| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā |
੯. ਪਾਤਿਮੋਕ੍ਖਟ੍ਠਪਨਕ੍ਖਨ੍ਧਕਂ
9. Pātimokkhaṭṭhapanakkhandhakaṃ
ਪਾਤਿਮੋਕ੍ਖੁਦ੍ਦੇਸਯਾਚਨਕਥਾ
Pātimokkhuddesayācanakathā
੩੮੩. ਪਾਤਿਮੋਕ੍ਖਟ੍ਠਪਨਕ੍ਖਨ੍ਧਕੇ – (ਨਨ੍ਦਿਮੁਖਿਯਾ ਰਤ੍ਤਿਯਾਤਿ ਅਰੁਣੁਟ੍ਠਿਤਕਾਲੇਪਿ ਹਿ ਨਨ੍ਦਿਮੁਖਾ વਿਯ ਰਤ੍ਤਿ ਖਾਯਤਿ। ਤੇਨਾਹ ‘‘ਨਨ੍ਦਿਮੁਖਿਯਾ ਰਤ੍ਤਿਯਾ’’ਤਿ। ਅਨ੍ਤੋਪੂਤਿਨ੍ਤਿ ਅਤ੍ਤਚਿਤ੍ਤਸਨ੍ਤਾਨੇ ਕਿਲੇਸਪੂਤਿਭਾવੇਨ ਅਨ੍ਤੋਪੂਤਿਂ। ਅવਸ੍ਸੁਤਨ੍ਤਿ ਕਿਲੇਸવਸ੍ਸਨવਸੇਨ ਅવਸ੍ਸੁਤਂ। ਕਸਮ੍ਬੁਕਜਾਤਨ੍ਤਿ ਆਕਿਣ੍ਣਦੋਸਤਾਯ ਸਂਕਿਲਿਟ੍ਠਜਾਤਂ।) ਯਾવ ਬਾਹਾਗਹਣਾਪਿ ਨਾਮਾਤਿ ‘‘ਅਪਰਿਸੁਦ੍ਧਾ ਆਨਨ੍ਦ ਪਰਿਸਾ’’ਤਿ વਚਨਂ ਸੁਤ੍વਾਯੇવ ਹਿ ਤੇਨ ਪਕ੍ਕਮਿਤਬ੍ਬਂ ਸਿਯਾ, ਏવਂ ਅਪਕ੍ਕਮਿਤ੍વਾ ਯਾવ ਬਾਹਾਗਹਣਾਪਿ ਨਾਮ ਸੋ ਮੋਘਪੁਰਿਸੋ ਆਗਮੇਸ੍ਸਤਿ, ਅਚ੍ਛਰਿਯਮਿਦਨ੍ਤਿ ਦਸ੍ਸੇਤਿ।
383. Pātimokkhaṭṭhapanakkhandhake – (nandimukhiyā rattiyāti aruṇuṭṭhitakālepi hi nandimukhā viya ratti khāyati. Tenāha ‘‘nandimukhiyā rattiyā’’ti. Antopūtinti attacittasantāne kilesapūtibhāvena antopūtiṃ. Avassutanti kilesavassanavasena avassutaṃ. Kasambukajātanti ākiṇṇadosatāya saṃkiliṭṭhajātaṃ.) Yāva bāhāgahaṇāpi nāmāti ‘‘aparisuddhā ānanda parisā’’ti vacanaṃ sutvāyeva hi tena pakkamitabbaṃ siyā, evaṃ apakkamitvā yāva bāhāgahaṇāpi nāma so moghapuriso āgamessati, acchariyamidanti dasseti.
