| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
4. бадин̃н̃аад̇агаран̣ам̣
4. Paṭiññātakaraṇaṃ
200. д̇зна ко бана самаязна чаб̣б̣аг̇г̇ияаа бхигкуу аббадин̃н̃ааяа бхигкуунам̣ гаммаани гаронд̇и – д̇аж̇ж̇анийяамби, нияассамби, баб̣б̣ааж̇анийяамби, бадисааран̣ийяамби, угкзбанийяамби. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкуу аббадин̃н̃ааяа бхигкуунам̣ гаммаани гариссанд̇и – д̇аж̇ж̇анийяамби, нияассамби, баб̣б̣ааж̇анийяамби, бадисааран̣ийяамби, угкзбанийяамбий’’д̇и! ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира, бхигкавз…бз… ‘‘сажжам̣ бхаг̇аваа’’д̇и…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси – ‘‘на, бхигкавз, аббадин̃н̃ааяа бхигкуунам̣ гаммам̣ гаад̇аб̣б̣ам̣ – д̇аж̇ж̇анийяам̣ ваа, нияассам̣ ваа, баб̣б̣ааж̇анийяам̣ ваа, бадисааран̣ийяам̣ ваа, угкзбанийяам̣ ваа. яо гарзяяа, аабад̇д̇и д̣̇уггадасса.
200. Tena kho pana samayena chabbaggiyā bhikkhū appaṭiññāya bhikkhūnaṃ kammāni karonti – tajjanīyampi, niyassampi, pabbājanīyampi, paṭisāraṇīyampi, ukkhepanīyampi. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū appaṭiññāya bhikkhūnaṃ kammāni karissanti – tajjanīyampi, niyassampi, pabbājanīyampi, paṭisāraṇīyampi, ukkhepanīyampī’’ti! Atha kho te bhikkhū bhagavato etamatthaṃ ārocesuṃ…pe… ‘‘saccaṃ kira, bhikkhave…pe… ‘‘saccaṃ bhagavā’’ti…pe… vigarahitvā…pe… dhammiṃ kathaṃ katvā bhikkhū āmantesi – ‘‘na, bhikkhave, appaṭiññāya bhikkhūnaṃ kammaṃ kātabbaṃ – tajjanīyaṃ vā, niyassaṃ vā, pabbājanīyaṃ vā, paṭisāraṇīyaṃ vā, ukkhepanīyaṃ vā. Yo kareyya, āpatti dukkaṭassa.
201. ‘‘звам̣ ко, бхигкавз, ад̇хаммигам̣ ход̇и бадин̃н̃аад̇агаран̣ам̣, звам̣ д̇хаммигам̣. гат̇ан̃жа, бхигкавз, ад̇хаммигам̣ ход̇и бадин̃н̃аад̇агаран̣ам̣?
201. ‘‘Evaṃ kho, bhikkhave, adhammikaṃ hoti paṭiññātakaraṇaṃ, evaṃ dhammikaṃ. Kathañca, bhikkhave, adhammikaṃ hoti paṭiññātakaraṇaṃ?
‘‘бхигку баарааж̇игам̣ аж̇жхаабанно ход̇и. д̇амзнам̣ жод̣̇зд̇и сан̇гхо ваа, самб̣ахулаа ваа, згабуг̇г̇ало ваа – ‘баарааж̇игам̣ ааяасмаа аж̇жхаабанно’д̇и? со звам̣ вад̣̇зд̇и – ‘на ко ахам̣, аавусо, баарааж̇игам̣ аж̇жхаабанно , сан̇гхаад̣̇исзсам̣ аж̇жхаабанно’д̇и. д̇ам̣ сан̇гхо сан̇гхаад̣̇исзсзна гаарзд̇и. ад̇хаммигам̣ бадин̃н̃аад̇агаран̣ам̣.
‘‘Bhikkhu pārājikaṃ ajjhāpanno hoti. Tamenaṃ codeti saṅgho vā, sambahulā vā, ekapuggalo vā – ‘pārājikaṃ āyasmā ajjhāpanno’ti? So evaṃ vadeti – ‘na kho ahaṃ, āvuso, pārājikaṃ ajjhāpanno , saṅghādisesaṃ ajjhāpanno’ti. Taṃ saṅgho saṅghādisesena kāreti. Adhammikaṃ paṭiññātakaraṇaṃ.
‘‘бхигку баарааж̇игам̣ аж̇жхаабанно ход̇и. д̇амзнам̣ жод̣̇зд̇и сан̇гхо ваа, самб̣ахулаа ваа, згабуг̇г̇ало ваа – ‘баарааж̇игам̣ ааяасмаа аж̇жхаабанно’д̇и? со звам̣ вад̣̇зд̇и – ‘на ко ахам̣, аавусо, баарааж̇игам̣ аж̇жхаабанно, т̇уллажжаяам̣…бз… баажид̇д̇ияам̣…бз… баадид̣̇зсанийяам̣…бз… д̣̇уггадам̣…бз… д̣̇уб̣бхаасид̇ам̣ аж̇жхаабанно’д̇и. д̇ам̣ сан̇гхо д̣̇уб̣бхаасид̇зна гаарзд̇и. ад̇хаммигам̣ бадин̃н̃аад̇агаран̣ам̣.
‘‘Bhikkhu pārājikaṃ ajjhāpanno hoti. Tamenaṃ codeti saṅgho vā, sambahulā vā, ekapuggalo vā – ‘pārājikaṃ āyasmā ajjhāpanno’ti? So evaṃ vadeti – ‘na kho ahaṃ, āvuso, pārājikaṃ ajjhāpanno, thullaccayaṃ…pe… pācittiyaṃ…pe… pāṭidesanīyaṃ…pe… dukkaṭaṃ…pe… dubbhāsitaṃ ajjhāpanno’ti. Taṃ saṅgho dubbhāsitena kāreti. Adhammikaṃ paṭiññātakaraṇaṃ.
‘‘бхигку сан̇гхаад̣̇исзсам̣…бз… т̇уллажжаяам̣…бз… баажид̇д̇ияам̣…бз… баадид̣̇зсанийяам̣…бз… д̣̇уггадам̣…бз… д̣̇уб̣бхаасид̇ам̣ аж̇жхаабанно ход̇и. д̇амзнам̣ жод̣̇зд̇и сан̇гхо ваа, самб̣ахулаа ваа, згабуг̇г̇ало ваа – ‘д̣̇уб̣бхаасид̇ам̣ ааяасмаа аж̇жхаабанно’д̇и ? со звам̣ вад̣̇зд̇и – ‘на ко ахам̣, аавусо, д̣̇уб̣бхаасид̇ам̣ аж̇жхаабанно, баарааж̇игам̣ аж̇жхаабанно’д̇и. д̇ам̣ сан̇гхо баарааж̇игзна гаарзд̇и. ад̇хаммигам̣ бадин̃н̃аад̇агаран̣ам̣.
‘‘Bhikkhu saṅghādisesaṃ…pe… thullaccayaṃ…pe… pācittiyaṃ…pe… pāṭidesanīyaṃ…pe… dukkaṭaṃ…pe… dubbhāsitaṃ ajjhāpanno hoti. Tamenaṃ codeti saṅgho vā, sambahulā vā, ekapuggalo vā – ‘dubbhāsitaṃ āyasmā ajjhāpanno’ti ? So evaṃ vadeti – ‘na kho ahaṃ, āvuso, dubbhāsitaṃ ajjhāpanno, pārājikaṃ ajjhāpanno’ti. Taṃ saṅgho pārājikena kāreti. Adhammikaṃ paṭiññātakaraṇaṃ.
‘‘бхигку д̣̇уб̣бхаасид̇ам̣ аж̇жхаабанно ход̇и. д̇амзнам̣ жод̣̇зд̇и сан̇гхо ваа, самб̣ахулаа ваа, згабуг̇г̇ало ваа – ‘д̣̇уб̣бхаасид̇ам̣ ааяасмаа аж̇жхаабанно’д̇и? со звам̣ вад̣̇зд̇и – ‘на ко ахам̣, аавусо, д̣̇уб̣бхаасид̇ам̣ аж̇жхаабанно, сан̇гхаад̣̇исзсам̣…бз… т̇уллажжаяам̣…бз… баажид̇д̇ияам̣…бз… баадид̣̇зсанийяам̣…бз… д̣̇уггадам̣ аж̇жхаабанно’д̇и. д̇ам̣ сан̇гхо д̣̇уггадзна гаарзд̇и. ад̇хаммигам̣ бадин̃н̃аад̇агаран̣ам̣. ‘‘звам̣ ко, бхигкавз, ад̇хаммигам̣ ход̇и бадин̃н̃аад̇агаран̣ам̣.
