| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
4. бадибад̣̇аад̣̇осабан̃хо
4. Paṭipadādosapañho
4. ‘‘бханд̇з нааг̇асзна, яад̣̇аа б̣од̇хисад̇д̇о д̣̇уггарагааригам̣ агааси, нзд̇аад̣̇исо ан̃н̃ад̇ра аарамбхо ахоси ниггамо гилзсаяуд̣̇д̇хам̣ мажжусзнам̣ вид̇хаманам̣ аахаарабариг̇г̇ахо д̣̇уггарагааригаа, зваруубз бараггамз гин̃жи ассаад̣̇ам̣ алабхид̇ваа д̇амзва жид̇д̇ам̣ барихаабзд̇ваа звамавожа ‘на ко банаахам̣ имааяа гадугааяа д̣̇уггарагааригааяа ад̇хиг̇ажчаами уд̇д̇аримануссад̇хаммам̣ аламарияан̃аан̣ад̣̇ассанависзсам̣, сияаа ну ко ан̃н̃о маг̇г̇о б̣од̇хааяаа’д̇и, д̇ад̇о ниб̣б̣инд̣̇ид̇ваа ан̃н̃зна маг̇зна саб̣б̣ан̃н̃уд̇ам̣ бад̇д̇о, буна д̇ааяа бадибад̣̇ааяа саавагз анусаасад̇и самаад̣̇абзд̇и.
4. ‘‘Bhante nāgasena, yadā bodhisatto dukkarakārikaṃ akāsi, netādiso aññatra ārambho ahosi nikkamo kilesayuddhaṃ maccusenaṃ vidhamanaṃ āhārapariggaho dukkarakārikā, evarūpe parakkame kiñci assādaṃ alabhitvā tameva cittaṃ parihāpetvā evamavoca ‘na kho panāhaṃ imāya kaṭukāya dukkarakārikāya adhigacchāmi uttarimanussadhammaṃ alamariyañāṇadassanavisesaṃ, siyā nu kho añño maggo bodhāyā’ti, tato nibbinditvā aññena magena sabbaññutaṃ patto, puna tāya paṭipadāya sāvake anusāsati samādapeti.
‘‘‘аарамбхат̇а нигкамат̇а, яун̃ж̇ат̇а б̣уд̣̇д̇хасаасанз;
‘‘‘Ārambhatha nikkhamatha, yuñjatha buddhasāsane;
д̇хунаат̇а мажжуно сзнам̣, нал̣ааг̇аарам̣ва гун̃ж̇аро’д̇и 1.
Dhunātha maccuno senaṃ, naḷāgāraṃva kuñjaro’ti 2.
‘‘гзна на ко, бханд̇з нааг̇асзна, гааран̣зна д̇ат̇ааг̇ад̇о яааяа бадибад̣̇ааяа ад̇д̇анаа ниб̣б̣инно вирад̇д̇аруубо, д̇ад̇т̇а саавагз анусаасад̇и самаад̣̇абзд̇ий’’д̇и?
‘‘Kena na kho, bhante nāgasena, kāraṇena tathāgato yāya paṭipadāya attanā nibbinno virattarūpo, tattha sāvake anusāsati samādapetī’’ti?
‘‘д̇ад̣̇ааби , махаарааж̇а, зд̇арахиби саа язва бадибад̣̇аа, д̇ам̣ язва бадибад̣̇ам̣ бадибаж̇ж̇ид̇ваа б̣од̇хисад̇д̇о саб̣б̣ан̃н̃уд̇ам̣ бад̇д̇о. аби жа, махаарааж̇а, б̣од̇хисад̇д̇о ад̇ивийрияам̣ гаронд̇о ниравасзсад̇о аахаарам̣ убарунд̇хи. д̇асса аахааруубарод̇хзна жид̇д̇ад̣̇уб̣б̣аляам̣ уббаж̇ж̇и. со д̇зна д̣̇уб̣б̣алязна наасагки саб̣б̣ан̃н̃уд̇ам̣ баабун̣ид̇ум̣, со мад̇д̇амад̇д̇ам̣ габ̣ал̣ийгаараахаарам̣ сзванд̇о д̇ааязва бадибад̣̇ааяа нажирассзва саб̣б̣ан̃н̃уд̇ам̣ баабун̣и. со язва, махаарааж̇а, бадибад̣̇аа саб̣б̣зсам̣ д̇ат̇ааг̇ад̇аанам̣ саб̣б̣ан̃н̃уд̇ан̃аан̣аббадилаабхааяа.
‘‘Tadāpi , mahārāja, etarahipi sā yeva paṭipadā, taṃ yeva paṭipadaṃ paṭipajjitvā bodhisatto sabbaññutaṃ patto. Api ca, mahārāja, bodhisatto ativīriyaṃ karonto niravasesato āhāraṃ uparundhi. Tassa āhārūparodhena cittadubbalyaṃ uppajji. So tena dubbalyena nāsakkhi sabbaññutaṃ pāpuṇituṃ, so mattamattaṃ kabaḷīkārāhāraṃ sevanto tāyeva paṭipadāya nacirasseva sabbaññutaṃ pāpuṇi. So yeva, mahārāja, paṭipadā sabbesaṃ tathāgatānaṃ sabbaññutañāṇappaṭilābhāya.