੩੮੪. ਨ ਆਯਤਕੇਨੇવ ਪਪਾਤੋਤਿ ਨ ਪਠਮਮੇવ ਗਮ੍ਭੀਰੋ; ਅਨੁਪੁਬ੍ਬੇਨ ਗਮ੍ਭੀਰੋਤਿ ਅਤ੍ਥੋ। ਠਿਤਧਮ੍ਮੋ વੇਲਂ ਨਾਤਿવਤ੍ਤਤੀਤਿ વੀਚੀਨਂ ਓਸਕ੍ਕਨਕਨ੍ਦਰਂ ਮਰਿਯਾਦવੇਲਂ ਨਾਤਿਕ੍ਕਮਤਿ। ਤੀਰਂ વਾਹੇਤੀਤਿ ਤੀਰਤੋ ਅਪ੍ਪੇਤਿ; ਉਸ੍ਸਾਰੇਤੀਤਿ ਅਤ੍ਥੋ। ਅਞ੍ਞਾਪਟਿવੇਧੋਤਿ ਅਰਹਤ੍ਤਪ੍ਪਤ੍ਤਿ।
384.Na āyatakeneva papātoti na paṭhamameva gambhīro; anupubbena gambhīroti attho. Ṭhitadhammo velaṃ nātivattatīti vīcīnaṃ osakkanakandaraṃ mariyādavelaṃ nātikkamati. Tīraṃ vāhetīti tīrato appeti; ussāretīti attho. Aññāpaṭivedhoti arahattappatti.
੩੮੫. ਛਨ੍ਨਮਤਿવਸ੍ਸਤੀਤਿ ਆਪਤ੍ਤਿਂ ਆਪਜ੍ਜਿਤ੍વਾ ਪਟਿਚ੍ਛਾਦੇਨ੍ਤੋ ਅਞ੍ਞਂ ਨવਂ ਆਪਤ੍ਤਿਂ ਆਪਜ੍ਜਤਿ ਇਦਮੇਤਂ ਸਨ੍ਧਾਯ વੁਤ੍ਤਂ। વਿવਟਂ ਨਾਤਿવਸ੍ਸਤੀਤਿ ਆਪਤ੍ਤਿਂ ਆਪਜ੍ਜਿਤ੍વਾ વਿવਰਨ੍ਤੋ ਅਞ੍ਞਂ ਨਾਪਜ੍ਜਤਿ ਇਦਮੇਤਂ ਸਨ੍ਧਾਯ વੁਤ੍ਤਂ।
385.Channamativassatīti āpattiṃ āpajjitvā paṭicchādento aññaṃ navaṃ āpattiṃ āpajjati idametaṃ sandhāya vuttaṃ. Vivaṭaṃ nātivassatīti āpattiṃ āpajjitvā vivaranto aññaṃ nāpajjati idametaṃ sandhāya vuttaṃ.
ਪਾਤਿਮੋਕ੍ਖੁਦ੍ਦੇਸਯਾਚਨਕਥਾ ਨਿਟ੍ਠਿਤਾ।
Pātimokkhuddesayācanakathā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi
੧. ਪਾਤਿਮੋਕ੍ਖੁਦ੍ਦੇਸਯਾਚਨਾ • 1. Pātimokkhuddesayācanā
੨. ਮਹਾਸਮੁਦ੍ਦੇਅਟ੍ਠਚ੍ਛਰਿਯਂ • 2. Mahāsamuddeaṭṭhacchariyaṃ
੩. ਇਮਸ੍ਮਿਂਧਮ੍ਮવਿਨਯੇਅਟ੍ਠਚ੍ਛਰਿਯਂ • 3. Imasmiṃdhammavinayeaṭṭhacchariyaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā
ਪਾਤਿਮੋਕ੍ਖੁਦ੍ਦੇਸਯਾਚਨਕਥਾવਣ੍ਣਨਾ • Pātimokkhuddesayācanakathāvaṇṇanā
ਮਹਾਸਮੁਦ੍ਦੇ ਅਟ੍ਠਚ੍ਛਰਿਯਕਥਾવਣ੍ਣਨਾ • Mahāsamudde aṭṭhacchariyakathāvaṇṇanā
ਇਮਸ੍ਮਿਂ ਧਮ੍ਮવਿਨਯੇ ਅਟ੍ਠਚ੍ਛਰਿਯਕਥਾવਣ੍ਣਨਾ • Imasmiṃ dhammavinaye aṭṭhacchariyakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਪਾਤਿਮੋਕ੍ਖੁਦ੍ਦੇਸਯਾਚਨਕਥਾવਣ੍ਣਨਾ • Pātimokkhuddesayācanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਪਾਤਿਮੋਕ੍ਖੁਦ੍ਦੇਸਯਾਚਨਕਥਾવਣ੍ਣਨਾ • Pātimokkhuddesayācanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧. ਪਾਤਿਮੋਕ੍ਖੁਦ੍ਦੇਸਯਾਚਨਕਥਾ • 1. Pātimokkhuddesayācanakathā
