| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
9. баад̇имогкадтабанагканд̇хаго
9. Pātimokkhaṭṭhapanakkhandhako
баад̇имогкуд̣̇д̣̇зсаяаажанагат̇ааван̣н̣анаа
Pātimokkhuddesayācanakathāvaṇṇanā
383. баад̇имогкадтабанагканд̇хагз баал̣ияам̣ нанд̣̇имукияаад̇и од̣̇аад̇ад̣̇исаамукад̇ааяа д̇удтамукияаа. ‘‘уд̣̇д̇хасд̇ам̣ арун̣а’’нд̇и вад̇вааби ‘‘уд̣̇д̣̇исад̇у, бханд̇з, бхаг̇аваа’’д̇и баад̇имогкуд̣̇д̣̇зсаяаажанам̣ анубосат̇з убосат̇агаран̣абадигкзбасса сигкаабад̣̇асса абан̃н̃ад̇д̇ад̇д̇аа т̇зрзна гад̇анд̇и д̣̇адтаб̣б̣ам̣. гасмаа бана бхаг̇аваа звам̣ д̇ун̣хийбхууд̇ова д̇ияаамарад̇д̇им̣ вийд̇инаамзсийд̇и? абарисуд̣̇д̇хааяа барисааяа убосат̇аад̣̇исам̣ваасагаран̣асса сааваж̇ж̇ад̇ам̣ бхигкусан̇гхз баагадам̣ гаад̇ум̣, д̇ан̃жа ааяад̇им̣ бхигкуунам̣ д̇ат̇аабадибаж̇ж̇анад̇т̇ам̣ сигкаабад̣̇ам̣ н̃аабзд̇ум̣. гзжи банзд̇т̇а ‘‘абарисуд̣̇д̇хамби буг̇г̇алам̣ д̇асса саммукаа ‘абарисуд̣̇д̇хо’д̇и вад̇д̇ум̣ махаагарун̣ааяа ависаханд̇о бхаг̇аваа д̇ат̇аа нисийд̣̇ий’’д̇и гааран̣ам̣ вад̣̇анд̇и. д̇ам̣ агааран̣ам̣ бажчааби авад̇д̇аб̣б̣ад̇о, махаамог̇г̇аллаанад̇т̇зрзнааби д̇ам̣ б̣аахааяам̣ г̇ахзд̇ваа б̣ахи нийхаран̣асса агад̇д̇аб̣б̣ад̇аабасан̇г̇ад̇о. д̇асмаа яат̇аавуд̇д̇амзвзд̇т̇а гааран̣анд̇и. д̇знзва ‘‘адтаанамзд̇ам̣, бхигкавз, анавагаасо, яам̣ д̇ат̇ааг̇ад̇о абарисуд̣̇д̇хааяа барисааяа убосат̇ам̣ гарзяяа, баад̇имогкам̣ уд̣̇д̣̇исзяяаа’’д̇и (а. ни. 8.20; жуул̣ава. 386; уд̣̇аа. 45) вад̇ваа ‘‘на жа, бхигкавз, саабад̇д̇игзна баад̇имогкам̣ сод̇аб̣б̣а’’нд̇иаад̣̇инаа (жуул̣ава. 386) саабад̇д̇игабарисааяа гад̇д̇аб̣б̣авид̇хи д̣̇ассид̇о.
383. Pātimokkhaṭṭhapanakkhandhake pāḷiyaṃ nandimukhiyāti odātadisāmukhatāya tuṭṭhamukhiyā. ‘‘Uddhastaṃ aruṇa’’nti vatvāpi ‘‘uddisatu, bhante, bhagavā’’ti pātimokkhuddesayācanaṃ anuposathe uposathakaraṇapaṭikkhepassa sikkhāpadassa apaññattattā therena katanti daṭṭhabbaṃ. Kasmā pana bhagavā evaṃ tuṇhībhūtova tiyāmarattiṃ vītināmesīti? Aparisuddhāya parisāya uposathādisaṃvāsakaraṇassa sāvajjataṃ bhikkhusaṅghe pākaṭaṃ kātuṃ, tañca āyatiṃ bhikkhūnaṃ tathāpaṭipajjanatthaṃ sikkhāpadaṃ ñāpetuṃ. Keci panettha ‘‘aparisuddhampi puggalaṃ tassa sammukhā ‘aparisuddho’ti vattuṃ mahākaruṇāya avisahanto bhagavā tathā nisīdī’’ti kāraṇaṃ vadanti. Taṃ akāraṇaṃ pacchāpi avattabbato, mahāmoggallānattherenāpi taṃ bāhāyaṃ gahetvā bahi nīharaṇassa akattabbatāpasaṅgato. Tasmā yathāvuttamevettha kāraṇanti. Teneva ‘‘aṭṭhānametaṃ, bhikkhave, anavakāso, yaṃ tathāgato aparisuddhāya parisāya uposathaṃ kareyya, pātimokkhaṃ uddiseyyā’’ti (a. ni. 8.20; cūḷava. 386; udā. 45) vatvā ‘‘na ca, bhikkhave, sāpattikena pātimokkhaṃ sotabba’’ntiādinā (cūḷava. 386) sāpattikaparisāya kattabbavidhi dassito.
