| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
бадибад̣̇аажад̇уггам̣
Paṭipadācatukkaṃ
176-180. ид̣̇аани яасмаа зд̇ам̣ жхаанам̣ наама бадибад̣̇аагамзна сиж̇жхад̇и, д̇асмаа д̇асса бадибад̣̇аабхзд̣̇ам̣ д̣̇ассзд̇ум̣ буна гад̇амз д̇хаммаа гусалаад̇иаад̣̇и аарад̣̇д̇хам̣. д̇ад̇т̇а д̣̇угкаа бадибад̣̇аа ассаад̇и д̣̇угкабадибад̣̇ам̣. д̣̇анд̇хаа абхин̃н̃аа ассаад̇и д̣̇анд̇хаабхин̃н̃ам̣. ид̇и д̣̇угкабадибад̣̇анд̇и ваа д̣̇анд̇хаабхин̃н̃анд̇и ваа бат̇авийгасин̣анд̇и ваа д̇ийн̣иби жхаанассзва наамаани. д̣̇угкабадибад̣̇ам̣ киббаабхин̃н̃анд̇иаад̣̇ийсуби зсзва наяо.
176-180. Idāni yasmā etaṃ jhānaṃ nāma paṭipadākamena sijjhati, tasmā tassa paṭipadābhedaṃ dassetuṃ puna katame dhammā kusalātiādi āraddhaṃ. Tattha dukkhā paṭipadā assāti dukkhapaṭipadaṃ. Dandhā abhiññā assāti dandhābhiññaṃ. Iti dukkhapaṭipadanti vā dandhābhiññanti vā pathavīkasiṇanti vā tīṇipi jhānasseva nāmāni. Dukkhapaṭipadaṃ khippābhiññantiādīsupi eseva nayo.
д̇ад̇т̇а батамасаманнаахаарад̇о бадтааяа яаава д̇асса д̇асса жхаанасса убажаарам̣ уббаж̇ж̇ад̇и д̇аава бавад̇д̇аа жхаанабхааванаа ‘бадибад̣̇аа’д̇и вужжад̇и. убажаарад̇о бана бадтааяа яаава аббанаа д̇аава бавад̇д̇аа бан̃н̃аа ‘абхин̃н̃аа’д̇и вужжад̇и. саа банзсаа бадибад̣̇аа згажжасса д̣̇угкаа ход̇и. нийваран̣аад̣̇ибажжанийгад̇хаммасамуд̣̇аажаараг̇аханад̇ааяа гижчаа асукасзванаад̇и ад̇т̇о. згажжасса д̇ад̣̇абхаавзна сукаа. абхин̃н̃ааби згажжасса д̣̇анд̇хаа ход̇и, манд̣̇аа, асийгхаббавад̇д̇и. згажжасса киббаа аманд̣̇аа сийгхаббавад̇д̇и. д̇асмаа яо аад̣̇ид̇о гилзсз вигкамбхзнд̇о д̣̇угкзна сасан̇каарзна саббаяог̇зна гиламанд̇о вигкамбхзд̇и , д̇асса д̣̇угкаа бадибад̣̇аа наама ход̇и. яо бана вигкамбхид̇агилзсо аббанаабариваасам̣ васанд̇о жирзна ан̇г̇абаад̇убхаавам̣ баабун̣аад̇и, д̇асса д̣̇анд̇хаабхин̃н̃аа наама ход̇и. яо киббам̣ ан̇г̇абаад̇убхаавам̣ баабун̣аад̇и д̇асса киббаабхин̃н̃аа наама ход̇и. яо гилзсз вигкамбхзнд̇о сукзна агиламанд̇о вигкамбхзд̇и, д̇асса сукаа бадибад̣̇аа наама ход̇и.
Tattha paṭhamasamannāhārato paṭṭhāya yāva tassa tassa jhānassa upacāraṃ uppajjati tāva pavattā jhānabhāvanā ‘paṭipadā’ti vuccati. Upacārato pana paṭṭhāya yāva appanā tāva pavattā paññā ‘abhiññā’ti vuccati. Sā panesā paṭipadā ekaccassa dukkhā hoti. Nīvaraṇādipaccanīkadhammasamudācāragahanatāya kicchā asukhasevanāti attho. Ekaccassa tadabhāvena sukhā. Abhiññāpi ekaccassa dandhā hoti, mandā, asīghappavatti. Ekaccassa khippā amandā sīghappavatti. Tasmā yo ādito kilese vikkhambhento dukkhena sasaṅkhārena sappayogena kilamanto vikkhambheti , tassa dukkhā paṭipadā nāma hoti. Yo pana vikkhambhitakileso appanāparivāsaṃ vasanto cirena aṅgapātubhāvaṃ pāpuṇāti, tassa dandhābhiññā nāma hoti. Yo khippaṃ aṅgapātubhāvaṃ pāpuṇāti tassa khippābhiññā nāma hoti. Yo kilese vikkhambhento sukhena akilamanto vikkhambheti, tassa sukhā paṭipadā nāma hoti.
