| Library / Tipiṭaka / තිපිටක • Tipiṭaka / චූළවග්‌ග-අට්‌ඨකථා • Cūḷavagga-aṭṭhakathā |
9. පාතිමොක්‌ඛට්‌ඨපනක්‌ඛන්‌ධකං
9. Pātimokkhaṭṭhapanakkhandhakaṃ
පාතිමොක්‌ඛුද්‌දෙසයාචනකථා
Pātimokkhuddesayācanakathā
383. පාතිමොක්‌ඛට්‌ඨපනක්‌ඛන්‌ධකෙ – (නන්‌දිමුඛියා රත්‌තියාති අරුණුට්‌ඨිතකාලෙපි හි නන්‌දිමුඛා විය රත්‌ති ඛායති. තෙනාහ ‘‘නන්‌දිමුඛියා රත්‌තියා’’ති. අන්‌තොපූතින්‌ති අත්‌තචිත්‌තසන්‌තානෙ කිලෙසපූතිභාවෙන අන්‌තොපූතිං. අවස්‌සුතන්‌ති කිලෙසවස්‌සනවසෙන අවස්‌සුතං. කසම්‌බුකජාතන්‌ති ආකිණ්‌ණදොසතාය සංකිලිට්‌ඨජාතං.) යාව බාහාගහණාපි නාමාති ‘‘අපරිසුද්‌ධා ආනන්‌ද පරිසා’’ති වචනං සුත්‌වායෙව හි තෙන පක්‌කමිතබ්‌බං සියා, එවං අපක්‌කමිත්‌වා යාව බාහාගහණාපි නාම සො මොඝපුරිසො ආගමෙස්‌සති, අච්‌ඡරියමිදන්‌ති දස්‌සෙති.
383. Pātimokkhaṭṭhapanakkhandhake – (nandimukhiyā rattiyāti aruṇuṭṭhitakālepi hi nandimukhā viya ratti khāyati. Tenāha ‘‘nandimukhiyā rattiyā’’ti. Antopūtinti attacittasantāne kilesapūtibhāvena antopūtiṃ. Avassutanti kilesavassanavasena avassutaṃ. Kasambukajātanti ākiṇṇadosatāya saṃkiliṭṭhajātaṃ.) Yāva bāhāgahaṇāpi nāmāti ‘‘aparisuddhā ānanda parisā’’ti vacanaṃ sutvāyeva hi tena pakkamitabbaṃ siyā, evaṃ apakkamitvā yāva bāhāgahaṇāpi nāma so moghapuriso āgamessati, acchariyamidanti dasseti.
384. න ආයතකෙනෙව පපාතොති න පඨමමෙව ගම්‌භීරො; අනුපුබ්‌බෙන ගම්‌භීරොති අත්‌ථො. ඨිතධම්‌මො වෙලං නාතිවත්‌තතීති වීචීනං ඔසක්‌කනකන්‌දරං මරියාදවෙලං නාතික්‌කමති. තීරං වාහෙතීති තීරතො අප්‌පෙති; උස්‌සාරෙතීති අත්‌ථො. අඤ්‌ඤාපටිවෙධොති අරහත්‌තප්‌පත්‌ති.
384.Na āyatakeneva papātoti na paṭhamameva gambhīro; anupubbena gambhīroti attho. Ṭhitadhammo velaṃ nātivattatīti vīcīnaṃ osakkanakandaraṃ mariyādavelaṃ nātikkamati. Tīraṃ vāhetīti tīrato appeti; ussāretīti attho. Aññāpaṭivedhoti arahattappatti.
385. ඡන්‌නමතිවස්‌සතීති ආපත්‌තිං ආපජ්‌ජිත්‌වා පටිච්‌ඡාදෙන්‌තො අඤ්‌ඤං නවං ආපත්‌තිං ආපජ්‌ජති ඉදමෙතං සන්‌ධාය වුත්‌තං. විවටං නාතිවස්‌සතීති ආපත්‌තිං ආපජ්‌ජිත්‌වා විවරන්‌තො අඤ්‌ඤං නාපජ්‌ජති ඉදමෙතං සන්‌ධාය වුත්‌තං.
385.Channamativassatīti āpattiṃ āpajjitvā paṭicchādento aññaṃ navaṃ āpattiṃ āpajjati idametaṃ sandhāya vuttaṃ. Vivaṭaṃ nātivassatīti āpattiṃ āpajjitvā vivaranto aññaṃ nāpajjati idametaṃ sandhāya vuttaṃ.
පාතිමොක්‌ඛුද්‌දෙසයාචනකථා නිට්‌ඨිතා.
Pātimokkhuddesayācanakathā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / චූළවග්‌ගපාළි • Cūḷavaggapāḷi
1. පාතිමොක්‌ඛුද්‌දෙසයාචනා • 1. Pātimokkhuddesayācanā
2. මහාසමුද්‌දෙඅට්‌ඨච්‌ඡරියං • 2. Mahāsamuddeaṭṭhacchariyaṃ
3. ඉමස්‌මිංධම්‌මවිනයෙඅට්‌ඨච්‌ඡරියං • 3. Imasmiṃdhammavinayeaṭṭhacchariyaṃ
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā
පාතිමොක්‌ඛුද්‌දෙසයාචනකථාවණ්‌ණනා • Pātimokkhuddesayācanakathāvaṇṇanā
මහාසමුද්‌දෙ අට්‌ඨච්‌ඡරියකථාවණ්‌ණනා • Mahāsamudde aṭṭhacchariyakathāvaṇṇanā
ඉමස්‌මිං ධම්‌මවිනයෙ අට්‌ඨච්‌ඡරියකථාවණ්‌ණනා • Imasmiṃ dhammavinaye aṭṭhacchariyakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / පාතිමොක්‌ඛුද්‌දෙසයාචනකථාවණ්‌ණනා • Pātimokkhuddesayācanakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / පාතිමොක්‌ඛුද්‌දෙසයාචනකථාවණ්‌ණනා • Pātimokkhuddesayācanakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 1. පාතිමොක්‌ඛුද්‌දෙසයාචනකථා • 1. Pātimokkhuddesayācanakathā