сан̇гассарасамаажааранд̇и гин̃жид̣̇зва асааруббам̣ д̣̇исваа ‘‘ид̣̇ам̣ иминаа гад̇ам̣ бхависсад̇ий’’д̇и барзхи сан̇гааяа сарид̇аб̣б̣асамаажаарам̣, ад̇д̇анаа ваа ‘‘мама анаажаарам̣ зд̇з ж̇аананд̇ий’’д̇и сан̇гааяа сарид̇аб̣б̣асамаажаарам̣. саман̣авзсад̇хааран̣зна, сан̇гхигабажжаяабхааг̇аг̇ахан̣аад̣̇инаа жа ж̇ийвигам̣ габбзнд̇о ‘‘ахам̣ саман̣о’’д̇и бадин̃н̃ам̣ ад̣̇знд̇оби ад̇т̇ад̇о д̣̇знд̇о вияа ход̇ийд̇и ‘‘саман̣абадин̃н̃ам̣ б̣рахмажаарибадин̃н̃а’’нд̇и вуд̇д̇ам̣. авассуд̇анд̇и гилзсаавассанзна д̇инд̇ам̣. сан̃ж̇аад̇ад̣̇уссиляагажаварад̇д̇аа гасамб̣уж̇аад̇ам̣ , асаарад̇ааяа ваа гасамб̣у вияа ж̇аад̇ам̣. б̣ахид̣̇ваарагодтагаа нигкаамзд̇ваад̇и д̣̇ваарасаалад̇о б̣ахи нигкамаабзд̇ваа.
Saṅkassarasamācāranti kiñcideva asāruppaṃ disvā ‘‘idaṃ iminā kataṃ bhavissatī’’ti parehi saṅkāya saritabbasamācāraṃ, attanā vā ‘‘mama anācāraṃ ete jānantī’’ti saṅkāya saritabbasamācāraṃ. Samaṇavesadhāraṇena, saṅghikapaccayabhāgagahaṇādinā ca jīvikaṃ kappento ‘‘ahaṃ samaṇo’’ti paṭiññaṃ adentopi atthato dento viya hotīti ‘‘samaṇapaṭiññaṃ brahmacāripaṭiñña’’nti vuttaṃ. Avassutanti kilesāvassanena tintaṃ. Sañjātadussilyakacavarattā kasambujātaṃ, asāratāya vā kasambu viya jātaṃ. Bahidvārakoṭṭhakā nikkhāmetvāti dvārasālato bahi nikkhamāpetvā.
384. махаасамуд̣̇д̣̇з абхираманд̇ийд̇и б̣ахусо д̣̇ассанабависанаад̣̇инаа махаасамуд̣̇д̣̇з абхирад̇им̣ винд̣̇анд̇и. на ааяад̇агзнзва бабаад̇од̇и чиннад̇адамахаасоб̣бхо вияа на аад̣̇ид̇ова ниннод̇и ад̇т̇о. тид̇ад̇хаммод̇и авадтид̇асабхааво. буурад̇д̇анд̇и бун̣н̣ад̇д̇ам̣. нааг̇аад̇и саббаж̇аад̇игаа.
384.Mahāsamuddeabhiramantīti bahuso dassanapavisanādinā mahāsamudde abhiratiṃ vindanti. Na āyatakeneva papātoti chinnataṭamahāsobbho viya na āditova ninnoti attho. Ṭhitadhammoti avaṭṭhitasabhāvo. Pūrattanti puṇṇattaṃ. Nāgāti sappajātikā.
баад̇имогкуд̣̇д̣̇зсаяаажанагат̇ааван̣н̣анаа нидтид̇аа.
Pātimokkhuddesayācanakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi
1. баад̇имогкуд̣̇д̣̇зсаяаажанаа • 1. Pātimokkhuddesayācanā
2. махаасамуд̣̇д̣̇задтажчарияам̣ • 2. Mahāsamuddeaṭṭhacchariyaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / баад̇имогкуд̣̇д̣̇зсаяаажанагат̇аа • Pātimokkhuddesayācanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
баад̇имогкуд̣̇д̣̇зсаяаажанагат̇ааван̣н̣анаа • Pātimokkhuddesayācanakathāvaṇṇanā
махаасамуд̣̇д̣̇з адтажчарияагат̇ааван̣н̣анаа • Mahāsamudde aṭṭhacchariyakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / баад̇имогкуд̣̇д̣̇зсаяаажанагат̇ааван̣н̣анаа • Pātimokkhuddesayācanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. баад̇имогкуд̣̇д̣̇зсаяаажанагат̇аа • 1. Pātimokkhuddesayācanakathā
