| Library / Tipiṭaka / ཏིཔིཊཀ • Tipiṭaka / ཙཱུལ༹ཝགྒ-ཨཊྛཀཐཱ • Cūḷavagga-aṭṭhakathā |
༩. པཱཏིམོཀྑཊྛཔནཀྑནྡྷཀཾ
9. Pātimokkhaṭṭhapanakkhandhakaṃ
པཱཏིམོཀྑུདྡེསཡཱཙནཀཐཱ
Pātimokkhuddesayācanakathā
༣༨༣. པཱཏིམོཀྑཊྛཔནཀྑནྡྷཀེ – (ནནྡིམུཁིཡཱ རཏྟིཡཱཏི ཨརུཎུཊྛིཏཀཱལེཔི ཧི ནནྡིམུཁཱ ཝིཡ རཏྟི ཁཱཡཏི། ཏེནཱཧ ‘‘ནནྡིམུཁིཡཱ རཏྟིཡཱ’’ཏི། ཨནྟོཔཱུཏིནྟི ཨཏྟཙིཏྟསནྟཱནེ ཀིལེསཔཱུཏིབྷཱཝེན ཨནྟོཔཱུཏིཾ། ཨཝསྶུཏནྟི ཀིལེསཝསྶནཝསེན ཨཝསྶུཏཾ། ཀསམྦུཀཛཱཏནྟི ཨཱཀིཎྞདོསཏཱཡ སཾཀིལིཊྛཛཱཏཾ།) ཡཱཝ བཱཧཱགཧཎཱཔི ནཱམཱཏི ‘‘ཨཔརིསུདྡྷཱ ཨཱནནྡ པརིསཱ’’ཏི ཝཙནཾ སུཏྭཱཡེཝ ཧི ཏེན པཀྐམིཏབྦཾ སིཡཱ, ཨེཝཾ ཨཔཀྐམིཏྭཱ ཡཱཝ བཱཧཱགཧཎཱཔི ནཱམ སོ མོགྷཔུརིསོ ཨཱགམེསྶཏི, ཨཙྪརིཡམིདནྟི དསྶེཏི།
383. Pātimokkhaṭṭhapanakkhandhake – (nandimukhiyā rattiyāti aruṇuṭṭhitakālepi hi nandimukhā viya ratti khāyati. Tenāha ‘‘nandimukhiyā rattiyā’’ti. Antopūtinti attacittasantāne kilesapūtibhāvena antopūtiṃ. Avassutanti kilesavassanavasena avassutaṃ. Kasambukajātanti ākiṇṇadosatāya saṃkiliṭṭhajātaṃ.) Yāva bāhāgahaṇāpi nāmāti ‘‘aparisuddhā ānanda parisā’’ti vacanaṃ sutvāyeva hi tena pakkamitabbaṃ siyā, evaṃ apakkamitvā yāva bāhāgahaṇāpi nāma so moghapuriso āgamessati, acchariyamidanti dasseti.
༣༨༤. ན ཨཱཡཏཀེནེཝ པཔཱཏོཏི ན པཋམམེཝ གམྦྷཱིརོ; ཨནུཔུབྦེན གམྦྷཱིརོཏི ཨཏྠོ། ཋིཏདྷམྨོ ཝེལཾ ནཱཏིཝཏྟཏཱིཏི ཝཱིཙཱིནཾ ཨོསཀྐནཀནྡརཾ མརིཡཱདཝེལཾ ནཱཏིཀྐམཏི། ཏཱིརཾ ཝཱཧེཏཱིཏི ཏཱིརཏོ ཨཔྤེཏི; ཨུསྶཱརེཏཱིཏི ཨཏྠོ། ཨཉྙཱཔཊིཝེདྷོཏི ཨརཧཏྟཔྤཏྟི།
384.Na āyatakeneva papātoti na paṭhamameva gambhīro; anupubbena gambhīroti attho. Ṭhitadhammo velaṃ nātivattatīti vīcīnaṃ osakkanakandaraṃ mariyādavelaṃ nātikkamati. Tīraṃ vāhetīti tīrato appeti; ussāretīti attho. Aññāpaṭivedhoti arahattappatti.
༣༨༥. ཚནྣམཏིཝསྶཏཱིཏི ཨཱཔཏྟིཾ ཨཱཔཛྫིཏྭཱ པཊིཙྪཱདེནྟོ ཨཉྙཾ ནཝཾ ཨཱཔཏྟིཾ ཨཱཔཛྫཏི ཨིདམེཏཾ སནྡྷཱཡ ཝུཏྟཾ། ཝིཝཊཾ ནཱཏིཝསྶཏཱིཏི ཨཱཔཏྟིཾ ཨཱཔཛྫིཏྭཱ ཝིཝརནྟོ ཨཉྙཾ ནཱཔཛྫཏི ཨིདམེཏཾ སནྡྷཱཡ ཝུཏྟཾ།
385.Channamativassatīti āpattiṃ āpajjitvā paṭicchādento aññaṃ navaṃ āpattiṃ āpajjati idametaṃ sandhāya vuttaṃ. Vivaṭaṃ nātivassatīti āpattiṃ āpajjitvā vivaranto aññaṃ nāpajjati idametaṃ sandhāya vuttaṃ.
པཱཏིམོཀྑུདྡེསཡཱཙནཀཐཱ ནིཊྛིཏཱ།
Pātimokkhuddesayācanakathā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / ཙཱུལ༹ཝགྒཔཱལི༹ • Cūḷavaggapāḷi
༡. པཱཏིམོཀྑུདྡེསཡཱཙནཱ • 1. Pātimokkhuddesayācanā
༢. མཧཱསམུདྡེཨཊྛཙྪརིཡཾ • 2. Mahāsamuddeaṭṭhacchariyaṃ
༣. ཨིམསྨིཾདྷམྨཝིནཡེཨཊྛཙྪརིཡཾ • 3. Imasmiṃdhammavinayeaṭṭhacchariyaṃ
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā
པཱཏིམོཀྑུདྡེསཡཱཙནཀཐཱཝཎྞནཱ • Pātimokkhuddesayācanakathāvaṇṇanā
མཧཱསམུདྡེ ཨཊྛཙྪརིཡཀཐཱཝཎྞནཱ • Mahāsamudde aṭṭhacchariyakathāvaṇṇanā
ཨིམསྨིཾ དྷམྨཝིནཡེ ཨཊྛཙྪརིཡཀཐཱཝཎྞནཱ • Imasmiṃ dhammavinaye aṭṭhacchariyakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / པཱཏིམོཀྑུདྡེསཡཱཙནཀཐཱཝཎྞནཱ • Pātimokkhuddesayācanakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / པཱཏིམོཀྑུདྡེསཡཱཙནཀཐཱཝཎྞནཱ • Pātimokkhuddesayācanakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༡. པཱཏིམོཀྑུདྡེསཡཱཙནཀཐཱ • 1. Pātimokkhuddesayācanakathā