д̇ад̇т̇а яаани саббааяаасаббааяаани жа балиб̣од̇хубажчзд̣̇аад̣̇ийни буб̣б̣агижжаани жа аббанаагосаллаани жа висуд̣̇д̇химаг̇г̇з жид̇д̇абхааванаанид̣̇д̣̇зсз нид̣̇д̣̇идтаани, д̇зсу яо асаббааяасзвий ход̇и, д̇асса д̣̇угкаа бадибад̣̇аа д̣̇анд̇хаа жа абхин̃н̃аа ход̇и. саббааяасзвино сукаа бадибад̣̇аа киббаа жа абхин̃н̃аа. яо бана буб̣б̣абхааг̇з асаббааяам̣ сзвид̇ваа абарабхааг̇з саббааяасзвий ход̇и, буб̣б̣абхааг̇з ваа саббааяам̣ сзвид̇ваа абарабхааг̇з асаббааяасзвий, д̇асса вомиссагад̇аа взд̣̇ид̇аб̣б̣аа. д̇ат̇аа балиб̣од̇хубажчзд̣̇аад̣̇игам̣ буб̣б̣агижжам̣ асамбаад̣̇зд̇ваа бхааванам̣ ануяуд̇д̇асса д̣̇угкаа бадибад̣̇аа ход̇и, вибарияааязна сукаа. аббанаагосаллаани бана асамбаад̣̇знд̇асса д̣̇анд̇хаа абхин̃н̃аа ход̇и, самбаад̣̇знд̇асса киббаа.
Tattha yāni sappāyāsappāyāni ca palibodhupacchedādīni pubbakiccāni ca appanākosallāni ca visuddhimagge cittabhāvanāniddese niddiṭṭhāni, tesu yo asappāyasevī hoti, tassa dukkhā paṭipadā dandhā ca abhiññā hoti. Sappāyasevino sukhā paṭipadā khippā ca abhiññā. Yo pana pubbabhāge asappāyaṃ sevitvā aparabhāge sappāyasevī hoti, pubbabhāge vā sappāyaṃ sevitvā aparabhāge asappāyasevī, tassa vomissakatā veditabbā. Tathā palibodhupacchedādikaṃ pubbakiccaṃ asampādetvā bhāvanaṃ anuyuttassa dukkhā paṭipadā hoti, vipariyāyena sukhā. Appanākosallāni pana asampādentassa dandhā abhiññā hoti, sampādentassa khippā.
абижа д̇ан̣хааавиж̇ж̇аавасзна самат̇авибассанаагад̇аад̇хигааравасзна жааби зд̇аасам̣ бабхзд̣̇о взд̣̇ид̇аб̣б̣о. д̇ан̣хаабхибхууд̇асса хи д̣̇угкаа бадибад̣̇аа ход̇и, анабхибхууд̇асса сукаа. авиж̇ж̇аабхибхууд̇асса жа д̣̇анд̇хаа абхин̃н̃аа ход̇и, анабхибхууд̇асса киббаа. яо жа самат̇з агад̇аад̇хигааро д̇асса д̣̇угкаа бадибад̣̇аа ход̇и, гад̇аад̇хигаарасса сукаа. яо бана вибассанааяа агад̇аад̇хигааро ход̇и, д̇асса д̣̇анд̇хаа абхин̃н̃аа ход̇и, гад̇аад̇хигаарасса киббаа.
Apica taṇhāavijjāvasena samathavipassanākatādhikāravasena cāpi etāsaṃ pabhedo veditabbo. Taṇhābhibhūtassa hi dukkhā paṭipadā hoti, anabhibhūtassa sukhā. Avijjābhibhūtassa ca dandhā abhiññā hoti, anabhibhūtassa khippā. Yo ca samathe akatādhikāro tassa dukkhā paṭipadā hoti, katādhikārassa sukhā. Yo pana vipassanāya akatādhikāro hoti, tassa dandhā abhiññā hoti, katādhikārassa khippā.
