| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. бадибад̣̇аасуд̇д̇аван̣н̣анаа
3. Paṭipadāsuttavaṇṇanā
3. мижчаа бадибаж̇ж̇ад̇и зд̇ааяаад̇и мижчаабадибад̣̇аа, ваддаг̇аамимаг̇г̇о д̣̇угкаавахад̇д̇аа. д̇ам̣ мижчаабадибад̣̇ам̣. д̇знааха ‘‘анияяаанигабадибад̣̇аа’’д̇и. со бун̃н̃аабхисан̇кааро гат̇ам̣ мижчаабадибад̣̇аа ход̇ийд̇и? самбад̇д̇ибхавз сукаавахова ход̇ийд̇и ад̇хиббааяо. ваддасийсад̇д̇аад̇и ваддабагкияаанам̣ уд̇д̇аман̇г̇абхаавад̇о. анд̇амасод̇и уггам̣сабарияанд̇ам̣ санд̇хааяа вад̣̇ад̇и авагам̣сабарияанд̇ад̇о. ‘‘ид̣̇ам̣ мз бун̃н̃ам̣ ниб̣б̣аанаад̇хиг̇амааяа бажжаяо ход̇уу’’д̇и звам̣ ниб̣б̣аанам̣ бад̇т̇зд̇ваа бавад̇д̇ид̇ам̣. бан̣н̣амудтид̣̇аанамад̇д̇анд̇и саагабан̣н̣амудтид̣̇аанамад̇д̇ам̣. аббад̇ваад̇и анд̇ог̇ад̇хахзд̇у зса нид̣̇д̣̇зсо, абаабзд̇ваад̇и ад̇т̇о. яад̣̇аг̇г̇зна ваа бадибаж̇ж̇анад̇о арахад̇д̇ам̣ бад̇д̇од̇и вужжад̇и, д̇ад̣̇аг̇г̇зна д̇ад̣̇аавахаа бадибад̣̇ааби бад̇д̇аад̇и вужжад̇ийд̇и ‘‘аббад̇ваа’’д̇и вуд̇д̇ам̣. ануломавасзнаад̇и ануломабадижжасамуббаад̣̇авасзна. бадиломавасзнаад̇и зд̇т̇ааби зсзва наяо. бадибад̣̇аа бужчид̇аад̇и зд̇зна бадибад̣̇аа д̣̇зсзд̇ум̣ аарад̣̇д̇хаад̇и аяамби ад̇т̇о сан̇г̇ахид̇о яат̇аарад̣̇д̇хасса ад̇т̇асса гат̇зд̇угамяад̇аабужчааяа ид̇хааг̇ад̇ад̇д̇аа. ануломабадижжасамуббаад̣̇ад̣̇зсанааяамбзд̇т̇а б̣яад̇ирзгамукзна авиж̇ж̇аад̣̇инирод̇хаа бана виж̇ж̇ааяа сад̇и ход̇и сан̇каараанам̣ асамбхавод̇и вуд̇д̇ам̣ ‘‘ниб̣б̣аанам̣ бхааж̇ид̇а’’нд̇и. саруубзна бана д̇ааяа ваддамзва багаасид̇ам̣. вагкад̇и хи барияосаанз ‘‘ваддавиваддамзва гат̇ид̇а’’нд̇и. нияяаад̇анзд̇и ниг̇аманз. палзнаад̇и бад̇д̇аб̣б̣апалзна бадибад̣̇ааяа самбаабагахзд̇уно д̣̇ассид̇ад̇д̇аа. яат̇аа хи д̇ивид̇хо хзд̇у н̃аабаго, ниб̣б̣ад̇д̇аго, самбаабагод̇и, звам̣ д̇ивид̇хам̣ палам̣ н̃аабзд̇аб̣б̣ам̣, ниб̣б̣ад̇д̇зд̇аб̣б̣ам̣, самбаабзд̇аб̣б̣анд̇и. д̇асмаа бад̇д̇аб̣б̣апалзна ниб̣б̣аанзна д̇ам̣самбаабагахзд̇убхууд̇ааяа бадибад̣̇ааяа д̣̇ассид̇ад̇д̇аад̇и ад̇т̇о. д̇знааха ‘‘палзна хзд̇т̇аа’’д̇иаад̣̇и. аяам̣ вужжад̇ийд̇и звам̣ ниб̣б̣аанапалаа аяам̣ ‘‘саммаабадибад̣̇аа’’д̇и вужжад̇и. асзсавирааг̇аа асзсанирод̇хаад̇и самужчзд̣̇аббахаанавасзна авиж̇ж̇ааяа асзсавираж̇ж̇анад̇о асзсанируж̇жханад̇о жа. бад̣̇ад̣̇ваязнаби ануббаад̣̇анирод̇хамзва вад̣̇ад̇и. д̇ан̃хи ниб̣б̣аанам̣. д̣̇уд̇ияавигаббз аяам̣ зд̇т̇а ад̇хиббааяо – язна маг̇г̇зна гаран̣абхууд̇зна асзсанирод̇хо ход̇и, авиж̇ж̇ааяа асзсанирод̇хо яам̣ ааг̇амма ход̇и, д̇ам̣ маг̇г̇ам̣ д̣̇ассзд̇унд̇и. зван̃хи сад̇ийд̇и звам̣ бад̣̇абхааж̇анасса ниб̣б̣аанасса бад̣̇ад̇т̇з сад̇и. саанубхааваа бадибад̣̇аа вибхад̇д̇аа ход̇ийд̇и авиж̇ж̇ааяа асзсанирод̇хахзд̇убадибад̣̇аа д̇ад̇т̇а саад̇исаяасаамад̇т̇ияасамааяог̇ад̇о саанубхааваа вибхад̇д̇аа ход̇и. мижчаабадибад̣̇ааг̇ахан̣знзд̇т̇а ваддассаби вибхад̇д̇ад̇д̇аа вуд̇д̇ам̣ ‘‘ваддавиваддамзва гат̇ид̇а’’нд̇и.
