| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. бадибад̣̇аасуд̇д̇ам̣
2. Paṭipadāsuttaṃ
44. саавад̇т̇инид̣̇аанам̣. ‘‘саггааяасамуд̣̇аяаг̇ааминин̃жа во, бхигкавз, бадибад̣̇ам̣ д̣̇зсзссаами, саггааяанирод̇хаг̇ааминин̃жа бадибад̣̇ам̣. д̇ам̣ сун̣аат̇а. гад̇амаа жа, бхигкавз, саггааяасамуд̣̇аяаг̇ааминий бадибад̣̇аа? ид̇ха, бхигкавз, ассуд̇аваа бут̇уж̇ж̇ано арияаанам̣ ад̣̇ассаавий арияад̇хаммасса аговид̣̇о арияад̇хаммз авинийд̇о, саббурисаанам̣ ад̣̇ассаавий саббурисад̇хаммасса аговид̣̇о саббурисад̇хаммз авинийд̇о, руубам̣ ад̇д̇ад̇о саманубассад̇и, руубаванд̇ам̣ ваа ад̇д̇аанам̣; ад̇д̇ани ваа руубам̣, руубасмим̣ ваа ад̇д̇аанам̣. взд̣̇анам̣ ад̇д̇ад̇о… сан̃н̃ам̣… сан̇каарз… вин̃н̃аан̣ам̣ ад̇д̇ад̇о саманубассад̇и, вин̃н̃аан̣аванд̇ам̣ ваа ад̇д̇аанам̣; ад̇д̇ани ваа вин̃н̃аан̣ам̣, вин̃н̃аан̣асмим̣ ваа ад̇д̇аанам̣. аяам̣ вужжад̇и, бхигкавз, ‘саггааяасамуд̣̇аяаг̇ааминий бадибад̣̇аа, саггааяасамуд̣̇аяаг̇ааминий бадибад̣̇аа’д̇и. ид̇и хид̣̇ам̣, бхигкавз, вужжад̇и ‘д̣̇угкасамуд̣̇аяаг̇ааминий саманубассанаа’д̇и. аяамзвзд̇т̇а ад̇т̇о’’.
44. Sāvatthinidānaṃ. ‘‘Sakkāyasamudayagāminiñca vo, bhikkhave, paṭipadaṃ desessāmi, sakkāyanirodhagāminiñca paṭipadaṃ. Taṃ suṇātha. Katamā ca, bhikkhave, sakkāyasamudayagāminī paṭipadā? Idha, bhikkhave, assutavā puthujjano ariyānaṃ adassāvī ariyadhammassa akovido ariyadhamme avinīto, sappurisānaṃ adassāvī sappurisadhammassa akovido sappurisadhamme avinīto, rūpaṃ attato samanupassati, rūpavantaṃ vā attānaṃ; attani vā rūpaṃ, rūpasmiṃ vā attānaṃ. Vedanaṃ attato… saññaṃ… saṅkhāre… viññāṇaṃ attato samanupassati, viññāṇavantaṃ vā attānaṃ; attani vā viññāṇaṃ, viññāṇasmiṃ vā attānaṃ. Ayaṃ vuccati, bhikkhave, ‘sakkāyasamudayagāminī paṭipadā, sakkāyasamudayagāminī paṭipadā’ti. Iti hidaṃ, bhikkhave, vuccati ‘dukkhasamudayagāminī samanupassanā’ti. Ayamevettha attho’’.
‘‘гад̇амаа жа, бхигкавз, саггааяанирод̇хаг̇ааминий бадибад̣̇аа? ид̇ха, бхигкавз, суд̇аваа арияасааваго арияаанам̣ д̣̇ассаавий арияад̇хаммасса говид̣̇о арияад̇хаммз сувинийд̇о, саббурисаанам̣ д̣̇ассаавий саббурисад̇хаммасса говид̣̇о саббурисад̇хаммз сувинийд̇о, на руубам̣ ад̇д̇ад̇о саманубассад̇и, на руубаванд̇ам̣ ваа ад̇д̇аанам̣ ; на ад̇д̇ани ваа руубам̣, на руубасмим̣ ваа ад̇д̇аанам̣. на взд̣̇анам̣ ад̇д̇ад̇о… на сан̃н̃ам̣… на сан̇каарз… на вин̃н̃аан̣ам̣ ад̇д̇ад̇о саманубассад̇и, на вин̃н̃аан̣аванд̇ам̣ ваа ад̇д̇аанам̣; на ад̇д̇ани ваа вин̃н̃аан̣ам̣, на вин̃н̃аан̣асмим̣ ваа ад̇д̇аанам̣. аяам̣ вужжад̇и, бхигкавз, ‘саггааяанирод̇хаг̇ааминий бадибад̣̇аа, саггааяанирод̇хаг̇ааминий бадибад̣̇аа’д̇и. ид̇и хид̣̇ам̣, бхигкавз, вужжад̇и ‘д̣̇угканирод̇хаг̇ааминий саманубассанаа’д̇и. аяамзвзд̇т̇а ад̇т̇о’’д̇и. д̣̇уд̇ияам̣.
‘‘Katamā ca, bhikkhave, sakkāyanirodhagāminī paṭipadā? Idha, bhikkhave, sutavā ariyasāvako ariyānaṃ dassāvī ariyadhammassa kovido ariyadhamme suvinīto, sappurisānaṃ dassāvī sappurisadhammassa kovido sappurisadhamme suvinīto, na rūpaṃ attato samanupassati, na rūpavantaṃ vā attānaṃ ; na attani vā rūpaṃ, na rūpasmiṃ vā attānaṃ. Na vedanaṃ attato… na saññaṃ… na saṅkhāre… na viññāṇaṃ attato samanupassati, na viññāṇavantaṃ vā attānaṃ; na attani vā viññāṇaṃ, na viññāṇasmiṃ vā attānaṃ. Ayaṃ vuccati, bhikkhave, ‘sakkāyanirodhagāminī paṭipadā, sakkāyanirodhagāminī paṭipadā’ti. Iti hidaṃ, bhikkhave, vuccati ‘dukkhanirodhagāminī samanupassanā’ti. Ayamevettha attho’’ti. Dutiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. бадибад̣̇аасуд̇д̇аван̣н̣анаа • 2. Paṭipadāsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. бадибад̣̇аасуд̇д̇аван̣н̣анаа • 2. Paṭipadāsuttavaṇṇanā
