| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā |
бадибад̣̇аажад̇уггаван̣н̣анаа
Paṭipadācatukkavaṇṇanā
176-180. д̇асса д̇асса жхаанасса убажааранд̇и нийваран̣авид̇аггавижаараниганд̇ияаад̣̇ийнам̣ вуубасамаа т̇ирабхууд̇о гаамааважарасамаад̇хи. д̇ад̣̇ануд̇хаммад̇аад̇и д̇ад̣̇ануруубад̇аабхууд̇аа, саа бана д̇ад̣̇ассаад̣̇асан̇каад̇аа д̇ад̣̇ассаад̣̇асамбаяуд̇д̇агканд̇хасан̇каад̇аа ваа мижчаасад̇ийд̇и вад̣̇анд̇и. авиг̇ад̇аниганд̇игаа д̇ам̣д̇ам̣барихаран̣асад̇ийд̇иби вад̇д̇ум̣ ваддад̇ийд̇и зван̃жа гад̇ваа ‘‘сад̇ияаа ваа ниганд̇ияаа ваа’’д̇и вигаббо гад̇о. ааг̇аманавасзнааби жа бадибад̣̇аа хонд̇иязваад̇и ид̣̇ам̣ гад̣̇аажи д̣̇уд̇ияаад̣̇ийнам̣ батамаад̣̇иааг̇аманагад̇абадибад̣̇ад̇ам̣ санд̇хааяа вуд̇д̇ам̣. аби-сад̣̇д̣̇о хи анзганд̇игад̇ам̣ д̣̇ийбзд̇и, зд̇асса анзганд̇игад̇д̇аа зва жа баал̣ияам̣ згзгасмим̣ жхаанз жад̇ассо бадибад̣̇аа жад̇д̇аари аарамман̣аани сол̣асагкад̇д̇уган̃жа висум̣ висум̣ яож̇ид̇ам̣. ан̃н̃ат̇аа згзгасмим̣ бадибад̣̇аад̣̇имхи нава нава жхаанаани яож̇зд̇аб̣б̣аани сияунд̇и.
176-180. Tassa tassa jhānassa upacāranti nīvaraṇavitakkavicāranikantiyādīnaṃ vūpasamā thirabhūto kāmāvacarasamādhi. Tadanudhammatāti tadanurūpatābhūtā, sā pana tadassādasaṅkhātā tadassādasampayuttakkhandhasaṅkhātā vā micchāsatīti vadanti. Avigatanikantikā taṃtaṃpariharaṇasatītipi vattuṃ vaṭṭatīti evañca katvā ‘‘satiyā vā nikantiyā vā’’ti vikappo kato. Āgamanavasenāpi ca paṭipadā hontiyevāti idaṃ kadāci dutiyādīnaṃ paṭhamādiāgamanakatapaṭipadataṃ sandhāya vuttaṃ. Api-saddo hi anekantikataṃ dīpeti, etassa anekantikattā eva ca pāḷiyaṃ ekekasmiṃ jhāne catasso paṭipadā cattāri ārammaṇāni soḷasakkhattukañca visuṃ visuṃ yojitaṃ. Aññathā ekekasmiṃ paṭipadādimhi nava nava jhānāni yojetabbāni siyunti.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / руубааважарагусалам̣ • Rūpāvacarakusalaṃ
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / бадибад̣̇аажад̇уггам̣ • Paṭipadācatukkaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / бадибад̣̇аажад̇уггаад̣̇иван̣н̣анаа • Paṭipadācatukkādivaṇṇanā
