| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
4. படிபத்திவக்³க³வண்ணனா
4. Paṭipattivaggavaṇṇanā
31-40. சதுத்தே² மிச்சா²படிபத்திந்தி அயாதா²வபடிபத்திங். மிச்சா²படிபன்னந்தி அயாதா²வபடிபன்னங். இதி ஏகங் ஸுத்தங் த⁴ம்மவஸேன கதி²தங், ஏகங் புக்³க³லவஸேன. அபாரா பாரந்தி வட்டதோ நிப்³பா³னங். பாரகா³மினோதி எத்த² யேபி பாரங்க³தா, யேபி க³ச்ச²ந்தி, யேபி க³மிஸ்ஸந்தி, ஸப்³பே³ பாரகா³மினொத்வேவ வேதி³தப்³பா³.
31-40. Catutthe micchāpaṭipattinti ayāthāvapaṭipattiṃ. Micchāpaṭipannanti ayāthāvapaṭipannaṃ. Iti ekaṃ suttaṃ dhammavasena kathitaṃ, ekaṃ puggalavasena. Apārā pāranti vaṭṭato nibbānaṃ. Pāragāminoti ettha yepi pāraṅgatā, yepi gacchanti, yepi gamissanti, sabbe pāragāminotveva veditabbā.
தீரமேவானுதா⁴வதீதி வட்டமேவ அனுதா⁴வதி, வட்டே விசரதி. கண்ஹந்தி அகுஸலத⁴ம்மங். ஸுக்கந்தி குஸலத⁴ம்மங். ஓகா அனோகந்தி வட்டதோ நிப்³பா³னங். ஆக³ம்மாதி ஆரப்³ப⁴ ஸந்தா⁴ய படிச்ச. பரியோத³பெய்யாதி பரிஸுத்³த⁴ங் கரெய்ய. சித்தக்லேஸேஹீதி சித்தங் கிலிஸ்ஸாபெந்தேஹி நீவரணேஹி. ஸம்போ³தி⁴யங்கே³ஸூதி ஸத்தஸு பொ³ஜ்ஜ²ங்கே³ஸு.
Tīramevānudhāvatīti vaṭṭameva anudhāvati, vaṭṭe vicarati. Kaṇhanti akusaladhammaṃ. Sukkanti kusaladhammaṃ. Okā anokanti vaṭṭato nibbānaṃ. Āgammāti ārabbha sandhāya paṭicca. Pariyodapeyyāti parisuddhaṃ kareyya. Cittaklesehīti cittaṃ kilissāpentehi nīvaraṇehi. Sambodhiyaṅgesūti sattasu bojjhaṅgesu.
ஸாமஞ்ஞத்த²ந்தி நிப்³பா³னங். தஞ்ஹி ஸாமஞ்ஞேன உபக³ந்தப்³ப³தோ ஸாமஞ்ஞத்தோ²தி வுச்சதி. ப்³ரஹ்மஞ்ஞந்தி ஸெட்ட²பா⁴வங். ப்³ரஹ்மஞ்ஞத்த²ந்தி நிப்³பா³னங் ப்³ரஹ்மஞ்ஞேன உபக³ந்தப்³ப³தோ. யத்த² யத்த² பன ஹெட்டா² ச இமேஸு ச தீஸு ஸுத்தேஸு ‘‘ராக³க்க²யோ’’தி ஆக³தங், தத்த² தத்த² அரஹத்தம்பி வட்டதியேவாதி வத³ந்தி.
Sāmaññatthanti nibbānaṃ. Tañhi sāmaññena upagantabbato sāmaññatthoti vuccati. Brahmaññanti seṭṭhabhāvaṃ. Brahmaññatthanti nibbānaṃ brahmaññena upagantabbato. Yattha yattha pana heṭṭhā ca imesu ca tīsu suttesu ‘‘rāgakkhayo’’ti āgataṃ, tattha tattha arahattampi vaṭṭatiyevāti vadanti.
படிபத்திவக்³கோ³ சதுத்தோ².
Paṭipattivaggo catuttho.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya
1. பட²மபடிபத்திஸுத்தங் • 1. Paṭhamapaṭipattisuttaṃ
2. து³தியபடிபத்திஸுத்தங் • 2. Dutiyapaṭipattisuttaṃ
3. விரத்³த⁴ஸுத்தங் • 3. Viraddhasuttaṃ
4. பாரங்க³மஸுத்தங் • 4. Pāraṅgamasuttaṃ
5. பட²மஸாமஞ்ஞஸுத்தங் • 5. Paṭhamasāmaññasuttaṃ
6. து³தியஸாமஞ்ஞஸுத்தங் • 6. Dutiyasāmaññasuttaṃ
7. பட²மப்³ரஹ்மஞ்ஞஸுத்தங் • 7. Paṭhamabrahmaññasuttaṃ
8. து³தியப்³ரஹ்மஞ்ஞஸுத்தங் • 8. Dutiyabrahmaññasuttaṃ
9. பட²மப்³ரஹ்மசரியஸுத்தங் • 9. Paṭhamabrahmacariyasuttaṃ
10. து³தியப்³ரஹ்மசரியஸுத்தங் • 10. Dutiyabrahmacariyasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4. படிபத்திவக்³க³வண்ணனா • 4. Paṭipattivaggavaṇṇanā
