| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. бадибад̣̇аасуд̇д̇аван̣н̣анаа
3. Paṭipadāsuttavaṇṇanā
3. д̇ад̇ияз мижчаабадибад̣̇анд̇и аяам̣ д̇аава анияяаанигабадибад̣̇аа. нану жа авиж̇ж̇аабажжаяаа бун̃н̃аабхисан̇каароби ад̇т̇и аанзн̃ж̇аабхисан̇каароби, со гат̇ам̣ мижчаабадибад̣̇аа ход̇ийд̇и. ваддасийсад̇д̇аа. яан̃хи гин̃жи бхавад̇д̇аяасан̇каад̇ам̣ ваддам̣ бад̇т̇зд̇ваа бавад̇д̇ид̇ам̣, анд̇амасо бан̃жаабхин̃н̃аа адта ваа бана самаабад̇д̇ияо, саб̣б̣ам̣ д̇ам̣ ваддабагкияам̣ ваддасийсанд̇и ваддасийсад̇д̇аа мижчаабадибад̣̇аава ход̇и. яам̣ бана гин̃жи виваддам̣ ниб̣б̣аанам̣ бад̇т̇зд̇ваа бавад̇д̇ид̇ам̣, анд̇амасо ул̣ун̇гаяааг̇умад̇д̇ад̣̇аанамби бан̣н̣амудтид̣̇аанамад̇д̇амби, саб̣б̣ам̣ д̇ам̣ виваддабагкияам̣ вивадданиссид̇ам̣, виваддабагкигад̇д̇аа саммаабадибад̣̇аава ход̇и. аббамад̇д̇агамби хи бан̣н̣амудтимад̇д̇ад̣̇аанагусалам̣ ваа ход̇у маханд̇ам̣ взлаамад̣̇аанаад̣̇игусалам̣ ваа, сажз ваддасамбад̇д̇им̣ бад̇т̇зд̇ваа вадданиссид̇авасзна мижчаа табид̇ам̣ ход̇и, ваддамзва аахарид̇ум̣ саггод̇и, но виваддам̣. ‘‘ид̣̇ам̣ мз д̣̇аанам̣ аасавагкаяаавахам̣ ход̇уу’’д̇и звам̣ бана виваддам̣ бад̇т̇знд̇зна виваддавасзна саммаа табид̇ам̣ арахад̇д̇амби бажжзгаб̣од̇хин̃аан̣амби саб̣б̣ан̃н̃уд̇ан̃н̃аан̣амби д̣̇аад̇ум̣ саггод̇иязва, на арахад̇д̇ам̣ аббад̇ваа барияосаанам̣ г̇ажчад̇и. ид̇и ануломавасзна мижчаабадибад̣̇аа, бадиломавасзна саммаабадибад̣̇аа д̣̇зсид̇аад̇и взд̣̇ид̇аб̣б̣аа. нану жзд̇т̇а бадибад̣̇аа бужчид̇аа, ниб̣б̣аанам̣ бхааж̇ид̇ам̣, нияяаад̇анзби бадибад̣̇аава нияяаад̇ид̇аа. на жа ниб̣б̣аанасса бадибад̣̇аад̇и наамам̣, савибассанаанам̣ бана жад̇уннам̣ маг̇г̇аанамзд̇ам̣ наамам̣, д̇асмаа бужчаанияяаад̇анзхи бад̣̇абхааж̇анам̣ на самзд̇ийд̇и. но на самзд̇и, гасмаа? палзна бадибад̣̇ааяа д̣̇ассид̇ад̇д̇аа. палзна хзд̇т̇а бадибад̣̇аа д̣̇ассид̇аа. ‘‘авиж̇ж̇ааяа д̇взва асзсавирааг̇анирод̇хаа сан̇кааранирод̇хо’’д̇и зд̇ам̣ нирод̇хасан̇каад̇ам̣ ниб̣б̣аанам̣ яассаа бадибад̣̇ааяа палам̣, аяам̣ вужжад̇и, бхигкавз, саммаабадибад̣̇аад̇и аяамзд̇т̇а ад̇т̇о. имасмин̃жа ад̇т̇з асзсавирааг̇анирод̇хаад̇и зд̇т̇а вирааг̇о нирод̇хассзва взважанам̣, асзсавирааг̇аа асзсанирод̇хаад̇и аяан̃хзд̇т̇а ад̇хиббааяо. язна ваа вирааг̇асан̇каад̇зна маг̇г̇зна асзсанирод̇хо ход̇и, д̇ам̣ д̣̇ассзд̇ум̣ зд̇ам̣ бад̣̇абхааж̇анам̣ вуд̇д̇ам̣. зван̃хи сад̇и саанубхааваа бадибад̣̇аа вибхад̇д̇аа ход̇и. ид̇и имасмимби суд̇д̇з ваддавиваддамзва гат̇ид̇анд̇и. д̇ад̇ияам̣.
3. Tatiye micchāpaṭipadanti ayaṃ tāva aniyyānikapaṭipadā. Nanu ca avijjāpaccayā puññābhisaṅkhāropi atthi āneñjābhisaṅkhāropi, so kathaṃ micchāpaṭipadā hotīti. Vaṭṭasīsattā. Yañhi kiñci bhavattayasaṅkhātaṃ vaṭṭaṃ patthetvā pavattitaṃ, antamaso pañcābhiññā aṭṭha vā pana samāpattiyo, sabbaṃ taṃ vaṭṭapakkhiyaṃ vaṭṭasīsanti vaṭṭasīsattā micchāpaṭipadāva hoti. Yaṃ pana kiñci vivaṭṭaṃ nibbānaṃ patthetvā pavattitaṃ, antamaso uḷuṅkayāgumattadānampi paṇṇamuṭṭhidānamattampi, sabbaṃ taṃ vivaṭṭapakkhiyaṃ vivaṭṭanissitaṃ, vivaṭṭapakkhikattā sammāpaṭipadāva hoti. Appamattakampi hi paṇṇamuṭṭhimattadānakusalaṃ vā hotu mahantaṃ velāmadānādikusalaṃ vā, sace vaṭṭasampattiṃ patthetvā vaṭṭanissitavasena micchā ṭhapitaṃ hoti, vaṭṭameva āharituṃ sakkoti, no vivaṭṭaṃ. ‘‘Idaṃ me dānaṃ āsavakkhayāvahaṃ hotū’’ti evaṃ pana vivaṭṭaṃ patthentena vivaṭṭavasena sammā ṭhapitaṃ arahattampi paccekabodhiñāṇampi sabbaññutaññāṇampi dātuṃ sakkotiyeva, na arahattaṃ appatvā pariyosānaṃ gacchati. Iti anulomavasena micchāpaṭipadā, paṭilomavasena sammāpaṭipadā desitāti veditabbā. Nanu cettha paṭipadā pucchitā, nibbānaṃ bhājitaṃ, niyyātanepi paṭipadāva niyyātitā. Na ca nibbānassa paṭipadāti nāmaṃ, savipassanānaṃ pana catunnaṃ maggānametaṃ nāmaṃ, tasmā pucchāniyyātanehi padabhājanaṃ na sametīti. No na sameti, kasmā? Phalena paṭipadāya dassitattā. Phalena hettha paṭipadā dassitā. ‘‘Avijjāya tveva asesavirāganirodhā saṅkhāranirodho’’ti etaṃ nirodhasaṅkhātaṃ nibbānaṃ yassā paṭipadāya phalaṃ, ayaṃ vuccati, bhikkhave, sammāpaṭipadāti ayamettha attho. Imasmiñca atthe asesavirāganirodhāti ettha virāgo nirodhasseva vevacanaṃ, asesavirāgā asesanirodhāti ayañhettha adhippāyo. Yena vā virāgasaṅkhātena maggena asesanirodho hoti, taṃ dassetuṃ etaṃ padabhājanaṃ vuttaṃ. Evañhi sati sānubhāvā paṭipadā vibhattā hoti. Iti imasmimpi sutte vaṭṭavivaṭṭameva kathitanti. Tatiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. бадибад̣̇аасуд̇д̇ам̣ • 3. Paṭipadāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. бадибад̣̇аасуд̇д̇аван̣н̣анаа • 3. Paṭipadāsuttavaṇṇanā
