခိယာ ရတ္တိယာ’’တိ။ အန္တောပူတိန္တိ အတ္တစိတ္တသန္တာနေ ကိလေသပူတိဘာဝေန အန္တောပူတိံ။ အဝသ္သုတန္တိ ကိလေသဝသ္သနဝသေန အဝသ္သုတံ။ ကသမ္ဗုကဇာတန္တိ အာကိဏ္ဏဒောသတာယ သံကိလိဋ္ဌဇာတံ။) ယာဝ ဗာဟာဂဟဏာပိ နာမာတိ ‘‘အပရိသုဒ္ဓာ အာနန္ဒ ပရိသာ’’တိ ဝစနံ သုတ္ဝာယေဝ ဟိ တေန ပက္ကမိတဗ္ဗံ သိယာ, ဧဝံ အပက္ကမိတ္ဝာ ယာဝ ဗာဟာဂဟဏာပိ နာမ သော မောဃပုရိသော အာဂမေသ္သတိ, အစ္ဆရိယမိဒန္တိ ဒသ္သေတိ။
383. Pātimokkhaṭṭhapanakkhandhake – (nandimukhiyā rattiyāti aruṇuṭṭhitakālepi hi nandimukhā viya ratti khāyati. Tenāha ‘‘nandimukhiyā rattiyā’’ti. Antopūtinti attacittasantāne kilesapūtibhāvena antopūtiṃ. Avassutanti kilesavassanavasena avassutaṃ. Kasambukajātanti ākiṇṇadosatāya saṃkiliṭṭhajātaṃ.) Yāva bāhāgahaṇāpi nāmāti ‘‘aparisuddhā ānanda parisā’’ti vacanaṃ sutvāyeva hi tena pakkamitabbaṃ siyā, evaṃ apakkamitvā yāva bāhāgahaṇāpi nāma so moghapuriso āgamessati, acchariyamidanti dasseti.
၃၈၄. န အာယတကေနေဝ ပပာတောတိ န ပဌမမေဝ ဂမ္ဘီရော; အနုပုဗ္ဗေန ဂမ္ဘီရောတိ အတ္ထော။ ဌိတဓမ္မော ဝေလံ နာတိဝတ္တတီတိ ဝီစီနံ ဩသက္ကနကန္ဒရံ မရိယာဒဝေလံ နာတိက္ကမတိ။ တီရံ ဝာဟေတီတိ တီရတော အပ္ပေတိ; ဥသ္သာရေတီတိ အတ္ထော။ အညာပဋိဝေဓောတိ အရဟတ္တပ္ပတ္တိ။
384.Na āyatakeneva papātoti na paṭhamameva gambhīro; anupubbena gambhīroti attho. Ṭhitadhammo velaṃ nātivattatīti vīcīnaṃ osakkanakandaraṃ mariyādavelaṃ nātikkamati. Tīraṃ vāhetīti tīrato appeti; ussāretīti attho. Aññāpaṭivedhoti arahattappatti.
၃၈၅. ဆန္နမတိဝသ္သတီတိ အာပတ္တိံ အာပဇ္ဇိတ္ဝာ ပဋိစ္ဆာဒေန္တော အညံ နဝံ အာပတ္တိံ အာပဇ္ဇတိ ဣဒမေတံ သန္ဓာယ ဝုတ္တံ။ ဝိဝဋံ နာတိဝသ္သတီတိ အာပတ္တိံ အာပဇ္ဇိတ္ဝာ ဝိဝရန္တော အညံ နာပဇ္ဇတိ ဣဒမေတံ သန္ဓာယ ဝုတ္တံ။
385.Channamativassatīti āpattiṃ āpajjitvā paṭicchādento aññaṃ navaṃ āpattiṃ āpajjati idametaṃ sandhāya vuttaṃ. Vivaṭaṃ nātivassatīti āpattiṃ āpajjitvā vivaranto aññaṃ nāpajjati idametaṃ sandhāya vuttaṃ.
ပာတိမောက္ခုဒ္ဒေသယာစနကထာ နိဋ္ဌိတာ။
Pātimokkhuddesayācanakathā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / စူဠဝဂ္ဂပာဠိ • Cūḷavaggapāḷi
၁. ပာတိမောက္ခုဒ္ဒေသယာစနာ • 1. Pātimokkhuddesayācanā
၂. မဟာသမုဒ္ဒေအဋ္ဌစ္ဆရိယံ • 2. Mahāsamuddeaṭṭhacchariyaṃ
၃. ဣမသ္မိံဓမ္မဝိနယေအဋ္ဌစ္ဆရိယံ • 3. Imasmiṃdhammavinayeaṭṭhacchariyaṃ
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā
ပာတိမောက္ခုဒ္ဒေသယာစနကထာဝဏ္ဏနာ • Pātimokkhuddesayācanakathāvaṇṇanā
မဟာသမုဒ္ဒေ အဋ္ဌစ္ဆရိယကထာဝဏ္ဏနာ • Mahāsamudde aṭṭhacchariyakathāvaṇṇanā
ဣမသ္မိံ ဓမ္မဝိနယေ အဋ္ဌစ္ဆရိယကထာဝဏ္ဏနာ • Imasmiṃ dhammavinaye aṭṭhacchariyakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ပာတိမောက္ခုဒ္ဒေသယာစနကထာဝဏ္ဏနာ • Pātimokkhuddesayācanakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ပာတိမောက္ခုဒ္ဒေသယာစနကထာဝဏ္ဏနာ • Pātimokkhuddesayācanakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၁. ပာတိမောက္ခုဒ္ဒေသယာစနကထာ • 1. Pātimokkhuddesayācanakathā