3. Micchā paṭipajjati etāyāti micchāpaṭipadā, vaṭṭagāmimaggo dukkhāvahattā. Taṃ micchāpaṭipadaṃ. Tenāha ‘‘aniyyānikapaṭipadā’’ti. So puññābhisaṅkhāro kathaṃ micchāpaṭipadā hotīti? Sampattibhave sukhāvahova hotīti adhippāyo. Vaṭṭasīsattāti vaṭṭapakkhiyānaṃ uttamaṅgabhāvato. Antamasoti ukkaṃsapariyantaṃ sandhāya vadati avakaṃsapariyantato. ‘‘Idaṃ me puññaṃ nibbānādhigamāya paccayo hotū’’ti evaṃ nibbānaṃ patthetvā pavattitaṃ. Paṇṇamuṭṭhidānamattanti sākapaṇṇamuṭṭhidānamattaṃ. Appatvāti antogadhahetu esa niddeso, apāpetvāti attho. Yadaggena vā paṭipajjanato arahattaṃ pattoti vuccati, tadaggena tadāvahā paṭipadāpi pattāti vuccatīti ‘‘appatvā’’ti vuttaṃ. Anulomavasenāti anulomapaṭiccasamuppādavasena. Paṭilomavasenāti etthāpi eseva nayo. Paṭipadā pucchitāti etena paṭipadā desetuṃ āraddhāti ayampi attho saṅgahito yathāraddhassa atthassa kathetukamyatāpucchāya idhāgatattā. Anulomapaṭiccasamuppādadesanāyampettha byatirekamukhena avijjādinirodhā pana vijjāya sati hoti saṅkhārānaṃ asambhavoti vuttaṃ ‘‘nibbānaṃ bhājita’’nti. Sarūpena pana tāya vaṭṭameva pakāsitaṃ. Vakkhati hi pariyosāne ‘‘vaṭṭavivaṭṭameva kathita’’nti. Niyyātaneti nigamane. Phalenāti pattabbaphalena paṭipadāya sampāpakahetuno dassitattā. Yathā hi tividho hetu ñāpako, nibbattako, sampāpakoti, evaṃ tividhaṃ phalaṃ ñāpetabbaṃ, nibbattetabbaṃ, sampāpetabbanti. Tasmā pattabbaphalena nibbānena taṃsampāpakahetubhūtāya paṭipadāya dassitattāti attho. Tenāha ‘‘phalena hetthā’’tiādi. Ayaṃ vuccatīti evaṃ nibbānaphalā ayaṃ ‘‘sammāpaṭipadā’’ti vuccati. Asesavirāgā asesanirodhāti samucchedappahānavasena avijjāya asesavirajjanato asesanirujjhanato ca. Padadvayenapi anuppādanirodhameva vadati. Tañhi nibbānaṃ. Dutiyavikappe ayaṃ ettha adhippāyo – yena maggena karaṇabhūtena asesanirodho hoti, avijjāya asesanirodho yaṃ āgamma hoti, taṃ maggaṃ dassetunti. Evañhi satīti evaṃ padabhājanassa nibbānassa padatthe sati. Sānubhāvā paṭipadā vibhattā hotīti avijjāya asesanirodhahetupaṭipadā tattha sātisayasāmatthiyasamāyogato sānubhāvā vibhattā hoti. Micchāpaṭipadāgahaṇenettha vaṭṭassapi vibhattattā vuttaṃ ‘‘vaṭṭavivaṭṭameva kathita’’nti.
бадибад̣̇аасуд̇д̇аван̣н̣анаа нидтид̇аа.
Paṭipadāsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. бадибад̣̇аасуд̇д̇ам̣ • 3. Paṭipadāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. бадибад̣̇аасуд̇д̇аван̣н̣анаа • 3. Paṭipadāsuttavaṇṇanā