‘‘яат̇аа, махаарааж̇а, саб̣б̣зсам̣ сад̇д̇аанам̣ аахааро убад̇т̇амбхо, аахааруубаниссид̇аа саб̣б̣з сад̇д̇аа сукам̣ анубхаванд̇и, звамзва ко, махаарааж̇а, саа язва бадибад̣̇аа саб̣б̣зсам̣ д̇ат̇ааг̇ад̇аанам̣ саб̣б̣ан̃н̃уд̇ан̃аан̣аббадилаабхааяа, нзсо, махаарааж̇а, д̣̇осо аарамбхасса, на ниггамасса, на гилзсаяуд̣̇д̇хасса, язна д̇ат̇ааг̇ад̇о д̇асмим̣ самаяз на баабун̣и саб̣б̣ан̃н̃уд̇ан̃аан̣ам̣, ат̇а ко аахааруубарод̇хассзвзсо д̣̇осо, сад̣̇аа бадияад̇д̇аа язвзсаа бадибад̣̇аа.
‘‘Yathā, mahārāja, sabbesaṃ sattānaṃ āhāro upatthambho, āhārūpanissitā sabbe sattā sukhaṃ anubhavanti, evameva kho, mahārāja, sā yeva paṭipadā sabbesaṃ tathāgatānaṃ sabbaññutañāṇappaṭilābhāya, neso, mahārāja, doso ārambhassa, na nikkamassa, na kilesayuddhassa, yena tathāgato tasmiṃ samaye na pāpuṇi sabbaññutañāṇaṃ, atha kho āhārūparodhasseveso doso, sadā paṭiyattā yevesā paṭipadā.
‘‘яат̇аа, махаарааж̇а, бурисо ад̣̇д̇хаанам̣ ад̇ивзг̇зна г̇ажчзяяа, д̇зна со багкахад̇о ваа бхавзяяа бийтасаббий ваа асан̃жаро бат̇авид̇алз. аби ну ко, махаарааж̇а, махаабат̇авияаа д̣̇осо ад̇т̇и, язна со бурисо багкахад̇о ахосий’’д̇и? ‘‘на хи, бханд̇з; сад̣̇аа бадияад̇д̇аа, бханд̇з, махаабат̇авий, гуд̇о д̇ассаа д̣̇осо? вааяаамассзвзсо д̣̇осо, язна со бурисо багкахад̇о ахосий’’д̇и. ‘‘звамзва ко, махаарааж̇а, нзсо д̣̇осо аарамбхасса, на ниггамасса, на гилзсаяуд̣̇д̇хасса, язна д̇ат̇ааг̇ад̇о д̇асмим̣ самаяз на баабун̣и саб̣б̣ан̃н̃уд̇ан̃аан̣ам̣, ат̇а ко аахааруубарод̇хассзвзсо д̣̇осо сад̣̇аа бадияад̇д̇аа язвзсаа бадибад̣̇аа.
‘‘Yathā, mahārāja, puriso addhānaṃ ativegena gaccheyya, tena so pakkhahato vā bhaveyya pīṭhasappī vā asañcaro pathavitale. Api nu kho, mahārāja, mahāpathaviyā doso atthi, yena so puriso pakkhahato ahosī’’ti? ‘‘Na hi, bhante; sadā paṭiyattā, bhante, mahāpathavī, kuto tassā doso? Vāyāmasseveso doso, yena so puriso pakkhahato ahosī’’ti. ‘‘Evameva kho, mahārāja, neso doso ārambhassa, na nikkamassa, na kilesayuddhassa, yena tathāgato tasmiṃ samaye na pāpuṇi sabbaññutañāṇaṃ, atha kho āhārūparodhasseveso doso sadā paṭiyattā yevesā paṭipadā.
‘‘яат̇аа ваа бана, махаарааж̇а, бурисо гилидтам̣ саадагам̣ ниваасзяяа, на со д̇ам̣ д̇ховаабзяяа, нзсо д̣̇осо уд̣̇агасса, сад̣̇аа бадияад̇д̇ам̣ уд̣̇агам̣. бурисассзвзсо д̣̇осо. звамзва ко, махаарааж̇а, нзсо д̣̇осо аарамбхасса, на ниггамасса, на гилзсаяуд̣̇д̇хасса, язна д̇ат̇ааг̇ад̇о д̇асмим̣ самаяз на баабун̣и саб̣б̣ан̃н̃уд̇ан̃аан̣ам̣, ат̇а ко аахааруубарод̇хассзвзсо д̣̇осо, сад̣̇аа бадияад̇д̇аа язвзсаа бадибад̣̇аа, д̇асмаа д̇ат̇ааг̇ад̇о д̇ааязва бадибад̣̇ааяа саавагз анусаасад̇и самаад̣̇абзд̇и, звам̣ ко, махаарааж̇а, сад̣̇аа бадияад̇д̇аа анаваж̇ж̇аа саа бадибад̣̇аа’’д̇и. ‘‘саад̇ху, бханд̇з нааг̇асзна, звамзд̇ам̣ д̇ат̇аа самбадижчаамий’’д̇и.
‘‘Yathā vā pana, mahārāja, puriso kiliṭṭhaṃ sāṭakaṃ nivāseyya, na so taṃ dhovāpeyya, neso doso udakassa, sadā paṭiyattaṃ udakaṃ. Purisasseveso doso. Evameva kho, mahārāja, neso doso ārambhassa, na nikkamassa, na kilesayuddhassa, yena tathāgato tasmiṃ samaye na pāpuṇi sabbaññutañāṇaṃ, atha kho āhārūparodhasseveso doso, sadā paṭiyattā yevesā paṭipadā, tasmā tathāgato tāyeva paṭipadāya sāvake anusāsati samādapeti, evaṃ kho, mahārāja, sadā paṭiyattā anavajjā sā paṭipadā’’ti. ‘‘Sādhu, bhante nāgasena, evametaṃ tathā sampaṭicchāmī’’ti.
бадибад̣̇аад̣̇осабан̃хо жад̇уд̇т̇о.
Paṭipadādosapañho catuttho.
Footnotes:
