| Library / Tipiṭaka / திபிடக • Tipiṭaka / த⁴ம்மஸங்க³ணீ-அனுடீகா • Dhammasaṅgaṇī-anuṭīkā |
படிபதா³சதுக்காதி³வண்ணனா
Paṭipadācatukkādivaṇṇanā
176-180. தத³னுரூபதாதி தஸ்ஸ பட²மாதி³ஜ்ஜா²னஸ்ஸ அனுரூபஸபா⁴வா. யதா²லத்³த⁴ஜ்ஜா²னங் ஸந்ததோ பணீததோ தி³ஸ்வா அஸ்ஸாத³யமானா நிகந்தி தங்ஸம்பயுத்தா க²ந்தா⁴ வா ததா³ரக்க²பூ⁴தா ஸதியேவ வா தஸ்ஸ ஜா²னஸ்ஸ அனுச்ச²விகதாய ‘‘தத³னுத⁴ம்மதா ஸதீ’’தி வுத்தாதி. கதா³சீதி யதா³ பட²மங் அதி⁴க³ந்த்வா யதா²னிஸின்னோயேவ வினா பயோக³ந்தரங் து³தியாதீ³னி அதி⁴க³ச்ச²தி, ஈதி³ஸே காலேதி அத்தோ².
176-180. Tadanurūpatāti tassa paṭhamādijjhānassa anurūpasabhāvā. Yathāladdhajjhānaṃ santato paṇītato disvā assādayamānā nikanti taṃsampayuttā khandhā vā tadārakkhabhūtā satiyeva vā tassa jhānassa anucchavikatāya ‘‘tadanudhammatā satī’’ti vuttāti. Kadācīti yadā paṭhamaṃ adhigantvā yathānisinnoyeva vinā payogantaraṃ dutiyādīni adhigacchati, īdise kāleti attho.
186. குஸலஜ்ஜா²னஸ்ஸ அதி⁴க³தத்தா ‘‘ஸெக்கா²’’தி வுத்தங். ந ஹி தே உப்பாதெ³ந்தி நாமாதி அரியமக்³க³க்க²ணே ரூபாவசரஜ்ஜா²னானங் அனுப்பஜ்ஜமானதங் ஸந்தா⁴யாஹ.
186. Kusalajjhānassa adhigatattā ‘‘sekkhā’’ti vuttaṃ. Na hi te uppādenti nāmāti ariyamaggakkhaṇe rūpāvacarajjhānānaṃ anuppajjamānataṃ sandhāyāha.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / த⁴ம்மஸங்க³ணீபாளி • Dhammasaṅgaṇīpāḷi / ரூபாவசரகுஸலங் • Rūpāvacarakusalaṃ
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / த⁴ம்மஸங்க³ணி-அட்ட²கதா² • Dhammasaṅgaṇi-aṭṭhakathā
படிபதா³சதுக்கங் • Paṭipadācatukkaṃ
ஆரம்மணபடிபதா³மிஸ்ஸகங் • Ārammaṇapaṭipadāmissakaṃ
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / த⁴ம்மஸங்க³ணீ-மூலடீகா • Dhammasaṅgaṇī-mūlaṭīkā
படிபதா³சதுக்கவண்ணனா • Paṭipadācatukkavaṇṇanā
ஆரம்மணபடிபதா³மிஸ்ஸகவண்ணனா • Ārammaṇapaṭipadāmissakavaṇṇanā
