| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৪. পটিপত্তিৰগ্গৰণ্ণনা
4. Paṭipattivaggavaṇṇanā
৩১-৪০. চতুত্থে মিচ্ছাপটিপত্তিন্তি অযাথাৰপটিপত্তিং। মিচ্ছাপটিপন্নন্তি অযাথাৰপটিপন্নং। ইতি একং সুত্তং ধম্মৰসেন কথিতং, একং পুগ্গলৰসেন। অপারা পারন্তি ৰট্টতো নিব্বানং। পারগামিনোতি এত্থ যেপি পারঙ্গতা, যেপি গচ্ছন্তি, যেপি গমিস্সন্তি, সব্বে পারগামিনোত্ৰেৰ ৰেদিতব্বা।
31-40. Catutthe micchāpaṭipattinti ayāthāvapaṭipattiṃ. Micchāpaṭipannanti ayāthāvapaṭipannaṃ. Iti ekaṃ suttaṃ dhammavasena kathitaṃ, ekaṃ puggalavasena. Apārā pāranti vaṭṭato nibbānaṃ. Pāragāminoti ettha yepi pāraṅgatā, yepi gacchanti, yepi gamissanti, sabbe pāragāminotveva veditabbā.
তীরমেৰানুধাৰতীতি ৰট্টমেৰ অনুধাৰতি, ৰট্টে ৰিচরতি। কণ্হন্তি অকুসলধম্মং। সুক্কন্তি কুসলধম্মং। ওকা অনোকন্তি ৰট্টতো নিব্বানং। আগম্মাতি আরব্ভ সন্ধায পটিচ্চ। পরিযোদপেয্যাতি পরিসুদ্ধং করেয্য। চিত্তক্লেসেহীতি চিত্তং কিলিস্সাপেন্তেহি নীৰরণেহি। সম্বোধিযঙ্গেসূতি সত্তসু বোজ্ঝঙ্গেসু।
Tīramevānudhāvatīti vaṭṭameva anudhāvati, vaṭṭe vicarati. Kaṇhanti akusaladhammaṃ. Sukkanti kusaladhammaṃ. Okā anokanti vaṭṭato nibbānaṃ. Āgammāti ārabbha sandhāya paṭicca. Pariyodapeyyāti parisuddhaṃ kareyya. Cittaklesehīti cittaṃ kilissāpentehi nīvaraṇehi. Sambodhiyaṅgesūti sattasu bojjhaṅgesu.
সামঞ্ঞত্থন্তি নিব্বানং। তঞ্হি সামঞ্ঞেন উপগন্তব্বতো সামঞ্ঞত্থোতি ৰুচ্চতি। ব্রহ্মঞ্ঞন্তি সেট্ঠভাৰং। ব্রহ্মঞ্ঞত্থন্তি নিব্বানং ব্রহ্মঞ্ঞেন উপগন্তব্বতো। যত্থ যত্থ পন হেট্ঠা চ ইমেসু চ তীসু সুত্তেসু ‘‘রাগক্খযো’’তি আগতং, তত্থ তত্থ অরহত্তম্পি ৰট্টতিযেৰাতি ৰদন্তি।
Sāmaññatthanti nibbānaṃ. Tañhi sāmaññena upagantabbato sāmaññatthoti vuccati. Brahmaññanti seṭṭhabhāvaṃ. Brahmaññatthanti nibbānaṃ brahmaññena upagantabbato. Yattha yattha pana heṭṭhā ca imesu ca tīsu suttesu ‘‘rāgakkhayo’’ti āgataṃ, tattha tattha arahattampi vaṭṭatiyevāti vadanti.
পটিপত্তিৰগ্গো চতুত্থো।
Paṭipattivaggo catuttho.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya
১. পঠমপটিপত্তিসুত্তং • 1. Paṭhamapaṭipattisuttaṃ
২. দুতিযপটিপত্তিসুত্তং • 2. Dutiyapaṭipattisuttaṃ
৩. ৰিরদ্ধসুত্তং • 3. Viraddhasuttaṃ
৪. পারঙ্গমসুত্তং • 4. Pāraṅgamasuttaṃ
৫. পঠমসামঞ্ঞসুত্তং • 5. Paṭhamasāmaññasuttaṃ
৬. দুতিযসামঞ্ঞসুত্তং • 6. Dutiyasāmaññasuttaṃ
৭. পঠমব্রহ্মঞ্ঞসুত্তং • 7. Paṭhamabrahmaññasuttaṃ
৮. দুতিযব্রহ্মঞ্ঞসুত্তং • 8. Dutiyabrahmaññasuttaṃ
৯. পঠমব্রহ্মচরিযসুত্তং • 9. Paṭhamabrahmacariyasuttaṃ
১০. দুতিযব্রহ্মচরিযসুত্তং • 10. Dutiyabrahmacariyasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৪. পটিপত্তিৰগ্গৰণ্ণনা • 4. Paṭipattivaggavaṇṇanā