гилзсинд̣̇рияавасзна жааби зд̇аасам̣ бабхзд̣̇о взд̣̇ид̇аб̣б̣о. д̇иб̣б̣агилзсасса хи муд̣̇инд̣̇рияасса д̣̇угкаа бадибад̣̇аа ход̇и д̣̇анд̇хаа жа абхин̃н̃аа, д̇игкинд̣̇рияасса бана киббаа абхин̃н̃аа. манд̣̇агилзсасса жа муд̣̇инд̣̇рияасса сукаа бадибад̣̇аа ход̇и д̣̇анд̇хаа жа абхин̃н̃аа, д̇игкинд̣̇рияасса бана киббаа абхин̃н̃аад̇и.
Kilesindriyavasena cāpi etāsaṃ pabhedo veditabbo. Tibbakilesassa hi mudindriyassa dukkhā paṭipadā hoti dandhā ca abhiññā, tikkhindriyassa pana khippā abhiññā. Mandakilesassa ca mudindriyassa sukhā paṭipadā hoti dandhā ca abhiññā, tikkhindriyassa pana khippā abhiññāti.
ид̇и имаасу бадибад̣̇ааабхин̃н̃аасу яо буг̇г̇ало д̣̇угкааяа бадибад̣̇ааяа д̣̇анд̇хааяа абхин̃н̃ааяа жхаанам̣ баабун̣аад̇и, д̇асса д̇ам̣ жхаанам̣ д̣̇угкабадибад̣̇ам̣ д̣̇анд̇хаабхин̃н̃анд̇и вужжад̇и. сзсзсуби зсзва наяо.
Iti imāsu paṭipadāabhiññāsu yo puggalo dukkhāya paṭipadāya dandhāya abhiññāya jhānaṃ pāpuṇāti, tassa taṃ jhānaṃ dukkhapaṭipadaṃ dandhābhiññanti vuccati. Sesesupi eseva nayo.
д̇ад̇т̇а ‘д̇ад̣̇ануд̇хаммад̇аа сад̇и санд̇идтад̇и тид̇ибхааг̇иний бан̃н̃аа’д̇и (вибха. 799) звам̣ вуд̇д̇асад̇ияаа ваа д̇ам̣д̇ам̣жхаананиганд̇ияаа ваа вигкамбханз бадибад̣̇аа, д̇ам̣д̇ам̣жхаанубажаараббад̇д̇асса аббанааяа бариваасз абхин̃н̃аа жа взд̣̇ид̇аб̣б̣аа. ааг̇аманавасзнааби жа бадибад̣̇аа абхин̃н̃аа хонд̇иязва. д̣̇угкабадибад̣̇ан̃хи д̣̇анд̇хаабхин̃н̃ам̣ батамаж̇жхаанам̣ бад̇ваа бавад̇д̇ам̣ д̣̇уд̇ияамби д̇аад̣̇исамзва ход̇и. д̇ад̇ияажад̇уд̇т̇зсуби зсзва наяо. яат̇аа жа жад̇угганаяз звам̣ бан̃жаганаязби бадибад̣̇аавасзна жад̇уд̇хаа бхзд̣̇о взд̣̇ид̇аб̣б̣о. ид̇и бадибад̣̇аавасзнаби жад̇д̇ааро навагаа вуд̇д̇аа хонд̇и. д̇зсу баатад̇о чад̇д̇им̣са жид̇д̇аани, ад̇т̇ад̇о бана бан̃жаганаяз жад̇угганаяасса бавидтад̇д̇аа вийсад̇имзва бхаванд̇ийд̇и.
Tattha ‘tadanudhammatā sati santiṭṭhati ṭhitibhāginī paññā’ti (vibha. 799) evaṃ vuttasatiyā vā taṃtaṃjhānanikantiyā vā vikkhambhane paṭipadā, taṃtaṃjhānupacārappattassa appanāya parivāse abhiññā ca veditabbā. Āgamanavasenāpi ca paṭipadā abhiññā hontiyeva. Dukkhapaṭipadañhi dandhābhiññaṃ paṭhamajjhānaṃ patvā pavattaṃ dutiyampi tādisameva hoti. Tatiyacatutthesupi eseva nayo. Yathā ca catukkanaye evaṃ pañcakanayepi paṭipadāvasena catudhā bhedo veditabbo. Iti paṭipadāvasenapi cattāro navakā vuttā honti. Tesu pāṭhato chattiṃsa cittāni, atthato pana pañcakanaye catukkanayassa paviṭṭhattā vīsatimeva bhavantīti.
бадибад̣̇аажад̇уггам̣.
Paṭipadācatukkaṃ.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / руубааважарагусалам̣ • Rūpāvacarakusalaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / бадибад̣̇аажад̇уггаван̣н̣анаа • Paṭipadācatukkavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / бадибад̣̇аажад̇уггаад̣̇иван̣н̣анаа • Paṭipadācatukkādivaṇṇanā