‘‘Bhikkhu dubbhāsitaṃ ajjhāpanno hoti. Tamenaṃ codeti saṅgho vā, sambahulā vā, ekapuggalo vā – ‘dubbhāsitaṃ āyasmā ajjhāpanno’ti? So evaṃ vadeti – ‘na kho ahaṃ, āvuso, dubbhāsitaṃ ajjhāpanno, saṅghādisesaṃ…pe… thullaccayaṃ…pe… pācittiyaṃ…pe… pāṭidesanīyaṃ…pe… dukkaṭaṃ ajjhāpanno’ti. Taṃ saṅgho dukkaṭena kāreti. Adhammikaṃ paṭiññātakaraṇaṃ. ‘‘Evaṃ kho, bhikkhave, adhammikaṃ hoti paṭiññātakaraṇaṃ.
‘‘гат̇ан̃жа , бхигкавз, д̇хаммигам̣ ход̇и бадин̃н̃аад̇агаран̣ам̣? бхигку баарааж̇игам̣ аж̇жхаабанно ход̇и. д̇амзнам̣ жод̣̇зд̇и сан̇гхо ваа, самб̣ахулаа ваа, згабуг̇г̇ало ваа – ‘баарааж̇игам̣ ааяасмаа аж̇жхаабанно’д̇и? со звам̣ вад̣̇зд̇и – ‘аама, аавусо, баарааж̇игам̣ аж̇жхаабанно’д̇и. д̇ам̣ сан̇гхо баарааж̇игзна гаарзд̇и. д̇хаммигам̣ бадин̃н̃аад̇агаран̣ам̣.
‘‘Kathañca , bhikkhave, dhammikaṃ hoti paṭiññātakaraṇaṃ? Bhikkhu pārājikaṃ ajjhāpanno hoti. Tamenaṃ codeti saṅgho vā, sambahulā vā, ekapuggalo vā – ‘pārājikaṃ āyasmā ajjhāpanno’ti? So evaṃ vadeti – ‘āma, āvuso, pārājikaṃ ajjhāpanno’ti. Taṃ saṅgho pārājikena kāreti. Dhammikaṃ paṭiññātakaraṇaṃ.
‘‘бхигку сан̇гхаад̣̇исзсам̣…бз… т̇уллажжаяам̣…бз… баажид̇д̇ияам̣…бз… баадид̣̇зсанийяам̣…бз… д̣̇уггадам̣…бз… д̣̇уб̣бхаасид̇ам̣ аж̇жхаабанно ход̇и. д̇амзнам̣ жод̣̇зд̇и сан̇гхо ваа, самб̣ахулаа ваа, згабуг̇г̇ало ваа – ‘д̣̇уб̣бхаасид̇ам̣ ааяасмаа аж̇жхаабанно’д̇и? со звам̣ вад̣̇зд̇и – ‘аама, аавусо, д̣̇уб̣бхаасид̇ам̣ аж̇жхаабанно’д̇и. д̇ам̣ сан̇гхо д̣̇уб̣бхаасид̇зна гаарзд̇и. д̇хаммигам̣ бадин̃н̃аад̇агаран̣ам̣. звам̣ ко, бхигкавз, д̇хаммигам̣ ход̇и бадин̃н̃аад̇агаран̣а’’нд̇и.
‘‘Bhikkhu saṅghādisesaṃ…pe… thullaccayaṃ…pe… pācittiyaṃ…pe… pāṭidesanīyaṃ…pe… dukkaṭaṃ…pe… dubbhāsitaṃ ajjhāpanno hoti. Tamenaṃ codeti saṅgho vā, sambahulā vā, ekapuggalo vā – ‘dubbhāsitaṃ āyasmā ajjhāpanno’ti? So evaṃ vadeti – ‘āma, āvuso, dubbhāsitaṃ ajjhāpanno’ti. Taṃ saṅgho dubbhāsitena kāreti. Dhammikaṃ paṭiññātakaraṇaṃ. Evaṃ kho, bhikkhave, dhammikaṃ hoti paṭiññātakaraṇa’’nti.
Related texts:
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сад̇ивинаяаад̣̇игат̇ааван̣н̣анаа • Sativinayādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бадин̃н̃аад̇агаран̣агат̇ааван̣н̣анаа • Paṭiññātakaraṇakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 4. бадин̃н̃аад̇агаран̣агат̇аа • 4. Paṭiññātakaraṇakathā
