Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā)

4. бадибад̇д̇иваг̇г̇аван̣н̣анаа

4. Paṭipattivaggavaṇṇanā

31-40. аяаат̇аавабадибад̇д̇и, на яат̇аабадибад̇д̇и, хзд̇умхиби палзби аяаат̇аававад̇т̇усаад̇ханад̇о. згам̣ суд̇д̇ам̣ д̇хаммавасзна гат̇ид̇ам̣ бадибад̇д̇ивасзна. згам̣ суд̇д̇ам̣ буг̇г̇алавасзна гат̇ид̇ам̣ бадибаннагавасзна. сам̣саарамахогхасса барад̇ийрабхаавад̇о яо нам̣ ад̇хиг̇ажчад̇и, д̇ам̣ баарзд̇и г̇амзд̇ийд̇и баарам̣, ниб̣б̣аанам̣, д̇аб̣б̣ид̇хурад̇ааяа над̇т̇и зд̇т̇а бааранд̇и абаарам̣, сам̣саарод̇и вуд̇д̇ам̣ – ‘‘абаараабааранд̇и ваддад̇о ниб̣б̣аана’’нд̇и. бааран̇г̇ад̇аад̇и асзгкз санд̇хааяа. язби г̇ажчанд̇ийд̇и сзгкз. язби г̇амиссанд̇ийд̇и галяаан̣абут̇уж̇ж̇анз. баараг̇ааминод̇и зд̇т̇а гид̇а-сад̣̇д̣̇о д̇игаалаваажийд̇и звам̣ вуд̇д̇ам̣.

31-40.Ayāthāvapaṭipatti, na yathāpaṭipatti, hetumhipi phalepi ayāthāvavatthusādhanato. Ekaṃ suttaṃ dhammavasena kathitaṃ paṭipattivasena. Ekaṃ suttaṃ puggalavasena kathitaṃ paṭipannakavasena. Saṃsāramahoghassa paratīrabhāvato yo naṃ adhigacchati, taṃ pāreti gametīti pāraṃ, nibbānaṃ, tabbidhuratāya natthi ettha pāranti apāraṃ, saṃsāroti vuttaṃ – ‘‘apārāpāranti vaṭṭato nibbāna’’nti. Pāraṅgatāti asekkhe sandhāya. Yepi gacchantīti sekkhe. Yepi gamissantīti kalyāṇaputhujjane. Pāragāminoti ettha kita-saddo tikālavācīti evaṃ vuttaṃ.

д̇ийранд̇и оримад̇ийрамааха. д̇зна вуд̇д̇ам̣ ‘‘ваддамзва ануд̇хаавад̇ий’’д̇и. зганд̇агаал̣агад̇д̇аа жид̇д̇асса абабхассарабхаавагаран̣ад̇о ган̣хаабхиж̇аад̇ихзд̇уд̇о жа вуд̇д̇ам̣ ‘‘ган̣ханд̇и агусалад̇хамма’’нд̇и. вод̣̇аанабхаавад̇о жид̇д̇асса бабхассарабхаавагаран̣ад̇о суггаабхиж̇аад̇ихзд̇уд̇о жа вуд̇д̇ам̣ – ‘‘сугганд̇и гусалад̇хамма’’нд̇и. гилзсамаара-абхисан̇каарамаара-мажжумаараанам̣ бавад̇д̇идтаанад̇ааяа огам̣ вужжад̇и ваддам̣, д̇аб̣б̣ид̇хурад̇ааяа аноганд̇и ниб̣б̣аананд̇и ааха – ‘‘огаа аноганд̇и ваддад̇о ниб̣б̣аана’’нд̇и.

Tīranti orimatīramāha. Tena vuttaṃ ‘‘vaṭṭameva anudhāvatī’’ti. Ekantakāḷakattā cittassa apabhassarabhāvakaraṇato kaṇhābhijātihetuto ca vuttaṃ ‘‘kaṇhanti akusaladhamma’’nti. Vodānabhāvato cittassa pabhassarabhāvakaraṇato sukkābhijātihetuto ca vuttaṃ – ‘‘sukkanti kusaladhamma’’nti. Kilesamāra-abhisaṅkhāramāra-maccumārānaṃ pavattiṭṭhānatāya okaṃ vuccati vaṭṭaṃ, tabbidhuratāya anokanti nibbānanti āha – ‘‘okā anokanti vaṭṭato nibbāna’’nti.

барамад̇т̇ад̇о саман̣аа вужжанд̇и арияаа, саман̣аанам̣ бхааво сааман̃н̃ам̣, арияамаг̇г̇о, д̇зна аран̣ийяад̇о убаг̇анд̇аб̣б̣ад̇о сааман̃н̃ад̇т̇о ниб̣б̣аананд̇и ааха – ‘‘сааман̃н̃ад̇т̇анд̇и ниб̣б̣аанам̣, д̇ам̣ хий’’д̇иаад̣̇и. б̣рахман̃н̃ад̇т̇анд̇и зд̇т̇ааби иминаа наязна ад̇т̇о взд̣̇ид̇аб̣б̣о. б̣рахман̃н̃зна арияамаг̇г̇зна. рааг̇агкаяод̇и зд̇т̇а ид̇и-сад̣̇д̣̇о аад̣̇исад̣̇д̣̇ад̇т̇о. д̇зна ‘‘д̣̇осагкаяо мохагкаяо’’д̇и бад̣̇ад̣̇ваяам̣ сан̇г̇ан̣хаад̇и. ваддад̇иязваад̇и вад̣̇анд̇и ‘‘рааг̇агкаяо’’д̇и. барияааязна хи арахад̇д̇асса вад̇д̇аб̣б̣ад̇д̇аад̇и.

Paramatthato samaṇā vuccanti ariyā, samaṇānaṃ bhāvo sāmaññaṃ, ariyamaggo, tena araṇīyato upagantabbato sāmaññattho nibbānanti āha – ‘‘sāmaññatthanti nibbānaṃ, taṃ hī’’tiādi. Brahmaññatthanti etthāpi iminā nayena attho veditabbo. Brahmaññena ariyamaggena. Rāgakkhayoti ettha iti-saddo ādisaddattho. Tena ‘‘dosakkhayo mohakkhayo’’ti padadvayaṃ saṅgaṇhāti. Vaṭṭatiyevāti vadanti ‘‘rāgakkhayo’’ti. Pariyāyena hi arahattassa vattabbattāti.

бадибад̇д̇иваг̇г̇аван̣н̣анаа нидтид̇аа.

Paṭipattivaggavaṇṇanā niṭṭhitā.

Next: 5. ан̃н̃ад̇ид̇т̇ияабзяяаалаваг̇г̇аван̣н̣анаа • 5. Aññatitthiyapeyyālavaggavaṇṇanā

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. бадибад̇д̇иваг̇г̇аван̣н̣анаа • 4. Paṭipattivaggavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact