| Library / Tipiṭaka / திபிடக • Tipiṭaka / த⁴ம்மஸங்க³ணீ-மூலடீகா • Dhammasaṅgaṇī-mūlaṭīkā |
படிபதா³சதுக்கவண்ணனா
Paṭipadācatukkavaṇṇanā
176-180. தஸ்ஸ தஸ்ஸ ஜா²னஸ்ஸ உபசாரந்தி நீவரணவிதக்கவிசாரனிகந்தியாதீ³னங் வூபஸமா தி²ரபூ⁴தோ காமாவசரஸமாதி⁴. தத³னுத⁴ம்மதாதி தத³னுரூபதாபூ⁴தா, ஸா பன தத³ஸ்ஸாத³ஸங்கா²தா தத³ஸ்ஸாத³ஸம்பயுத்தக்க²ந்த⁴ஸங்கா²தா வா மிச்சா²ஸதீதி வத³ந்தி. அவிக³தனிகந்திகா தங்தங்பரிஹரணஸதீதிபி வத்துங் வட்டதீதி ஏவஞ்ச கத்வா ‘‘ஸதியா வா நிகந்தியா வா’’தி விகப்போ கதோ. ஆக³மனவஸேனாபி ச படிபதா³ ஹொந்தியேவாதி இத³ங் கதா³சி து³தியாதீ³னங் பட²மாதி³ஆக³மனகதபடிபத³தங் ஸந்தா⁴ய வுத்தங். அபி-ஸத்³தோ³ ஹி அனேகந்திகதங் தீ³பேதி, ஏதஸ்ஸ அனேகந்திகத்தா ஏவ ச பாளியங் ஏகேகஸ்மிங் ஜா²னே சதஸ்ஸோ படிபதா³ சத்தாரி ஆரம்மணானி ஸோளஸக்க²த்துகஞ்ச விஸுங் விஸுங் யோஜிதங். அஞ்ஞதா² ஏகேகஸ்மிங் படிபதா³தி³ம்ஹி நவ நவ ஜா²னானி யோஜேதப்³பா³னி ஸியுந்தி.
176-180. Tassa tassa jhānassa upacāranti nīvaraṇavitakkavicāranikantiyādīnaṃ vūpasamā thirabhūto kāmāvacarasamādhi. Tadanudhammatāti tadanurūpatābhūtā, sā pana tadassādasaṅkhātā tadassādasampayuttakkhandhasaṅkhātā vā micchāsatīti vadanti. Avigatanikantikā taṃtaṃpariharaṇasatītipi vattuṃ vaṭṭatīti evañca katvā ‘‘satiyā vā nikantiyā vā’’ti vikappo kato. Āgamanavasenāpi ca paṭipadā hontiyevāti idaṃ kadāci dutiyādīnaṃ paṭhamādiāgamanakatapaṭipadataṃ sandhāya vuttaṃ. Api-saddo hi anekantikataṃ dīpeti, etassa anekantikattā eva ca pāḷiyaṃ ekekasmiṃ jhāne catasso paṭipadā cattāri ārammaṇāni soḷasakkhattukañca visuṃ visuṃ yojitaṃ. Aññathā ekekasmiṃ paṭipadādimhi nava nava jhānāni yojetabbāni siyunti.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / த⁴ம்மஸங்க³ணீபாளி • Dhammasaṅgaṇīpāḷi / ரூபாவசரகுஸலங் • Rūpāvacarakusalaṃ
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / த⁴ம்மஸங்க³ணி-அட்ட²கதா² • Dhammasaṅgaṇi-aṭṭhakathā / படிபதா³சதுக்கங் • Paṭipadācatukkaṃ
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / த⁴ம்மஸங்க³ணீ-அனுடீகா • Dhammasaṅgaṇī-anuṭīkā / படிபதா³சதுக்காதி³வண்ணனா • Paṭipadācatukkādivaṇṇanā
